| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၆. ဘေသဇ္ဇက္ခန္ဓကံ
6. Bhesajjakkhandhakaṃ
ပဉ္စဘေသဇ္ဇာဒိကထာဝဏ္ဏနာ
Pañcabhesajjādikathāvaṇṇanā
၂၆၁. ဘေသဇ္ဇက္ခန္ဓကေ နစ္ဆာဒေန္တီတိ ရုစိံ န ဥပ္ပာဒေန္တိ။
261. Bhesajjakkhandhake nacchādentīti ruciṃ na uppādenti.
၂၆၂. သုသုကာတိ သမုဒ္ဒေ ဘဝာ ဧကာ မစ္ဆဇာတိ။ ကုမ္ဘီလာတိပိ ဝဒန္တိ။ သံသဋ္ဌန္တိ ပရိသ္သာဝိတံ။ တေလပရိဘောဂေနာတိ သတ္တာဟကာလိကပရိဘောဂံ သန္ဓာယ ဝုတ္တံ။
262.Susukāti samudde bhavā ekā macchajāti. Kumbhīlātipi vadanti. Saṃsaṭṭhanti parissāvitaṃ. Telaparibhogenāti sattāhakālikaparibhogaṃ sandhāya vuttaṃ.
၂၆၃. ပိဋ္ဌေဟီတိ ပိသိတေဟိ။ ဥဗ္ဘိဒံ နာမ ဦသရပံသုမယံ။
263.Piṭṭhehīti pisitehi. Ubbhidaṃ nāma ūsarapaṃsumayaṃ.
၂၆၄. ဆကဏန္တိ ဂောမယံ။ ပာကတိကစုဏ္ဏံ နာမ အပက္ကကသာဝစုဏ္ဏံ။ တေန ဌပေတ္ဝာ ဂန္ဓစုဏ္ဏံ သဗ္ဗံ ဝဋ္ဋတီတိ ဝဒန္တိ။
264.Chakaṇanti gomayaṃ. Pākatikacuṇṇaṃ nāma apakkakasāvacuṇṇaṃ. Tena ṭhapetvā gandhacuṇṇaṃ sabbaṃ vaṭṭatīti vadanti.
၂၆၅. သုဝဏ္ဏဂေရုကောတိ သုဝဏ္ဏတုတ္ထာဒိ။ အဉ္ဇနူပပိသနန္တိ အဉ္ဇနတ္ထာယ ဥပပိသိတဗ္ဗံ ယံ ကိဉ္စိ စုဏ္ဏဇာတံ။
265.Suvaṇṇagerukoti suvaṇṇatutthādi. Añjanūpapisananti añjanatthāya upapisitabbaṃ yaṃ kiñci cuṇṇajātaṃ.
၂၆၈. သာမံ ဂဟေတ္ဝာတိ ဧတ္ထ သပ္ပဒဋ္ဌသ္သ အတ္ထာယ အညေန ဘိက္ခုနာ ဂဟိတမ္ပိ သာမံ ဂဟိတသင္ခမေဝ ဂစ္ဆတီတိ ဝေဒိတဗ္ဗံ။
268.Sāmaṃ gahetvāti ettha sappadaṭṭhassa atthāya aññena bhikkhunā gahitampi sāmaṃ gahitasaṅkhameva gacchatīti veditabbaṃ.
၂၆၉. ဃရဒိန္နကာဗာဓော နာမ ဝသီကရဏတ္ထာယ ဃရဏိယာ ဒိန္နဘေသဇ္ဇသမုဋ္ဌိတော အာဗာဓော။ တေနာဟ ‘‘ဝသီကရဏပာဏကသမုဋ္ဌိတရောဂော’’တိ။ ဃရ-သဒ္ဒော စေတ္ထ အဘေဒေန ဃရဏိယာ ဝတ္တမာနော အဓိပ္ပေတော။ ‘‘အကဋယူသေနာတိ အနဘိသင္ခတေန မုဂ္ဂယူသေန။ ကဋာကဋေနာတိ မုဂ္ဂေ ပစိတ္ဝာ အစာလေတ္ဝာဝ ပရိသ္သာဝိတေန မုဂ္ဂသူပေနာ’’တိ ဂဏ္ဌိပဒေသု ဝုတ္တံ။
269.Gharadinnakābādho nāma vasīkaraṇatthāya gharaṇiyā dinnabhesajjasamuṭṭhito ābādho. Tenāha ‘‘vasīkaraṇapāṇakasamuṭṭhitarogo’’ti. Ghara-saddo cettha abhedena gharaṇiyā vattamāno adhippeto. ‘‘Akaṭayūsenāti anabhisaṅkhatena muggayūsena. Kaṭākaṭenāti mugge pacitvā acāletvāva parissāvitena muggasūpenā’’ti gaṇṭhipadesu vuttaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၆၀. ပဉ္စဘေသဇ္ဇကထာ • 160. Pañcabhesajjakathā
၁၆၁. မူလာဒိဘေသဇ္ဇကထာ • 161. Mūlādibhesajjakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ပဉ္စဘေသဇ္ဇာဒိကထာ • Pañcabhesajjādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ပဉ္စဘေသဇ္ဇာဒိကထာဝဏ္ဏနာ • Pañcabhesajjādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ပဉ္စဘေသဇ္ဇာဒိကထာဝဏ္ဏနာ • Pañcabhesajjādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi
၁၆၀. ပဉ္စဘေသဇ္ဇာဒိကထာ • 160. Pañcabhesajjādikathā
၁၆၁. မူလာဒိဘေသဇ္ဇကထာ • 161. Mūlādibhesajjakathā
