| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[229] 9. балааяид̇аж̇аад̇агаван̣н̣анаа
[229] 9. Palāyitajātakavaṇṇanā
г̇аж̇аг̇г̇амзгхзхийд̇и ид̣̇ам̣ сад̇т̇аа ж̇зд̇аванз вихаранд̇о балааяид̇абариб̣б̣ааж̇агам̣ аараб̣бха гат̇зси. со гира ваад̣̇ад̇т̇ааяа сагалаж̇амб̣уд̣̇ийбам̣ вижарид̇ваа ган̃жи бадиваад̣̇им̣ алабхид̇ваа анубуб̣б̣зна саавад̇т̇им̣ г̇анд̇ваа ‘‘ад̇т̇и ну ко гожи маяаа сад̣̇д̇хим̣ ваад̣̇ам̣ гаад̇ум̣ самад̇т̇о’’д̇и мануссз бужчи. мануссаа ‘‘д̇аад̣̇исаанам̣ сахассзнаби сад̣̇д̇хим̣ ваад̣̇ам̣ гаад̇ум̣ самад̇т̇о саб̣б̣ан̃н̃уу д̣̇вибад̣̇аанам̣ аг̇г̇о махааг̇од̇амо д̇хаммиссаро бараббаваад̣̇амад̣̇д̣̇ано, сагалзби ж̇амб̣уд̣̇ийбз уббанно бараббаваад̣̇о д̇ам̣ бхаг̇аванд̇ам̣ ад̇иггамид̇ум̣ самад̇т̇о наама над̇т̇и. взланд̇ам̣ бад̇ваа самуд̣̇д̣̇ауумияо вияа хи саб̣б̣аваад̣̇аа д̇асса баад̣̇амуулам̣ бад̇ваа жун̣н̣авижун̣н̣аа хонд̇ий’’д̇и б̣уд̣̇д̇хаг̇ун̣з гат̇зсум̣. бариб̣б̣ааж̇аго ‘‘гахам̣ бана со зд̇арахий’’д̇и бужчид̇ваа ‘‘ж̇зд̇аванз’’д̇и суд̇ваа ‘‘ид̣̇аанисса ваад̣̇ам̣ ааробзссаамий’’д̇и махааж̇анабаривуд̇о ж̇зд̇аванам̣ г̇ажчанд̇о ж̇зд̇зна рааж̇агумаарзна навагодид̇ханам̣ виссаж̇ж̇зд̇ваа гаарид̇ам̣ ж̇зд̇аванад̣̇ваарагодтагам̣ д̣̇исваа ‘‘аяам̣ саман̣асса г̇од̇амасса васанабаасаад̣̇о’’д̇и бужчид̇ваа ‘‘д̣̇ваарагодтаго аяа’’нд̇и суд̇ваа ‘‘д̣̇ваарагодтаго д̇аава зваруубо, васанаг̇зхам̣ гийд̣̇исам̣ бхависсад̇ий’’д̇и вад̇ваа ‘‘г̇анд̇хагуди наама аббамзяяаа’’д̇и вуд̇д̇з ‘‘зваруубзна саман̣зна сад̣̇д̇хим̣ го ваад̣̇ам̣ гариссад̇ий’’д̇и д̇ад̇ова балааяи. мануссаа уннаад̣̇ино худ̇ваа ж̇зд̇аванам̣ бависид̇ваа сад̇т̇аараа ‘‘гим̣ агаалз ааг̇ад̇ад̇т̇аа’’д̇и вуд̇д̇аа д̇ам̣ бавад̇д̇им̣ гат̇аяим̣су. сад̇т̇аа ‘‘на ко убаасагаа ид̣̇аанзва, буб̣б̣збзса мама васанадтаанасса д̣̇ваарагодтагам̣ д̣̇исваа балааяад̇зваа’’д̇и вад̇ваа д̇зхи яаажид̇о ад̇ийд̇ам̣ аахари.
Gajaggameghehīti idaṃ satthā jetavane viharanto palāyitaparibbājakaṃ ārabbha kathesi. So kira vādatthāya sakalajambudīpaṃ vicaritvā kañci paṭivādiṃ alabhitvā anupubbena sāvatthiṃ gantvā ‘‘atthi nu kho koci mayā saddhiṃ vādaṃ kātuṃ samattho’’ti manusse pucchi. Manussā ‘‘tādisānaṃ sahassenapi saddhiṃ vādaṃ kātuṃ samattho sabbaññū dvipadānaṃ aggo mahāgotamo dhammissaro parappavādamaddano, sakalepi jambudīpe uppanno parappavādo taṃ bhagavantaṃ atikkamituṃ samattho nāma natthi. Velantaṃ patvā samuddaūmiyo viya hi sabbavādā tassa pādamūlaṃ patvā cuṇṇavicuṇṇā hontī’’ti buddhaguṇe kathesuṃ. Paribbājako ‘‘kahaṃ pana so etarahī’’ti pucchitvā ‘‘jetavane’’ti sutvā ‘‘idānissa vādaṃ āropessāmī’’ti mahājanaparivuto jetavanaṃ gacchanto jetena rājakumārena navakoṭidhanaṃ vissajjetvā kāritaṃ jetavanadvārakoṭṭhakaṃ disvā ‘‘ayaṃ samaṇassa gotamassa vasanapāsādo’’ti pucchitvā ‘‘dvārakoṭṭhako aya’’nti sutvā ‘‘dvārakoṭṭhako tāva evarūpo, vasanagehaṃ kīdisaṃ bhavissatī’’ti vatvā ‘‘gandhakuṭi nāma appameyyā’’ti vutte ‘‘evarūpena samaṇena saddhiṃ ko vādaṃ karissatī’’ti tatova palāyi. Manussā unnādino hutvā jetavanaṃ pavisitvā satthārā ‘‘kiṃ akāle āgatatthā’’ti vuttā taṃ pavattiṃ kathayiṃsu. Satthā ‘‘na kho upāsakā idāneva, pubbepesa mama vasanaṭṭhānassa dvārakoṭṭhakaṃ disvā palāyatevā’’ti vatvā tehi yācito atītaṃ āhari.
ад̇ийд̇з г̇анд̇хаарарадтз д̇аггасилааяам̣ б̣од̇хисад̇д̇о раж̇ж̇ам̣ гаарзси, б̣аараан̣асияам̣ б̣рахмад̣̇ад̇д̇о. со ‘‘д̇аггасилам̣ г̇ан̣хиссаамий’’д̇и маханд̇зна б̣алагааязна г̇анд̇ваа наг̇арад̇о авид̣̇уурз тад̇ваа ‘‘иминаа нияаамзна хад̇т̇ий бзсзт̇а, иминаа ассз, иминаа рат̇з, иминаа бад̇д̇ий, звам̣ д̇хаавид̇ваа аавуд̇хзхи бахарат̇а, звам̣ гханавассавалаахагаа вияа саравассам̣ вассат̇аа’’д̇и д̇знам̣ вижаарзнд̇о имам̣ г̇аат̇аад̣̇ваяамааха –
Atīte gandhāraraṭṭhe takkasilāyaṃ bodhisatto rajjaṃ kāresi, bārāṇasiyaṃ brahmadatto. So ‘‘takkasilaṃ gaṇhissāmī’’ti mahantena balakāyena gantvā nagarato avidūre ṭhatvā ‘‘iminā niyāmena hatthī pesetha, iminā asse, iminā rathe, iminā pattī, evaṃ dhāvitvā āvudhehi paharatha, evaṃ ghanavassavalāhakā viya saravassaṃ vassathā’’ti tenaṃ vicārento imaṃ gāthādvayamāha –
157.
157.
‘‘г̇аж̇аг̇г̇амзгхзхи хаяаг̇г̇амаалибхи, рат̇уумиж̇аад̇зхи сараабхивассзбхи;
‘‘Gajaggameghehi hayaggamālibhi, rathūmijātehi sarābhivassebhi;
т̇аруг̇г̇ахааваддад̣̇ал̣хаббахаарибхи, бариваарид̇аа д̇аггасилаа саманд̇ад̇о.
Tharuggahāvaṭṭadaḷhappahāribhi, parivāritā takkasilā samantato.
158.
158.
‘‘абхид̇хаават̇а жуубад̇хаават̇а жа, вивид̇хаа винаад̣̇ид̇аа вад̣̇анд̇ибхи;
‘‘Abhidhāvatha cūpadhāvatha ca, vividhā vināditā vadantibhi;
вад̇д̇ад̇аж̇ж̇а д̇умуло гхосо яат̇аа, виж̇ж̇улад̇аа ж̇алад̇харасса г̇аж̇ж̇ад̇о’’д̇и.
Vattatajja tumulo ghoso yathā, vijjulatā jaladharassa gajjato’’ti.
д̇ад̇т̇а г̇аж̇аг̇г̇амзгхзхийд̇и аг̇г̇аг̇аж̇амзгхзхи, гон̃жанаад̣̇ам̣ г̇аж̇ж̇анд̇зхи мад̇д̇аваравааран̣авалаахагзхийд̇и ад̇т̇о. хаяаг̇г̇амаалибхийд̇и аг̇г̇ахаяамаалийхи, варасинд̇хававалаахагагулзхи ассаанийгзхийд̇и ад̇т̇о. рат̇уумиж̇аад̇зхийд̇и сан̃ж̇аад̇ауумивзг̇зхи сааг̇арасалилзхи вияа сан̃ж̇аад̇арат̇уумийхи, рат̇аанийгзхийд̇и ад̇т̇о. сараабхивассзбхийд̇и д̇зхиязва рат̇аанийгзхи гханавассамзгхо вияа саравассам̣ вассанд̇зхи . т̇аруг̇г̇ахааваддад̣̇ал̣хаббахаарибхийд̇и т̇аруг̇г̇ахзхи ааваддад̣̇ал̣хаббахаарийхи, ид̇о жид̇о жа аавад̇д̇ид̇ваа баривад̇д̇ид̇ваа д̣̇ал̣хам̣ бахаранд̇зхи г̇ахид̇акаг̇г̇арад̇анат̇аруд̣̇ан̣д̣зхи бад̇д̇ияод̇хзхи жаад̇и ад̇т̇о. бариваарид̇аа д̇аггасилаа саманд̇ад̇од̇и яат̇аа аяам̣ д̇аггасилаа бариваарид̇аа ход̇и, сийгхам̣ д̇ат̇аа гарот̇аад̇и ад̇т̇о.
Tattha gajaggameghehīti aggagajameghehi, koñcanādaṃ gajjantehi mattavaravāraṇavalāhakehīti attho. Hayaggamālibhīti aggahayamālīhi, varasindhavavalāhakakulehi assānīkehīti attho. Rathūmijātehīti sañjātaūmivegehi sāgarasalilehi viya sañjātarathūmīhi, rathānīkehīti attho. Sarābhivassebhīti tehiyeva rathānīkehi ghanavassamegho viya saravassaṃ vassantehi . Tharuggahāvaṭṭadaḷhappahāribhīti tharuggahehi āvaṭṭadaḷhappahārīhi, ito cito ca āvattitvā parivattitvā daḷhaṃ paharantehi gahitakhaggaratanatharudaṇḍehi pattiyodhehi cāti attho. Parivāritā takkasilā samantatoti yathā ayaṃ takkasilā parivāritā hoti, sīghaṃ tathā karothāti attho.
абхид̇хаават̇а жуубад̇хаават̇а жаад̇и взг̇зна д̇хаават̇а жзва убад̇хаават̇а жа. вивид̇хаа винаад̣̇ид̇аа вад̣̇анд̇ибхийд̇и варавааран̣зхи сад̣̇д̇хим̣ вивид̇хаа винад̣̇ид̇аа бхават̇а, сзлид̇аг̇аж̇ж̇ид̇аваад̣̇ид̇зхи наанаавираваа хот̇аад̇и ад̇т̇о. вад̇д̇ад̇аж̇ж̇а д̇умуло гхосод̇и вад̇д̇ад̇у аж̇ж̇а д̇умуло маханд̇о асанисад̣̇д̣̇асад̣̇исо гхосо. яат̇аа виж̇ж̇улад̇аа ж̇алад̇харасса г̇аж̇ж̇ад̇од̇и яат̇аа г̇аж̇ж̇анд̇асса ж̇алад̇харасса мукад̇о ниг̇г̇ад̇аа виж̇ж̇улад̇аа жаранд̇и, звам̣ вижаранд̇аа наг̇арам̣ бариваарзд̇ваа раж̇ж̇ам̣ г̇ан̣хат̇аад̇и вад̣̇ад̇и.
Abhidhāvathacūpadhāvatha cāti vegena dhāvatha ceva upadhāvatha ca. Vividhā vināditā vadantibhīti varavāraṇehi saddhiṃ vividhā vinaditā bhavatha, selitagajjitavāditehi nānāviravā hothāti attho. Vattatajja tumulo ghosoti vattatu ajja tumulo mahanto asanisaddasadiso ghoso. Yathā vijjulatā jaladharassa gajjatoti yathā gajjantassa jaladharassa mukhato niggatā vijjulatā caranti, evaṃ vicarantā nagaraṃ parivāretvā rajjaṃ gaṇhathāti vadati.
ид̇и со рааж̇аа г̇аж̇ж̇ид̇ваа сзнам̣ вижаарзд̇ваа наг̇арад̣̇ваарасамийбам̣ г̇анд̇ваа д̣̇ваарагодтагам̣ д̣̇исваа ‘‘ид̣̇ам̣ ран̃н̃о васанаг̇зха’’нд̇и бужчид̇ваа ‘‘аяам̣ наг̇арад̣̇ваарагодтаго’’д̇и вуд̇д̇з ‘‘наг̇арад̣̇ваарагодтаго д̇аава зваруубо, ран̃н̃о нивзсанам̣ гийд̣̇исам̣ бхависсад̇ий’’д̇и вад̇ваа ‘‘взж̇аяанд̇абаасаад̣̇асад̣̇иса’’нд̇и суд̇ваа ‘‘звам̣ яасасамбаннзна ран̃н̃аа сад̣̇д̇хим̣ яуж̇жхид̇ум̣ на сагкиссаамаа’’д̇и д̣̇ваарагодтагам̣ д̣̇исваава нивад̇д̇ид̇ваа балааяид̇ваа б̣аараан̣асимзва аг̇амааси.
Iti so rājā gajjitvā senaṃ vicāretvā nagaradvārasamīpaṃ gantvā dvārakoṭṭhakaṃ disvā ‘‘idaṃ rañño vasanageha’’nti pucchitvā ‘‘ayaṃ nagaradvārakoṭṭhako’’ti vutte ‘‘nagaradvārakoṭṭhako tāva evarūpo, rañño nivesanaṃ kīdisaṃ bhavissatī’’ti vatvā ‘‘vejayantapāsādasadisa’’nti sutvā ‘‘evaṃ yasasampannena raññā saddhiṃ yujjhituṃ na sakkhissāmā’’ti dvārakoṭṭhakaṃ disvāva nivattitvā palāyitvā bārāṇasimeva agamāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа б̣аараан̣асирааж̇аа балааяид̇абариб̣б̣ааж̇аго ахоси, д̇аггасиларааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā bārāṇasirājā palāyitaparibbājako ahosi, takkasilarājā pana ahameva ahosi’’nti.
балааяид̇аж̇аад̇агаван̣н̣анаа навамаа.
Palāyitajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 229. балааяид̇аж̇аад̇агам̣ • 229. Palāyitajātakaṃ
