| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૨૦૦. પલિબોધાપલિબોધકથા
200. Palibodhāpalibodhakathā
૩૨૫. દ્વેમે , ભિક્ખવે, કથિનસ્સ પલિબોધા, દ્વે અપલિબોધા. કતમે ચ, ભિક્ખવે, દ્વે કથિનસ્સ પલિબોધા? આવાસપલિબોધો ચ ચીવરપલિબોધો ચ. કથઞ્ચ, ભિક્ખવે, આવાસપલિબોધો હોતિ? ઇધ, ભિક્ખવે, ભિક્ખુ વસતિ વા તસ્મિં આવાસે, સાપેક્ખો વા પક્કમતિ ‘‘પચ્ચેસ્સ’’ન્તિ. એવં ખો, ભિક્ખવે, આવાસપલિબોધો હોતિ. કથઞ્ચ, ભિક્ખવે, ચીવરપલિબોધો હોતિ? ઇધ, ભિક્ખવે, ભિક્ખુનો ચીવરં અકતં વા હોતિ વિપ્પકતં વા, ચીવરાસા વા અનુપચ્છિન્ના. એવં ખો, ભિક્ખવે, ચીવરપલિબોધો હોતિ. ઇમે ખો, ભિક્ખવે, દ્વે કથિનસ્સ પલિબોધા.
325. Dveme , bhikkhave, kathinassa palibodhā, dve apalibodhā. Katame ca, bhikkhave, dve kathinassa palibodhā? Āvāsapalibodho ca cīvarapalibodho ca. Kathañca, bhikkhave, āvāsapalibodho hoti? Idha, bhikkhave, bhikkhu vasati vā tasmiṃ āvāse, sāpekkho vā pakkamati ‘‘paccessa’’nti. Evaṃ kho, bhikkhave, āvāsapalibodho hoti. Kathañca, bhikkhave, cīvarapalibodho hoti? Idha, bhikkhave, bhikkhuno cīvaraṃ akataṃ vā hoti vippakataṃ vā, cīvarāsā vā anupacchinnā. Evaṃ kho, bhikkhave, cīvarapalibodho hoti. Ime kho, bhikkhave, dve kathinassa palibodhā.
કતમે ચ, ભિક્ખવે, દ્વે કથિનસ્સ અપલિબોધા? આવાસઅપલિબોધો ચ ચીવરઅપલિબોધો ચ. કથઞ્ચ, ભિક્ખવે, આવાસઅપલિબોધો હોતિ? ઇધ, ભિક્ખવે, ભિક્ખુ પક્કમતિ તમ્હા આવાસા ચત્તેન વન્તેન મુત્તેન અનપેક્ખો 1 ‘‘ન પચ્ચેસ્સ’’ન્તિ. એવં ખો, ભિક્ખવે, આવાસઅપલિબોધો હોતિ. કથઞ્ચ, ભિક્ખવે, ચીવરઅપલિબોધો હોતિ? ઇધ, ભિક્ખવે, ભિક્ખુનો ચીવરં કતં વા હોતિ, નટ્ઠં વા વિનટ્ઠં વા દડ્ઢં વા, ચીવરાસા વા ઉપચ્છિન્ના. એવં ખો, ભિક્ખવે, ચીવરઅપલિબોધો હોતિ. ઇમે ખો, ભિક્ખવે, દ્વે કથિનસ્સ અપલિબોધાતિ.
Katame ca, bhikkhave, dve kathinassa apalibodhā? Āvāsaapalibodho ca cīvaraapalibodho ca. Kathañca, bhikkhave, āvāsaapalibodho hoti? Idha, bhikkhave, bhikkhu pakkamati tamhā āvāsā cattena vantena muttena anapekkho 2 ‘‘na paccessa’’nti. Evaṃ kho, bhikkhave, āvāsaapalibodho hoti. Kathañca, bhikkhave, cīvaraapalibodho hoti? Idha, bhikkhave, bhikkhuno cīvaraṃ kataṃ vā hoti, naṭṭhaṃ vā vinaṭṭhaṃ vā daḍḍhaṃ vā, cīvarāsā vā upacchinnā. Evaṃ kho, bhikkhave, cīvaraapalibodho hoti. Ime kho, bhikkhave, dve kathinassa apalibodhāti.
પલિબોધાપલિબોધકથા નિટ્ઠિતા.
Palibodhāpalibodhakathā niṭṭhitā.
કથિનક્ખન્ધકો નિટ્ઠિતો સત્તમો.
Kathinakkhandhako niṭṭhito sattamo.
Footnotes:
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / આદાયસત્તકકથા • Ādāyasattakakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / આદાયસત્તકકથાવણ્ણના • Ādāyasattakakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / આદાયસત્તકકથાવણ્ણના • Ādāyasattakakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૮૮. આદાયસત્તકકથા • 188. Ādāyasattakakathā
