| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
бан̣д̣агавад̇т̇угат̇аа
Paṇḍakavatthukathā
109. д̣̇ахарз д̣̇ахарзд̇и д̇арун̣з д̇арун̣з. мол̣иг̇аллзд̇и т̇ууласарийрз. хад̇т̇ибхан̣д̣з ассабхан̣д̣зд̇и хад̇т̇иг̇обагз жа ассаг̇обагз жа.
109.Dahare dahareti taruṇe taruṇe. Moḷigalleti thūlasarīre. Hatthibhaṇḍe assabhaṇḍeti hatthigopake ca assagopake ca.
бан̣д̣аго бхигкавзд̇и зд̇т̇а аасид̇д̇абан̣д̣аго усууяабан̣д̣аго обаггамигабан̣д̣аго багкабан̣д̣аго набум̣сагабан̣д̣агод̇и бан̃жа бан̣д̣агаа. д̇ад̇т̇а яасса барзсам̣ ан̇г̇аж̇аад̇ам̣ мукзна г̇ахзд̇ваа асужинаа аасид̇д̇асса барил̣аахо вуубасаммад̇и, аяам̣ аасид̇д̇абан̣д̣аго. яасса барзсам̣ аж̇жхаажаарам̣ бассад̇о усууяааяа уббаннааяа барил̣аахо вуубасаммад̇и, аяам̣ усууяабан̣д̣аго. яасса убаггамзна б̣ийж̇аани абанийд̇аани, аяам̣ обаггамигабан̣д̣аго. згажжо бана агусалавибаагаанубхаавзна гаал̣абагкз бан̣д̣аго ход̇и, ж̇ун̣хабагкз банасса барил̣аахо вуубасаммад̇и, аяам̣ багкабан̣д̣аго. яо бана бадисанд̇хияам̣язва абхааваго уббанно, аяам̣ набум̣сагабан̣д̣агод̇и. д̇зсу аасид̇д̇абан̣д̣агасса жа усууяабан̣д̣агасса жа баб̣б̣аж̇ж̇аа на ваарид̇аа, ид̇арзсам̣ д̇ин̣н̣ам̣ ваарид̇аа. д̇зсуби багкабан̣д̣агасса яасмим̣ багкз бан̣д̣аго ход̇и, д̇асмим̣язвасса багкз баб̣б̣аж̇ж̇аа ваарид̇аад̇и гурунд̣̇ияам̣ вуд̇д̇ам̣. яасса жзд̇т̇а баб̣б̣аж̇ж̇аа ваарид̇аа, д̇ам̣ санд̇хааяа ид̣̇ам̣ вуд̇д̇ам̣ – ‘‘анубасамбанно на убасамбаад̣̇зд̇аб̣б̣о убасамбанно наасзд̇аб̣б̣о’’д̇и. соби лин̇г̇анаасанзнзва наасзд̇аб̣б̣о. ид̇о барам̣ ‘‘наасзд̇аб̣б̣о’’д̇и вуд̇д̇зсуби зсзва наяо.
Paṇḍakobhikkhaveti ettha āsittapaṇḍako usūyapaṇḍako opakkamikapaṇḍako pakkhapaṇḍako napuṃsakapaṇḍakoti pañca paṇḍakā. Tattha yassa paresaṃ aṅgajātaṃ mukhena gahetvā asucinā āsittassa pariḷāho vūpasammati, ayaṃ āsittapaṇḍako. Yassa paresaṃ ajjhācāraṃ passato usūyāya uppannāya pariḷāho vūpasammati, ayaṃ usūyapaṇḍako. Yassa upakkamena bījāni apanītāni, ayaṃ opakkamikapaṇḍako. Ekacco pana akusalavipākānubhāvena kāḷapakkhe paṇḍako hoti, juṇhapakkhe panassa pariḷāho vūpasammati, ayaṃ pakkhapaṇḍako. Yo pana paṭisandhiyaṃyeva abhāvako uppanno, ayaṃ napuṃsakapaṇḍakoti. Tesu āsittapaṇḍakassa ca usūyapaṇḍakassa ca pabbajjā na vāritā, itaresaṃ tiṇṇaṃ vāritā. Tesupi pakkhapaṇḍakassa yasmiṃ pakkhe paṇḍako hoti, tasmiṃyevassa pakkhe pabbajjā vāritāti kurundiyaṃ vuttaṃ. Yassa cettha pabbajjā vāritā, taṃ sandhāya idaṃ vuttaṃ – ‘‘anupasampanno na upasampādetabbo upasampanno nāsetabbo’’ti. Sopi liṅganāsaneneva nāsetabbo. Ito paraṃ ‘‘nāsetabbo’’ti vuttesupi eseva nayo.
бан̣д̣авад̇т̇угат̇аа нидтид̇аа.
Paṇḍavatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 47. бан̣д̣агавад̇т̇у • 47. Paṇḍakavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̣д̣агавад̇т̇угат̇ааван̣н̣анаа • Paṇḍakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̣д̣агавад̇т̇угат̇ааван̣н̣анаа • Paṇḍakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̣д̣агавад̇т̇угат̇ааван̣н̣анаа • Paṇḍakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 47. бан̣д̣агавад̇т̇угат̇аа • 47. Paṇḍakavatthukathā
