| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. पानधिदायकत्थेरअपदानं
9. Pānadhidāyakattheraapadānaṃ
७१.
71.
‘‘अनोमदस्सी भगवा, लोकजेट्ठो नरासभो।
‘‘Anomadassī bhagavā, lokajeṭṭho narāsabho;
७२.
72.
‘‘पानधिं सुकतं गय्ह, अद्धानं पटिपज्जहं।
‘‘Pānadhiṃ sukataṃ gayha, addhānaṃ paṭipajjahaṃ;
तत्थद्दसासिं सम्बुद्धं, पत्तिकं चारुदस्सनं॥
Tatthaddasāsiṃ sambuddhaṃ, pattikaṃ cārudassanaṃ.
७३.
73.
‘‘सकं चित्तं पसादेत्वा, नीहरित्वान पानधिं।
‘‘Sakaṃ cittaṃ pasādetvā, nīharitvāna pānadhiṃ;
पादमूले ठपेत्वान, इदं वचनमब्रविं॥
Pādamūle ṭhapetvāna, idaṃ vacanamabraviṃ.
७४.
74.
‘‘‘अभिरूह महावीर, सुगतिन्द विनायक।
‘‘‘Abhirūha mahāvīra, sugatinda vināyaka;
इतो फलं लभिस्सामि, सो मे अत्थो समिज्झतु’॥
Ito phalaṃ labhissāmi, so me attho samijjhatu’.
७५.
75.
‘‘अनोमदस्सी भगवा, लोकजेट्ठो नरासभो।
‘‘Anomadassī bhagavā, lokajeṭṭho narāsabho;
पानधिं अभिरूहित्वा, इदं वचनमब्रवि॥
Pānadhiṃ abhirūhitvā, idaṃ vacanamabravi.
७६.
76.
‘‘‘यो पानधिं मे अदासि, पसन्नो सेहि पाणिभि।
‘‘‘Yo pānadhiṃ me adāsi, pasanno sehi pāṇibhi;
तमहं कित्तयिस्सामि, सुणाथ मम भासतो’॥
Tamahaṃ kittayissāmi, suṇātha mama bhāsato’.
७७.
77.
‘‘बुद्धस्स गिरमञ्ञाय, सब्बे देवा समागता।
‘‘Buddhassa giramaññāya, sabbe devā samāgatā;
उदग्गचित्ता सुमना, वेदजाता कतञ्जली॥
Udaggacittā sumanā, vedajātā katañjalī.
७८.
78.
‘‘पानधीनं पदानेन, सुखितोयं भविस्सति।
‘‘Pānadhīnaṃ padānena, sukhitoyaṃ bhavissati;
पञ्चपञ्ञासक्खत्तुञ्च, देवरज्जं करिस्सति॥
Pañcapaññāsakkhattuñca, devarajjaṃ karissati.
७९.
79.
‘‘सहस्सक्खत्तुं राजा च, चक्कवत्ती भविस्सति।
‘‘Sahassakkhattuṃ rājā ca, cakkavattī bhavissati;
पदेसरज्जं विपुलं, गणनातो असङ्खियं॥
Padesarajjaṃ vipulaṃ, gaṇanāto asaṅkhiyaṃ.
८०.
80.
‘‘अपरिमेय्ये इतो कप्पे, ओक्काककुलसम्भवो।
‘‘Aparimeyye ito kappe, okkākakulasambhavo;
८१.
81.
‘‘तस्स धम्मेसु दायादो, ओरसो धम्मनिम्मितो।
‘‘Tassa dhammesu dāyādo, oraso dhammanimmito;
सब्बासवे परिञ्ञाय, निब्बायिस्सतिनासवो॥
Sabbāsave pariññāya, nibbāyissatināsavo.
८२.
82.
‘‘देवलोके मनुस्से वा, निब्बत्तिस्सति पुञ्ञवा।
‘‘Devaloke manusse vā, nibbattissati puññavā;
देवयानपटिभागं, यानं पटिलभिस्सति॥
Devayānapaṭibhāgaṃ, yānaṃ paṭilabhissati.
८३.
83.
‘‘पासादा सिविका वय्हं, हत्थिनो समलङ्कता।
‘‘Pāsādā sivikā vayhaṃ, hatthino samalaṅkatā;
रथा वाजञ्ञसंयुत्ता, सदा पातुभवन्ति मे॥
Rathā vājaññasaṃyuttā, sadā pātubhavanti me.
८४.
84.
‘‘अगारा निक्खमन्तोपि, रथेन निक्खमिं अहं।
‘‘Agārā nikkhamantopi, rathena nikkhamiṃ ahaṃ;
केसेसु छिज्जमानेसु, अरहत्तमपापुणिं॥
Kesesu chijjamānesu, arahattamapāpuṇiṃ.
८५.
85.
‘‘लाभा मय्हं सुलद्धं मे, वाणिज्जं सुप्पयोजितं।
‘‘Lābhā mayhaṃ suladdhaṃ me, vāṇijjaṃ suppayojitaṃ;
दत्वान पानधिं एकं, पत्तोम्हि अचलं पदं॥
Datvāna pānadhiṃ ekaṃ, pattomhi acalaṃ padaṃ.
८६.
86.
‘‘अपरिमेय्ये इतो कप्पे, यं पानधिमदासहं।
‘‘Aparimeyye ito kappe, yaṃ pānadhimadāsahaṃ;
दुग्गतिं नाभिजानामि, पानधिस्स इदं फलं॥
Duggatiṃ nābhijānāmi, pānadhissa idaṃ phalaṃ.
८७.
87.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
८८.
88.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
८९.
89.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पानधिदायको थेरो इमा गाथायो
Itthaṃ sudaṃ āyasmā pānadhidāyako thero imā gāthāyo
अभासित्थाति।
Abhāsitthāti.
पानधिदायकत्थेरस्सापदानं नवमं।
Pānadhidāyakattherassāpadānaṃ navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-६०. सकिंसम्मज्जकत्थेरअपदानादिवण्णना • 1-60. Sakiṃsammajjakattheraapadānādivaṇṇanā
