| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. бан̃жасикасуд̇д̇ам̣
6. Pañcasikhasuttaṃ
119. згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. ат̇а ко бан̃жасико г̇анд̇хаб̣б̣ад̣̇звабуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко бан̃жасико г̇анд̇хаб̣б̣ад̣̇звабуд̇д̇о бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у, го бажжаяо язна мид̇хзгажжз сад̇д̇аа д̣̇идтзва д̇хаммз но бариниб̣б̣ааяанд̇и? го бана, бханд̇з, хзд̇у, го бажжаяо язна мид̇хзгажжз сад̇д̇аа д̣̇идтзва д̇хаммз бариниб̣б̣ааяанд̇ий’’д̇и? ‘‘санд̇и ко, бан̃жасика, жагкувин̃н̃зяяаа руубаа…бз… санд̇и ко, бан̃жасика, мановин̃н̃зяяаа д̇хаммаа, идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о д̇анниссид̇ам̣ вин̃н̃аан̣ам̣ ход̇и д̇ад̣̇убаад̣̇аанам̣. саубаад̣̇аано, бан̃жасика , бхигку но бариниб̣б̣ааяад̇и. аяам̣ ко, бан̃жасика, хзд̇у, аяам̣ бажжаяо язна мид̇хзгажжз сад̇д̇аа д̣̇идтзва д̇хаммз но бариниб̣б̣ааяанд̇и’’.
119. Ekaṃ samayaṃ bhagavā rājagahe viharati gijjhakūṭe pabbate. Atha kho pañcasikho gandhabbadevaputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho pañcasikho gandhabbadevaputto bhagavantaṃ etadavoca – ‘‘ko nu kho, bhante, hetu, ko paccayo yena midhekacce sattā diṭṭheva dhamme no parinibbāyanti? Ko pana, bhante, hetu, ko paccayo yena midhekacce sattā diṭṭheva dhamme parinibbāyantī’’ti? ‘‘Santi kho, pañcasikha, cakkhuviññeyyā rūpā…pe… santi kho, pañcasikha, manoviññeyyā dhammā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato tannissitaṃ viññāṇaṃ hoti tadupādānaṃ. Saupādāno, pañcasikha , bhikkhu no parinibbāyati. Ayaṃ kho, pañcasikha, hetu, ayaṃ paccayo yena midhekacce sattā diṭṭheva dhamme no parinibbāyanti’’.
‘‘санд̇и жа ко, бан̃жасика, жагкувин̃н̃зяяаа руубаа идтаа ганд̇аа манаабаа…бз… санд̇и ко, бан̃жасика, мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и, д̇асса д̇ам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о на д̇анниссид̇ам̣ вин̃н̃аан̣ам̣ ход̇и, на д̇ад̣̇убаад̣̇аанам̣. анубаад̣̇аано, бан̃жасика, бхигку бариниб̣б̣ааяад̇и. аяам̣ ко, бан̃жасика, хзд̇у, аяам̣ бажжаяо язна мид̇хзгажжз сад̇д̇аа д̣̇идтзва д̇хаммз бариниб̣б̣ааяанд̇ий’’д̇и. чадтам̣.
‘‘Santi ca kho, pañcasikha, cakkhuviññeyyā rūpā iṭṭhā kantā manāpā…pe… santi kho, pañcasikha, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati, tassa taṃ anabhinandato anabhivadato anajjhosāya tiṭṭhato na tannissitaṃ viññāṇaṃ hoti, na tadupādānaṃ. Anupādāno, pañcasikha, bhikkhu parinibbāyati. Ayaṃ kho, pañcasikha, hetu, ayaṃ paccayo yena midhekacce sattā diṭṭheva dhamme parinibbāyantī’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5-6. саггабан̃хасуд̇д̇аад̣̇иван̣н̣анаа • 5-6. Sakkapañhasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-6. саггабан̃хасуд̇д̇аад̣̇иван̣н̣анаа • 5-6. Sakkapañhasuttādivaṇṇanā
