| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૧૧૦. પઞ્ચન્નં અપ્પહિતેપિ અનુજાનનકથા
110. Pañcannaṃ appahitepi anujānanakathā
૧૯૩. પગેવ પહિતેતિ ઇમિના ‘‘અપહિતેપિ ગન્તબ્બ’’ન્તિ એત્થ પિસદ્દસ્સ સમ્ભાવનત્થં દસ્સેતિ. પઞ્ચન્નં સહધમ્મિકાનં સન્તિકં ગન્તબ્બભાવસ્સ કારણં વિભજિત્વા દસ્સેન્તો આહ ‘‘ભિક્ખુ ગિલાનો હોતી’’તિઆદિ. દસહીતિ ‘‘સઙ્ઘો કમ્મં કત્તુકામો હોતિ, કતં વા સઙ્ઘેન કમ્મં હોતી’’તિ ઇદં અઙ્ગં એકં કત્વા દસહિ. નવહીતિ પરિવાસારહં અપનેત્વા નવહિ. ચતૂહીતિ ગિલાનઅનભિરતિકુક્કુચ્ચદિટ્ઠિગતઉપ્પન્નસઙ્ખાતેહિ ચતૂહિ. ઇતિ ઇમેહિ છહીતિ યોજના. સામણેરસ્સપિ છહીતિ એત્થ છન્નં સરૂપં વિત્થારેત્વા દસ્સેન્તો આહ ‘‘આદિતો’’તિઆદિ. તં સુવિઞ્ઞેય્યમેવ. સામણેરિયા સન્તિકં પઞ્ચહિ ગન્તબ્બન્તિ યોજના. પરતોતિ પરસ્મા, પરસ્મિં વા. અન્ધકટ્ઠકથાયં વુત્તન્તિ સમ્બન્ધો. યે ઞાતકા વા યે અઞ્ઞાતકા વા અત્થિ, તેસમ્પીતિ યોજના. તન્તિ વચનં.
193.Pageva pahiteti iminā ‘‘apahitepi gantabba’’nti ettha pisaddassa sambhāvanatthaṃ dasseti. Pañcannaṃ sahadhammikānaṃ santikaṃ gantabbabhāvassa kāraṇaṃ vibhajitvā dassento āha ‘‘bhikkhu gilāno hotī’’tiādi. Dasahīti ‘‘saṅgho kammaṃ kattukāmo hoti, kataṃ vā saṅghena kammaṃ hotī’’ti idaṃ aṅgaṃ ekaṃ katvā dasahi. Navahīti parivāsārahaṃ apanetvā navahi. Catūhīti gilānaanabhiratikukkuccadiṭṭhigatauppannasaṅkhātehi catūhi. Iti imehi chahīti yojanā. Sāmaṇerassapi chahīti ettha channaṃ sarūpaṃ vitthāretvā dassento āha ‘‘ādito’’tiādi. Taṃ suviññeyyameva. Sāmaṇeriyā santikaṃ pañcahi gantabbanti yojanā. Paratoti parasmā, parasmiṃ vā. Andhakaṭṭhakathāyaṃ vuttanti sambandho. Ye ñātakā vā ye aññātakā vā atthi, tesampīti yojanā. Tanti vacanaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૧૦. પઞ્ચન્નં અપ્પહિતેપિ અનુજાનના • 110. Pañcannaṃ appahitepi anujānanā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / પઞ્ચન્નંઅપ્પહિતેપિઅનુજાનનકથા • Pañcannaṃappahitepianujānanakathā
