Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೯೦. ಪಞ್ಚುಪೋಸಥಿಕಜಾತಕಂ (೭)
490. Pañcuposathikajātakaṃ (7)
೧೨೭.
127.
ಅಪ್ಪೋಸ್ಸುಕ್ಕೋ ದಾನಿ ತುವಂ ಕಪೋತ, ವಿಹಙ್ಗಮ ನ ತವ ಭೋಜನತ್ಥೋ।
Appossukko dāni tuvaṃ kapota, vihaṅgama na tava bhojanattho;
೧೨೮.
128.
ಅಹಂ ಪುರೇ ಗಿದ್ಧಿಗತೋ ಕಪೋತಿಯಾ, ಅಸ್ಮಿಂ ಪದೇಸಸ್ಮಿಮುಭೋ ರಮಾಮ।
Ahaṃ pure giddhigato kapotiyā, asmiṃ padesasmimubho ramāma;
ಅಥಗ್ಗಹೀ ಸಾಕುಣಿಕೋ ಕಪೋತಿಂ, ಅಕಾಮಕೋ ತಾಯ ವಿನಾ ಅಹೋಸಿಂ॥
Athaggahī sākuṇiko kapotiṃ, akāmako tāya vinā ahosiṃ.
೧೨೯.
129.
ನಾನಾಭವಾ ವಿಪ್ಪಯೋಗೇನ ತಸ್ಸಾ, ಮನೋಮಯಂ ವೇದನ ವೇದಯಾಮಿ 5।
Nānābhavā vippayogena tassā, manomayaṃ vedana vedayāmi 6;
ತಸ್ಮಾ ಅಹಂಪೋಸಥಂ ಪಾಲಯಾಮಿ, ರಾಗೋ ಮಮಂ ಮಾ ಪುನರಾಗಮಾಸಿ॥
Tasmā ahaṃposathaṃ pālayāmi, rāgo mamaṃ mā punarāgamāsi.
೧೩೦.
130.
ಅನುಜ್ಜುಗಾಮೀ ಉರಗಾ ದುಜಿವ್ಹ 7, ದಾಠಾವುಧೋ ಘೋರವಿಸೋಸಿ ಸಪ್ಪ।
Anujjugāmī uragā dujivha 8, dāṭhāvudho ghoravisosi sappa;
ಖುದಂ ಪಿಪಾಸಂ ಅಧಿವಾಸಯನ್ತೋ, ಕಸ್ಮಾ ಭವಂಪೋಸಥಿಕೋ ನು ದೀಘ 9॥
Khudaṃ pipāsaṃ adhivāsayanto, kasmā bhavaṃposathiko nu dīgha 10.
೧೩೧.
131.
ಉಸಭೋ ಅಹೂ ಬಲವಾ ಗಾಮಿಕಸ್ಸ, ಚಲಕ್ಕಕೂ ವಣ್ಣಬಲೂಪಪನ್ನೋ।
Usabho ahū balavā gāmikassa, calakkakū vaṇṇabalūpapanno;
ಸೋ ಮಂ ಅಕ್ಕಮಿ ತಂ ಕುಪಿತೋ ಅಡಂಸಿ, ದುಕ್ಖಾಭಿತುಣ್ಣೋ ಮರಣಂ ಉಪಾಗಾ 11॥
So maṃ akkami taṃ kupito aḍaṃsi, dukkhābhituṇṇo maraṇaṃ upāgā 12.
೧೩೨.
132.
ತತೋ ಜನಾ ನಿಕ್ಖಮಿತ್ವಾನ ಗಾಮಾ, ಕನ್ದಿತ್ವಾ ರೋದಿತ್ವಾ 13 ಅಪಕ್ಕಮಿಂಸು।
Tato janā nikkhamitvāna gāmā, kanditvā roditvā 14 apakkamiṃsu;
ತಸ್ಮಾ ಅಹಂಪೋಸಥಂ ಪಾಲಯಾಮಿ, ಕೋಧೋ ಮಮಂ ಮಾ ಪುನರಾಗಮಾಸಿ॥
Tasmā ahaṃposathaṃ pālayāmi, kodho mamaṃ mā punarāgamāsi.
೧೩೩.
133.
ಮತಾನ ಮಂಸಾನಿ ಬಹೂ ಸುಸಾನೇ, ಮನುಞ್ಞರೂಪಂ ತವ ಭೋಜನೇ ತಂ।
Matāna maṃsāni bahū susāne, manuññarūpaṃ tava bhojane taṃ;
ಖುದಂ ಪಿಪಾಸಂ ಅಧಿವಾಸಯನ್ತೋ, ಕಸ್ಮಾ ಭವಂಪೋಸಥಿಕೋ ಸಿಙ್ಗಾಲ 15॥
Khudaṃ pipāsaṃ adhivāsayanto, kasmā bhavaṃposathiko siṅgāla 16.
೧೩೪.
134.
ಉಣ್ಹೋ ಚ ವಾತೋ ತಿಖಿಣಾ ಚ ರಸ್ಮಿಯೋ, ತೇ ಸೋಸಯುಂ ತಸ್ಸ ಕರೀಸಮಗ್ಗಂ॥
Uṇho ca vāto tikhiṇā ca rasmiyo, te sosayuṃ tassa karīsamaggaṃ.
೧೩೫.
135.
ಕಿಸೋ ಚ ಪಣ್ಡೂ ಚ ಅಹಂ ಭದನ್ತೇ, ನ ಮೇ ಅಹೂ ನಿಕ್ಖಮನಾಯ ಮಗ್ಗೋ।
Kiso ca paṇḍū ca ahaṃ bhadante, na me ahū nikkhamanāya maggo;
ಮಹಾ ಚ ಮೇಘೋ ಸಹಸಾ ಪವಸ್ಸಿ, ಸೋ ತೇಮಯೀ ತಸ್ಸ ಕರೀಸಮಗ್ಗಂ॥
Mahā ca megho sahasā pavassi, so temayī tassa karīsamaggaṃ.
೧೩೬.
136.
ತತೋ ಅಹಂ ನಿಕ್ಖಮಿಸಂ ಭದನ್ತೇ, ಚನ್ದೋ ಯಥಾ ರಾಹುಮುಖಾ ಪಮುತ್ತೋ।
Tato ahaṃ nikkhamisaṃ bhadante, cando yathā rāhumukhā pamutto;
ತಸ್ಮಾ ಅಹಂಪೋಸಥಂ ಪಾಲಯಾಮಿ, ಲೋಭೋ ಮಮಂ ಮಾ ಪುನರಾಗಮಾಸಿ॥
Tasmā ahaṃposathaṃ pālayāmi, lobho mamaṃ mā punarāgamāsi.
೧೩೭.
137.
ವಮ್ಮೀಕಥೂಪಸ್ಮಿಂ ಕಿಪಿಲ್ಲಿಕಾನಿ, ನಿಪ್ಪೋಥಯನ್ತೋ ತುವಂ ಪುರೇ ಚರಾಸಿ।
Vammīkathūpasmiṃ kipillikāni, nippothayanto tuvaṃ pure carāsi;
ಖುದಂ ಪಿಪಾಸಂ ಅಧಿವಾಸಯನ್ತೋ, ಕಸ್ಮಾ ಭವಂಪೋಸಥಿಕೋ ನು ಅಚ್ಛ 21॥
Khudaṃ pipāsaṃ adhivāsayanto, kasmā bhavaṃposathiko nu accha 22.
೧೩೮.
138.
ತತೋ ಜನಾ ನಿಕ್ಖಮಿತ್ವಾನ ಗಾಮಾ, ಕೋದಣ್ಡಕೇನ ಪರಿಪೋಥಯಿಂಸು ಮಂ॥
Tato janā nikkhamitvāna gāmā, kodaṇḍakena paripothayiṃsu maṃ.
೧೩೯.
139.
ಸೋ ಭಿನ್ನಸೀಸೋ ರುಹಿರಮಕ್ಖಿತಙ್ಗೋ, ಪಚ್ಚಾಗಮಾಸಿಂ ಸಕಂ 29 ನಿಕೇತಂ।
So bhinnasīso ruhiramakkhitaṅgo, paccāgamāsiṃ sakaṃ 30 niketaṃ;
ತಸ್ಮಾ ಅಹಂಪೋಸಥಂ ಪಾಲಯಾಮಿ, ಅತ್ರಿಚ್ಛತಾ ಮಾ ಪುನರಾಗಮಾಸಿ॥
Tasmā ahaṃposathaṃ pālayāmi, atricchatā mā punarāgamāsi.
೧೪೦.
140.
ಯಂ ನೋ ಅಪುಚ್ಛಿತ್ಥ ತುವಂ ಭದನ್ತೇ, ಸಬ್ಬೇವ ಬ್ಯಾಕರಿಮ್ಹ ಯಥಾ ಪಜಾನಂ।
Yaṃ no apucchittha tuvaṃ bhadante, sabbeva byākarimha yathā pajānaṃ;
ಮಯಮ್ಪಿ ಪುಚ್ಛಾಮ ತುವಂ ಭದನ್ತೇ, ಕಸ್ಮಾ ಭವಂಪೋಸಥಿಕೋ ನು ಬ್ರಹ್ಮೇ॥
Mayampi pucchāma tuvaṃ bhadante, kasmā bhavaṃposathiko nu brahme.
೧೪೧.
141.
ಅನೂಪಲಿತ್ತೋ ಮಮ ಅಸ್ಸಮಮ್ಹಿ, ಪಚ್ಚೇಕಬುದ್ಧೋ ಮುಹುತ್ತಂ ನಿಸೀದಿ।
Anūpalitto mama assamamhi, paccekabuddho muhuttaṃ nisīdi;
ಸೋ ಮಂ ಅವೇದೀ ಗತಿಮಾಗತಿಞ್ಚ, ನಾಮಞ್ಚ ಗೋತ್ತಂ ಚರಣಞ್ಚ ಸಬ್ಬಂ॥
So maṃ avedī gatimāgatiñca, nāmañca gottaṃ caraṇañca sabbaṃ.
೧೪೨.
142.
ಏವಮ್ಪಹಂ ವನ್ದಿ ನ 31 ತಸ್ಸ ಪಾದೇ, ನ ಚಾಪಿ ನಂ ಮಾನಗತೇನ ಪುಚ್ಛಿಂ।
Evampahaṃ vandi na 32 tassa pāde, na cāpi naṃ mānagatena pucchiṃ;
ತಸ್ಮಾ ಅಹಂಪೋಸಥಂ ಪಾಲಯಾಮಿ, ಮಾನೋ ಮಮಂ ಮಾ ಪುನರಾಗಮಾಸೀತಿ॥
Tasmā ahaṃposathaṃ pālayāmi, māno mamaṃ mā punarāgamāsīti.
ಪಞ್ಚುಪೋಸಥಿಕಜಾತಕಂ ಸತ್ತಮಂ।
Pañcuposathikajātakaṃ sattamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೯೦] ೭. ಪಞ್ಚುಪೋಸಥಜಾತಕವಣ್ಣನಾ • [490] 7. Pañcuposathajātakavaṇṇanā