| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. г̇ахабад̇иваг̇г̇о
5. Gahapativaggo
1. бан̃жавзрабхаяасуд̇д̇аван̣н̣анаа
1. Pañcaverabhayasuttavaṇṇanā
41. г̇ахабад̇иваг̇г̇асса батамз яад̇од̇и яад̣̇аа. бхаяаани взраанийд̇и бхаяавзражзд̇анааяо. сод̇аабад̇д̇ияан̇г̇зхийд̇и д̣̇увид̇хам̣ сод̇аабад̇д̇ияаа ан̇г̇ам̣, (сод̇аабад̇д̇ияаа жа ан̇г̇ам̣,) яам̣ буб̣б̣абхааг̇з сод̇аабад̇д̇ибадилаабхааяа сам̣вад̇д̇ад̇и, ‘‘саббурисасам̣сзво сад̣̇д̇хаммассаванам̣ яонисоманасигааро д̇хаммаануд̇хаммаббадибад̇д̇ий’’д̇и (д̣̇ий. ни. 3.311) звам̣ ааг̇ад̇ам̣, бадилад̣̇д̇хаг̇ун̣асса жа сод̇аабад̇д̇им̣ бад̇ваа тид̇асса ан̇г̇ам̣, яам̣ сод̇аабаннасса ан̇г̇анд̇иби вужжад̇и, б̣уд̣̇д̇хз авзжжаббасаад̣̇аад̣̇ийнам̣ зд̇ам̣ ад̇хиважанам̣. ид̣̇амид̇ха ад̇хиббзд̇ам̣. арияод̇и нид̣̇д̣̇осо нирубаарамбхо. н̃ааяод̇и бадижжасамуббаннам̣ н̃ад̇ваа тид̇ан̃аан̣амби бадижжасамуббаад̣̇оби. яат̇ааха – ‘‘н̃ааяо вужжад̇и бадижжасамуббаад̣̇о, арияоби адтан̇г̇иго маг̇г̇о н̃ааяо’’д̇и. бан̃н̃ааяаад̇и абараабарам̣ уббаннааяа вибассанаабан̃н̃ааяа. суд̣̇идто ход̇ийд̇и абараабарам̣ уббаж̇ж̇ид̇ваа д̣̇ассанавасзна судту д̣̇идто.
41. Gahapativaggassa paṭhame yatoti yadā. Bhayāni verānīti bhayaveracetanāyo. Sotāpattiyaṅgehīti duvidhaṃ sotāpattiyā aṅgaṃ, (sotāpattiyā ca aṅgaṃ,) yaṃ pubbabhāge sotāpattipaṭilābhāya saṃvattati, ‘‘sappurisasaṃsevo saddhammassavanaṃ yonisomanasikāro dhammānudhammappaṭipattī’’ti (dī. ni. 3.311) evaṃ āgataṃ, paṭiladdhaguṇassa ca sotāpattiṃ patvā ṭhitassa aṅgaṃ, yaṃ sotāpannassa aṅgantipi vuccati, buddhe aveccappasādādīnaṃ etaṃ adhivacanaṃ. Idamidha adhippetaṃ. Ariyoti niddoso nirupārambho. Ñāyoti paṭiccasamuppannaṃ ñatvā ṭhitañāṇampi paṭiccasamuppādopi. Yathāha – ‘‘ñāyo vuccati paṭiccasamuppādo, ariyopi aṭṭhaṅgiko maggo ñāyo’’ti. Paññāyāti aparāparaṃ uppannāya vipassanāpaññāya. Sudiṭṭho hotīti aparāparaṃ uppajjitvā dassanavasena suṭṭhu diṭṭho.
кийн̣анираяод̇иаад̣̇ийсу ааяад̇им̣ д̇ад̇т̇а ануббаж̇ж̇анад̇ааяа кийн̣о нираяо маяханд̇и со ахам̣ кийн̣анираяо. зса наяо саб̣б̣ад̇т̇а. сод̇аабаннод̇и маг̇г̇асод̇ам̣ аабанно. авинибаад̇ад̇хаммод̇и на винибаад̇асабхааво . нияад̇од̇и батамамаг̇г̇асан̇каад̇зна саммад̇д̇анияаамзна нияад̇о. самб̣од̇хибарааяанод̇и уд̇д̇аримаг̇г̇ад̇д̇аяасан̇каад̇о самб̣од̇хи барам̣ аяанам̣ маяханд̇и сохам̣ самб̣од̇хибарааяано, д̇ам̣ самб̣од̇хим̣ авассам̣ абхисамб̣уж̇жханагод̇и ад̇т̇о.
Khīṇanirayotiādīsu āyatiṃ tattha anuppajjanatāya khīṇo nirayo mayhanti so ahaṃ khīṇanirayo. Esa nayo sabbattha. Sotāpannoti maggasotaṃ āpanno. Avinipātadhammoti na vinipātasabhāvo . Niyatoti paṭhamamaggasaṅkhātena sammattaniyāmena niyato. Sambodhiparāyanoti uttarimaggattayasaṅkhāto sambodhi paraṃ ayanaṃ mayhanti sohaṃ sambodhiparāyano, taṃ sambodhiṃ avassaṃ abhisambujjhanakoti attho.
баан̣аад̇ибаад̇абажжаяаад̇и баан̣аад̇ибаад̇агаммагааран̣аа. бхаяам̣ взранд̇и ад̇т̇ад̇о згам̣. взран̃жа наамзд̇ам̣ д̣̇увид̇хам̣ ход̇и б̣аахирам̣ аж̇жхад̇д̇иганд̇и. згзна хи згасса бид̇аа маарид̇о ход̇и, со жинд̇зси ‘‘зд̇зна гира мз бид̇аа маарид̇о, ахамби д̇ам̣язва маарзссаамий’’д̇и нисид̇ам̣ сад̇т̇ам̣ аад̣̇ааяа жарад̇и. яаа д̇асса аб̣бханд̇арз уббаннавзражзд̇анаа, ид̣̇ам̣ б̣аахирам̣ взрам̣ наама. яаа бана ид̇арасса ‘‘аяам̣ гира мам̣ маарзссаамийд̇и жарад̇и, ахамзва нам̣ батамад̇арам̣ маарзссаамий’’д̇и жзд̇анаа уббаж̇ж̇ад̇и, ид̣̇ам̣ аж̇жхад̇д̇игам̣ взрам̣ наама. ид̣̇ам̣ д̇аава убхаяамби д̣̇идтад̇хаммигамзва. яаа бана д̇ам̣ нираяз уббаннам̣ д̣̇исваа ‘‘зд̇ам̣ бахариссаамий’’д̇и ж̇алид̇ам̣ аяамуг̇г̇арам̣ г̇ан̣хад̇о нираяабааласса жзд̇анаа уббаж̇ж̇ад̇и, ид̣̇амасса самбарааяигам̣ б̣аахиравзрам̣. яаа жасса ‘‘аяам̣ нид̣̇д̣̇осам̣ мам̣ бахариссаамийд̇и ааг̇ажчад̇и, ахамзва нам̣ батамад̇арам̣ бахариссаамий’’д̇и жзд̇анаа уббаж̇ж̇ад̇и, ид̣̇амасса самбарааяигам̣ аж̇жхад̇д̇авзрам̣. яам̣ банзд̇ам̣ б̣аахиравзрам̣, д̇ам̣ адтагат̇ааяам̣ ‘‘буг̇г̇алавзра’’нд̇и вуд̇д̇ам̣. д̣̇угкам̣ д̣̇оманассанд̇и ад̇т̇ад̇о згамзва. яат̇аа жзд̇т̇а, звам̣ сзсабад̣̇зсуби ‘‘иминаа мама бхан̣д̣ам̣ хадам̣ , маяхам̣ д̣̇аарзсу жаарид̇д̇ам̣ аабаннам̣, мусаа вад̇ваа ад̇т̇о бхаг̇г̇о, сураамад̣̇амад̇д̇зна ид̣̇ам̣ наама гад̇а’’нд̇иаад̣̇инаа наязна взруббад̇д̇и взд̣̇ид̇аб̣б̣аа. авзжжаббасаад̣̇знаад̇и ад̇хиг̇ад̇зна ажалаббасаад̣̇зна. арияаганд̇зхийд̇и бан̃жахи сийлзхи. д̇аани хи арияаанам̣ ганд̇аани бияаани. бхаванд̇араг̇ад̇ааби арияаа д̇аани на виж̇аханд̇и, д̇асмаа ‘‘арияаганд̇ааний’’д̇и вужжанд̇и. сзсамзд̇т̇а яам̣ вад̇д̇аб̣б̣ам̣ сияаа, д̇ам̣ саб̣б̣ам̣ висуд̣̇д̇химаг̇г̇з ануссад̇инид̣̇д̣̇зсз вуд̇д̇амзва. батамам̣.
Pāṇātipātapaccayāti pāṇātipātakammakāraṇā. Bhayaṃ veranti atthato ekaṃ. Verañca nāmetaṃ duvidhaṃ hoti bāhiraṃ ajjhattikanti. Ekena hi ekassa pitā mārito hoti, so cintesi ‘‘etena kira me pitā mārito, ahampi taṃyeva māressāmī’’ti nisitaṃ satthaṃ ādāya carati. Yā tassa abbhantare uppannaveracetanā, idaṃ bāhiraṃ veraṃ nāma. Yā pana itarassa ‘‘ayaṃ kira maṃ māressāmīti carati, ahameva naṃ paṭhamataraṃ māressāmī’’ti cetanā uppajjati, idaṃ ajjhattikaṃ veraṃ nāma. Idaṃ tāva ubhayampi diṭṭhadhammikameva. Yā pana taṃ niraye uppannaṃ disvā ‘‘etaṃ paharissāmī’’ti jalitaṃ ayamuggaraṃ gaṇhato nirayapālassa cetanā uppajjati, idamassa samparāyikaṃ bāhiraveraṃ. Yā cassa ‘‘ayaṃ niddosaṃ maṃ paharissāmīti āgacchati, ahameva naṃ paṭhamataraṃ paharissāmī’’ti cetanā uppajjati, idamassa samparāyikaṃ ajjhattaveraṃ. Yaṃ panetaṃ bāhiraveraṃ, taṃ aṭṭhakathāyaṃ ‘‘puggalavera’’nti vuttaṃ. Dukkhaṃ domanassanti atthato ekameva. Yathā cettha, evaṃ sesapadesupi ‘‘iminā mama bhaṇḍaṃ haṭaṃ , mayhaṃ dāresu cārittaṃ āpannaṃ, musā vatvā attho bhaggo, surāmadamattena idaṃ nāma kata’’ntiādinā nayena veruppatti veditabbā. Aveccappasādenāti adhigatena acalappasādena. Ariyakantehīti pañcahi sīlehi. Tāni hi ariyānaṃ kantāni piyāni. Bhavantaragatāpi ariyā tāni na vijahanti, tasmā ‘‘ariyakantānī’’ti vuccanti. Sesamettha yaṃ vattabbaṃ siyā, taṃ sabbaṃ visuddhimagge anussatiniddese vuttameva. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. бан̃жавзрабхаяасуд̇д̇ам̣ • 1. Pañcaverabhayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. бан̃жавзрабхаяасуд̇д̇аван̣н̣анаа • 1. Pañcaverabhayasuttavaṇṇanā
