| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. баан̣асуд̇д̇ам̣
6. Pāṇasuttaṃ
1106. ‘‘сзяяат̇ааби, бхигкавз, бурисо яам̣ имасмим̣ ж̇амб̣уд̣̇ийбз д̇ин̣агадтасаакаабалаасам̣ д̇ажчзд̇ваа згаж̇жхам̣ сам̣харзяяа; згаж̇жхам̣ сам̣харид̇ваа суулам̣ гарзяяа. суулам̣ гарид̇ваа яз махаасамуд̣̇д̣̇з маханд̇агаа баан̣аа д̇з маханд̇агзсу суулзсу аавунзяяа, яз махаасамуд̣̇д̣̇з маж̇жхимагаа баан̣аа д̇з маж̇жхимагзсу суулзсу аавунзяяа, яз махаасамуд̣̇д̣̇з сукумагаа баан̣аа д̇з сукумагзсу суулзсу аавунзяяа. абарияаад̣̇иннаа жа, бхигкавз, махаасамуд̣̇д̣̇з ол̣ааригаа баан̣аа ассу.
1106. ‘‘Seyyathāpi, bhikkhave, puriso yaṃ imasmiṃ jambudīpe tiṇakaṭṭhasākhāpalāsaṃ tacchetvā ekajjhaṃ saṃhareyya; ekajjhaṃ saṃharitvā sūlaṃ kareyya. Sūlaṃ karitvā ye mahāsamudde mahantakā pāṇā te mahantakesu sūlesu āvuneyya, ye mahāsamudde majjhimakā pāṇā te majjhimakesu sūlesu āvuneyya, ye mahāsamudde sukhumakā pāṇā te sukhumakesu sūlesu āvuneyya. Apariyādinnā ca, bhikkhave, mahāsamudde oḷārikā pāṇā assu.
‘‘ат̇а имасмим̣ ж̇амб̣уд̣̇ийбз д̇ин̣агадтасаакаабалаасам̣ баригкаяам̣ барияаад̣̇аанам̣ г̇ажчзяяа. ид̇о б̣ахуд̇араа ко, бхигкавз, махаасамуд̣̇д̣̇з сукумагаа баан̣аа, яз на сугараа суулзсу аавунид̇ум̣. д̇ам̣ гисса хзд̇у? сукумад̇д̇аа , бхигкавз, ад̇д̇абхаавасса. звам̣ махаа ко, бхигкавз, абааяо. звам̣ маханд̇асмаа ко, бхигкавз, абааяасмаа баримуд̇д̇о д̣̇идтисамбанно буг̇г̇ало ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и.
‘‘Atha imasmiṃ jambudīpe tiṇakaṭṭhasākhāpalāsaṃ parikkhayaṃ pariyādānaṃ gaccheyya. Ito bahutarā kho, bhikkhave, mahāsamudde sukhumakā pāṇā, ye na sukarā sūlesu āvunituṃ. Taṃ kissa hetu? Sukhumattā , bhikkhave, attabhāvassa. Evaṃ mahā kho, bhikkhave, apāyo. Evaṃ mahantasmā kho, bhikkhave, apāyasmā parimutto diṭṭhisampanno puggalo ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. чадтам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Chaṭṭhaṃ.
