| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. бан̃жавин̃н̃аан̣асаман̇г̇исса маг̇г̇агат̇ааван̣н̣анаа
3. Pañcaviññāṇasamaṅgissa maggakathāvaṇṇanā
576. ид̣̇аани бан̃жавин̃н̃аан̣асаман̇г̇исса маг̇г̇агат̇аа наама ход̇и. д̇ад̇т̇а язсам̣ ‘‘жагкунаа руубам̣ д̣̇исваа на нимид̇д̇аг̇г̇аахий ход̇ий’’д̇и суд̇д̇ам̣ ниссааяа ‘‘бан̃жавин̃н̃аан̣асаман̇г̇исса ад̇т̇и маг̇г̇абхааванаа’’д̇и лад̣̇д̇хи, сзяяат̇ааби махаасам̣гхигаанам̣, д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘сажз д̇асса маг̇г̇абхааванаа ад̇т̇и, бан̃жавин̃н̃аан̣аг̇ад̇игзна ваа маг̇г̇зна, маг̇г̇аг̇ад̇игзхи ваа бан̃жавин̃н̃аан̣зхи бхавид̇аб̣б̣ам̣, на жа д̇аани маг̇г̇аг̇ад̇игаани аниб̣б̣аанаарамман̣ад̇д̇аа алогуд̇д̇арад̇д̇аа жа, на маг̇г̇о бан̃жавин̃н̃аан̣аг̇ад̇иго д̇зсам̣ лагкан̣зна асан̇г̇ахид̇ад̇д̇аа’’д̇и жод̣̇зд̇ум̣ нану бан̃жавин̃н̃аан̣аа уббаннавад̇т̇угаад̇иаад̣̇имааха. д̇ад̇рааяам̣ ад̇хиббааяо – яад̣̇и бан̃жавин̃н̃аан̣асаман̇г̇исса маг̇г̇абхааванаа сияаа, язна мановин̃н̃аан̣зна маг̇г̇о самбаяуд̇д̇о, д̇амби бан̃жавин̃н̃аан̣асаман̇г̇исса сияаа. звам̣ санд̇з яад̣̇ид̣̇ам̣ ‘‘бан̃жавин̃н̃аан̣аа уббаннавад̇т̇угаа’’д̇иаад̣̇и лагкан̣ам̣ вуд̇д̇ам̣, д̇ам̣ звам̣ авад̇ваа ‘‘ча вин̃н̃аан̣аа’’д̇и вад̇д̇аб̣б̣ам̣ сияаа. д̇ат̇аа бана авад̇ваа ‘‘бан̃жавин̃н̃аан̣аа’’д̇взва вуд̇д̇ам̣, д̇асмаа на вад̇аб̣б̣ам̣ ‘‘бан̃жавин̃н̃аан̣асаман̇г̇исса ад̇т̇и маг̇г̇абхааванаа’’д̇и. яасмаа жзд̇т̇а аяамзва ад̇хиббааяо, д̇асмаа сагаваад̣̇ий д̇ам̣ лагкан̣ам̣ бараваад̣̇им̣ самбадижчаабзд̇ваа но жа вад̇а рз вад̇д̇аб̣б̣з бан̃жавин̃н̃аан̣асаман̇г̇исса ад̇т̇и маг̇г̇абхааванаад̇и ааха.
576. Idāni pañcaviññāṇasamaṅgissa maggakathā nāma hoti. Tattha yesaṃ ‘‘cakkhunā rūpaṃ disvā na nimittaggāhī hotī’’ti suttaṃ nissāya ‘‘pañcaviññāṇasamaṅgissa atthi maggabhāvanā’’ti laddhi, seyyathāpi mahāsaṃghikānaṃ, te sandhāya pucchā sakavādissa, paṭiññā itarassa. Atha naṃ ‘‘sace tassa maggabhāvanā atthi, pañcaviññāṇagatikena vā maggena, maggagatikehi vā pañcaviññāṇehi bhavitabbaṃ, na ca tāni maggagatikāni anibbānārammaṇattā alokuttarattā ca, na maggo pañcaviññāṇagatiko tesaṃ lakkhaṇena asaṅgahitattā’’ti codetuṃ nanu pañcaviññāṇā uppannavatthukātiādimāha. Tatrāyaṃ adhippāyo – yadi pañcaviññāṇasamaṅgissa maggabhāvanā siyā, yena manoviññāṇena maggo sampayutto, tampi pañcaviññāṇasamaṅgissa siyā. Evaṃ sante yadidaṃ ‘‘pañcaviññāṇā uppannavatthukā’’tiādi lakkhaṇaṃ vuttaṃ, taṃ evaṃ avatvā ‘‘cha viññāṇā’’ti vattabbaṃ siyā. Tathā pana avatvā ‘‘pañcaviññāṇā’’tveva vuttaṃ, tasmā na vatabbaṃ ‘‘pañcaviññāṇasamaṅgissa atthi maggabhāvanā’’ti. Yasmā cettha ayameva adhippāyo, tasmā sakavādī taṃ lakkhaṇaṃ paravādiṃ sampaṭicchāpetvā no ca vata re vattabbe pañcaviññāṇasamaṅgissa atthi maggabhāvanāti āha.
абаро наяо – бан̃жавин̃н̃аан̣аа уббаннавад̇т̇угаа, маг̇г̇о авад̇т̇угоби ход̇и. д̇з жа уббаннаарамман̣аа, маг̇г̇о навад̇д̇аб̣б̣аарамман̣о. д̇з бурзж̇аад̇авад̇т̇угаава маг̇г̇о авад̇т̇угоби. д̇з бурзж̇аад̇аарамман̣аа, маг̇г̇о абурзж̇аад̇аарамман̣о. д̇з аж̇жхад̇д̇игавад̇т̇угаава маг̇г̇о авад̇т̇угоби ход̇и. д̇з жа руубаад̣̇ивасзна б̣аахираарамман̣аа, маг̇г̇о ниб̣б̣аанаарамман̣о. д̇з анируд̣̇д̇хам̣ вад̇т̇ум̣ ниссаяам̣ гад̇ваа бавад̇д̇анад̇о асамбхиннавад̇т̇угаа, маг̇г̇о авад̇т̇угоби. д̇з анируд̣̇д̇хаанзва руубаад̣̇ийни аараб̣бха бавад̇д̇анад̇о асамбхиннаарамман̣аа, маг̇г̇о ниб̣б̣аанаарамман̣о. д̇з наанаавад̇т̇угаа, маг̇г̇о авад̇т̇уго ваа згавад̇т̇уго ваа. д̇з наанаарамман̣аа маг̇г̇о згаарамман̣о. д̇з ад̇д̇ано ад̇д̇анова руубаад̣̇иг̇ожарз бавад̇д̇анад̇о на ан̃н̃аман̃н̃асса г̇ожарависаяам̣ бажжанубхонд̇и, маг̇г̇о руубаад̣̇ийсу згамби г̇ожарам̣ на гарод̇и. д̇з гирияаманод̇хаад̇ум̣ бурзжааригам̣ гад̇ваа уббаж̇ж̇анад̇о на асаманнаахаараа на аманасигаараа уббаж̇ж̇анд̇и, маг̇г̇о нирааваж̇ж̇анова. д̇з самбадижчанаад̣̇ийхи вогин̣н̣аа уббаж̇ж̇анд̇и, маг̇г̇асса вогаароязва над̇т̇и. д̇з ан̃н̃аман̃н̃ам̣ буб̣б̣ажаримабхаавзна уббаж̇ж̇анд̇и, маг̇г̇асса д̇зхи сад̣̇д̇хим̣ буримабажчимад̇аава над̇т̇и, д̇зсам̣ ануббад̇д̇игаалз д̇игкавибассанаасамаяз, д̇зсам̣ ануббад̇д̇ид̣̇зсз ааруббзби жа уббаж̇ж̇анад̇о. д̇з самбадижчанаад̣̇ийхи анд̇арид̇ад̇д̇аа на ан̃н̃аман̃н̃асса самананд̇араа уббаж̇ж̇анд̇и, маг̇г̇асса самбадижчанаад̣̇ийхи анд̇арид̇абхаавова над̇т̇и. д̇зсам̣ ан̃н̃ад̇ра абхинибаад̇аа аабхог̇амад̇д̇амби гижжам̣ над̇т̇и, маг̇г̇асса гилзсасамуг̇гхаад̇анам̣ гижжанд̇и. яасмаа жзд̇т̇а аяамби ад̇хиббааяо, д̇асмаа сагаваад̣̇ий имзхаагаарзхи бараваад̣̇им̣ маг̇г̇асса абан̃жавин̃н̃аан̣аг̇ад̇игабхаавам̣ самбадижчаабзд̇ваа но жа вад̇а рз вад̇д̇аб̣б̣з бан̃жавин̃н̃аан̣асаман̇г̇исса ад̇т̇и маг̇г̇абхааванаад̇и ааха.
Aparo nayo – pañcaviññāṇā uppannavatthukā, maggo avatthukopi hoti. Te ca uppannārammaṇā, maggo navattabbārammaṇo. Te purejātavatthukāva maggo avatthukopi. Te purejātārammaṇā, maggo apurejātārammaṇo. Te ajjhattikavatthukāva maggo avatthukopi hoti. Te ca rūpādivasena bāhirārammaṇā, maggo nibbānārammaṇo. Te aniruddhaṃ vatthuṃ nissayaṃ katvā pavattanato asambhinnavatthukā, maggo avatthukopi. Te aniruddhāneva rūpādīni ārabbha pavattanato asambhinnārammaṇā, maggo nibbānārammaṇo. Te nānāvatthukā, maggo avatthuko vā ekavatthuko vā. Te nānārammaṇā maggo ekārammaṇo. Te attano attanova rūpādigocare pavattanato na aññamaññassa gocaravisayaṃ paccanubhonti, maggo rūpādīsu ekampi gocaraṃ na karoti. Te kiriyamanodhātuṃ purecārikaṃ katvā uppajjanato na asamannāhārā na amanasikārā uppajjanti, maggo nirāvajjanova. Te sampaṭicchanādīhi vokiṇṇā uppajjanti, maggassa vokāroyeva natthi. Te aññamaññaṃ pubbacarimabhāvena uppajjanti, maggassa tehi saddhiṃ purimapacchimatāva natthi, tesaṃ anuppattikāle tikkhavipassanāsamaye, tesaṃ anuppattidese āruppepi ca uppajjanato. Te sampaṭicchanādīhi antaritattā na aññamaññassa samanantarā uppajjanti, maggassa sampaṭicchanādīhi antaritabhāvova natthi. Tesaṃ aññatra abhinipātā ābhogamattampi kiccaṃ natthi, maggassa kilesasamugghātanaṃ kiccanti. Yasmā cettha ayampi adhippāyo, tasmā sakavādī imehākārehi paravādiṃ maggassa apañcaviññāṇagatikabhāvaṃ sampaṭicchāpetvā no ca vata re vattabbe pañcaviññāṇasamaṅgissa atthi maggabhāvanāti āha.
577. сун̃н̃ад̇ам̣ аараб̣бхаад̇и ‘‘яат̇аа логуд̇д̇арамаг̇г̇о сун̃н̃ад̇ам̣ ниб̣б̣аанам̣ аараб̣бха, логияо суд̣̇д̇хасан̇каарабун̃ж̇ам̣ аараб̣бха уббаж̇ж̇ад̇и, гим̣ д̇з звам̣ жагкувин̃н̃аан̣а’’нд̇и бужчад̇и. ид̇аро ‘‘жагкун̃жа бадижжа руубз жаа’’д̇и важанад̇о бадигкибад̇и. д̣̇уд̇ияам̣ будто ‘‘на нимид̇д̇аг̇г̇аахий’’д̇и важанад̇о яам̣ д̇ад̇т̇а анимид̇д̇ам̣, д̇ад̣̇зва сун̃н̃ад̇анд̇и санд̇хааяа бадиж̇аанаад̇и. жагкун̃жа бадижжаад̇и бан̃хад̣̇ваязби зсзва наяо.
577. Suññataṃ ārabbhāti ‘‘yathā lokuttaramaggo suññataṃ nibbānaṃ ārabbha, lokiyo suddhasaṅkhārapuñjaṃ ārabbha uppajjati, kiṃ te evaṃ cakkhuviññāṇa’’nti pucchati. Itaro ‘‘cakkhuñca paṭicca rūpe cā’’ti vacanato paṭikkhipati. Dutiyaṃ puṭṭho ‘‘na nimittaggāhī’’ti vacanato yaṃ tattha animittaṃ, tadeva suññatanti sandhāya paṭijānāti. Cakkhuñca paṭiccāti pañhadvayepi eseva nayo.
578-579. жагкувин̃н̃аан̣ам̣ ад̇ийд̇аанааг̇ад̇ам̣ аараб̣бхаад̇и зд̇т̇а аяамад̇хиббааяо – мановин̃н̃аан̣асаман̇г̇исса ад̇т̇и маг̇г̇абхааванаа, мановин̃н̃аан̣ан̃жа ад̇ийд̇аанааг̇ад̇амби аараб̣бха уббаж̇ж̇ад̇и, гим̣ д̇з звам̣ жагкувин̃н̃аан̣амбийд̇и. пассам̣ аараб̣бхаад̇иаад̣̇ийсуби зсзва наяо. жагкунаа руубам̣ д̣̇исваа на нимид̇д̇аг̇г̇аахийд̇и зд̇т̇а ж̇аванагкан̣з на нимид̇д̇аг̇г̇аахид̇аа вуд̇д̇аа, на жагкувин̃н̃аан̣агкан̣з. д̇асмаа логияамаг̇г̇амби санд̇хааязд̇ам̣ асаад̇хаганд̇и.
578-579. Cakkhuviññāṇaṃ atītānāgataṃ ārabbhāti ettha ayamadhippāyo – manoviññāṇasamaṅgissa atthi maggabhāvanā, manoviññāṇañca atītānāgatampi ārabbha uppajjati, kiṃ te evaṃ cakkhuviññāṇampīti. Phassaṃ ārabbhātiādīsupi eseva nayo. Cakkhunārūpaṃ disvā na nimittaggāhīti ettha javanakkhaṇe na nimittaggāhitā vuttā, na cakkhuviññāṇakkhaṇe. Tasmā lokiyamaggampi sandhāyetaṃ asādhakanti.
бан̃жавин̃н̃аан̣асаман̇г̇исса маг̇г̇агат̇ааван̣н̣анаа.
Pañcaviññāṇasamaṅgissa maggakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (97) 3. бан̃жавин̃н̃аан̣асаман̇г̇исса маг̇г̇агат̇аа • (97) 3. Pañcaviññāṇasamaṅgissa maggakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. бан̃жавин̃н̃аан̣асаман̇г̇иссамаг̇г̇агат̇ааван̣н̣анаа • 3. Pañcaviññāṇasamaṅgissamaggakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. бан̃жавин̃н̃аан̣асаман̇г̇иссамаг̇г̇агат̇ааван̣н̣анаа • 3. Pañcaviññāṇasamaṅgissamaggakathāvaṇṇanā
