| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੫. ਪਞ੍ਚਮਨਯੋ ਅਸਙ੍ਗਹਿਤੇਨਅਸਙ੍ਗਹਿਤਪਦવਣ੍ਣਨਾ
5. Pañcamanayo asaṅgahitenaasaṅgahitapadavaṇṇanā
੧੯੩. વੁਤ੍ਤਨਯੇਨਾਤਿ ਯਸ੍ਮਾ ਸਙ੍ਗਹਪ੍ਪવਤ੍ਤਿવਿਸੇਸવਿਰਹਿਤੋ ਅਸਙ੍ਗਹਿਤਧਮ੍ਮવਿਸੇਸਨਿਸ੍ਸਿਤੋ ਪਞ੍ਚਮਨਯੋ, ਤਸ੍ਮਾ ਯੋ ਏਤ੍ਥ ਕੇਨਚਿ ਅਸਙ੍ਗਹਿਤੇਨ ਧਮ੍ਮવਿਸੇਸੇਨ ਪੁਨ ਅਸਙ੍ਗਹਿਤੋ ਧਮ੍ਮવਿਸੇਸੋ ਅਸਙ੍ਗਹਿਤੇਨ ਅਸਙ੍ਗਹਿਤੋ ਅਸਙ੍ਗਹਿਤਤਾਯ ਪੁਚ੍ਛਿਤਬ੍ਬੋ વਿਸ੍ਸਜ੍ਜਿਤਬ੍ਬੋ ਚ। ਤਮੇવ ਤਾવ ਯਥਾਨਿਦ੍ਧਾਰਿਤਂ ਦਸ੍ਸੇਨ੍ਤੋ ‘‘ਰੂਪਕ੍ਖਨ੍ਧੇਨ ਯੇ ਧਮ੍ਮਾ ਖਨ੍ਧ…ਪੇ॰… ਅਸਙ੍ਗਹਿਤਾ, ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧ…ਪੇ॰… ਅਸਙ੍ਗਹਿਤਾਤਿ ਆਹਾ’’ਤਿ ਚਤੁਤ੍ਥਨਯੇ વੁਤ੍ਤਨਯਾਨੁਸਾਰੇਨ। ਯਥਾਨਿਦ੍ਧਾਰਿਤਧਮ੍ਮਦਸ੍ਸਨਨ੍ਤਿ ਪਾਲ਼ਿਯਂ ਨਿਦ੍ਧਾਰਿਤਪ੍ਪਕਾਰਧਮ੍ਮਦਸ੍ਸਨਂ। ਸਹ ਸੁਖੁਮਰੂਪੇਨਾਤਿ ਸਸੁਖੁਮਰੂਪਂ, ਤੇਨ ਸੁਖੁਮਰੂਪੇਨ ਸਦ੍ਧਿਂ ਗਹਿਤਂ વਿਞ੍ਞਾਣਂ, ਤੇਨ ਸਹਿਤਧਮ੍ਮਸਮੁਦਾਯਾ ਸਸੁਖੁਮ…ਪੇ॰… ਦਾਯਾ। ਕੇ ਪਨ ਤੇਤਿ ਆਹ ‘‘ਦੁਕ੍ਖਸਚ੍ਚਾ’’ਤਿਆਦਿ। ਕੇਸਞ੍ਚੀਤਿ ਨਿਬ੍ਬਾਨਚਕ੍ਖਾਯਤਨਾਦੀਨਂ। ਤੀਹਿਪਿ ਸਙ੍ਗਹੇਹਿ। ਪਰਿਪੁਣ੍ਣਸਙ੍ਗਹੇਹਿ ਤੀਹਿਪਿ ਸਙ੍ਗਹੇਹਿ ਅਸਙ੍ਗਾਹਕਾ ਪਰਿਪੁਣ੍ਣਸਙ੍ਗਹਾਸਙ੍ਗਾਹਕਾ। ਅਬ੍ਯਾਕਤਧਮ੍ਮਸਦਿਸਾ ਨੇવਦਸ੍ਸਨੇਨਨਭਾવਨਾਯਪਹਾਤਬ੍ਬਨੇવਸੇਕ੍ਖਾਨਾਸੇਕ੍ਖਾਦਯੋ। ਇਤਰੇਤਿ ਰੂਪਕ੍ਖਨ੍ਧਾਦਯੋ। ਤਬ੍ਬਿਪਰਿਯਾਯੇਨਾਤਿ વੁਤ੍ਤવਿਪਰਿਯਾਯੇਨ, ਤੀਹਿਪਿ ਸਙ੍ਗਹੇਹਿ ਅਸਙ੍ਗਹੇਤਬ੍ਬਸ੍ਸ ਅਤ੍ਥਿਤਾਯ ਪਰਿਪੁਣ੍ਣਸਙ੍ਗਹਾਸਙ੍ਗਾਹਕਤ੍ਤਾਤਿ ਅਤ੍ਥੋ।
193. Vuttanayenāti yasmā saṅgahappavattivisesavirahito asaṅgahitadhammavisesanissito pañcamanayo, tasmā yo ettha kenaci asaṅgahitena dhammavisesena puna asaṅgahito dhammaviseso asaṅgahitena asaṅgahito asaṅgahitatāya pucchitabbo vissajjitabbo ca. Tameva tāva yathāniddhāritaṃ dassento ‘‘rūpakkhandhena ye dhammā khandha…pe… asaṅgahitā, tehi dhammehi ye dhammā khandha…pe… asaṅgahitāti āhā’’ti catutthanaye vuttanayānusārena. Yathāniddhāritadhammadassananti pāḷiyaṃ niddhāritappakāradhammadassanaṃ. Saha sukhumarūpenāti sasukhumarūpaṃ, tena sukhumarūpena saddhiṃ gahitaṃ viññāṇaṃ, tena sahitadhammasamudāyā sasukhuma…pe… dāyā. Ke pana teti āha ‘‘dukkhasaccā’’tiādi. Kesañcīti nibbānacakkhāyatanādīnaṃ. Tīhipi saṅgahehi. Paripuṇṇasaṅgahehi tīhipi saṅgahehi asaṅgāhakā paripuṇṇasaṅgahāsaṅgāhakā. Abyākatadhammasadisā nevadassanenanabhāvanāyapahātabbanevasekkhānāsekkhādayo. Itareti rūpakkhandhādayo. Tabbipariyāyenāti vuttavipariyāyena, tīhipi saṅgahehi asaṅgahetabbassa atthitāya paripuṇṇasaṅgahāsaṅgāhakattāti attho.
ਅਸਙ੍ਗਾਹਕੇਸੁ ਨਿਬ੍ਬਾਨਂ ਅਨ੍ਤੋਗਧਂ, ਤਸ੍ਮਾ ਤਂ ਅਨਿਦਸ੍ਸਨਅਪ੍ਪਟਿਘੇਹਿ ਅਸਙ੍ਗਹੇਤਬ੍ਬਂ ਨ ਹੋਤੀਤਿ ਅਤ੍ਥੋ। ਤੇਨਾਹ ‘‘ਨ ਚ ਤਦੇવ ਤਸ੍ਸ ਅਸਙ੍ਗਾਹਕ’’ਨ੍ਤਿ। ‘‘વੇਦਨਾਕ੍ਖਨ੍ਧੇਨ ਯੇ ਧਮ੍ਮਾ’’ਤਿਆਦਯੋ ਨવ ਪਞ੍ਹਾ ਦੁਤਿਯਪਞ੍ਹਾਦਯੋ, ਤੇ ਪਠਮਪਞ੍ਹੇਨ ਸਦ੍ਧਿਂ ਦਸ, ਨਾਮਰੂਪਪਞ੍ਹਾਦਯੋ ਪਨ ਚਤੁવੀਸਤੀਤਿ ਆਹ ‘‘ਸਬ੍ਬੇਪਿ ਚਤੁਤ੍ਤਿਂਸ ਹੋਨ੍ਤੀ’’ਤਿ। ਰੂਪਕ੍ਖਨ੍ਧਾਦਿવਿਸੇਸਕਪਦਨ੍ਤਿ ‘‘ਰੂਪਕ੍ਖਨ੍ਧੇਨਾ’’ਤਿਆਦਿਨਾ ਅਸਙ੍ਗਾਹਕਤ੍ਤੇਨ વਿਸੇਸਕਂ ਰੂਪਕ੍ਖਨ੍ਧਾਦਿਪਦਂ। ਪੁਚ੍ਛਾਯਾਤਿ ਚ ਪੁਚ੍ਛਨਤ੍ਥਨ੍ਤਿ ਅਤ੍ਥੋ। ‘‘ਰੂਪਕ੍ਖਨ੍ਧੇਨਾ’’ਤਿਆਦਿ ਸਬ੍ਬਮ੍ਪਿ વਾ વਿਞ੍ਞਾਪੇਤੁਂ ਇਚ੍ਛਿਤਭਾવੇਨ વਚਨਂ ਪਞ੍ਹਭਾવਤੋ ਪੁਚ੍ਛਾ। ਤੇਨਾਹ ਅਟ੍ਠਕਥਾਯਂ ‘‘ਪਞ੍ਹਾ ਪਨੇਤ੍ਥ…ਪੇ॰… ਚਤੁਤ੍ਤਿਂਸ ਹੋਨ੍ਤੀ’’ਤਿ। ਤੇ ਹਿ ਲਕ੍ਖਣਤੋ ਦਸ੍ਸਿਤਾਤਿ ਤੇ ਨਿਦ੍ਧਾਰਿਤਧਮ੍ਮਾ ਤੇਨੇવ ਅਸਙ੍ਗਹਿਤਾਸਙ੍ਗਹਿਤਤਾਯ ਨਿਦ੍ਧਾਰਣਸਙ੍ਖਾਤੇਨ ਲਕ੍ਖਣੇਨ ਦਸ੍ਸਿਤਾ।
Asaṅgāhakesu nibbānaṃ antogadhaṃ, tasmā taṃ anidassanaappaṭighehi asaṅgahetabbaṃ na hotīti attho. Tenāha ‘‘na ca tadeva tassa asaṅgāhaka’’nti. ‘‘Vedanākkhandhena ye dhammā’’tiādayo nava pañhā dutiyapañhādayo, te paṭhamapañhena saddhiṃ dasa, nāmarūpapañhādayo pana catuvīsatīti āha ‘‘sabbepi catuttiṃsa hontī’’ti. Rūpakkhandhādivisesakapadanti ‘‘rūpakkhandhenā’’tiādinā asaṅgāhakattena visesakaṃ rūpakkhandhādipadaṃ. Pucchāyāti ca pucchanatthanti attho. ‘‘Rūpakkhandhenā’’tiādi sabbampi vā viññāpetuṃ icchitabhāvena vacanaṃ pañhabhāvato pucchā. Tenāha aṭṭhakathāyaṃ ‘‘pañhā panettha…pe… catuttiṃsa hontī’’ti. Te hi lakkhaṇato dassitāti te niddhāritadhammā teneva asaṅgahitāsaṅgahitatāya niddhāraṇasaṅkhātena lakkhaṇena dassitā.
ਤਦੇવਾਤਿ ਏવ-ਸਦ੍ਦੇਨਾਤਿ ‘‘ਤਦੇવਾ’’ਤਿ ਏਤ੍ਥ ਏવ-ਸਦ੍ਦੇਨ। ‘‘ਯਂ ਪੁਚ੍ਛਾਯ ਉਦ੍ਧਟਂ ਪਦਂ, ਤਂ ਖਨ੍ਧਾਦੀਹਿ ਅਸਙ੍ਗਹਿਤ’’ਨ੍ਤਿ ਏਤ੍ਥ ‘‘ਖਨ੍ਧਾਦੀਹੇવਾ’’ਤਿ ਅવਧਾਰਣਂ ਨਿਪ੍ਪਯੋਜਨਂ ਪਕਾਰਨ੍ਤਰਸ੍ਸ ਅਭਾવਤੋ। ‘‘ਤੀਹਿ ਅਸਙ੍ਗਹੋ’’ਤਿ ਹਿ વੁਤ੍ਤਂ। ਤਥਾ ‘‘ਅਸਙ੍ਗਹਿਤਮੇવਾ’’ਤਿ ਸਙ੍ਗਹਿਤਤਾਨਿવਤ੍ਤਨਸ੍ਸ ਅਨਧਿਪ੍ਪੇਤਤ੍ਤਾ। ਤਦੇવਾਤਿ ਪਨ ਇਚ੍ਛਿਤਂ ਉਦ੍ਧਟਸ੍ਸੇવ ਅਸਙ੍ਗਹਿਤੇਨਅਸਙ੍ਗਹਿਤਭਾવਸ੍ਸ ਅવਧਾਰੇਤਬ੍ਬਤ੍ਤਾਤਿ ਦਸ੍ਸੇਨ੍ਤੋ ‘‘ਨ ਕਦਾਚੀ’’ਤਿਆਦਿਮਾਹ। ਤਤ੍ਥ ਅਞ੍ਞਸ੍ਸਾਤਿ ਅਨੁਦ੍ਧਟਸ੍ਸ। ਅਨਿਯਤਤਂ ਦਸ੍ਸੇਤੀਤਿ ਇਦਂ ਅવਧਾਰਣਫਲਦਸ੍ਸਨਂ। ਨਿਯਮਤੋਤਿ ਸਕ੍ਕਾ વਚਨਸੇਸੋ ਯੋਜੇਤੁਨ੍ਤਿ ਇਦਮ੍ਪਿ ਏવ-ਕਾਰੇਨ ਸਿਦ੍ਧਮੇવਤ੍ਥਂ ਪਾਕਟਤਰਂ ਕਾਤੁਂ વੁਤ੍ਤਂ। ਯਤੋ ਹਿ ਏવ-ਕਾਰੋ, ਤਤੋ ਅਞ੍ਞਤ੍ਥ ਨਿਯਮੋਤਿ। ਏવਂਪਕਾਰਮੇવਾਤਿ ਪੁਚ੍ਛਾਯ ਉਦ੍ਧਟਪ੍ਪਕਾਰਮੇવ, ਯਂ ਪਕਾਰਂ ਪੁਚ੍ਛਾਯ ਉਦ੍ਧਟਂ, ਤਂਪਕਾਰਮੇવਾਤਿ ਅਤ੍ਥੋ। ਤਸ੍ਸਾਤਿ ਅਸਙ੍ਗਹਿਤਸ੍ਸ। ਅਞ੍ਞਸ੍ਸਾਤਿ ਪੁਚ੍ਛਾਯ ਅਨੁਦ੍ਧਟਪ੍ਪਕਾਰਸ੍ਸ। ਏਤੇਨ ਯੋ ਪੁਚ੍ਛਾਯ ਉਦ੍ਧਟੋ ਤੀਹਿਪਿ ਸਙ੍ਗਹੇਹਿ ਅਸਙ੍ਗਹਿਤੋ, ਤਸ੍ਸੇવ ਇਧ ਪੁਚ੍ਛਿਤਬ੍ਬવਿਸ੍ਸਜ੍ਜਿਤਬ੍ਬਭਾવੋ, ਨ ਅਞ੍ਞਸ੍ਸਾਤਿ ਦਸ੍ਸੇਤਿ। ਤੇਨਾਹ ‘‘ਪੁਚ੍ਛਾਯ ਉਦ੍ਧਟਞ੍ਹੀ’’ਤਿਆਦਿ। ਆਯਤਨਧਾਤੁਸਙ੍ਗਹવਸੇਨ ਚੇਤ੍ਥ ਰੂਪਕ੍ਖਨ੍ਧਾਦੀਨਂ ਅਞ੍ਞਸਹਿਤਤਾ, વਿਞ੍ਞਾਣਕ੍ਖਨ੍ਧਾਦੀਨਂ ਅਸਹਿਤਤਾ ਚ વੇਦਿਤਬ੍ਬਾ।
Tadevāti eva-saddenāti ‘‘tadevā’’ti ettha eva-saddena. ‘‘Yaṃ pucchāya uddhaṭaṃ padaṃ, taṃ khandhādīhi asaṅgahita’’nti ettha ‘‘khandhādīhevā’’ti avadhāraṇaṃ nippayojanaṃ pakārantarassa abhāvato. ‘‘Tīhi asaṅgaho’’ti hi vuttaṃ. Tathā ‘‘asaṅgahitamevā’’ti saṅgahitatānivattanassa anadhippetattā. Tadevāti pana icchitaṃ uddhaṭasseva asaṅgahitenaasaṅgahitabhāvassa avadhāretabbattāti dassento ‘‘na kadācī’’tiādimāha. Tattha aññassāti anuddhaṭassa. Aniyatataṃ dassetīti idaṃ avadhāraṇaphaladassanaṃ. Niyamatoti sakkā vacanaseso yojetunti idampi eva-kārena siddhamevatthaṃ pākaṭataraṃ kātuṃ vuttaṃ. Yato hi eva-kāro, tato aññattha niyamoti. Evaṃpakāramevāti pucchāya uddhaṭappakārameva, yaṃ pakāraṃ pucchāya uddhaṭaṃ, taṃpakāramevāti attho. Tassāti asaṅgahitassa. Aññassāti pucchāya anuddhaṭappakārassa. Etena yo pucchāya uddhaṭo tīhipi saṅgahehi asaṅgahito, tasseva idha pucchitabbavissajjitabbabhāvo, na aññassāti dasseti. Tenāha ‘‘pucchāya uddhaṭañhī’’tiādi. Āyatanadhātusaṅgahavasena cettha rūpakkhandhādīnaṃ aññasahitatā, viññāṇakkhandhādīnaṃ asahitatā ca veditabbā.
ਅવਸੇਸਾ વੇਦਨਾਦਯੋ ਤਯੋ ਖਨ੍ਧਾ ਨਿਬ੍ਬਾਨਞ੍ਚ ਸਕਲੇਨ ਰੂਪਕ੍ਖਨ੍ਧੇਨ ਤੇਸਂ ਸਙ੍ਗਹੋ ਨਤ੍ਥੀਤਿ ‘‘ਸਙ੍ਗਹਿਤਾ’’ਤਿ ਨ ਸਕ੍ਕਾ વਤ੍ਤੁਂ, ਏਕਦੇਸੇਨ ਪਨ ਸਙ੍ਗਹੋ ਅਤ੍ਥੀਤਿ ‘‘ਅਸਙ੍ਗਹਿਤਾ ਨ ਹੋਨ੍ਤੀਤਿ ਏવਂ ਦਟ੍ਠਬ੍ਬ’’ਨ੍ਤਿ ਆਹ। ‘‘ਰੂਪਧਮ੍ਮਾવਾ’’ਤਿ ਨਿਯਮਨਂ ਪੁਚ੍ਛਾਯ ਉਦ੍ਧਟਭਾવਾਪੇਕ੍ਖਨ੍ਤਿ ਦਸ੍ਸੇਨ੍ਤੋ ‘‘ਪੁਚ੍ਛਾਯ…ਪੇ॰… ਅਧਿਪ੍ਪਾਯੋ’’ਤਿ ਆਹ। ਤੇਨ વੁਤ੍ਤਂ ‘‘ਅਨੁਦ੍ਧਟਾ વੇਦਨਾਦਯੋਪਿ ਹਿ ਅਸਙ੍ਗਹਿਤਾ ਏવਾ’’ਤਿ। ਏਤ੍ਥਾਤਿ ਏਤਸ੍ਮਿਂ ਪਞ੍ਚਮਨਯਨਿਦ੍ਦੇਸੇ। ਪਠਮੇ ਨਯੇਤਿ ਪਠਮੇ ਅਤ੍ਥવਿਕਪ੍ਪੇ। ਤਥਾ ਦੁਤਿਯੇਤਿ ਏਤ੍ਥਾਪਿ। ਰੂਪવਿਞ੍ਞਾਣੇਹੀਤਿ ਅਸੁਖੁਮਰੂਪਧਮ੍ਮੇਹਿ વਿਞ੍ਞਾਣੇਨ ਚਾਤਿ ਅਯਮੇਤ੍ਥ ਅਧਿਪ੍ਪਾਯੋਤਿ ਦਸ੍ਸੇਨ੍ਤੋ ‘‘ਓਲ਼ਾਰਿਕ…ਪੇ॰… ਅਤ੍ਥੋ’’ਤਿ ਆਹ। ਕਥਂ ਪਨ ਰੂਪਧਮ੍ਮਾਤਿ વੁਤ੍ਤੇ ਓਲ਼ਾਰਿਕਰੂਪਸ੍ਸੇવ ਗਹਣਨ੍ਤਿ ਆਹ ‘‘ਰੂਪੇਕਦੇਸੋ ਹਿ ਏਤ੍ਥ ਰੂਪਗ੍ਗਹਣੇਨ ਗਹਿਤੋ’’ਤਿ।
Avasesā vedanādayo tayo khandhā nibbānañca sakalena rūpakkhandhena tesaṃ saṅgaho natthīti ‘‘saṅgahitā’’ti na sakkā vattuṃ, ekadesena pana saṅgaho atthīti ‘‘asaṅgahitā na hontīti evaṃ daṭṭhabba’’nti āha. ‘‘Rūpadhammāvā’’ti niyamanaṃ pucchāya uddhaṭabhāvāpekkhanti dassento ‘‘pucchāya…pe… adhippāyo’’ti āha. Tena vuttaṃ ‘‘anuddhaṭā vedanādayopi hi asaṅgahitā evā’’ti. Etthāti etasmiṃ pañcamanayaniddese. Paṭhame nayeti paṭhame atthavikappe. Tathā dutiyeti etthāpi. Rūpaviññāṇehīti asukhumarūpadhammehi viññāṇena cāti ayamettha adhippāyoti dassento ‘‘oḷārika…pe… attho’’ti āha. Kathaṃ pana rūpadhammāti vutte oḷārikarūpasseva gahaṇanti āha ‘‘rūpekadeso hi ettha rūpaggahaṇena gahito’’ti.
੧੯੬. ਅਸਙ੍ਗਾਹਕਨ੍ਤਿ ‘‘ਚਕ੍ਖਾਯਤਨੇਨ…ਪੇ॰… ਅਸਙ੍ਗਹਿਤਾ’’ਤਿ ਏવਂ ਅਸਙ੍ਗਾਹਕਭਾવੇਨ વੁਤ੍ਤਂ ਪੁਚ੍ਛਿਤਬ੍ਬવਿਸ੍ਸਜ੍ਜੇਤਬ੍ਬਭਾવੇਨ વੁਤ੍ਤਮ੍ਪਿ ਕਾਮਂ વੇਦਨਾਦੀਹੇવ ਚਤੂਹਿ ਅਸਙ੍ਗਹਿਤਂ, ਤਂ ਪਨ ਨ ਚਕ੍ਖਾਯਤਨਮੇવਾਤਿ ਦਸ੍ਸੇਤੁਂ ‘‘ਚਕ੍ਖਾਯਤਨੇਨ ਪਨਾ’’ਤਿਆਦਿ વੁਤ੍ਤਂ। ਯੇਹਿ ਧਮ੍ਮੇਹੀਤਿ ਖਨ੍ਧਾਦੀਸੁ ਯੇਹਿ। ਸਬ੍ਬਂ ਧਮ੍ਮਜਾਤਂ ਤੇવ ਰੂਪਾਦਿਕੇ ਧਮ੍ਮੇ ਉਦਾਨੇਤਿ ਪਾਲ਼ਿਯਂ। ਕਸ੍ਮਾ ਪਨੇਤਂ ਉਦਾਨੇਤੀਤਿ ਆਹ ‘‘ਸਦਿਸવਿਸ੍ਸਜ੍ਜਨਾ’’ਤਿਆਦਿ। ਪਠਮੇਨ ਉਦਾਨੇਨ। ਦ੍વੇਤਿ ‘‘ਬਾਹਿਰਾ ਉਪਾਦਾ ਦ੍વੇ’’ਤਿ ਏਤ੍ਥ વੁਤ੍ਤਂ ਦ੍વੇ-ਸਦ੍ਦਂ ਸਨ੍ਧਾਯਾਹ। ਤਸ੍ਸ ਅਸਙ੍ਗਹਿਤਸ੍ਸ। ਯਥਾਦਸ੍ਸਿਤਸ੍ਸਾਤਿ ‘‘ਰੂਪ’’ਨ੍ਤਿਆਦਿਨਾ ਦਸ੍ਸਿਤਪ੍ਪਕਾਰਸ੍ਸ। ਧਮ੍ਮਨ੍વਯਞਾਣੁਪ੍ਪਾਦਨਂ ਨਯਦਾਨਂ। ‘‘ਰੂਪਂ ਧਮ੍ਮਾਯਤਨ’’ਨ੍ਤਿਆਦੀਨਂ ਪਦਾਨਂ વਸੇਨ ਦ੍વੇવੀਸਪਦਿਕੋ ਏਸ ਨਯੋ।
196. Asaṅgāhakanti ‘‘cakkhāyatanena…pe… asaṅgahitā’’ti evaṃ asaṅgāhakabhāvena vuttaṃ pucchitabbavissajjetabbabhāvena vuttampi kāmaṃ vedanādīheva catūhi asaṅgahitaṃ, taṃ pana na cakkhāyatanamevāti dassetuṃ ‘‘cakkhāyatanena panā’’tiādi vuttaṃ. Yehi dhammehīti khandhādīsu yehi. Sabbaṃ dhammajātaṃ teva rūpādike dhamme udāneti pāḷiyaṃ. Kasmā panetaṃ udānetīti āha ‘‘sadisavissajjanā’’tiādi. Paṭhamena udānena. Dveti ‘‘bāhirā upādā dve’’ti ettha vuttaṃ dve-saddaṃ sandhāyāha. Tassa asaṅgahitassa. Yathādassitassāti ‘‘rūpa’’ntiādinā dassitappakārassa. Dhammanvayañāṇuppādanaṃ nayadānaṃ. ‘‘Rūpaṃ dhammāyatana’’ntiādīnaṃ padānaṃ vasena dvevīsapadiko esa nayo.
ਪਞ੍ਚਮਨਯਅਸਙ੍ਗਹਿਤੇਨਅਸਙ੍ਗਹਿਤਪਦવਣ੍ਣਨਾ ਨਿਟ੍ਠਿਤਾ।
Pañcamanayaasaṅgahitenaasaṅgahitapadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਾਤੁਕਥਾਪਾਲ਼ਿ • Dhātukathāpāḷi / ੫. ਅਸਙ੍ਗਹਿਤੇਨਅਸਙ੍ਗਹਿਤਪਦਨਿਦ੍ਦੇਸੋ • 5. Asaṅgahitenaasaṅgahitapadaniddeso
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਪਞ੍ਚਮਨਯੋ ਅਸਙ੍ਗਹਿਤੇਨਅਸਙ੍ਗਹਿਤਪਦવਣ੍ਣਨਾ • 5. Pañcamanayo asaṅgahitenaasaṅgahitapadavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਪਞ੍ਚਮਨਯੋ ਅਸਙ੍ਗਹਿਤੇਨਅਸਙ੍ਗਹਿਤਪਦવਣ੍ਣਨਾ • 5. Pañcamanayo asaṅgahitenaasaṅgahitapadavaṇṇanā
