| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਪਞ੍ਚਕવਾਰવਣ੍ਣਨਾ
Pañcakavāravaṇṇanā
੩੨੫. ਪਞ੍ਚਕੇਸੁ ‘‘ਨਿਮਨ੍ਤਿਤੋ ਸਭਤ੍ਤੋ ਸਮਾਨੋ ਸਨ੍ਤਂ ਭਿਕ੍ਖੁਂ ਅਨਾਪੁਚ੍ਛਾ’’ਤਿ (ਪਾਚਿ॰ ੨੯੪-੨੯੭) વਚਨਤੋ ਅਕਪ੍ਪਿਯਨਿਮਨ੍ਤਨਂ ਸਾਦਿਯਨ੍ਤਸ੍ਸੇવ ਅਨਾਮਨ੍ਤਚਾਰੋ ਨ વਟ੍ਟਤੀਤਿ ‘‘ਪਿਣ੍ਡਪਾਤਿਕਸ੍ਸ ਕਪ੍ਪਨ੍ਤੀ’’ਤਿ વੁਤ੍ਤਂ। ਗਣਭੋਜਨਾਦੀਸੁਪਿ ਏਸੇવ ਨਯੋ। ਅਧਿਟ੍ਠਹਿਤ੍વਾ ਭੋਜਨਨ੍ਤਿ ‘‘ਗਿਲਾਨਸਮਯੋ’’ਤਿਆਦਿਨਾ ਆਭੋਗਂ ਕਤ੍વਾ ਭੋਜਨਂ। ਅવਿਕਪ੍ਪਨਾਤਿ ‘‘ਮਯ੍ਹਂ ਭਤ੍ਤਪਚ੍ਚਾਸਂ ਇਤ੍ਥਨ੍ਨਾਮਸ੍ਸ ਦਮ੍ਮੀ’’ਤਿ ਏવਂ ਅવਿਕਪ੍ਪਨਾ।
325. Pañcakesu ‘‘nimantito sabhatto samāno santaṃ bhikkhuṃ anāpucchā’’ti (pāci. 294-297) vacanato akappiyanimantanaṃ sādiyantasseva anāmantacāro na vaṭṭatīti ‘‘piṇḍapātikassa kappantī’’ti vuttaṃ. Gaṇabhojanādīsupi eseva nayo. Adhiṭṭhahitvā bhojananti ‘‘gilānasamayo’’tiādinā ābhogaṃ katvā bhojanaṃ. Avikappanāti ‘‘mayhaṃ bhattapaccāsaṃ itthannāmassa dammī’’ti evaṃ avikappanā.
ਅਯਸਤੋ વਾ ਗਰਹਤੋ વਾਤਿ ਏਤ੍ਥ ਪਰਮ੍ਮੁਖਾ ਅਗੁਣવਚਨਂ ਅਯਸੋ। ਸਮ੍ਮੁਖਾ ਗਰਹਾ। વਿਯਸਤੀਤਿ ਬ੍ਯਸਨਂ, ਹਿਤਸੁਖਂ ਖਿਪਤਿ વਿਦ੍ਧਂਸੇਤੀਤਿ ਅਤ੍ਥੋ। ਞਾਤੀਨਂ ਬ੍ਯਸਨਂ ਞਾਤਿਬ੍ਯਸਨਂ, ਚੋਰਰੋਗਭਯਾਦੀਹਿ ਞਾਤਿવਿਨਾਸੋਤਿ ਅਤ੍ਥੋ। ਭੋਗਾਨਂ ਬ੍ਯਸਨਂ ਭੋਗਬ੍ਯਸਨਂ, ਰਾਜਚੋਰਾਦਿવਸੇਨ ਭੋਗવਿਨਾਸੋਤਿ ਅਤ੍ਥੋ। ਰੋਗੋ ਏવ ਬ੍ਯਸਨਂ ਰੋਗਬ੍ਯਸਨਂ। ਰੋਗੋ ਹਿ ਆਰੋਗ੍ਯਂ ਬ੍ਯਸਤਿ વਿਨਾਸੇਤੀਤਿ ਬ੍ਯਸਨਂ। ਸੀਲਸ੍ਸ ਬ੍ਯਸਨਂ ਸੀਲਬ੍ਯਸਨਂ, ਦੁਸ੍ਸੀਲ੍ਯਸ੍ਸੇਤਂ ਨਾਮਂ। ਸਮ੍ਮਾਦਿਟ੍ਠਿਂ વਿਨਾਸਯਮਾਨਾ ਉਪ੍ਪਨ੍ਨਾ ਦਿਟ੍ਠਿਯੇવ ਬ੍ਯਸਨਂ ਦਿਟ੍ਠਿਬ੍ਯਸਨਂ। ਞਾਤਿਸਮ੍ਪਦਾਤਿ ਞਾਤੀਨਂ ਸਮ੍ਪਦਾ ਪਾਰਿਪੂਰਿ ਬਹੁਭਾવੋ । ਭੋਗਸਮ੍ਪਦਾਯਪਿ ਏਸੇવ ਨਯੋ। ਆਰੋਗ੍ਯਸ੍ਸ ਸਮ੍ਪਦਾ ਆਰੋਗ੍ਯਸਮ੍ਪਦਾ। ਪਾਰਿਪੂਰਿ ਦੀਘਰਤ੍ਤਂ ਅਰੋਗਤਾ। ਸੀਲਦਿਟ੍ਠਿਸਮ੍ਪਦਾਸੁਪਿ ਏਸੇવ ਨਯੋ।
Ayasato vā garahato vāti ettha parammukhā aguṇavacanaṃ ayaso. Sammukhā garahā. Viyasatīti byasanaṃ, hitasukhaṃ khipati viddhaṃsetīti attho. Ñātīnaṃ byasanaṃ ñātibyasanaṃ, corarogabhayādīhi ñātivināsoti attho. Bhogānaṃ byasanaṃ bhogabyasanaṃ, rājacorādivasena bhogavināsoti attho. Rogo eva byasanaṃ rogabyasanaṃ. Rogo hi ārogyaṃ byasati vināsetīti byasanaṃ. Sīlassa byasanaṃ sīlabyasanaṃ, dussīlyassetaṃ nāmaṃ. Sammādiṭṭhiṃ vināsayamānā uppannā diṭṭhiyeva byasanaṃ diṭṭhibyasanaṃ. Ñātisampadāti ñātīnaṃ sampadā pāripūri bahubhāvo . Bhogasampadāyapi eseva nayo. Ārogyassa sampadā ārogyasampadā. Pāripūri dīgharattaṃ arogatā. Sīladiṭṭhisampadāsupi eseva nayo.
વਤ੍ਤਂ ਪਰਿਚ੍ਛਿਨ੍ਦੀਤਿ ਤਸ੍ਮਿਂ ਦਿવਸੇ ਕਾਤਬ੍ਬવਤ੍ਤਂ ਨਿਟ੍ਠਾਪੇਸਿ। ਅਟ੍ਠ ਕਪ੍ਪੇ ਅਨੁਸ੍ਸਰੀਤਿਆਦਿਨਾ ਤਸ੍ਮਿਂ ਖਣੇ ਝਾਨਂ ਨਿਬ੍ਬਤ੍ਤੇਤ੍વਾ ਪੁਬ੍ਬੇਨਿવਾਸਞਾਣਂ ਨਿਬ੍ਬਤ੍ਤੇਸੀਤਿ ਦੀਪੇਤਿ। ਞਤ੍ਤਿਯਾ ਕਮ੍ਮਪ੍ਪਤ੍ਤੋ ਹੁਤ੍વਾਤਿ ਞਤ੍ਤਿਯਾ ਠਪਿਤਾਯ ਅਨੁਸ੍ਸਾવਨਕਮ੍ਮਪ੍ਪਤ੍ਤੋ ਹੁਤ੍વਾਤਿ ਅਤ੍ਥੋ।
Vattaṃ paricchindīti tasmiṃ divase kātabbavattaṃ niṭṭhāpesi. Aṭṭha kappe anussarītiādinā tasmiṃ khaṇe jhānaṃ nibbattetvā pubbenivāsañāṇaṃ nibbattesīti dīpeti. Ñattiyā kammappatto hutvāti ñattiyā ṭhapitāya anussāvanakammappatto hutvāti attho.
ਮਨ੍ਦਤ੍ਤਾ ਮੋਮੂਹਤ੍ਤਾਤਿ ਨੇવ ਸਮਾਦਾਨਂ ਜਾਨਾਤਿ, ਨ ਆਨਿਸਂਸਂ, ਅਤ੍ਤਨੋ ਪਨ ਮਨ੍ਦਤ੍ਤਾ ਮੋਮੂਹਤ੍ਤਾ ਅਞ੍ਞਾਣੇਨੇવ ਆਰਞ੍ਞਿਕੋ ਹੋਤਿ। ਪਾਪਿਚ੍ਛੋ ਇਚ੍ਛਾਪਕਤੋਤਿ ‘‘ਅਰਞ੍ਞੇ ਮੇ વਿਹਰਨ੍ਤਸ੍ਸ ‘ਅਯਂ ਆਰਞ੍ਞਿਕੋ’ਤਿ ਚਤੁਪ੍ਪਚ੍ਚਯਸਕ੍ਕਾਰਂ ਕਰਿਸ੍ਸਨ੍ਤਿ, ‘ਅਯਂ ਭਿਕ੍ਖੁ ਲਜ੍ਜੀ ਪવਿવਿਤ੍ਤੋ’ਤਿਆਦੀਹਿ ਚ ਗੁਣੇਹਿ ਸਮ੍ਭਾવੇਸ੍ਸਨ੍ਤੀ’’ਤਿ ਏવਂ ਪਾਪਿਕਾਯ ਇਚ੍ਛਾਯ ਠਤ੍વਾ ਤਾਯ ਏવ ਇਚ੍ਛਾਯ ਅਭਿਭੂਤੋ ਹੁਤ੍વਾ ਆਰਞ੍ਞਿਕੋ ਹੋਤੀਤਿ ਅਤ੍ਥੋ। ਤੇਨਾਹ ‘‘ਅਰਞ੍ਞવਾਸੇਨ ਪਚ੍ਚਯਲਾਭਂ ਪਤ੍ਥਯਮਾਨੋ’’ਤਿ। ਉਮ੍ਮਾਦવਸੇਨ ਅਰਞ੍ਞਂ ਪવਿਸਿਤ੍વਾ વਿਹਰਨ੍ਤੋ ਉਮ੍ਮਾਦਾ ਚਿਤ੍ਤਕ੍ਖੇਪਾ ਆਰਞ੍ਞਿਕੋ ਨਾਮ ਹੋਤਿ। વਣ੍ਣਿਤਨ੍ਤਿ ਇਦਂ ਆਰਞ੍ਞਿਕਙ੍ਗਂ ਨਾਮ ਬੁਦ੍ਧੇਹਿ ਬੁਦ੍ਧਸਾવਕੇਹਿ ਚ વਣ੍ਣਿਤਂ ਪਸਤ੍ਥਨ੍ਤਿ ਆਰਞ੍ਞਿਕੋ ਹੋਤਿ।
Mandattā momūhattāti neva samādānaṃ jānāti, na ānisaṃsaṃ, attano pana mandattā momūhattā aññāṇeneva āraññiko hoti. Pāpiccho icchāpakatoti ‘‘araññe me viharantassa ‘ayaṃ āraññiko’ti catuppaccayasakkāraṃ karissanti, ‘ayaṃ bhikkhu lajjī pavivitto’tiādīhi ca guṇehi sambhāvessantī’’ti evaṃ pāpikāya icchāya ṭhatvā tāya eva icchāya abhibhūto hutvā āraññiko hotīti attho. Tenāha ‘‘araññavāsena paccayalābhaṃ patthayamāno’’ti. Ummādavasena araññaṃ pavisitvā viharanto ummādā cittakkhepā āraññiko nāma hoti. Vaṇṇitanti idaṃ āraññikaṅgaṃ nāma buddhehi buddhasāvakehi ca vaṇṇitaṃ pasatthanti āraññiko hoti.
ਪਞ੍ਚਕવਾਰવਣ੍ਣਨਾ ਨਿਟ੍ਠਿਤਾ।
Pañcakavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੫. ਪਞ੍ਚਕવਾਰੋ • 5. Pañcakavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਪਞ੍ਚਕવਾਰવਣ੍ਣਨਾ • Pañcakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਞ੍ਚਕવਾਰવਣ੍ਣਨਾ • Pañcakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਞ੍ਚਕવਾਰવਣ੍ਣਨਾ • Pañcakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਪਞ੍ਚਕવਾਰવਣ੍ਣਨਾ • Ekuttarikanayo pañcakavāravaṇṇanā
