| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
5. பஞ்சகனித்³தே³ஸவண்ணனா
5. Pañcakaniddesavaṇṇanā
191. பட²மபஞ்சகே உத்³தே³ஸேனேவ புக்³க³லவிபா⁴கோ³ விஞ்ஞாயதீதி யதா² தேஸு படிபஜ்ஜிதப்³ப³ங் , தாய படிபத்தியா தே விப⁴ஜந்தோ ‘‘தத்ர ய்வாய’’ந்திஆதி³மாஹ. ஆரம்ப⁴ஸத்³தோ³தி ஆரம்ப⁴கிரியாவாசகோ ஸத்³தோ³தி அத்தோ². ப²லுப்பத்தியா மக்³க³கிச்சங் நிட்டி²தங் ஹோதீதி ‘‘மக்³க³கிச்சவஸேன ப²லமேவ வுத்த’’ந்தி ஆஹ. ஆயாசனஸாதூ⁴தி ந பஸங்ஸனாதி³ஸாதூ⁴தி அத்தோ².
191. Paṭhamapañcake uddeseneva puggalavibhāgo viññāyatīti yathā tesu paṭipajjitabbaṃ , tāya paṭipattiyā te vibhajanto ‘‘tatra yvāya’’ntiādimāha. Ārambhasaddoti ārambhakiriyāvācako saddoti attho. Phaluppattiyā maggakiccaṃ niṭṭhitaṃ hotīti ‘‘maggakiccavasena phalameva vutta’’nti āha. Āyācanasādhūti na pasaṃsanādisādhūti attho.
192. ஆதி³தோ தெ⁴ய்யங் ட²பேதப்³ப³ங் ஆதெ⁴ய்யங், த³ஸ்ஸனஸவனபடிவசனதா³னவஸேன முகே²ன விய பவத்தங் க³ஹணங் முக²ந்தி த³ட்ட²ப்³ப³ங். தங் முக²ங் ஆதெ⁴ய்யங், க³ஹணத்த²ங் பகதிமுக²மேவ வா ஆதெ⁴ய்யங் யஸ்ஸ ஸோ ஆதெ⁴ய்யமுகோ², அவிசாரெத்வா ஆதி³கதா²ய ஏவ ட²பிதக³ஹணோதி வுத்தங் ஹோதி.
192. Ādito dheyyaṃ ṭhapetabbaṃ ādheyyaṃ, dassanasavanapaṭivacanadānavasena mukhena viya pavattaṃ gahaṇaṃ mukhanti daṭṭhabbaṃ. Taṃ mukhaṃ ādheyyaṃ, gahaṇatthaṃ pakatimukhameva vā ādheyyaṃ yassa so ādheyyamukho, avicāretvā ādikathāya eva ṭhapitagahaṇoti vuttaṃ hoti.
194. ரஜக்³க³ஸ்மிந்தி ரஜக்³க³பா⁴வே.
194. Rajaggasminti rajaggabhāve.
199. க³வா கீ²ரங் அக்³க³மக்கா²யதீதி ந ஏவங் ஸம்ப³ந்தோ⁴, உப்பத்திதோ பன பஞ்ச கோ³ரஸே த³ஸ்ஸெத்வா தேஸு ஸப்பிமண்ட³ஸ்ஸ அக்³க³பா⁴வத³ஸ்ஸனத்த²ங் ‘‘க³வா கீ²ர’’ந்திஆதி³ வுத்தங். தேனாஹ ‘‘கா³விதோ கீ²ரங் நாம ஹோதீ’’திஆதி³.
199. Gavā khīraṃ aggamakkhāyatīti na evaṃ sambandho, uppattito pana pañca gorase dassetvā tesu sappimaṇḍassa aggabhāvadassanatthaṃ ‘‘gavā khīra’’ntiādi vuttaṃ. Tenāha ‘‘gāvito khīraṃ nāma hotī’’tiādi.
பஞ்சகனித்³தே³ஸவண்ணனா நிட்டி²தா.
Pañcakaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / புக்³க³லபஞ்ஞத்திபாளி • Puggalapaññattipāḷi / 5. பஞ்சகபுக்³க³லபஞ்ஞத்தி • 5. Pañcakapuggalapaññatti
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 5. பஞ்சகனித்³தே³ஸவண்ணனா • 5. Pañcakaniddesavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 5. பஞ்சகனித்³தே³ஸவண்ணனா • 5. Pañcakaniddesavaṇṇanā
