| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਪਞ੍ਚਕવਾਰવਣ੍ਣਨਾ
Pañcakavāravaṇṇanā
੩੨੫. ਨ ਉਪੇਤਿ ਪੁਗ੍ਗਲੋ। ‘‘ਨਿਮਨ੍ਤਿਤੋ ਸਭਤ੍ਤੋ ਸਮਾਨੋ ਸਨ੍ਤਂ ਭਿਕ੍ਖੁਂ ਅਨਾਪੁਚ੍ਛਾ’’ਤਿ (ਪਾਚਿ॰ ੨੯੯) વਚਨਤੋ ਨਿਮਨ੍ਤਨਾਭਾવਾ ਪਿਣ੍ਡਪਾਤਿਕਸ੍ਸ ਅਨਾਮਨ੍ਤਚਾਰੋ વਟ੍ਟਤਿ। ‘‘ਗਿਲਾਨਸਮਯੋ’’ਤਿਆਦਿਨਾ ਆਭੋਗਂ ਕਤ੍વਾ ਭੋਜਨਂ ਅਧਿਟ੍ਠਹਿਤ੍વਾ ਭੋਜਨਂ ਨਾਮ। ‘‘ਮਯ੍ਹਂ ਭਤ੍ਤਪਚ੍ਚਾਸਂ ਇਤ੍ਥਨ੍ਨਾਮਸ੍ਸ ਦਮ੍ਮੀ’’ਤਿ ਏવਂ ਅવਿਕਪ੍ਪਨਾ। ਪਰਮ੍ਮੁਖੇ ਅਗੁਣવਚਨਂ ਅਯਸੋ। ਸਮ੍ਮੁਖਾ ਗਰਹਾ। ਸੀਲਦਿਟ੍ਠਿਬ੍ਯਸਨਾਨਂ વਿਨਯਪਰਿਯਾਪਨ੍ਨਤ੍ਤਾ ਤੇਹਿ ਸਦ੍ਧਿਂ ਇਤਰੇ ਪਞ੍ਚਕਂ ਪੂਰੇਤੁਂ વੁਤ੍ਤਾ। ‘‘વਿਨਯਧਰਪਞ੍ਚਮੇਨ ਗਣੇਨਾ’’ਤਿ (ਮਹਾવ॰ ੨੫੯) વੁਤ੍ਤਤ੍ਤਾ ਪਞ੍ਚਕਂ ਜਾਤਂ। ਅਞ੍ਞਤਰਸ੍ਮਿਂ વਿਹਾਰੇ ਏਕੋ ਥੇਰੋਤਿ ਅਤ੍ਥੋ। ‘‘ਯੋਨਕવਿਸਯਤੋਤਿ ਚੀਨਟ੍ਠਾਨਾ’’ਤਿ ਲਿਖਿਤਂ। ਅਟ੍ਠ ਕਪ੍ਪੇ ਅਨੁਸ੍ਸਰੀਤਿ ਪੁਬ੍ਬੇਨਿવਾਸਞਾਣਂ ਨਿਬ੍ਬਤ੍ਤੇਸੀਤਿ ਅਤ੍ਥੋ। ਅਨਨ੍ਤਰੇ ਠਾਨੇ ਠਤ੍વਾਤਿ ਅਤ੍ਥੋ। ਞਤ੍ਤਿਯਾ ਕਮ੍ਮਪ੍ਪਤ੍ਤੋ ਹੁਤ੍વਾਤਿ ਞਤ੍ਤਿਟ੍ਠਪਿਤਕਾਲੇ ਕਮ੍ਮਪ੍ਪਤ੍ਤੋ ਹੋਤਿ। ਪੁਨ ਕਮ੍ਮવਾਚਾਯ ਕਮ੍ਮਸਿਦ੍ਧਿ। ਞਤ੍ਤਿਖੇਤ੍ਤਨ੍ਤਿ ਞਤ੍ਤਿਯਾવ ਕਾਤਬ੍ਬਟ੍ਠਾਨਂ ਤਸ੍ਸਾ ਖੇਤ੍ਤਂ, ਞਤ੍ਤਿਦੁਤਿਯਾਦਿਕਮ੍ਮੇ ਪਠਮਟ੍ਠਪਨਂ ਤਸ੍ਸਾ ਓਕਾਸੋ ਨਾਮ। ਆਰਞ੍ਞਕੇ ਇਦਞ੍ਚਿਦਞ੍ਚਾਨਿਸਂਸਨ੍ਤਿ ਏવਂ ਇਦਮਤ੍ਥਿਤਨ੍ਤਿ ਅਤ੍ਥੋ।
325.Naupeti puggalo. ‘‘Nimantito sabhatto samāno santaṃ bhikkhuṃ anāpucchā’’ti (pāci. 299) vacanato nimantanābhāvā piṇḍapātikassa anāmantacāro vaṭṭati. ‘‘Gilānasamayo’’tiādinā ābhogaṃ katvā bhojanaṃ adhiṭṭhahitvā bhojanaṃ nāma. ‘‘Mayhaṃ bhattapaccāsaṃ itthannāmassa dammī’’ti evaṃ avikappanā. Parammukhe aguṇavacanaṃ ayaso. Sammukhā garahā. Sīladiṭṭhibyasanānaṃ vinayapariyāpannattā tehi saddhiṃ itare pañcakaṃ pūretuṃ vuttā. ‘‘Vinayadharapañcamena gaṇenā’’ti (mahāva. 259) vuttattā pañcakaṃ jātaṃ. Aññatarasmiṃ vihāre eko theroti attho. ‘‘Yonakavisayatoti cīnaṭṭhānā’’ti likhitaṃ. Aṭṭha kappe anussarīti pubbenivāsañāṇaṃ nibbattesīti attho. Anantare ṭhāne ṭhatvāti attho. Ñattiyā kammappatto hutvāti ñattiṭṭhapitakāle kammappatto hoti. Puna kammavācāya kammasiddhi. Ñattikhettanti ñattiyāva kātabbaṭṭhānaṃ tassā khettaṃ, ñattidutiyādikamme paṭhamaṭṭhapanaṃ tassā okāso nāma. Āraññake idañcidañcānisaṃsanti evaṃ idamatthitanti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੫. ਪਞ੍ਚਕવਾਰੋ • 5. Pañcakavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਪਞ੍ਚਕવਾਰવਣ੍ਣਨਾ • Pañcakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਞ੍ਚਕવਾਰવਣ੍ਣਨਾ • Pañcakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਞ੍ਚਕવਾਰવਣ੍ਣਨਾ • Pañcakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਪਞ੍ਚਕવਾਰવਣ੍ਣਨਾ • Ekuttarikanayo pañcakavāravaṇṇanā
