| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਪਞ੍ਚਸੀਲਸਮਾਦਾਨਿਯਤ੍ਥੇਰਅਪਦਾਨવਣ੍ਣਨਾ
4. Pañcasīlasamādāniyattheraapadānavaṇṇanā
ਨਗਰੇ ਚਨ੍ਦવਤਿਯਾਤਿਆਦਿਕਂ ਆਯਸ੍ਮਤੋ ਪਞ੍ਚਸੀਲਸਮਾਦਾਨਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਨੋਮਦਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ ਪੁਰਿਮਭવੇ ਕਤਾਕੁਸਲਕਮ੍ਮਾਨੁਰੂਪੇਨ ਦਲਿਦ੍ਦੋ ਹੁਤ੍વਾ ਅਪ੍ਪਨ੍ਨਪਾਨਭੋਜਨੋ ਪਰੇਸਂ ਭਤਿਂ ਕਤ੍વਾ ਜੀવਨ੍ਤੋ ਸਂਸਾਰੇ ਆਦੀਨવਂ ਞਤ੍વਾ ਪਬ੍ਬਜਿਤੁਕਾਮੋਪਿ ਪਬ੍ਬਜ੍ਜਂ ਅਲਭਮਾਨੋ ਅਨੋਮਦਸ੍ਸਿਸ੍ਸ ਭਗવਤੋ ਸਾવਕਸ੍ਸ ਨਿਸਭਤ੍ਥੇਰਸ੍ਸ ਸਨ੍ਤਿਕੇ ਪਞ੍ਚ ਸਿਕ੍ਖਾਪਦਾਨਿ ਸਮਾਦਿਯਿ। ਦੀਘਾਯੁਕਕਾਲੇ ਉਪ੍ਪਨ੍ਨਤ੍ਤਾ વਸ੍ਸਸਤਸਹਸ੍ਸਾਨਿ ਸੀਲਂ ਪਰਿਪਾਲੇਸਿ। ਤੇਨ ਕਮ੍ਮੇਨ ਸੋ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વੇਸਾਲਿਯਂ ਮਹਾਭੋਗਕੁਲੇ ਨਿਬ੍ਬਤ੍ਤੋ। ਮਾਤਾਪਿਤਰੋ ਸੀਲਂ ਸਮਾਦਿਯਨ੍ਤੇ ਦਿਸ੍વਾ ਅਤ੍ਤਨੋ ਸੀਲਂ ਸਰਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਤ੍વਾ ਪਬ੍ਬਜਿ।
Nagare candavatiyātiādikaṃ āyasmato pañcasīlasamādāniyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto anomadassissa bhagavato kāle ekasmiṃ kule nibbatto purimabhave katākusalakammānurūpena daliddo hutvā appannapānabhojano paresaṃ bhatiṃ katvā jīvanto saṃsāre ādīnavaṃ ñatvā pabbajitukāmopi pabbajjaṃ alabhamāno anomadassissa bhagavato sāvakassa nisabhattherassa santike pañca sikkhāpadāni samādiyi. Dīghāyukakāle uppannattā vassasatasahassāni sīlaṃ paripālesi. Tena kammena so devamanussesu saṃsaranto imasmiṃ buddhuppāde vesāliyaṃ mahābhogakule nibbatto. Mātāpitaro sīlaṃ samādiyante disvā attano sīlaṃ saritvā vipassanaṃ vaḍḍhetvā arahattaṃ patvā pabbaji.
੧੩੪. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਉਦਾਨવਸੇਨ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਗਰੇ ਚਨ੍ਦવਤਿਯਾਤਿਆਦਿਮਾਹ। ਭਤਕੋ ਆਸਹਂ ਤਦਾਤਿ ਤਦਾ ਮਮ ਪੁਞ੍ਞਕਰਣਕਾਲੇ ਅਹਂ ਭਤਕੋ ਭਤਿਯਾ ਕਮ੍ਮਕਾਰਕੋ ਆਸਿਂ ਅਹੋਸਿਂ। ਪਰਕਮ੍ਮਾਯਨੇ ਯੁਤ੍ਤੋਤਿ ਭਤਿਯਾ ਪਰੇਸਂ ਕਮ੍ਮਕਰਣੇ ਆਯੁਤ੍ਤੋ ਯੋਜਿਤੋ ਓਕਾਸਾਭਾવੇਨ ਸਂਸਾਰਤੋ ਮੁਚ੍ਚਨਤ੍ਥਾਯ ਅਹਂ ਪਬ੍ਬਜ੍ਜਂ ਨ ਲਭਾਮਿ।
134. So attano pubbakammaṃ saritvā somanassajāto udānavasena pubbacaritāpadānaṃ pakāsento nagare candavatiyātiādimāha. Bhatakoāsahaṃ tadāti tadā mama puññakaraṇakāle ahaṃ bhatako bhatiyā kammakārako āsiṃ ahosiṃ. Parakammāyane yuttoti bhatiyā paresaṃ kammakaraṇe āyutto yojito okāsābhāvena saṃsārato muccanatthāya ahaṃ pabbajjaṃ na labhāmi.
੧੩੫. ਮਹਨ੍ਧਕਾਰਪਿਹਿਤਾਤਿ ਮਹਨ੍ਤੇਹਿ ਕਿਲੇਸਨ੍ਧਕਾਰੇਹਿ ਪਿਹਿਤਾ ਸਂવੁਤਾ ਥਕਿਤਾ। ਤਿવਿਧਗ੍ਗੀਹਿ ਡਯ੍ਹਰੇਤਿ ਨਰਕਗ੍ਗਿਪੇਤਗ੍ਗਿਸਂਸਾਰਗ੍ਗਿਸਙ੍ਖਾਤੇਹਿ ਤੀਹਿ ਅਗ੍ਗੀਹਿ ਡਯ੍ਹਨ੍ਤਿ। ਅਹਂ ਪਨ ਕੇਨ ਉਪਾਯੇਨ ਕੇਨ ਕਾਰਣੇਨ વਿਸਂਯੁਤ੍ਤੋ ਭવੇਯ੍ਯਨ੍ਤਿ ਅਤ੍ਥੋ।
135.Mahandhakārapihitāti mahantehi kilesandhakārehi pihitā saṃvutā thakitā. Tividhaggīhi ḍayhareti narakaggipetaggisaṃsāraggisaṅkhātehi tīhi aggīhi ḍayhanti. Ahaṃ pana kena upāyena kena kāraṇena visaṃyutto bhaveyyanti attho.
੧੩੬. ਦੇਯ੍ਯਧਮ੍ਮੋ ਅਨ੍ਨਪਾਨਾਦਿਦਾਤਬ੍ਬਯੁਤ੍ਤਕਂ વਤ੍ਥੁ ਮਯ੍ਹਂ ਨਤ੍ਥਿ, ਤਸ੍ਸਾਭਾવੇਨ ਅਹਂ વਰਾਕੋ ਦੁਕ੍ਖਿਤੋ ਭਤਕੋ ਭਤਿਯਾ ਜੀવਨਕੋ ਯਂਨੂਨਾਹਂ ਪਞ੍ਚਸੀਲਂ ਰਕ੍ਖੇਯ੍ਯਂ ਪਰਿਪੂਰਯਨ੍ਤਿ ਪਞ੍ਚਸੀਲਂ ਸਮਾਦਿਯਿਤ੍વਾ ਪਰਿਪੂਰੇਨ੍ਤੋ ਯਂਨੂਨ ਰਕ੍ਖੇਯ੍ਯਂ ਸਾਧੁਕਂ ਭਦ੍ਦਕਂ ਸੁਨ੍ਦਰਂ ਕਤ੍વਾ ਪਰਿਪਾਲੇਯ੍ਯਨ੍ਤਿ ਅਤ੍ਥੋ।
136.Deyyadhammo annapānādidātabbayuttakaṃ vatthu mayhaṃ natthi, tassābhāvena ahaṃ varāko dukkhito bhatako bhatiyā jīvanako yaṃnūnāhaṃ pañcasīlaṃ rakkheyyaṃ paripūrayanti pañcasīlaṃ samādiyitvā paripūrento yaṃnūna rakkheyyaṃ sādhukaṃ bhaddakaṃ sundaraṃ katvā paripāleyyanti attho.
੧੪੮. ਸ੍વਾਹਂ ਯਸਮਨੁਭવਿਨ੍ਤਿ ਸੋ ਅਹਂ ਦੇવਮਨੁਸ੍ਸੇਸੁ ਮਹਨ੍ਤਂ ਯਸਂ ਅਨੁਭવਿਂ ਤੇਸਂ ਸੀਲਾਨਂ વਾਹਸਾ ਆਨੁਭਾવੇਨਾਤਿ ਅਤ੍ਥੋ। ਕਪ੍ਪਕੋਟਿਮ੍ਪਿ ਤੇਸਂ ਸੀਲਾਨਂ ਫਲਂ ਕਿਤ੍ਤੇਨ੍ਤੋ ਏਕਕੋਟ੍ਠਾਸਮੇવ ਕਿਤ੍ਤਯੇ ਪਾਕਟਂ ਕਰੇਯ੍ਯਨ੍ਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
148.Svāhaṃ yasamanubhavinti so ahaṃ devamanussesu mahantaṃ yasaṃ anubhaviṃ tesaṃ sīlānaṃ vāhasā ānubhāvenāti attho. Kappakoṭimpi tesaṃ sīlānaṃ phalaṃ kittento ekakoṭṭhāsameva kittaye pākaṭaṃ kareyyanti attho. Sesaṃ suviññeyyamevāti.
ਪਞ੍ਚਸੀਲਸਮਾਦਾਨਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Pañcasīlasamādāniyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਪਞ੍ਚਸੀਲਸਮਾਦਾਨਿਯਤ੍ਥੇਰਅਪਦਾਨਂ • 4. Pañcasīlasamādāniyattheraapadānaṃ
