| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਪਲ੍ਲਙ੍ਕਦਾਯਕਤ੍ਥੇਰਅਪਦਾਨવਣ੍ਣਨਾ
10. Pallaṅkadāyakattheraapadānavaṇṇanā
ਸੁਮੇਧਸ੍ਸ ਭਗવਤੋਤਿਆਦਿਕਂ ਆਯਸ੍ਮਤੋ ਪਲ੍ਲਙ੍ਕਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕੇਸੁ ਭવੇਸੁ ਨਿਬ੍ਬਾਨਾਧਿਗਮਤ੍ਥਾਯ ਕਤਪੁਞ੍ਞੂਪਚਯੋ ਸੁਮੇਧਸ੍ਸ ਭਗવਤੋ ਕਾਲੇ ਗਹਪਤਿਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਮਹਾਭੋਗਸਮ੍ਪਨ੍ਨੋ ਸਤ੍ਥਰਿ ਪਸੀਦਿਤ੍વਾ ਧਮ੍ਮਂ ਸੁਤ੍વਾ ਤਸ੍ਸ ਸਤ੍ਥੁਨੋ ਸਤ੍ਤਰਤਨਮਯਂ ਪਲ੍ਲਙ੍ਕਂ ਕਾਰੇਤ੍વਾ ਮਹਨ੍ਤਂ ਪੂਜਂ ਅਕਾਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਸਬ੍ਬਤ੍ਥ ਪੂਜਿਤੋ ਅਹੋਸਿ। ਸੋ ਅਨੁਕ੍ਕਮੇਨ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਤ੍વਾ ਪੁਬ੍ਬੇ ਕਤਪੁਞ੍ਞਨਾਮੇਨ ਪਲ੍ਲਙ੍ਕਦਾਯਕਤ੍ਥੇਰੋਤਿ ਪਾਕਟੋ ਅਹੋਸਿ। ਹੇਟ੍ਠਾ વਿਯ ਉਪਰਿਪਿ ਪੁਬ੍ਬੇ ਕਤਪੁਞ੍ਞਨਾਮੇਨ ਥੇਰਾਨਂ ਨਾਮਾਨਿ ਏવਮੇવ વੇਦਿਤਬ੍ਬਾਨਿ।
Sumedhassabhagavatotiādikaṃ āyasmato pallaṅkadāyakattherassa apadānaṃ. Ayampi purimabuddhesu katādhikāro anekesu bhavesu nibbānādhigamatthāya katapuññūpacayo sumedhassa bhagavato kāle gahapatikule nibbatto vuddhimanvāya mahābhogasampanno satthari pasīditvā dhammaṃ sutvā tassa satthuno sattaratanamayaṃ pallaṅkaṃ kāretvā mahantaṃ pūjaṃ akāsi. So tena puññena devamanussesu saṃsaranto sabbattha pūjito ahosi. So anukkamena imasmiṃ buddhuppāde vibhavasampanne ekasmiṃ kule nibbatto viññutaṃ patto gharāvāsaṃ saṇṭhapetvā satthu dhammadesanaṃ sutvā pasanno pabbajitvā nacirasseva arahattaṃ patvā pubbe katapuññanāmena pallaṅkadāyakattheroti pākaṭo ahosi. Heṭṭhā viya uparipi pubbe katapuññanāmena therānaṃ nāmāni evameva veditabbāni.
੪੭. ਸੋ ਏਕਦਿવਸਂ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁਮੇਧਸ੍ਸ ਭਗવਤੋਤਿਆਦਿਮਾਹ। ਪਲ੍ਲਙ੍ਕੋ ਹਿ ਮਯਾ ਦਿਨ੍ਨੋਤਿ ਪਲ੍ਲਙ੍ਕਂ ਊਰੁਬਦ੍ਧਾਸਨਂ ਕਤ੍વਾ ਯਤ੍ਥ ਉਪવੀਸਨ੍ਤਿ ਨਿਸੀਦਨ੍ਤਿ, ਸੋ ਪਲ੍ਲਙ੍ਕੋਤਿ વੁਚ੍ਚਤਿ, ਸੋ ਪਲ੍ਲਙ੍ਕੋ ਸਤ੍ਤਰਤਨਮਯੋ ਮਯਾ ਦਿਨ੍ਨੋ ਪੂਜਿਤੋਤਿ ਅਤ੍ਥੋ। ਸਉਤ੍ਤਰਸਪਚ੍ਛਦੋਤਿ ਸਹ ਉਤ੍ਤਰਚ੍ਛਦੇਨ ਸਹ ਪਚ੍ਛਦੇਨ ਸਉਤ੍ਤਰਸਪਚ੍ਛਦੋ, ਉਪਰਿવਿਤਾਨਂ ਬਨ੍ਧਿਤ੍વਾ ਆਸਨਂ ਉਤ੍ਤਮવਤ੍ਥੇਹਿ ਅਚ੍ਛਾਦੇਤ੍વਾਤਿ ਅਤ੍ਥੋ। ਸੇਸਂ ਪਾਕਟਮੇવਾਤਿ।
47. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento sumedhassa bhagavatotiādimāha. Pallaṅko hi mayā dinnoti pallaṅkaṃ ūrubaddhāsanaṃ katvā yattha upavīsanti nisīdanti, so pallaṅkoti vuccati, so pallaṅko sattaratanamayo mayā dinno pūjitoti attho. Sauttarasapacchadoti saha uttaracchadena saha pacchadena sauttarasapacchado, uparivitānaṃ bandhitvā āsanaṃ uttamavatthehi acchādetvāti attho. Sesaṃ pākaṭamevāti.
ਪਲ੍ਲਙ੍ਕਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Pallaṅkadāyakattheraapadānavaṇṇanā samattā.
ਪਨ੍ਨਰਸਮવਗ੍ਗવਣ੍ਣਨਾ ਸਮਤ੍ਤਾ।
Pannarasamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. વਟਂਸਕਿਯਤ੍ਥੇਰਅਪਦਾਨਂ • 9. Vaṭaṃsakiyattheraapadānaṃ
