| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. бамаад̣̇авихаарийсуд̇д̇ам̣
4. Pamādavihārīsuttaṃ
97. ‘‘бамаад̣̇авихаарин̃жа во, бхигкавз, д̣̇зсзссаами аббамаад̣̇авихаарин̃жа. д̇ам̣ сун̣аат̇а. гат̇ан̃жа, бхигкавз, бамаад̣̇авихаарий ход̇и? жагкунд̣̇рияам̣ асам̣вуд̇асса, бхигкавз, вихарад̇о жид̇д̇ам̣ б̣яаасин̃жад̇и 1. жагкувин̃н̃зяязсу руубзсу д̇асса б̣яаасид̇д̇ажид̇д̇асса баамож̇ж̇ам̣ на ход̇и. баамож̇ж̇з асад̇и бийд̇и на ход̇и. бийд̇ияаа асад̇и бассад̣̇д̇хи на ход̇и. бассад̣̇д̇хияаа асад̇и д̣̇угкам̣ ход̇и. д̣̇угкино жид̇д̇ам̣ на самаад̇хияад̇и. асамаахид̇з жид̇д̇з д̇хаммаа на баад̇убхаванд̇и. д̇хаммаанам̣ абаад̇убхааваа бамаад̣̇авихаарий д̇взва сан̇кам̣ г̇ажчад̇и…бз… ж̇ивхинд̣̇рияам̣ асам̣вуд̇асса, бхигкавз, вихарад̇о жид̇д̇ам̣ б̣яаасин̃жад̇и ж̇ивхаавин̃н̃зяязсу расзсу, д̇асса б̣яаасид̇д̇ажид̇д̇асса…бз… бамаад̣̇авихаарий д̇взва сан̇кам̣ г̇ажчад̇и…бз… манинд̣̇рияам̣ асам̣вуд̇асса, бхигкавз, вихарад̇о жид̇д̇ам̣ б̣яаасин̃жад̇и мановин̃н̃зяязсу д̇хаммзсу, д̇асса б̣яаасид̇д̇ажид̇д̇асса баамож̇ж̇ам̣ на ход̇и. баамож̇ж̇з асад̇и бийд̇и на ход̇и . бийд̇ияаа асад̇и бассад̣̇д̇хи на ход̇и. бассад̣̇д̇хияаа асад̇и д̣̇угкам̣ ход̇и. д̣̇угкино жид̇д̇ам̣ на самаад̇хияад̇и. асамаахид̇з жид̇д̇з д̇хаммаа на баад̇убхаванд̇и . д̇хаммаанам̣ абаад̇убхааваа бамаад̣̇авихаарий д̇взва сан̇кам̣ г̇ажчад̇и. звам̣ ко, бхигкавз, бамаад̣̇авихаарий ход̇и.
97. ‘‘Pamādavihāriñca vo, bhikkhave, desessāmi appamādavihāriñca. Taṃ suṇātha. Kathañca, bhikkhave, pamādavihārī hoti? Cakkhundriyaṃ asaṃvutassa, bhikkhave, viharato cittaṃ byāsiñcati 2. Cakkhuviññeyyesu rūpesu tassa byāsittacittassa pāmojjaṃ na hoti. Pāmojje asati pīti na hoti. Pītiyā asati passaddhi na hoti. Passaddhiyā asati dukkhaṃ hoti. Dukkhino cittaṃ na samādhiyati. Asamāhite citte dhammā na pātubhavanti. Dhammānaṃ apātubhāvā pamādavihārī tveva saṅkhaṃ gacchati…pe… jivhindriyaṃ asaṃvutassa, bhikkhave, viharato cittaṃ byāsiñcati jivhāviññeyyesu rasesu, tassa byāsittacittassa…pe… pamādavihārī tveva saṅkhaṃ gacchati…pe… manindriyaṃ asaṃvutassa, bhikkhave, viharato cittaṃ byāsiñcati manoviññeyyesu dhammesu, tassa byāsittacittassa pāmojjaṃ na hoti. Pāmojje asati pīti na hoti . Pītiyā asati passaddhi na hoti. Passaddhiyā asati dukkhaṃ hoti. Dukkhino cittaṃ na samādhiyati. Asamāhite citte dhammā na pātubhavanti . Dhammānaṃ apātubhāvā pamādavihārī tveva saṅkhaṃ gacchati. Evaṃ kho, bhikkhave, pamādavihārī hoti.
‘‘гат̇ан̃жа, бхигкавз, аббамаад̣̇авихаарий ход̇и? жагкунд̣̇рияам̣ сам̣вуд̇асса, бхигкавз, вихарад̇о жид̇д̇ам̣ на б̣яаасин̃жад̇и жагкувин̃н̃зяязсу руубзсу, д̇асса аб̣яаасид̇д̇ажид̇д̇асса баамож̇ж̇ам̣ ж̇ааяад̇и. бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ вихарад̇и. сукино жид̇д̇ам̣ самаад̇хияад̇и. самаахид̇з жид̇д̇з д̇хаммаа баад̇убхаванд̇и. д̇хаммаанам̣ баад̇убхааваа аббамаад̣̇авихаарий д̇взва сан̇кам̣ г̇ажчад̇и…бз… ж̇ивхинд̣̇рияам̣ сам̣вуд̇асса, бхигкавз, вихарад̇о жид̇д̇ам̣ на б̣яаасин̃жад̇и…бз… аббамаад̣̇авихаарий д̇взва сан̇кам̣ г̇ажчад̇и. манинд̣̇рияам̣ сам̣вуд̇асса, бхигкавз, вихарад̇о жид̇д̇ам̣ на б̣яаасин̃жад̇и, мановин̃н̃зяязсу д̇хаммзсу, д̇асса аб̣яаасид̇д̇ажид̇д̇асса баамож̇ж̇ам̣ ж̇ааяад̇и. бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ вихарад̇и. сукино жид̇д̇ам̣ самаад̇хияад̇и. самаахид̇з жид̇д̇з д̇хаммаа баад̇убхаванд̇и. д̇хаммаанам̣ баад̇убхааваа аббамаад̣̇авихаарий д̇взва сан̇кам̣ г̇ажчад̇и. звам̣ ко, бхигкавз, аббамаад̣̇авихаарий ход̇ий’’д̇и. жад̇уд̇т̇ам̣.
‘‘Kathañca, bhikkhave, appamādavihārī hoti? Cakkhundriyaṃ saṃvutassa, bhikkhave, viharato cittaṃ na byāsiñcati cakkhuviññeyyesu rūpesu, tassa abyāsittacittassa pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ viharati. Sukhino cittaṃ samādhiyati. Samāhite citte dhammā pātubhavanti. Dhammānaṃ pātubhāvā appamādavihārī tveva saṅkhaṃ gacchati…pe… jivhindriyaṃ saṃvutassa, bhikkhave, viharato cittaṃ na byāsiñcati…pe… appamādavihārī tveva saṅkhaṃ gacchati. Manindriyaṃ saṃvutassa, bhikkhave, viharato cittaṃ na byāsiñcati, manoviññeyyesu dhammesu, tassa abyāsittacittassa pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ viharati. Sukhino cittaṃ samādhiyati. Samāhite citte dhammā pātubhavanti. Dhammānaṃ pātubhāvā appamādavihārī tveva saṅkhaṃ gacchati. Evaṃ kho, bhikkhave, appamādavihārī hotī’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. бамаад̣̇авихаарийсуд̇д̇аван̣н̣анаа • 4. Pamādavihārīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. бамаад̣̇авихаарийсуд̇д̇аван̣н̣анаа • 4. Pamādavihārīsuttavaṇṇanā
