| Library / Tipiṭaka / તિપિટક • Tipiṭaka / ધમ્મસઙ્ગણિ-અટ્ઠકથા • Dhammasaṅgaṇi-aṭṭhakathā |
પઞ્ચકનિદ્દેસવણ્ણના
Pañcakaniddesavaṇṇanā
૯૬૭. પઞ્ચવિધસઙ્ગહનિદ્દેસે કક્ખળન્તિ થદ્ધં. ખરમેવ ખરગતં, ફરુસન્તિ અત્થો. ઇતરે દ્વેપિ સભાવનિદ્દેસા એવ. અજ્ઝત્તન્તિ નિયકજ્ઝત્તં. બહિદ્ધાતિ બાહિરં. ઉપાદિણ્ણન્તિ ન કમ્મસમુટ્ઠાનમેવ. અવિસેસેન પન સરીરટ્ઠકસ્સેતં ગહણં. સરીરટ્ઠકઞ્હિ ઉપાદિણ્ણં વા હોતુ અનુપાદિણ્ણં વા, આદિન્નગહિતપરામટ્ઠવસેન સબ્બં ઉપાદિણ્ણમેવ નામ.
967. Pañcavidhasaṅgahaniddese kakkhaḷanti thaddhaṃ. Kharameva kharagataṃ, pharusanti attho. Itare dvepi sabhāvaniddesā eva. Ajjhattanti niyakajjhattaṃ. Bahiddhāti bāhiraṃ. Upādiṇṇanti na kammasamuṭṭhānameva. Avisesena pana sarīraṭṭhakassetaṃ gahaṇaṃ. Sarīraṭṭhakañhi upādiṇṇaṃ vā hotu anupādiṇṇaṃ vā, ādinnagahitaparāmaṭṭhavasena sabbaṃ upādiṇṇameva nāma.
૯૬૯. તેજોગતન્તિ સબ્બતેજેસુ ગતં ઉણ્હત્તલક્ખણં, તેજો એવ વા તેજોભાવં ગતન્તિ ‘તેજોગતં’. ઉસ્માતિ ઉસ્માકારો. ઉસ્માગતન્તિ ઉસ્માભાવં ગતં. ઉસ્માકારસ્સેવેતં નામં. ઉસુમન્તિ બલવઉસ્મા. ઉસુમમેવ ઉસુમભાવં ગતન્તિ ઉસુમગતં.
969. Tejogatanti sabbatejesu gataṃ uṇhattalakkhaṇaṃ, tejo eva vā tejobhāvaṃ gatanti ‘tejogataṃ’. Usmāti usmākāro. Usmāgatanti usmābhāvaṃ gataṃ. Usmākārassevetaṃ nāmaṃ. Usumanti balavausmā. Usumameva usumabhāvaṃ gatanti usumagataṃ.
૯૭૦. વાયનકવસેન વાયો. વાયોવ વાયોભાવં ગતત્તા વાયોગતં. થમ્ભિતત્તન્તિ ઉપ્પલનાળતચાદીનં વિય વાતપુણ્ણાનં થમ્ભિતભાવો રૂપસ્સ.
970. Vāyanakavasena vāyo. Vāyova vāyobhāvaṃ gatattā vāyogataṃ. Thambhitattanti uppalanāḷatacādīnaṃ viya vātapuṇṇānaṃ thambhitabhāvo rūpassa.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / ધમ્મસઙ્ગણીપાળિ • Dhammasaṅgaṇīpāḷi / રૂપવિભત્તિ • Rūpavibhatti
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / ધમ્મસઙ્ગણી-મૂલટીકા • Dhammasaṅgaṇī-mūlaṭīkā / પઞ્ચકનિદ્દેસવણ્ણના • Pañcakaniddesavaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / ધમ્મસઙ્ગણી-અનુટીકા • Dhammasaṅgaṇī-anuṭīkā / પઞ્ચકનિદ્દેસવણ્ણના • Pañcakaniddesavaṇṇanā
