| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
૬. ભેસજ્જક્ખન્ધકં
6. Bhesajjakkhandhakaṃ
પઞ્ચભેસજ્જાદિકથાવણ્ણના
Pañcabhesajjādikathāvaṇṇanā
૨૬૧. ભેસજ્જક્ખન્ધકે નચ્છાદેન્તીતિ રુચિં ન ઉપ્પાદેન્તિ.
261. Bhesajjakkhandhake nacchādentīti ruciṃ na uppādenti.
૨૬૨. સુસુકાતિ સમુદ્દે ભવા એકા મચ્છજાતિ. કુમ્ભીલાતિપિ વદન્તિ. સંસટ્ઠન્તિ પરિસ્સાવિતં. તેલપરિભોગેનાતિ સત્તાહકાલિકપરિભોગં સન્ધાય વુત્તં.
262.Susukāti samudde bhavā ekā macchajāti. Kumbhīlātipi vadanti. Saṃsaṭṭhanti parissāvitaṃ. Telaparibhogenāti sattāhakālikaparibhogaṃ sandhāya vuttaṃ.
૨૬૩. પિટ્ઠેહીતિ પિસિતેહિ. ઉબ્ભિદં નામ ઊસરપંસુમયં.
263.Piṭṭhehīti pisitehi. Ubbhidaṃ nāma ūsarapaṃsumayaṃ.
૨૬૪. છકણન્તિ ગોમયં. પાકતિકચુણ્ણં નામ અપક્કકસાવચુણ્ણં. તેન ઠપેત્વા ગન્ધચુણ્ણં સબ્બં વટ્ટતીતિ વદન્તિ.
264.Chakaṇanti gomayaṃ. Pākatikacuṇṇaṃ nāma apakkakasāvacuṇṇaṃ. Tena ṭhapetvā gandhacuṇṇaṃ sabbaṃ vaṭṭatīti vadanti.
૨૬૫. સુવણ્ણગેરુકોતિ સુવણ્ણતુત્થાદિ. અઞ્જનૂપપિસનન્તિ અઞ્જનત્થાય ઉપપિસિતબ્બં યં કિઞ્ચિ ચુણ્ણજાતં.
265.Suvaṇṇagerukoti suvaṇṇatutthādi. Añjanūpapisananti añjanatthāya upapisitabbaṃ yaṃ kiñci cuṇṇajātaṃ.
૨૬૮. સામં ગહેત્વાતિ એત્થ સપ્પદટ્ઠસ્સ અત્થાય અઞ્ઞેન ભિક્ખુના ગહિતમ્પિ સામં ગહિતસઙ્ખમેવ ગચ્છતીતિ વેદિતબ્બં.
268.Sāmaṃ gahetvāti ettha sappadaṭṭhassa atthāya aññena bhikkhunā gahitampi sāmaṃ gahitasaṅkhameva gacchatīti veditabbaṃ.
૨૬૯. ઘરદિન્નકાબાધો નામ વસીકરણત્થાય ઘરણિયા દિન્નભેસજ્જસમુટ્ઠિતો આબાધો. તેનાહ ‘‘વસીકરણપાણકસમુટ્ઠિતરોગો’’તિ. ઘર-સદ્દો ચેત્થ અભેદેન ઘરણિયા વત્તમાનો અધિપ્પેતો. ‘‘અકટયૂસેનાતિ અનભિસઙ્ખતેન મુગ્ગયૂસેન. કટાકટેનાતિ મુગ્ગે પચિત્વા અચાલેત્વાવ પરિસ્સાવિતેન મુગ્ગસૂપેના’’તિ ગણ્ઠિપદેસુ વુત્તં.
269.Gharadinnakābādho nāma vasīkaraṇatthāya gharaṇiyā dinnabhesajjasamuṭṭhito ābādho. Tenāha ‘‘vasīkaraṇapāṇakasamuṭṭhitarogo’’ti. Ghara-saddo cettha abhedena gharaṇiyā vattamāno adhippeto. ‘‘Akaṭayūsenāti anabhisaṅkhatena muggayūsena. Kaṭākaṭenāti mugge pacitvā acāletvāva parissāvitena muggasūpenā’’ti gaṇṭhipadesu vuttaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi
૧૬૦. પઞ્ચભેસજ્જકથા • 160. Pañcabhesajjakathā
૧૬૧. મૂલાદિભેસજ્જકથા • 161. Mūlādibhesajjakathā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / પઞ્ચભેસજ્જાદિકથા • Pañcabhesajjādikathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / પઞ્ચભેસજ્જાદિકથાવણ્ણના • Pañcabhesajjādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / પઞ્ચભેસજ્જાદિકથાવણ્ણના • Pañcabhesajjādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi
૧૬૦. પઞ્ચભેસજ્જાદિકથા • 160. Pañcabhesajjādikathā
૧૬૧. મૂલાદિભેસજ્જકથા • 161. Mūlādibhesajjakathā
