| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਪਞ੍ਚવੀਸਤਿਅવਹਾਰਕਥਾવਣ੍ਣਨਾ
Pañcavīsatiavahārakathāvaṇṇanā
ਪਞ੍ਚવੀਸਤਿ ਅવਹਾਰਾ ਨਾਮ વਚਨਭੇਦੇਨੇવ ਭਿਨ੍ਨਾ, ਅਤ੍ਥਤੋ ਪਨ ਅਭਿਨ੍ਨਾ। ਆਕੁਲਾ ਦੁવਿਞ੍ਞੇਯ੍ਯવਿਨਿਚ੍ਛਯਾਤਿ ਆਚਰਿਯਾਨਂ ਮੁਖੇ ਸਨ੍ਤਿਕੇ ਸਬ੍ਬਾਕਾਰੇਨ ਅਗ੍ਗਹਿਤવਿਨਿਚ੍ਛਯਾਨਂ ਦੁવਿਞ੍ਞੇਯ੍ਯਾ। ਦੁਕਤਿਕਪਟ੍ਠਾਨਪਾਲ਼ਿ (ਪਟ੍ਠਾ॰ ੫.੧.੧ ਆਦਯੋ, ਦੁਕਤਿਕਪਟ੍ਠਾਨਪਾਲ਼ਿ) વਿਯ ਆਕੁਲਾ ਦੁવਿਞ੍ਞੇਯ੍ਯવਿਨਿਚ੍ਛਯਾ, ਕੇવਲਂ ਤਂ ਆਚਰਿਯਾ ਪੁਬ੍ਬਾਪਰવਿਰੋਧਮਕਤ੍વਾ ਸਙ੍ਗੀਤਿਤੋ ਪਟ੍ਠਾਯ ਆਗਤਨਯਮવਿਨਾਸੇਤ੍વਾ વਣ੍ਣਯਨ੍ਤੀਤਿ ‘‘ਪਟ੍ਠਾਨਪਾਲ਼ਿਮਿવਾਤਿ ਅਪਰੇ વਦਨ੍ਤੀ’’ਤਿ ਚ વੁਤ੍ਤਾ। ਪੋਰਾਣਾਤਿ ਸਙ੍ਗੀਤਿਆਚਰਿਯਾ। ਅਯਮੇਤ੍ਥ ਸਾਮੀਚਿ ਏવ, ਸਚੇ ਨ ਦੇਤਿ, ਆਪਤ੍ਤਿ ਨਤ੍ਥਿ, ਪਾਰਾਜਿਕਭਯਾ ਪਨ ਯਥਾ ਸਿਕ੍ਖਾਕਾਮੋ ਦੇਤਿ, ਏવਂ ਦਾਤਬ੍ਬਮੇવ। ਯਾਨਿ ਪਨੇਤ੍ਥ વਤ੍ਥੂਨਿ, ਤਾਨਿ ਸੀਹਲ਼ਦੀਪੇ ਆਚਰਿਯੇਹਿ ਸਙ੍ਘਾਦੀਨਮਨੁਮਤਿਯਾ ਅਟ੍ਠਕਥਾਸੁ ਪਕ੍ਖਿਤ੍ਤਾਨਿ, ‘‘ਅਨਾਗਤੇ ਬ੍ਰਹ੍ਮਚਾਰੀਨਂ ਹਿਤਤ੍ਥਾਯ ਪੋਤ੍ਥਕਾਰੁਲ਼੍ਹਕਾਲਤੋ ਪਚ੍ਛਾਪੀ’’ਤਿ વੁਤ੍ਤਂ। ਆਣਤ੍ਤਿਕਂ ਆਣਤ੍ਤਿਕ੍ਖਣੇਪਿ ਗਣ੍ਹਾਤਿ, ਕਾਲਨ੍ਤਰੇਨਾਪਿ ਅਤ੍ਥਸਾਧਕੋ, ਕਾਲਨ੍ਤਰਂ ਸਨ੍ਧਾਯਾਤਿ ਇਦਮੇਤੇਸਂ ਨਾਨਤ੍ਤਂ। ਭਟ੍ਠੇਤਿ ਅਪਗਤੇ। ਅਨ੍ਤਰਸਮੁਦ੍ਦੇ ਅਤੁਰੁਮੁਹੁਦੇ। ਫਰਤਿ ਸਾਧੇਤਿ। ਨવਧੋਤੋਤਿ ਨવਕਤੋ। ਪਾਸਾਣਸਕ੍ਖਰਨ੍ਤਿ ਪਾਸਾਣਞ੍ਚ ਸਕ੍ਖਰਞ੍ਚ।
Pañcavīsati avahārā nāma vacanabhedeneva bhinnā, atthato pana abhinnā. Ākulā duviññeyyavinicchayāti ācariyānaṃ mukhe santike sabbākārena aggahitavinicchayānaṃ duviññeyyā. Dukatikapaṭṭhānapāḷi (paṭṭhā. 5.1.1 ādayo, dukatikapaṭṭhānapāḷi) viya ākulā duviññeyyavinicchayā, kevalaṃ taṃ ācariyā pubbāparavirodhamakatvā saṅgītito paṭṭhāya āgatanayamavināsetvā vaṇṇayantīti ‘‘paṭṭhānapāḷimivāti apare vadantī’’ti ca vuttā. Porāṇāti saṅgītiācariyā. Ayamettha sāmīci eva, sace na deti, āpatti natthi, pārājikabhayā pana yathā sikkhākāmo deti, evaṃ dātabbameva. Yāni panettha vatthūni, tāni sīhaḷadīpe ācariyehi saṅghādīnamanumatiyā aṭṭhakathāsu pakkhittāni, ‘‘anāgate brahmacārīnaṃ hitatthāya potthakāruḷhakālato pacchāpī’’ti vuttaṃ. Āṇattikaṃ āṇattikkhaṇepi gaṇhāti, kālantarenāpi atthasādhako, kālantaraṃ sandhāyāti idametesaṃ nānattaṃ. Bhaṭṭheti apagate. Antarasamudde aturumuhude. Pharati sādheti. Navadhototi navakato. Pāsāṇasakkharanti pāsāṇañca sakkharañca.
