| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೧೦. ಪಞ್ಚಙ್ಗುಲಿಯತ್ಥೇರಅಪದಾನವಣ್ಣನಾ
10. Pañcaṅguliyattheraapadānavaṇṇanā
ತಿಸ್ಸೋ ನಾಮಾಸಿ ಭಗವಾತಿಆದಿಕಂ ಆಯಸ್ಮತೋ ಪಞ್ಚಙ್ಗುಲಿಯತ್ಥೇರಸ್ಸ ಅಪದಾನಂ। ಅಯಮ್ಪಿ ಪುರಿಮಬುದ್ಧೇಸು ಕತಾಧಿಕಾರೇ ತತ್ಥ ತತ್ಥ ಭವೇ ವಿವಟ್ಟೂಪನಿಸ್ಸಯಾನಿ ಪುಞ್ಞಾನಿ ಉಪಚಿನನ್ತೋ ತಿಸ್ಸಸ್ಸ ಭಗವತೋ ಕಾಲೇ ಏಕಸ್ಮಿಂ ಕುಲೇ ನಿಬ್ಬತ್ತೋ ವುದ್ಧಿಮನ್ವಾಯ ಘರಾವಾಸಂ ಸಣ್ಠಪೇತ್ವಾ ವಿಭವಸಮ್ಪನ್ನೋ ಸದ್ಧೋ ಪಸನ್ನೋ ವೀಥಿತೋ ವಿಹಾರಂ ಪಟಿಪನ್ನಂ ಭಗವನ್ತಂ ದಿಸ್ವಾ ಜಾತಿಸುಮನಾದಿಅನೇಕಾನಿ ಸುಗನ್ಧಪುಪ್ಫಾನಿ ಚನ್ದನಾದೀನಿ ಚ ವಿಲೇಪನಾನಿ ಗಾಹಾಪೇತ್ವಾ ವಿಹಾರಂ ಗತೋ ಪುಪ್ಫೇಹಿ ಭಗವನ್ತಂ ಪೂಜೇತ್ವಾ ವಿಲೇಪನೇಹಿ ಭಗವತೋ ಸರೀರೇ ಪಞ್ಚಙ್ಗುಲಿಕಂ ಕತ್ವಾ ವನ್ದಿತ್ವಾ ಪಕ್ಕಾಮಿ।
Tissonāmāsi bhagavātiādikaṃ āyasmato pañcaṅguliyattherassa apadānaṃ. Ayampi purimabuddhesu katādhikāre tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kule nibbatto vuddhimanvāya gharāvāsaṃ saṇṭhapetvā vibhavasampanno saddho pasanno vīthito vihāraṃ paṭipannaṃ bhagavantaṃ disvā jātisumanādianekāni sugandhapupphāni candanādīni ca vilepanāni gāhāpetvā vihāraṃ gato pupphehi bhagavantaṃ pūjetvā vilepanehi bhagavato sarīre pañcaṅgulikaṃ katvā vanditvā pakkāmi.
೫೦. ಸೋ ತೇನ ಪುಞ್ಞೇನ ದೇವಮನುಸ್ಸೇಸು ಉಭಯಸಮ್ಪತ್ತಿಯೋ ಅನುಭವಿತ್ವಾ ಇಮಸ್ಮಿಂ ಬುದ್ಧುಪ್ಪಾದೇ ವಿಭವಸಮ್ಪನ್ನೇ ಏಕಸ್ಮಿಂ ಕುಲೇ ನಿಬ್ಬತ್ತಿತ್ವಾ ವುದ್ಧಿಮನ್ವಾಯ ಸತ್ಥು ಧಮ್ಮದೇಸನಂ ಸುತ್ವಾ ಪಸನ್ನಮಾನಸೋ ಪಬ್ಬಜಿತ್ವಾ ವಿಪಸ್ಸನಂ ವಡ್ಢೇತ್ವಾ ನಚಿರಸ್ಸೇವ ಅರಹಾ ಹುತ್ವಾ ಪುಬ್ಬಕಮ್ಮಂ ಸರನ್ತೋ ಪಚ್ಚಕ್ಖತೋ ಞತ್ವಾ ‘‘ಇಮಂ ನಾಮ ಕುಸಲಕಮ್ಮಂ ಕತ್ವಾ ಈದಿಸಂ ಲೋಕುತ್ತರಸಮ್ಪತ್ತಿಂ ಪತ್ತೋಮ್ಹೀ’’ತಿ ಪುಬ್ಬಚರಿತಾಪದಾನಂ ಪಕಾಸೇನ್ತೋ ತಿಸ್ಸೋ ನಾಮಾಸಿ ಭಗವಾತಿಆದಿಮಾಹ। ತಂ ಸಬ್ಬಂ ಉತ್ತಾನತ್ಥಮೇವಾತಿ।
50. So tena puññena devamanussesu ubhayasampattiyo anubhavitvā imasmiṃ buddhuppāde vibhavasampanne ekasmiṃ kule nibbattitvā vuddhimanvāya satthu dhammadesanaṃ sutvā pasannamānaso pabbajitvā vipassanaṃ vaḍḍhetvā nacirasseva arahā hutvā pubbakammaṃ saranto paccakkhato ñatvā ‘‘imaṃ nāma kusalakammaṃ katvā īdisaṃ lokuttarasampattiṃ pattomhī’’ti pubbacaritāpadānaṃ pakāsento tisso nāmāsi bhagavātiādimāha. Taṃ sabbaṃ uttānatthamevāti.
ಪಞ್ಚಙ್ಗುಲಿಯತ್ಥೇರಅಪದಾನವಣ್ಣನಾ ಸಮತ್ತಾ।
Pañcaṅguliyattheraapadānavaṇṇanā samattā.
ಸತ್ತರಸಮವಗ್ಗವಣ್ಣನಾ ಸಮತ್ತಾ।
Sattarasamavaggavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೧೦. ಪಞ್ಚಙ್ಗುಲಿಯತ್ಥೇರಅಪದಾನಂ • 10. Pañcaṅguliyattheraapadānaṃ
