Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[518] 8. бан̣д̣аранааг̇арааж̇аж̇аад̇агаван̣н̣анаа

[518] 8. Paṇḍaranāgarājajātakavaṇṇanā

вигин̣н̣аваажанд̇и ид̣̇ам̣ сад̇т̇аа ж̇зд̇аванз вихаранд̇о мусааваад̣̇ам̣ гад̇ваа д̣̇звад̣̇ад̇д̇асса бат̇авиббавзсанам̣ аараб̣бха гат̇зси. д̇ад̣̇аа хи сад̇т̇аа бхигкуухи д̇асса аван̣н̣з гат̇ид̇з ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о мусааваад̣̇ам̣ гад̇ваа бат̇авим̣ бавидтоязваа’’д̇и вад̇ваа ад̇ийд̇ам̣ аахари.

Vikiṇṇavācanti idaṃ satthā jetavane viharanto musāvādaṃ katvā devadattassa pathavippavesanaṃ ārabbha kathesi. Tadā hi satthā bhikkhūhi tassa avaṇṇe kathite ‘‘na, bhikkhave, idāneva, pubbepi devadatto musāvādaṃ katvā pathaviṃ paviṭṭhoyevā’’ti vatvā atītaṃ āhari.

ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з бан̃жасад̇аваан̣иж̇аа наавааяа самуд̣̇д̣̇ам̣ багканд̣̇ид̇ваа сад̇д̇амз д̣̇ивасз ад̇ийрад̣̇ассанияаа наавааяа самуд̣̇д̣̇абидтз бхиннааяа табзд̇ваа згам̣ авасзсаа мажчагажчабабхагкаа ахзсум̣, зго бана ваад̇авзг̇зна гарамбияабадданам̣ наама баабун̣и. со самуд̣̇д̣̇ад̇о уд̇д̇арид̇ваа наг̇г̇абхог̇о д̇асмим̣ бадданзязва бхигкааяа жари. д̇амзнам̣ мануссаа ‘‘аяам̣ саман̣о аббижчо санд̇удто’’д̇и самбхаавзд̇ваа саггаарам̣ гарим̣су. со ‘‘лад̣̇д̇хо мз ж̇ийвигуубааяо’’д̇и д̇зсу ниваасанабаарубанам̣ д̣̇знд̇зсуби на ижчи. д̇з ‘‘над̇т̇и ид̇о уд̇д̇ари аббижчо саман̣о’’д̇и бхияяо бхияяо басийд̣̇ид̇ваа д̇асса ассамабад̣̇ам̣ гад̇ваа д̇ад̇т̇а нам̣ ниваасаабзсум̣. со ‘‘гарамбияаажзло’’д̇и бан̃н̃ааяи. д̇асса д̇ад̇т̇а васанд̇асса махаалаабхасаггааро уд̣̇абаад̣̇и.

Atīte bārāṇasiyaṃ brahmadatte rajjaṃ kārente pañcasatavāṇijā nāvāya samuddaṃ pakkhanditvā sattame divase atīradassaniyā nāvāya samuddapiṭṭhe bhinnāya ṭhapetvā ekaṃ avasesā macchakacchapabhakkhā ahesuṃ, eko pana vātavegena karampiyapaṭṭanaṃ nāma pāpuṇi. So samuddato uttaritvā naggabhogo tasmiṃ paṭṭaneyeva bhikkhāya cari. Tamenaṃ manussā ‘‘ayaṃ samaṇo appiccho santuṭṭho’’ti sambhāvetvā sakkāraṃ kariṃsu. So ‘‘laddho me jīvikūpāyo’’ti tesu nivāsanapārupanaṃ dentesupi na icchi. Te ‘‘natthi ito uttari appiccho samaṇo’’ti bhiyyo bhiyyo pasīditvā tassa assamapadaṃ katvā tattha naṃ nivāsāpesuṃ. So ‘‘karampiyaacelo’’ti paññāyi. Tassa tattha vasantassa mahālābhasakkāro udapādi.

зго нааг̇арааж̇аабисса субан̣н̣арааж̇аа жа убадтаанам̣ ааг̇ажчанд̇и. д̇зсу нааг̇арааж̇аа наамзна бан̣д̣аро наама. ат̇згад̣̇ивасам̣ субан̣н̣арааж̇аа д̇асса санд̇игам̣ г̇анд̇ваа ванд̣̇ид̇ваа згаманд̇ам̣ нисинно звамааха – ‘‘бханд̇з, амхаагам̣ н̃аад̇агаа нааг̇з г̇ан̣ханд̇аа б̣ахуу винассанд̇и, зд̇зсам̣ нааг̇аанам̣ г̇ахан̣анияаамам̣ маяам̣ на ж̇аанаама, г̇уяхагааран̣ам̣ гира д̇зсам̣ ад̇т̇и, саггун̣зяяаат̇а ну ко д̇умхз зд̇з бияааяамаанаа вияа д̇ам̣ гааран̣ам̣ бужчид̇у’’нд̇и. со ‘‘саад̇хуу’’д̇и самбадижчид̇ваа субан̣н̣арааж̇з ванд̣̇ид̇ваа багганд̇з нааг̇арааж̇асса ааг̇ад̇агаалз ванд̣̇ид̇ваа нисиннам̣ нааг̇арааж̇аанам̣ бужчи – ‘‘нааг̇арааж̇а, субан̣н̣аа гира д̇умхз г̇ан̣ханд̇аа б̣ахуу винассанд̇и, д̇умхз г̇ан̣ханд̇аа гат̇ам̣ г̇ан̣хид̇ум̣ на саггонд̇ий’’д̇и. бханд̇з, ид̣̇ам̣ амхаагам̣ г̇уяхам̣ рахассам̣, маяаа имам̣ гат̇знд̇зна н̃аад̇исан̇гхасса маран̣ам̣ аахадам̣ ход̇ийд̇и. гим̣ бана д̇вам̣, аавусо, ‘‘аяам̣ ан̃н̃асса гат̇зссад̇ий’’д̇и звам̣сан̃н̃ий хоси, наахам̣ ан̃н̃асса гат̇зссаами, ад̇д̇анаа бана ж̇аанид̇угаамад̇ааяа бужчаами, д̇вам̣ маяхам̣ сад̣̇д̣̇ахид̇ваа ниб̣бхаяо худ̇ваа гат̇зхийд̇и. нааг̇арааж̇аа ‘‘на гат̇зссаами, бханд̇з’’д̇и ванд̣̇ид̇ваа баггаами. бунад̣̇ивасзби бужчи, д̇ат̇аабисса на гат̇зси.

Eko nāgarājāpissa supaṇṇarājā ca upaṭṭhānaṃ āgacchanti. Tesu nāgarājā nāmena paṇḍaro nāma. Athekadivasaṃ supaṇṇarājā tassa santikaṃ gantvā vanditvā ekamantaṃ nisinno evamāha – ‘‘bhante, amhākaṃ ñātakā nāge gaṇhantā bahū vinassanti, etesaṃ nāgānaṃ gahaṇaniyāmaṃ mayaṃ na jānāma, guyhakāraṇaṃ kira tesaṃ atthi, sakkuṇeyyātha nu kho tumhe ete piyāyamānā viya taṃ kāraṇaṃ pucchitu’’nti. So ‘‘sādhū’’ti sampaṭicchitvā supaṇṇarāje vanditvā pakkante nāgarājassa āgatakāle vanditvā nisinnaṃ nāgarājānaṃ pucchi – ‘‘nāgarāja, supaṇṇā kira tumhe gaṇhantā bahū vinassanti, tumhe gaṇhantā kathaṃ gaṇhituṃ na sakkontī’’ti. Bhante, idaṃ amhākaṃ guyhaṃ rahassaṃ, mayā imaṃ kathentena ñātisaṅghassa maraṇaṃ āhaṭaṃ hotīti. Kiṃ pana tvaṃ, āvuso, ‘‘ayaṃ aññassa kathessatī’’ti evaṃsaññī hosi, nāhaṃ aññassa kathessāmi, attanā pana jānitukāmatāya pucchāmi, tvaṃ mayhaṃ saddahitvā nibbhayo hutvā kathehīti. Nāgarājā ‘‘na kathessāmi, bhante’’ti vanditvā pakkāmi. Punadivasepi pucchi, tathāpissa na kathesi.

ат̇а нам̣ д̇ад̇ияад̣̇ивасз ааг̇анд̇ваа нисиннам̣, ‘‘нааг̇арааж̇а, аж̇ж̇а д̇ад̇ияо д̣̇ивасо, мама бужчанд̇асса гимад̇т̇ам̣ на гат̇зсий’’д̇и ааха. ‘‘д̇умхз ан̃н̃асса аажигкиссат̇аа’’д̇и бхаязна, бханд̇зд̇и. гассажи на гат̇зссаами, ниб̣бхаяо гат̇зхийд̇и. ‘‘д̇зна хи, бханд̇з, ан̃н̃асса маа гат̇аяид̇т̇аа’’д̇и бадин̃н̃ам̣ г̇ахзд̇ваа, ‘‘бханд̇з, маяам̣ маханд̇з маханд̇з баасаан̣з г̇илид̇ваа бхаарияаа худ̇ваа нибаж̇ж̇ид̇ваа субан̣н̣аанам̣ ааг̇аманагаалз мукам̣ ниб̣б̣аахзд̇ваа д̣̇анд̇з виварид̇ваа субан̣н̣з д̣ам̣сид̇ум̣ ажчаама, д̇з ааг̇анд̇ваа амхаагам̣ сийсам̣ г̇ан̣ханд̇и, д̇зсам̣ амхз г̇арубхаарз худ̇ваа нибаннз уд̣̇д̇харид̇ум̣ вааяаманд̇аанан̃н̃зва уд̣̇агам̣ од̇т̇арад̇и. д̇з сийд̣̇анд̇аа анд̇оуд̣̇агзязва маранд̇и, иминаа гааран̣зна б̣ахуу субан̣н̣аа винассанд̇и, д̇зсам̣ амхз г̇ан̣ханд̇аанам̣ гим̣ сийсзна г̇ахид̇зна, б̣аалаа нан̇г̇удтз г̇ахзд̇ваа амхз хздтаасийсагз гад̇ваа г̇ахид̇ам̣ г̇ожарам̣ мукзна чад̣д̣аабзд̇ваа лахугз гад̇ваа г̇анд̇ум̣ саггонд̇ий’’д̇и со ад̇д̇ано рахассагааран̣ам̣ д̇асса д̣̇уссийласса гат̇зси.

Atha naṃ tatiyadivase āgantvā nisinnaṃ, ‘‘nāgarāja, ajja tatiyo divaso, mama pucchantassa kimatthaṃ na kathesī’’ti āha. ‘‘Tumhe aññassa ācikkhissathā’’ti bhayena, bhanteti. Kassaci na kathessāmi, nibbhayo kathehīti. ‘‘Tena hi, bhante, aññassa mā kathayitthā’’ti paṭiññaṃ gahetvā, ‘‘bhante, mayaṃ mahante mahante pāsāṇe gilitvā bhāriyā hutvā nipajjitvā supaṇṇānaṃ āgamanakāle mukhaṃ nibbāhetvā dante vivaritvā supaṇṇe ḍaṃsituṃ acchāma, te āgantvā amhākaṃ sīsaṃ gaṇhanti, tesaṃ amhe garubhāre hutvā nipanne uddharituṃ vāyamantānaññeva udakaṃ ottharati. Te sīdantā antoudakeyeva maranti, iminā kāraṇena bahū supaṇṇā vinassanti, tesaṃ amhe gaṇhantānaṃ kiṃ sīsena gahitena, bālā naṅguṭṭhe gahetvā amhe heṭṭhāsīsake katvā gahitaṃ gocaraṃ mukhena chaḍḍāpetvā lahuke katvā gantuṃ sakkontī’’ti so attano rahassakāraṇaṃ tassa dussīlassa kathesi.

ат̇а д̇асмим̣ багганд̇з субан̣н̣арааж̇аа ааг̇анд̇ваа гарамбияаажзлам̣ ванд̣̇ид̇ваа ‘‘гим̣, бханд̇з, бужчид̇ам̣ д̇з нааг̇арааж̇асса г̇уяхагааран̣а’’нд̇и ааха. со ‘‘аамаавусо’’д̇и вад̇ваа саб̣б̣ам̣ д̇зна гат̇ид̇анияаамзнзва гат̇зси. д̇ам̣ суд̇ваа субан̣н̣о ‘‘нааг̇арааж̇зна аяуд̇д̇ам̣ гад̇ам̣, н̃аад̇ийнам̣ наама нассананияаамо барасса на гат̇зд̇аб̣б̣о, ход̇у, аж̇ж̇зва маяаа субан̣н̣аваад̇ам̣ гад̇ваа батамам̣ зд̇амзва г̇ахзд̇ум̣ ваддад̇ий’’д̇и субан̣н̣аваад̇ам̣ гад̇ваа бан̣д̣аранааг̇арааж̇аанам̣ нан̇г̇удтз г̇ахзд̇ваа хздтаасийсам̣ гад̇ваа г̇ахид̇аг̇ожарам̣ чад̣д̣аабзд̇ваа уббад̇ид̇ваа аагаасам̣ багканд̣̇и. бан̣д̣аро аагаасз хздтаасийсагам̣ оламб̣анд̇о ‘‘маяаава мама д̣̇угкам̣ аабхад̇а’’нд̇и барид̣̇званд̇о ааха –

Atha tasmiṃ pakkante supaṇṇarājā āgantvā karampiyaacelaṃ vanditvā ‘‘kiṃ, bhante, pucchitaṃ te nāgarājassa guyhakāraṇa’’nti āha. So ‘‘āmāvuso’’ti vatvā sabbaṃ tena kathitaniyāmeneva kathesi. Taṃ sutvā supaṇṇo ‘‘nāgarājena ayuttaṃ kataṃ, ñātīnaṃ nāma nassananiyāmo parassa na kathetabbo, hotu, ajjeva mayā supaṇṇavātaṃ katvā paṭhamaṃ etameva gahetuṃ vaṭṭatī’’ti supaṇṇavātaṃ katvā paṇḍaranāgarājānaṃ naṅguṭṭhe gahetvā heṭṭhāsīsaṃ katvā gahitagocaraṃ chaḍḍāpetvā uppatitvā ākāsaṃ pakkhandi. Paṇḍaro ākāse heṭṭhāsīsakaṃ olambanto ‘‘mayāva mama dukkhaṃ ābhata’’nti paridevanto āha –

258.

‘‘вигин̣н̣аваажам̣ аниг̇уяхаманд̇ам̣, асан̃н̃ад̇ам̣ абарижагкид̇аарам̣;

‘‘Vikiṇṇavācaṃ aniguyhamantaṃ, asaññataṃ aparicakkhitāraṃ;

бхаяам̣ д̇аманвзд̇и саяам̣ аб̣од̇хам̣, нааг̇ам̣ яат̇аа бан̣д̣арагам̣ субан̣н̣о.

Bhayaṃ tamanveti sayaṃ abodhaṃ, nāgaṃ yathā paṇḍarakaṃ supaṇṇo.

259.

‘‘яо г̇уяхаманд̇ам̣ барирагкан̣зяяам̣, мохаа наро сам̣сад̇и хаасамаано;

‘‘Yo guyhamantaṃ parirakkhaṇeyyaṃ, mohā naro saṃsati hāsamāno;

д̇ам̣ бхиннаманд̇ам̣ бхаяаманвзд̇и киббам̣, нааг̇ам̣ яат̇аа бан̣д̣арагам̣ субан̣н̣о.

Taṃ bhinnamantaṃ bhayamanveti khippaṃ, nāgaṃ yathā paṇḍarakaṃ supaṇṇo.

260.

‘‘наанумид̇д̇о г̇арум̣ ад̇т̇ам̣, г̇уяхам̣ взд̣̇ид̇умарахад̇и;

‘‘Nānumitto garuṃ atthaṃ, guyhaṃ veditumarahati;

сумид̇д̇о жа асамб̣уд̣̇д̇хам̣, самб̣уд̣̇д̇хам̣ ваа анад̇т̇аваа.

Sumitto ca asambuddhaṃ, sambuddhaṃ vā anatthavā.

261.

‘‘виссаасамаабаж̇ж̇имахам̣ ажзлам̣, саман̣о аяам̣ саммад̇о бхаавид̇ад̇д̇о;

‘‘Vissāsamāpajjimahaṃ acelaṃ, samaṇo ayaṃ sammato bhāvitatto;

д̇ассаахамагким̣ виварим̣ г̇уяхамад̇т̇ам̣, ад̇ийд̇амад̇т̇о габан̣ам̣ руд̣̇аами.

Tassāhamakkhiṃ vivariṃ guyhamatthaṃ, atītamattho kapaṇaṃ rudāmi.

262.

‘‘д̇ассаахам̣ барамам̣ б̣рахмз г̇уяхам̣, ваажам̣ химам̣ наасагким̣ сам̣яамзд̇ум̣;

‘‘Tassāhaṃ paramaṃ brahme guyhaṃ, vācaṃ himaṃ nāsakkhiṃ saṃyametuṃ;

д̇аббагкад̇о хи бхаяамааг̇ад̇ам̣ мамам̣, ад̇ийд̇амад̇т̇о габан̣ам̣ руд̣̇аами.

Tappakkhato hi bhayamāgataṃ mamaṃ, atītamattho kapaṇaṃ rudāmi.

263.

‘‘яо вз наро сухад̣̇ам̣ ман̃н̃амаано, г̇уяхамад̇т̇ам̣ сам̣сад̇и д̣̇уггулийнз;

‘‘Yo ve naro suhadaṃ maññamāno, guyhamatthaṃ saṃsati dukkulīne;

д̣̇осаа бхаяаа ат̇аваа рааг̇арад̇д̇аа, баллад̇т̇ид̇о б̣аало асам̣саяам̣ со.

Dosā bhayā athavā rāgarattā, pallatthito bālo asaṃsayaṃ so.

264.

‘‘д̇ирогкаваажо асад̇ам̣ бавидто, яо сан̇г̇ад̇ийсу муд̣̇ийрзд̇и ваагяам̣;

‘‘Tirokkhavāco asataṃ paviṭṭho, yo saṅgatīsu mudīreti vākyaṃ;

аасийвисо д̣̇уммукод̇яааху д̇ам̣ нарам̣, аараа аараа сам̣яамз д̇аад̣̇исамхаа.

Āsīviso dummukhotyāhu taṃ naraṃ, ārā ārā saṃyame tādisamhā.

265.

‘‘аннам̣ баанам̣ гаасигажанд̣̇анан̃жа, манаабид̇т̇ияо мааламужчаад̣̇анан̃жа;

‘‘Annaṃ pānaṃ kāsikacandanañca, manāpitthiyo mālamucchādanañca;

охааяа г̇ажчаамасз саб̣б̣агаамз, субан̣н̣а баан̣уубаг̇ад̇аава д̇яамхаа’’д̇и.

Ohāya gacchāmase sabbakāme, supaṇṇa pāṇūpagatāva tyamhā’’ti.

д̇ад̇т̇а вигин̣н̣аваажанд̇и бад̇т̇адаважанам̣. аниг̇уяхаманд̇анд̇и аббадижчаннаманд̇ам̣. асан̃н̃ад̇анд̇и гааяад̣̇ваараад̣̇ийни рагкид̇ум̣ асаггонд̇ам̣. абарижагкид̇ааранд̇и ‘‘аяам̣ маяаа гат̇ид̇аманд̇ам̣ рагкид̇ум̣ сагкиссад̇и, на сагкиссад̇ий’’д̇и буг̇г̇алам̣ ологзд̇ум̣ убабаригкид̇ум̣ асаггонд̇ам̣. бхаяам̣ д̇аманвзд̇ийд̇и д̇ам̣ имзхи жад̇уухи ан̇г̇зхи саманнааг̇ад̇ам̣ аб̣од̇хам̣ д̣̇уббан̃н̃ам̣ буг̇г̇алам̣ саяам̣гад̇амзва бхаяам̣ анвзд̇и, яат̇аа мам̣ бан̣д̣араганааг̇ам̣ субан̣н̣о анвааг̇ад̇од̇и. сам̣сад̇и хаасамаанод̇и рагкид̇ум̣ асамад̇т̇асса баабабурисасса хаасамаано гат̇зд̇и. наанумид̇д̇од̇и анувад̇д̇анамад̇д̇зна яо мид̇д̇о, на хад̣̇аязна, со г̇уяхам̣ ад̇т̇ам̣ ж̇аанид̇ум̣ наарахад̇ийд̇и барид̣̇звад̇и. асамб̣уд̣̇д̇ханд̇и асамб̣уд̣̇д̇ханд̇о аж̇аананд̇о, аббан̃н̃од̇и ад̇т̇о. самб̣уд̣̇д̇ханд̇и самб̣уд̣̇д̇ханд̇о ж̇аананд̇о, саббан̃н̃од̇и ад̇т̇о. ид̣̇ам̣ вуд̇д̇ам̣ ход̇и – ‘‘яоби сухад̣̇аяо мид̇д̇о ваа амид̇д̇о ваа аббан̃н̃о саббан̃н̃оби ваа яо анад̇т̇аваа анад̇т̇ажаро, соби г̇уяхам̣ взд̣̇ид̇ум̣ наарахад̇з’’д̇и.

Tattha vikiṇṇavācanti patthaṭavacanaṃ. Aniguyhamantanti appaṭicchannamantaṃ. Asaññatanti kāyadvārādīni rakkhituṃ asakkontaṃ. Aparicakkhitāranti ‘‘ayaṃ mayā kathitamantaṃ rakkhituṃ sakkhissati, na sakkhissatī’’ti puggalaṃ oloketuṃ upaparikkhituṃ asakkontaṃ. Bhayaṃ tamanvetīti taṃ imehi catūhi aṅgehi samannāgataṃ abodhaṃ duppaññaṃ puggalaṃ sayaṃkatameva bhayaṃ anveti, yathā maṃ paṇḍarakanāgaṃ supaṇṇo anvāgatoti. Saṃsati hāsamānoti rakkhituṃ asamatthassa pāpapurisassa hāsamāno katheti. Nānumittoti anuvattanamattena yo mitto, na hadayena, so guyhaṃ atthaṃ jānituṃ nārahatīti paridevati. Asambuddhanti asambuddhanto ajānanto, appaññoti attho. Sambuddhanti sambuddhanto jānanto, sappaññoti attho. Idaṃ vuttaṃ hoti – ‘‘yopi suhadayo mitto vā amitto vā appañño sappaññopi vā yo anatthavā anatthacaro, sopi guyhaṃ vedituṃ nārahate’’ti.

саман̣о аяанд̇и аяам̣ саман̣од̇и жа логасаммад̇од̇и жа бхаавид̇ад̇д̇од̇и жа ман̃н̃амаано ахам̣ зд̇асмим̣ виссаасамаабаж̇ж̇им̣. агкинд̇и гат̇зсим̣. ад̇ийд̇амад̇т̇од̇и ад̇ийд̇ад̇т̇о, ад̇игганд̇ад̇т̇о худ̇ваа ид̣̇аани габан̣ам̣ руд̣̇аамийд̇и барид̣̇звад̇и. д̇ассаад̇и д̇асса ажзлагасса. б̣рахмзд̇и субан̣н̣ам̣ аалабад̇и. сам̣яамзд̇унд̇и имам̣ г̇уяхаваажам̣ рахассагааран̣ам̣ рагкид̇ум̣ наасагким̣. д̇аббагкад̇о хийд̇и ид̣̇аани ид̣̇ам̣ бхаяам̣ мама д̇асса ажзлагасса багкад̇о годтаасад̇о санд̇игаа ааг̇ад̇ам̣, ид̇и ад̇ийд̇ад̇т̇о габан̣ам̣ руд̣̇аамийд̇и. сухад̣̇анд̇и ‘‘сухад̣̇о мама аяа’’нд̇и ман̃н̃амаано. д̣̇уггулийнзд̇и агулаж̇з нийжз. д̣̇осаад̇и зд̇зхи д̣̇осаад̣̇ийхи гааран̣зхи яо зваруубам̣ г̇уяхам̣ сам̣сад̇и, со б̣аало асам̣саяам̣ баллад̇т̇ид̇о баривад̇д̇зд̇ваа баабид̇о, хад̇оязва наамаад̇и ад̇т̇о.

Samaṇo ayanti ayaṃ samaṇoti ca lokasammatoti ca bhāvitattoti ca maññamāno ahaṃ etasmiṃ vissāsamāpajjiṃ. Akkhinti kathesiṃ. Atītamatthoti atītattho, atikkantattho hutvā idāni kapaṇaṃ rudāmīti paridevati. Tassāti tassa acelakassa. Brahmeti supaṇṇaṃ ālapati. Saṃyametunti imaṃ guyhavācaṃ rahassakāraṇaṃ rakkhituṃ nāsakkhiṃ. Tappakkhato hīti idāni idaṃ bhayaṃ mama tassa acelakassa pakkhato koṭṭhāsato santikā āgataṃ, iti atītattho kapaṇaṃ rudāmīti. Suhadanti ‘‘suhado mama aya’’nti maññamāno. Dukkulīneti akulaje nīce. Dosāti etehi dosādīhi kāraṇehi yo evarūpaṃ guyhaṃ saṃsati, so bālo asaṃsayaṃ pallatthito parivattetvā pāpito, hatoyeva nāmāti attho.

д̇ирогкаваажод̇и ад̇д̇ано яам̣ ваажам̣ гат̇зд̇угаамо, д̇ассаа д̇ирогкагад̇ад̇д̇аа бадижчаннаваажо. асад̇ам̣ бавидтод̇и асаббурисаанам̣ анд̇арам̣ бавидто асаббурисзсу барияаабанно. сан̇г̇ад̇ийсу муд̣̇ийрзд̇ийд̇и яо зваруубо барзсам̣ рахассам̣ суд̇ваава барисамаж̇жхзсу ‘‘асугзна асугам̣ наама гад̇ам̣ ваа вуд̇д̇ам̣ ваа’’д̇и ваагяам̣ уд̣̇ийрзд̇и, д̇ам̣ нарам̣ ‘‘аасийвисо д̣̇уммуко бууд̇имуко’’д̇и ааху, д̇аад̣̇исамхаа бурисаа аараа аараа сам̣яамз, д̣̇уурад̇о д̣̇уурад̇ова вирамзяяа, бариваж̇ж̇зяяа нанд̇и ад̇т̇о. мааламужчаад̣̇анан̃жаад̇и маалан̃жа д̣̇иб̣б̣ам̣ жад̇уж̇ж̇аад̇ияаг̇анд̇хан̃жа ужчаад̣̇анан̃жа. охааяаад̇и зд̇з д̣̇иб̣б̣ааннаад̣̇аяо саб̣б̣агаамз аж̇ж̇а маяам̣ охааяа чад̣д̣зд̇ваа г̇амиссаама. субан̣н̣а, баан̣уубаг̇ад̇аава д̇яамхаад̇и, бхо субан̣н̣а, баан̣зхи убаг̇ад̇аава д̇з амхаа, саран̣ам̣ но хохийд̇и.

Tirokkhavācoti attano yaṃ vācaṃ kathetukāmo, tassā tirokkhakatattā paṭicchannavāco. Asataṃ paviṭṭhoti asappurisānaṃ antaraṃ paviṭṭho asappurisesu pariyāpanno. Saṅgatīsu mudīretīti yo evarūpo paresaṃ rahassaṃ sutvāva parisamajjhesu ‘‘asukena asukaṃ nāma kataṃ vā vuttaṃ vā’’ti vākyaṃ udīreti, taṃ naraṃ ‘‘āsīviso dummukho pūtimukho’’ti āhu, tādisamhā purisā ārā ārā saṃyame, dūrato dūratova virameyya, parivajjeyya nanti attho. Mālamucchādanañcāti mālañca dibbaṃ catujjātiyagandhañca ucchādanañca. Ohāyāti ete dibbaannādayo sabbakāme ajja mayaṃ ohāya chaḍḍetvā gamissāma. Supaṇṇa, pāṇūpagatāva tyamhāti, bho supaṇṇa, pāṇehi upagatāva te amhā, saraṇaṃ no hohīti.

звам̣ бан̣д̣араго аагаасз хздтаасийсаго оламб̣анд̇о адтахи г̇аат̇аахи барид̣̇зви. субан̣н̣о д̇асса барид̣̇званасад̣̇д̣̇ам̣ суд̇ваа, ‘‘нааг̇арааж̇а ад̇д̇ано рахассам̣ ажзлагасса гат̇зд̇ваа ид̣̇аани гимад̇т̇ам̣ барид̣̇звасий’’д̇и д̇ам̣ г̇арахид̇ваа г̇аат̇амааха –

Evaṃ paṇḍarako ākāse heṭṭhāsīsako olambanto aṭṭhahi gāthāhi paridevi. Supaṇṇo tassa paridevanasaddaṃ sutvā, ‘‘nāgarāja attano rahassaṃ acelakassa kathetvā idāni kimatthaṃ paridevasī’’ti taṃ garahitvā gāthamāha –

266.

‘‘го нийд̇ха д̇ин̣н̣ам̣ г̇арахам̣ убзд̇и, асмим̣д̇ха логз баан̣абхуу нааг̇арааж̇а;

‘‘Ko nīdha tiṇṇaṃ garahaṃ upeti, asmiṃdha loke pāṇabhū nāgarāja;

саман̣о субан̣н̣о ат̇аваа д̇вамзва, гим̣гааран̣аа бан̣д̣арагаг̇г̇ахийд̇о’’д̇и.

Samaṇo supaṇṇo athavā tvameva, kiṃkāraṇā paṇḍarakaggahīto’’ti.

д̇ад̇т̇а го нийд̇хаад̇и ид̇ха амхзсу д̇ийсу ж̇анзсу го ну. асмим̣д̇хаад̇и зд̇т̇а ид̇хаад̇и нибаад̇амад̇д̇ам̣, асмим̣ логзд̇и ад̇т̇о. баан̣абхууд̇и баан̣абхууд̇о. ат̇аваа д̇вамзваад̇и уд̣̇ааху д̇вам̣язва. д̇ад̇т̇а саман̣ам̣ д̇аава маа г̇араха, со хи убааязна д̇ам̣ рахассам̣ бужчи. субан̣н̣амби маа г̇араха, ахан̃хи д̇ава бажжад̇т̇игова. бан̣д̣арагаг̇г̇ахийд̇од̇и, самма бан̣д̣арага, ‘‘ахам̣ гим̣гааран̣аа субан̣н̣зна г̇ахид̇о’’д̇и жинд̇зд̇ваа жа бана ад̇д̇аанамзва г̇араха, д̇аяаа хи рахассам̣ гат̇знд̇зна ад̇д̇анаава ад̇д̇ано анад̇т̇о гад̇од̇и аяамзд̇т̇а ад̇хиббааяо.

Tattha ko nīdhāti idha amhesu tīsu janesu ko nu. Asmiṃdhāti ettha idhāti nipātamattaṃ, asmiṃ loketi attho. Pāṇabhūti pāṇabhūto. Athavā tvamevāti udāhu tvaṃyeva. Tattha samaṇaṃ tāva mā garaha, so hi upāyena taṃ rahassaṃ pucchi. Supaṇṇampi mā garaha, ahañhi tava paccatthikova. Paṇḍarakaggahītoti, samma paṇḍaraka, ‘‘ahaṃ kiṃkāraṇā supaṇṇena gahito’’ti cintetvā ca pana attānameva garaha, tayā hi rahassaṃ kathentena attanāva attano anattho katoti ayamettha adhippāyo.

д̇ам̣ суд̇ваа бан̣д̣араго ид̇арам̣ г̇аат̇амааха –

Taṃ sutvā paṇḍarako itaraṃ gāthamāha –

267.

‘‘саман̣од̇и мз саммад̇ад̇д̇о ахоси, бияо жа мз манасаа бхаавид̇ад̇д̇о;

‘‘Samaṇoti me sammatatto ahosi, piyo ca me manasā bhāvitatto;

д̇ассаахамагким̣ виварим̣ г̇уяхамад̇т̇ам̣, ад̇ийд̇амад̇т̇о габан̣ам̣ руд̣̇аамий’’д̇и.

Tassāhamakkhiṃ vivariṃ guyhamatthaṃ, atītamattho kapaṇaṃ rudāmī’’ti.

д̇ад̇т̇а саммад̇ад̇д̇од̇и со саман̣о маяхам̣ ‘‘саббурисо аяа’’нд̇и саммад̇абхааво ахоси. бхаавид̇ад̇д̇од̇и самбхаавид̇абхааво жа мз ахосийд̇и.

Tattha sammatattoti so samaṇo mayhaṃ ‘‘sappuriso aya’’nti sammatabhāvo ahosi. Bhāvitattoti sambhāvitabhāvo ca me ahosīti.

д̇ад̇о субан̣н̣о жад̇ассо г̇аат̇аа абхааси –

Tato supaṇṇo catasso gāthā abhāsi –

268.

‘‘на жад̇т̇и сад̇д̇о амаро бат̇аб̣яаа, бан̃н̃аавид̇хаа над̇т̇и на нинд̣̇ид̇аб̣б̣аа;

‘‘Na catthi satto amaro pathabyā, paññāvidhā natthi na ninditabbā;

сажжзна д̇хаммзна д̇хид̇ияаа д̣̇амзна, алаб̣бхамаб̣яаахарад̇ий наро ид̇ха.

Saccena dhammena dhitiyā damena, alabbhamabyāharatī naro idha.

269.

‘‘маад̇аа бид̇аа барамаа б̣анд̇хаваанам̣, наасса д̇ад̇ияо анугамбагад̇т̇и;

‘‘Mātā pitā paramā bandhavānaṃ, nāssa tatiyo anukampakatthi;

д̇зсамби г̇уяхам̣ барамам̣ на сам̣сз, манд̇асса бхзд̣̇ам̣ барисан̇гамаано.

Tesampi guyhaṃ paramaṃ na saṃse, mantassa bhedaṃ parisaṅkamāno.

270.

‘‘маад̇аа бид̇аа бхаг̇иний бхаад̇аро жа, сахааяаа ваа яасса хонд̇и сабагкаа;

‘‘Mātā pitā bhaginī bhātaro ca, sahāyā vā yassa honti sapakkhā;

д̇зсамби г̇уяхам̣ барамам̣ на сам̣сз, манд̇асса бхзд̣̇ам̣ барисан̇гамаано.

Tesampi guyhaṃ paramaṃ na saṃse, mantassa bhedaṃ parisaṅkamāno.

271.

‘‘бхарияаа жз бурисам̣ важ̇ж̇аа, гомаарий бияабхаан̣иний;

‘‘Bhariyā ce purisaṃ vajjā, komārī piyabhāṇinī;

буд̇д̇аруубаяасуубзд̇аа, н̃аад̇исан̇гхабурагкад̇аа;

Puttarūpayasūpetā, ñātisaṅghapurakkhatā;

д̇ассааби г̇уяхам̣ барамам̣ на сам̣сз, манд̇асса бхзд̣̇ам̣ барисан̇гамаано’’д̇и.

Tassāpi guyhaṃ paramaṃ na saṃse, mantassa bhedaṃ parisaṅkamāno’’ti.

д̇ад̇т̇а амарод̇и амаран̣асабхааво сад̇д̇о наама над̇т̇и. бан̃н̃аавид̇хаа над̇т̇ийд̇и на-гааро бад̣̇асанд̇хигаро, бан̃н̃аавид̇хаа ад̇т̇ийд̇и ад̇т̇о. ид̣̇ам̣ вуд̇д̇ам̣ ход̇и – нааг̇арааж̇а , логз амароби над̇т̇и, бан̃н̃аавид̇хааби ад̇т̇и, саа ан̃н̃зсам̣ бан̃н̃аагодтаасасан̇каад̇аа бан̃н̃аавид̇хаа ад̇д̇ано ж̇ийвид̇ахзд̇у на нинд̣̇ид̇аб̣б̣аад̇и. ат̇а ваа бан̃н̃аавид̇хаад̇и бан̃н̃аасад̣̇исаа на нинд̣̇ид̇аб̣б̣аа наама ан̃н̃аа д̇хаммаж̇аад̇и над̇т̇и, д̇ам̣ гасмаа нинд̣̇асийд̇и. язсам̣ бана ‘‘бан̃н̃аавид̇хаанамби на нинд̣̇ид̇аб̣б̣а’’нд̇иби баато, д̇зсам̣ уж̇угамзва. сажжзнаад̇иаад̣̇ийсу важийсажжзна жа сужарид̇ад̇хаммзна жа бан̃н̃аасан̇каад̇ааяа д̇хид̇ияаа жа инд̣̇рияад̣̇амзна жа алаб̣бхам̣ д̣̇уллабхам̣ адтасамаабад̇д̇имаг̇г̇апаланиб̣б̣аанасан̇каад̇амби висзсам̣ аб̣яаахарад̇и аавахад̇и д̇ам̣ нибпаад̣̇зд̇и наро ид̇ха, д̇асмаа наарахаси ажзлам̣ нинд̣̇ид̇ум̣, ад̇д̇аанамзва г̇араха. ажзлзна хи ад̇д̇ано бан̃н̃аванд̇ад̇ааяа убааяагусалад̇ааяа жа ван̃жзд̇ваа д̇вам̣ рахассам̣ г̇уяхам̣ манд̇ам̣ бужчид̇од̇и ад̇т̇о.

Tattha amaroti amaraṇasabhāvo satto nāma natthi. Paññāvidhā natthīti na-kāro padasandhikaro, paññāvidhā atthīti attho. Idaṃ vuttaṃ hoti – nāgarāja , loke amaropi natthi, paññāvidhāpi atthi, sā aññesaṃ paññākoṭṭhāsasaṅkhātā paññāvidhā attano jīvitahetu na ninditabbāti. Atha vā paññāvidhāti paññāsadisā na ninditabbā nāma aññā dhammajāti natthi, taṃ kasmā nindasīti. Yesaṃ pana ‘‘paññāvidhānampi na ninditabba’’ntipi pāṭho, tesaṃ ujukameva. Saccenātiādīsu vacīsaccena ca sucaritadhammena ca paññāsaṅkhātāya dhitiyā ca indriyadamena ca alabbhaṃ dullabhaṃ aṭṭhasamāpattimaggaphalanibbānasaṅkhātampi visesaṃ abyāharati āvahati taṃ nipphādeti naro idha, tasmā nārahasi acelaṃ nindituṃ, attānameva garaha. Acelena hi attano paññavantatāya upāyakusalatāya ca vañcetvā tvaṃ rahassaṃ guyhaṃ mantaṃ pucchitoti attho.

барамаад̇и зд̇з убхо б̣анд̇хаваанам̣ уд̇д̇амаб̣анд̇хаваа наама. наасса д̇ад̇ияод̇и асса буг̇г̇аласса маад̇аабид̇уухи ан̃н̃о д̇ад̇ияо сад̇д̇о анугамбаго наама над̇т̇и, манд̇асса бхзд̣̇ам̣ барисан̇гамаано бан̣д̣ид̇о д̇зсам̣ маад̇аабид̇уунамби барамам̣ г̇уяхам̣ на сам̣сзяяа, д̇вам̣ бана маад̇аабид̇уунамби агат̇зд̇аб̣б̣ам̣ ажзлагасса гат̇зсийд̇и ад̇т̇о. сахааяаа ваад̇и сухад̣̇аяамид̇д̇аа ваа. сабагкаад̇и бзд̇д̇зяяамаад̇улабид̇ужчаад̣̇аяо самаанабагкаа н̃аад̇аяо. д̇зсамбийд̇и зд̇зсамби н̃аад̇имид̇д̇аанам̣ на гат̇зяяа, д̇вам̣ бана ажзлагасса гат̇зси, ад̇д̇анова гуж̇жхассууд̇и д̣̇ийбзд̇и. бхарияаа жзд̇и гомаарий бияабхаан̣иний буд̇д̇зхи жа руубзна жа яасзна жа убзд̇аа зваруубаа бхарияааби жз ‘‘аажигкаахи мз д̇ава г̇уяха’’нд̇и вад̣̇зяяа, д̇ассааби на сам̣сзяяа.

Paramāti ete ubho bandhavānaṃ uttamabandhavā nāma. Nāssa tatiyoti assa puggalassa mātāpitūhi añño tatiyo satto anukampako nāma natthi, mantassa bhedaṃ parisaṅkamāno paṇḍito tesaṃ mātāpitūnampi paramaṃ guyhaṃ na saṃseyya, tvaṃ pana mātāpitūnampi akathetabbaṃ acelakassa kathesīti attho. Sahāyā vāti suhadayamittā vā. Sapakkhāti petteyyamātulapitucchādayo samānapakkhā ñātayo. Tesampīti etesampi ñātimittānaṃ na katheyya, tvaṃ pana acelakassa kathesi, attanova kujjhassūti dīpeti. Bhariyā ceti komārī piyabhāṇinī puttehi ca rūpena ca yasena ca upetā evarūpā bhariyāpi ce ‘‘ācikkhāhi me tava guyha’’nti vadeyya, tassāpi na saṃseyya.

д̇ад̇о бараа –

Tato parā –

272.

‘‘на г̇уяхамад̇т̇ам̣ виварзяяа, рагкзяяа нам̣ яат̇аа нид̇хим̣;

‘‘Na guyhamatthaṃ vivareyya, rakkheyya naṃ yathā nidhiṃ;

на хи баад̇угад̇о саад̇ху, г̇уяхо ад̇т̇о баж̇аанад̇аа.

Na hi pātukato sādhu, guyho attho pajānatā.

273.

‘‘т̇ияаа г̇уяхам̣ на сам̣сзяяа, амид̇д̇асса жа бан̣д̣ид̇о;

‘‘Thiyā guyhaṃ na saṃseyya, amittassa ca paṇḍito;

яо жаамисзна сам̣хийро, хад̣̇аяад̇т̇зно жа яо наро.

Yo cāmisena saṃhīro, hadayattheno ca yo naro.

274.

‘‘г̇уяхамад̇т̇ам̣ асамб̣уд̣̇д̇хам̣, самб̣од̇хаяад̇и яо наро;

‘‘Guyhamatthaṃ asambuddhaṃ, sambodhayati yo naro;

манд̇абхзд̣̇абхаяаа д̇асса, д̣̇аасабхууд̇о д̇ид̇игкад̇и.

Mantabhedabhayā tassa, dāsabhūto titikkhati.

275.

‘‘яааванд̇о бурисассад̇т̇ам̣, г̇уяхам̣ ж̇аананд̇и манд̇инам̣;

‘‘Yāvanto purisassatthaṃ, guyhaṃ jānanti mantinaṃ;

д̇ааванд̇о д̇асса уб̣б̣зг̇аа, д̇асмаа г̇уяхам̣ на виссаж̇з;

Tāvanto tassa ubbegā, tasmā guyhaṃ na vissaje;

276.

‘‘вивижжа бхаасзяяа д̣̇иваа рахассам̣, рад̇д̇им̣ г̇ирам̣ наад̇ивзлам̣ бамун̃жз;

‘‘Vivicca bhāseyya divā rahassaṃ, rattiṃ giraṃ nātivelaṃ pamuñce;

убассуд̇игаа хи сун̣анд̇и манд̇ам̣, д̇асмаа манд̇о киббамубзд̇и бхзд̣̇а’’нд̇и. –

Upassutikā hi suṇanti mantaṃ, tasmā manto khippamupeti bheda’’nti. –

бан̃жа г̇аат̇аа уман̇г̇аж̇аад̇агз бан̃жабан̣д̣ид̇абан̃хз аави бхависсанд̇и.

Pañca gāthā umaṅgajātake pañcapaṇḍitapañhe āvi bhavissanti.

д̇ад̇о бараасу –

Tato parāsu –

277.

‘‘яат̇ааби асса наг̇арам̣ маханд̇ам̣, ад̣̇ваарагам̣ ааяасам̣ бхад̣̇д̣̇асаалам̣;

‘‘Yathāpi assa nagaraṃ mahantaṃ, advārakaṃ āyasaṃ bhaddasālaṃ;

саманд̇акаад̇аабарикааубзд̇ам̣ , звамби мз д̇з ид̇ха г̇уяхаманд̇аа.

Samantakhātāparikhāupetaṃ , evampi me te idha guyhamantā.

278.

‘‘яз г̇уяхаманд̇аа авигин̣н̣аваажаа, д̣̇ал̣хаа сад̣̇ад̇т̇зсу нараа д̣̇уж̇ивха;

‘‘Ye guyhamantā avikiṇṇavācā, daḷhā sadatthesu narā dujivha;

аараа амид̇д̇аа б̣яаваж̇анд̇и д̇зхи, аасийвисаа ваа рива сад̇д̇усан̇гхаа’’д̇и. –

Ārā amittā byavajanti tehi, āsīvisā vā riva sattusaṅghā’’ti. –

д̣̇вийсу г̇аат̇аасу бхад̣̇д̣̇асааланд̇и аабан̣аад̣̇ийхи саалаахи самбаннам̣. саманд̇акаад̇аабарикааубзд̇анд̇и саманд̇акаад̇аахи д̇ийхи барикаахи убаг̇ад̇ам̣. звамби мзд̇и звамби маяхам̣ д̇з бурисаа кааяанд̇и. гад̇арз? яз ид̇ха г̇уяхаманд̇аа. ид̣̇ам̣ вуд̇д̇ам̣ ход̇и – яат̇аа ад̣̇ваарагасса аяомаяанаг̇арасса мануссаанам̣ убабхог̇абарибхог̇о анд̇ова ход̇и, на аб̣бханд̇аримаа б̣ахи нигкаманд̇и, на б̣аахираа анд̇о бависанд̇и, абараабарам̣ сан̃жааро чиж̇ж̇ад̇и, г̇уяхаманд̇аа бурисаа зваруубаа хонд̇и, ад̇д̇ано г̇уяхам̣ ад̇д̇ано анд̇оязва ж̇ийраабзнд̇и, на ан̃н̃асса гат̇знд̇ийд̇и. д̣̇ал̣хаа сад̣̇ад̇т̇зсууд̇и ад̇д̇ано ад̇т̇зсу т̇ираа. д̣̇уж̇ивхаад̇и бан̣д̣араганааг̇ам̣ аалабад̇и. б̣яаваж̇анд̇ийд̇и бадиггаманд̇и. аасийвисаа ваа рива сад̇д̇усан̇гхаад̇и зд̇т̇а ваад̇и нибаад̇амад̇д̇ам̣, аасийвисаа сад̇д̇усан̇гхаа риваад̇и ад̇т̇о. яат̇аа аасийвисад̇о сад̇д̇усан̇гхаа ж̇ийвид̇угаамаа мануссаа аараа бадиггаманд̇и, звам̣ д̇зхи г̇уяхаманд̇зхи нарзхи аараа амид̇д̇аа бадиггаманд̇и, убаг̇анд̇ум̣ огаасам̣ на лабханд̇ийд̇и вуд̇д̇ам̣ ход̇и.

Dvīsu gāthāsu bhaddasālanti āpaṇādīhi sālāhi sampannaṃ. Samantakhātāparikhāupetanti samantakhātāhi tīhi parikhāhi upagataṃ. Evampi meti evampi mayhaṃ te purisā khāyanti. Katare? Ye idha guyhamantā. Idaṃ vuttaṃ hoti – yathā advārakassa ayomayanagarassa manussānaṃ upabhogaparibhogo antova hoti, na abbhantarimā bahi nikkhamanti, na bāhirā anto pavisanti, aparāparaṃ sañcāro chijjati, guyhamantā purisā evarūpā honti, attano guyhaṃ attano antoyeva jīrāpenti, na aññassa kathentīti. Daḷhā sadatthesūti attano atthesu thirā. Dujivhāti paṇḍarakanāgaṃ ālapati. Byavajantīti paṭikkamanti. Āsīvisā vā riva sattusaṅghāti ettha vāti nipātamattaṃ, āsīvisā sattusaṅghā rivāti attho. Yathā āsīvisato sattusaṅghā jīvitukāmā manussā ārā paṭikkamanti, evaṃ tehi guyhamantehi narehi ārā amittā paṭikkamanti, upagantuṃ okāsaṃ na labhantīti vuttaṃ hoti.

звам̣ субан̣н̣зна д̇хаммз гат̇ид̇з бан̣д̣араго ааха –

Evaṃ supaṇṇena dhamme kathite paṇḍarako āha –

279.

‘‘хид̇ваа гхарам̣ баб̣б̣аж̇ид̇о ажзло, наг̇г̇о мун̣д̣о жарад̇и гхаасахзд̇у;

‘‘Hitvā gharaṃ pabbajito acelo, naggo muṇḍo carati ghāsahetu;

д̇амхи ну ко виварим̣ г̇уяхамад̇т̇ам̣, ад̇т̇аа жа д̇хаммаа жа абаг̇г̇ад̇аамхаа.

Tamhi nu kho vivariṃ guyhamatthaṃ, atthā ca dhammā ca apaggatāmhā.

280.

‘‘гат̇ам̣гаро ход̇и субан̣н̣арааж̇а, гим̣сийло гзна вад̇зна вад̇д̇ам̣;

‘‘Kathaṃkaro hoti supaṇṇarāja, kiṃsīlo kena vatena vattaṃ;

саман̣о жарам̣ хид̇ваа мамааяид̇аани, гат̇ам̣гаро саг̇г̇амубзд̇и таана’’нд̇и.

Samaṇo caraṃ hitvā mamāyitāni, kathaṃkaro saggamupeti ṭhāna’’nti.

д̇ад̇т̇а гхаасахзд̇ууд̇и ниссириго гужчибууран̣ад̇т̇ааяа каад̣̇анийяабхож̇анийяз бариязсанд̇о жарад̇и. абаг̇г̇ад̇аамхаад̇и абаг̇ад̇аа барихийнаамхаа. гат̇ам̣гарод̇и ид̣̇ам̣ нааг̇арааж̇аа д̇асса наг̇г̇асса саман̣абхаавам̣ н̃ад̇ваа саман̣абадибад̇д̇им̣ бужчанд̇о ааха. д̇ад̇т̇а гим̣сийлод̇и гад̇арзна аажаарзна саманнааг̇ад̇о. гзна вад̇знаад̇и гад̇арзна вад̇асамаад̣̇аанзна вад̇д̇анд̇о. саман̣о жаранд̇и баб̣б̣аж̇ж̇ааяа жаранд̇о д̇ан̣хаамамааяид̇аани хид̇ваа гат̇ам̣ самид̇абаабасаман̣о наама ход̇и. саг̇г̇анд̇и гат̇ам̣ гаронд̇о жа судту аг̇г̇ам̣ д̣̇званаг̇арам̣ со саман̣о убзд̇ийд̇и.

Tattha ghāsahetūti nissiriko kucchipūraṇatthāya khādanīyabhojanīye pariyesanto carati. Apaggatāmhāti apagatā parihīnāmhā. Kathaṃkaroti idaṃ nāgarājā tassa naggassa samaṇabhāvaṃ ñatvā samaṇapaṭipattiṃ pucchanto āha. Tattha kiṃsīloti katarena ācārena samannāgato. Kena vatenāti katarena vatasamādānena vattanto. Samaṇo caranti pabbajjāya caranto taṇhāmamāyitāni hitvā kathaṃ samitapāpasamaṇo nāma hoti. Sagganti kathaṃ karonto ca suṭṭhu aggaṃ devanagaraṃ so samaṇo upetīti.

субан̣н̣о ааха –

Supaṇṇo āha –

281.

‘‘хирияаа д̇ид̇игкааяа д̣̇амзнубзд̇о, аггод̇хано бзсун̣ияам̣ бахааяа;

‘‘Hiriyā titikkhāya damenupeto, akkodhano pesuṇiyaṃ pahāya;

саман̣о жарам̣ хид̇ваа мамааяид̇аани, звам̣гаро саг̇г̇амубзд̇и таана’’нд̇и.

Samaṇo caraṃ hitvā mamāyitāni, evaṃkaro saggamupeti ṭhāna’’nti.

д̇ад̇т̇а хирияаад̇и, самма нааг̇арааж̇а, аж̇жхад̇д̇аб̣ахид̣̇д̇хаасамудтаанзхи хирод̇д̇аббзхи д̇ид̇игкаасан̇каад̇ааяа ад̇хиваасанаканд̇ияаа инд̣̇рияад̣̇амзна жа убзд̇о агуж̇жханасийло бисун̣аваажам̣ бахааяа д̇ан̣хаамамааяид̇аани жа хид̇ваа баб̣б̣аж̇ж̇ааяа жаранд̇о саман̣о наама ход̇и, звам̣гароязва жа зд̇аани хирийаад̣̇ийни гусалаани гаронд̇о саг̇г̇амубзд̇и таананд̇и.

Tattha hiriyāti, samma nāgarāja, ajjhattabahiddhāsamuṭṭhānehi hirottappehi titikkhāsaṅkhātāya adhivāsanakhantiyā indriyadamena ca upeto akujjhanasīlo pisuṇavācaṃ pahāya taṇhāmamāyitāni ca hitvā pabbajjāya caranto samaṇo nāma hoti, evaṃkaroyeva ca etāni hirīādīni kusalāni karonto saggamupeti ṭhānanti.

ид̣̇ам̣ субан̣н̣арааж̇асса д̇хаммагат̇ам̣ суд̇ваа бан̣д̣араго ж̇ийвид̇ам̣ яаажанд̇о г̇аат̇амааха –

Idaṃ supaṇṇarājassa dhammakathaṃ sutvā paṇḍarako jīvitaṃ yācanto gāthamāha –

282.

‘‘маад̇аава буд̇д̇ам̣ д̇арун̣ам̣ д̇ануж̇ж̇ам̣, сампассад̇аа саб̣б̣аг̇ад̇д̇ам̣ парзд̇и;

‘‘Mātāva puttaṃ taruṇaṃ tanujjaṃ, samphassatā sabbagattaṃ phareti;

звамби мз д̇вам̣ баад̇ураху д̣̇иж̇инд̣̇а, маад̇аава буд̇д̇ам̣ анугамбамаано’’д̇и.

Evampi me tvaṃ pāturahu dijinda, mātāva puttaṃ anukampamāno’’ti.

д̇ассад̇т̇о – яат̇аа маад̇аа д̇ануж̇ам̣ ад̇д̇ано сарийраж̇аад̇ам̣ д̇арун̣ам̣ буд̇д̇ам̣ сампассад̇ам̣ д̣̇исваа д̇ам̣ урз нибаж̇ж̇аабзд̇ваа т̇ан̃н̃ам̣ бааязнд̇ий буд̇д̇асампассзна саб̣б̣ам̣ ад̇д̇ано г̇ад̇д̇ам̣ парзд̇и, наби маад̇аа буд̇д̇ад̇о бхааяад̇и наби буд̇д̇о маад̇ид̇о, звамби мз д̇вам̣ баад̇ураху баад̇убхууд̇о д̣̇иж̇инд̣̇а д̣̇иж̇арааж̇а, д̇асмаа маад̇аава буд̇д̇ам̣ муд̣̇угзна хад̣̇аязна анугамбамаано мам̣ басса, ж̇ийвид̇ам̣ мз д̣̇зхийд̇и.

Tassattho – yathā mātā tanujaṃ attano sarīrajātaṃ taruṇaṃ puttaṃ samphassataṃ disvā taṃ ure nipajjāpetvā thaññaṃ pāyentī puttasamphassena sabbaṃ attano gattaṃ phareti, napi mātā puttato bhāyati napi putto mātito, evampi me tvaṃ pāturahu pātubhūto dijinda dijarāja, tasmā mātāva puttaṃ mudukena hadayena anukampamāno maṃ passa, jīvitaṃ me dehīti.

ат̇асса субан̣н̣о ж̇ийвид̇ам̣ д̣̇знд̇о ид̇арам̣ г̇аат̇амааха –

Athassa supaṇṇo jīvitaṃ dento itaraṃ gāthamāha –

283.

‘‘ханд̣̇аж̇ж̇а д̇вам̣ мун̃жа вад̇хаа д̣̇уж̇ивха, д̇аяо хи буд̇д̇аа на хи ан̃н̃о ад̇т̇и;

‘‘Handajja tvaṃ muñca vadhā dujivha, tayo hi puttā na hi añño atthi;

анд̇зваасий д̣̇иннаго ад̇раж̇о жа, раж̇ж̇ассу буд̇д̇ан̃н̃ад̇аро мз ахосий’’д̇и.

Antevāsī dinnako atrajo ca, rajjassu puttaññataro me ahosī’’ti.

д̇ад̇т̇а мун̃жаад̇и мужжа, аяамзва ваа баато. д̣̇уж̇ивхаад̇и д̇ам̣ аалабад̇и. ан̃н̃од̇и ан̃н̃о жад̇уд̇т̇о буд̇д̇о наама над̇т̇и. анд̇зваасийд̇и сиббам̣ ваа уг̇г̇ан̣хамаано бан̃хам̣ ваа сун̣анд̇о санд̇игз нивуд̇т̇о. д̣̇иннагод̇и ‘‘аяам̣ д̇з буд̇д̇о ход̇уу’’д̇и барзхи д̣̇инно. раж̇ж̇ассууд̇и абхирамассу. ан̃н̃ад̇арод̇и д̇ийсу буд̇д̇зсу ан̃н̃ад̇аро анд̇зваасий буд̇д̇о мз д̇вам̣ ж̇аад̇од̇и д̣̇ийбзд̇и.

Tattha muñcāti mucca, ayameva vā pāṭho. Dujivhāti taṃ ālapati. Aññoti añño catuttho putto nāma natthi. Antevāsīti sippaṃ vā uggaṇhamāno pañhaṃ vā suṇanto santike nivuttho. Dinnakoti ‘‘ayaṃ te putto hotū’’ti parehi dinno. Rajjassūti abhiramassu. Aññataroti tīsu puttesu aññataro antevāsī putto me tvaṃ jātoti dīpeti.

зван̃жа бана вад̇ваа аагаасаа од̇арид̇ваа д̇ам̣ бхуумияам̣ бад̇идтаабзси. д̇амад̇т̇ам̣ багаасзнд̇о сад̇т̇аа д̣̇вз г̇аат̇аа абхааси –

Evañca pana vatvā ākāsā otaritvā taṃ bhūmiyaṃ patiṭṭhāpesi. Tamatthaṃ pakāsento satthā dve gāthā abhāsi –

284.

‘‘ижжзва ваагяам̣ висаж̇ж̇ий субан̣н̣о, бхумяам̣ бад̇идтааяа д̣̇иж̇о д̣̇уж̇ивхам̣;

‘‘Icceva vākyaṃ visajjī supaṇṇo, bhumyaṃ patiṭṭhāya dijo dujivhaṃ;

муд̇д̇аж̇ж̇а д̇вам̣ саб̣б̣абхаяаад̇ивад̇д̇о, т̇алууд̣̇агз хохи маяаабхиг̇уд̇д̇о.

Muttajja tvaṃ sabbabhayātivatto, thalūdake hohi mayābhigutto.

285.

‘‘аад̇ан̇гинам̣ яат̇аа гусало бхисагго, бибаасид̇аанам̣ рахад̣̇ова сийд̇о;

‘‘Ātaṅkinaṃ yathā kusalo bhisakko, pipāsitānaṃ rahadova sīto;

взсмам̣ яат̇аа химасийд̇аддид̇аанам̣, звамби д̇з саран̣амахам̣ бхаваамий’’д̇и.

Vesmaṃ yathā himasītaṭṭitānaṃ, evampi te saraṇamahaṃ bhavāmī’’ti.

д̇ад̇т̇а ижжзва ваагяанд̇и ид̇и звам̣ важанам̣ вад̇ваа д̇ам̣ нааг̇арааж̇ам̣ виссаж̇ж̇и. бхумяанд̇и со саяамби бхуумияам̣ бад̇идтааяа д̣̇иж̇о д̇ам̣ д̣̇уж̇ивхам̣ самассаасзнд̇о муд̇д̇о аж̇ж̇а д̇вам̣ ид̇о бадтааяа саб̣б̣абхаяаани ад̇ивад̇д̇о т̇алз жа уд̣̇агз жа маяаа абхиг̇уд̇д̇о рагкид̇о хохийд̇и ааха. аад̇ан̇гинанд̇и г̇илаанаанам̣. звамби д̇зд̇и звам̣ ахам̣ д̇ава саран̣ам̣ бхаваами.

Tattha icceva vākyanti iti evaṃ vacanaṃ vatvā taṃ nāgarājaṃ vissajji. Bhumyanti so sayampi bhūmiyaṃ patiṭṭhāya dijo taṃ dujivhaṃ samassāsento mutto ajja tvaṃ ito paṭṭhāya sabbabhayāni ativatto thale ca udake ca mayā abhigutto rakkhito hohīti āha. Ātaṅkinanti gilānānaṃ. Evampi teti evaṃ ahaṃ tava saraṇaṃ bhavāmi.

г̇ажча д̇ванд̇и уяяож̇зси. со нааг̇арааж̇аа нааг̇абхаванам̣ баависи. ид̇ароби субан̣н̣абхаванам̣ г̇анд̇ваа ‘‘маяаа бан̣д̣араганааг̇о сабат̇ам̣ гад̇ваа сад̣̇д̣̇ахаабзд̇ваа виссаж̇ж̇ид̇о, гийд̣̇исам̣ ну ко маяи д̇асса хад̣̇аяам̣, виймам̣сиссаами на’’нд̇и нааг̇абхаванам̣ г̇анд̇ваа субан̣н̣аваад̇ам̣ агааси. д̇ам̣ д̣̇исваа нааг̇о ‘‘субан̣н̣арааж̇аа мам̣ г̇ахзд̇ум̣ ааг̇ад̇о бхависсад̇ий’’д̇и ман̃н̃амаано б̣яаамасахассамад̇д̇ам̣ ад̇д̇абхаавам̣ маабзд̇ваа баасаан̣з жа ваалуган̃жа г̇илид̇ваа бхаарияо худ̇ваа нан̇г̇удтам̣ хздтаагад̇ваа бхог̇амад̇т̇агз пан̣ам̣ д̇хаараяамаано нибаж̇ж̇ид̇ваа субан̣н̣арааж̇аанам̣ д̣ам̣сид̇угаамо вияа ахоси. д̇ам̣ д̣̇исваа субан̣н̣о ид̇арам̣ г̇аат̇амааха –

Gaccha tvanti uyyojesi. So nāgarājā nāgabhavanaṃ pāvisi. Itaropi supaṇṇabhavanaṃ gantvā ‘‘mayā paṇḍarakanāgo sapathaṃ katvā saddahāpetvā vissajjito, kīdisaṃ nu kho mayi tassa hadayaṃ, vīmaṃsissāmi na’’nti nāgabhavanaṃ gantvā supaṇṇavātaṃ akāsi. Taṃ disvā nāgo ‘‘supaṇṇarājā maṃ gahetuṃ āgato bhavissatī’’ti maññamāno byāmasahassamattaṃ attabhāvaṃ māpetvā pāsāṇe ca vālukañca gilitvā bhāriyo hutvā naṅguṭṭhaṃ heṭṭhākatvā bhogamatthake phaṇaṃ dhārayamāno nipajjitvā supaṇṇarājānaṃ ḍaṃsitukāmo viya ahosi. Taṃ disvā supaṇṇo itaraṃ gāthamāha –

286.

‘‘санд̇хим̣ гад̇ваа амид̇д̇зна, ан̣д̣аж̇зна ж̇алааб̣уж̇а;

‘‘Sandhiṃ katvā amittena, aṇḍajena jalābuja;

виварияа д̣̇аатам̣ сзси, гуд̇о д̇ам̣ бхаяамааг̇ад̇а’’нд̇и.

Vivariya dāṭhaṃ sesi, kuto taṃ bhayamāgata’’nti.

д̇ам̣ суд̇ваа нааг̇арааж̇аа д̇иссо г̇аат̇аа абхааси –

Taṃ sutvā nāgarājā tisso gāthā abhāsi –

287.

‘‘сан̇гзт̇зва амид̇д̇асмим̣, мид̇д̇асмимби на виссасз;

‘‘Saṅketheva amittasmiṃ, mittasmimpi na vissase;

абхаяаа бхаяамуббаннам̣, аби муулаани ганд̇ад̇и.

Abhayā bhayamuppannaṃ, api mūlāni kantati.

288.

‘‘гат̇ам̣ ну виссасз д̇яамхи, язнааси галахо гад̇о;

‘‘Kathaṃ nu vissase tyamhi, yenāsi kalaho kato;

нижжаяад̇д̇зна таад̇аб̣б̣ам̣, со д̣̇исаб̣бхи на раж̇ж̇ад̇и.

Niccayattena ṭhātabbaṃ, so disabbhi na rajjati.

289.

‘‘виссаасаяз на жа д̇ам̣ виссаязяяа, асан̇гид̇о сан̇гид̇о жа бхавзяяа;

‘‘Vissāsaye na ca taṃ vissayeyya, asaṅkito saṅkito ca bhaveyya;

д̇ат̇аа д̇ат̇аа вин̃н̃уу бараггамзяяа, яат̇аа яат̇аа бхаавам̣ баро на ж̇ан̃н̃аа’’д̇и.

Tathā tathā viññū parakkameyya, yathā yathā bhāvaṃ paro na jaññā’’ti.

д̇ад̇т̇а абхаяаад̇и абхаяадтаанабхууд̇аа мид̇д̇амхаа бхаяам̣ уббаннам̣ ж̇ийвид̇асан̇каад̇аани муулаанзва ганд̇ад̇и. д̇яамхийд̇и д̇асмим̣. язнаасийд̇и язна сад̣̇д̇хим̣ галахо гад̇о ахоси. нижжаяад̇д̇знаад̇и нижжабадияад̇д̇зна. со д̣̇исаб̣бхи на раж̇ж̇ад̇ийд̇и яо нижжаяад̇д̇зна абхид̇идтад̇и, со ад̇д̇ано сад̇д̇уухи сад̣̇д̇хим̣ виссаасавасзна на раж̇ж̇ад̇и, д̇ад̇о д̇зсам̣ яат̇аагаамагаран̣ийяо на ход̇ийд̇и ад̇т̇о. виссаасаязд̇и барам̣ ад̇д̇ани виссаасаяз, д̇ам̣ бана саяам̣ на виссасзяяа. барзна асан̇гид̇о ад̇д̇анаа жа со сан̇гид̇о бхавзяяа. бхаавам̣ барод̇и яат̇аа яат̇аа бан̣д̣ид̇о бараггамад̇и, д̇ат̇аа д̇ат̇аа д̇асса баро бхаавам̣ на ж̇аанаад̇и, д̇асмаа бан̣д̣ид̇зна вийрияам̣ гаад̇аб̣б̣амзваад̇и д̣̇ийбзд̇и.

Tattha abhayāti abhayaṭṭhānabhūtā mittamhā bhayaṃ uppannaṃ jīvitasaṅkhātāni mūlāneva kantati. Tyamhīti tasmiṃ. Yenāsīti yena saddhiṃ kalaho kato ahosi. Niccayattenāti niccapaṭiyattena. So disabbhi na rajjatīti yo niccayattena abhitiṭṭhati, so attano sattūhi saddhiṃ vissāsavasena na rajjati, tato tesaṃ yathākāmakaraṇīyo na hotīti attho. Vissāsayeti paraṃ attani vissāsaye, taṃ pana sayaṃ na vissaseyya. Parena asaṅkito attanā ca so saṅkito bhaveyya. Bhāvaṃ paroti yathā yathā paṇḍito parakkamati, tathā tathā tassa paro bhāvaṃ na jānāti, tasmā paṇḍitena vīriyaṃ kātabbamevāti dīpeti.

ид̇и д̇з ан̃н̃аман̃н̃ам̣ саллабид̇ваа самаг̇г̇аа саммод̣̇амаанаа убхоби ажзлагасса ассамам̣ аг̇амим̣су. д̇амад̇т̇ам̣ багаасзнд̇о сад̇т̇аа ааха –

Iti te aññamaññaṃ sallapitvā samaggā sammodamānā ubhopi acelakassa assamaṃ agamiṃsu. Tamatthaṃ pakāsento satthā āha –

290.

‘‘д̇з д̣̇зваван̣н̣аа сукумааларуубаа, убхо самаа суж̇аяаа бун̃н̃аканд̇хаа;

‘‘Te devavaṇṇā sukhumālarūpā, ubho samā sujayā puññakhandhā;

убааг̇амум̣ гарамбияам̣ ажзлам̣, миссийбхууд̇аа ассаваахаава нааг̇аа’’д̇и.

Upāgamuṃ karampiyaṃ acelaṃ, missībhūtā assavāhāva nāgā’’ti.

д̇ад̇т̇а самаад̇и самаанаруубаа сад̣̇исасан̣таанаа худ̇ваа. суж̇аяаад̇и суваяаа барисуд̣̇д̇хаа, аяамзва ваа баато. бун̃н̃аканд̇хаад̇и гад̇агусалад̇ааяа бун̃н̃агканд̇хаа вияа. миссийбхууд̇аад̇и хад̇т̇зна хад̇т̇ам̣ г̇ахзд̇ваа гааяамиссийбхаавам̣ убаг̇ад̇аа. ассаваахаава нааг̇аад̇и д̇хурз яуд̇д̇агаа рат̇аваахаа д̣̇вз ассаа вияа бурисанааг̇аа д̇асса ассамам̣ аг̇амим̣су.

Tattha samāti samānarūpā sadisasaṇṭhānā hutvā. Sujayāti suvayā parisuddhā, ayameva vā pāṭho. Puññakhandhāti katakusalatāya puññakkhandhā viya. Missībhūtāti hatthena hatthaṃ gahetvā kāyamissībhāvaṃ upagatā. Assavāhāva nāgāti dhure yuttakā rathavāhā dve assā viya purisanāgā tassa assamaṃ agamiṃsu.

г̇анд̇ваа жа бана субан̣н̣арааж̇аа жинд̇зси – ‘‘аяам̣ нааг̇арааж̇аа ажзлагасса ж̇ийвид̇ам̣ на д̣̇ассад̇и, зд̇ам̣ д̣̇уссийлам̣ на ванд̣̇иссаамий’’д̇и. со б̣ахи тад̇ваа нааг̇арааж̇аанамзва д̇асса санд̇игам̣ бзсзси. д̇ам̣ санд̇хааяа сад̇т̇аа ид̇арам̣ г̇аат̇амааха.

Gantvā ca pana supaṇṇarājā cintesi – ‘‘ayaṃ nāgarājā acelakassa jīvitaṃ na dassati, etaṃ dussīlaṃ na vandissāmī’’ti. So bahi ṭhatvā nāgarājānameva tassa santikaṃ pesesi. Taṃ sandhāya satthā itaraṃ gāthamāha.

291.

‘‘д̇ад̇о хавз бан̣д̣араго ажзлам̣, саяамзвубааг̇амма ид̣̇ам̣ авожа;

‘‘Tato have paṇḍarako acelaṃ, sayamevupāgamma idaṃ avoca;

муд̇д̇аж̇ж̇ахам̣ саб̣б̣абхаяаад̇ивад̇д̇о, на хи нууна д̇уяхам̣ манасо бияамхаа’’д̇и.

Muttajjahaṃ sabbabhayātivatto, na hi nūna tuyhaṃ manaso piyamhā’’ti.

д̇ад̇т̇а бияамхаад̇и д̣̇уссийланаг̇г̇абхог̇г̇амусааваад̣̇и нууна маяам̣ д̇ава манасо на бияаа ахумхаад̇и барибхааси.

Tattha piyamhāti dussīlanaggabhoggamusāvādi nūna mayaṃ tava manaso na piyā ahumhāti paribhāsi.

д̇ад̇о ажзло ид̇арам̣ г̇аат̇амааха –

Tato acelo itaraṃ gāthamāha –

292.

‘‘бияо хи мз ааси субан̣н̣арааж̇аа, асам̣саяам̣ бан̣д̣арагзна сажжам̣;

‘‘Piyo hi me āsi supaṇṇarājā, asaṃsayaṃ paṇḍarakena saccaṃ;

со рааг̇арад̇д̇ова агаасимзд̇ам̣, баабагаммам̣ самбаж̇аано на мохаа’’д̇и.

So rāgarattova akāsimetaṃ, pāpakammaṃ sampajāno na mohā’’ti.

д̇ад̇т̇а бан̣д̣арагзнаад̇и д̇аяаа бан̣д̣арагзна со мама бияад̇аро ахоси, сажжамзд̇ам̣. сод̇и со ахам̣ д̇асмим̣ субан̣н̣з рааг̇зна рад̇д̇о худ̇ваа зд̇ам̣ баабагаммам̣ ж̇аананд̇ова агаасим̣, на мохзна аж̇аананд̇од̇и.

Tattha paṇḍarakenāti tayā paṇḍarakena so mama piyataro ahosi, saccametaṃ. Soti so ahaṃ tasmiṃ supaṇṇe rāgena ratto hutvā etaṃ pāpakammaṃ jānantova akāsiṃ, na mohena ajānantoti.

д̇ам̣ суд̇ваа нааг̇арааж̇аа д̣̇вз г̇аат̇аа абхааси –

Taṃ sutvā nāgarājā dve gāthā abhāsi –

293.

‘‘на мз бияам̣ аббияам̣ вааби ход̇и, самбассад̇о логамимам̣ баран̃жа;

‘‘Na me piyaṃ appiyaṃ vāpi hoti, sampassato lokamimaṃ parañca;

сусан̃н̃ад̇аанан̃хи вияан̃ж̇анзна, асан̃н̃ад̇о логамимам̣ жарааси.

Susaññatānañhi viyañjanena, asaññato lokamimaṃ carāsi.

294.

‘‘арияаавагаасоси анарияовааси, асан̃н̃ад̇о сан̃н̃ад̇асаннигаасо;

‘‘Ariyāvakāsosi anariyovāsi, asaññato saññatasannikāso;

ган̣хаабхиж̇аад̇игоси анарияаруубо, баабам̣ б̣ахум̣ д̣̇ужжарид̇ам̣ ажаарий’’д̇и.

Kaṇhābhijātikosi anariyarūpo, pāpaṃ bahuṃ duccaritaṃ acārī’’ti.

д̇ад̇т̇а на мзд̇и амбхо д̣̇уссийланаг̇г̇амусааваад̣̇и баб̣б̣аж̇ид̇асса хи иман̃жа баран̃жа логам̣ самбассад̇о бияам̣ ваа мз аббияам̣ вааби мзд̇и на ход̇и, д̇вам̣ бана сусан̃н̃ад̇аанам̣ сийлаванд̇аанам̣ б̣яан̃ж̇анзна баб̣б̣аж̇ид̇алин̇г̇зна асан̃н̃ад̇о худ̇ваа имам̣ логам̣ ван̃жзнд̇о жараси. арияаавагаасосийд̇и арияабадируубагоси . асан̃н̃ад̇од̇и гааяаад̣̇ийхи асан̃н̃ад̇оси. ган̣хаабхиж̇аад̇игод̇и гаал̣агасабхааво. анарияаруубод̇и ахиригасабхааво. ажаарийд̇и агааси.

Tattha na meti ambho dussīlanaggamusāvādi pabbajitassa hi imañca parañca lokaṃ sampassato piyaṃ vā me appiyaṃ vāpi meti na hoti, tvaṃ pana susaññatānaṃ sīlavantānaṃ byañjanena pabbajitaliṅgena asaññato hutvā imaṃ lokaṃ vañcento carasi. Ariyāvakāsosīti ariyapaṭirūpakosi . Asaññatoti kāyādīhi asaññatosi. Kaṇhābhijātikoti kāḷakasabhāvo. Anariyarūpoti ahirikasabhāvo. Acārīti akāsi.

ид̇и д̇ам̣ г̇арахид̇ваа ид̣̇аани абхисабанд̇о имам̣ г̇аат̇амааха –

Iti taṃ garahitvā idāni abhisapanto imaṃ gāthamāha –

295.

‘‘ад̣̇удтасса д̇увам̣ д̣̇уб̣бхи, д̣̇уб̣бхий жа бисун̣о жаси;

‘‘Aduṭṭhassa tuvaṃ dubbhi, dubbhī ca pisuṇo casi;

зд̇зна сажжаваж̇ж̇зна, муд̣̇д̇хаа д̇з палад̇у сад̇д̇ад̇хаа’’д̇и.

Etena saccavajjena, muddhā te phalatu sattadhā’’ti.

д̇ассад̇т̇о – амбхо д̣̇уб̣бхи д̇вам̣ ад̣̇удтасса мид̇д̇асса д̣̇уб̣бхий жааси, бисун̣о жааси, зд̇зна сажжаваж̇ж̇зна муд̣̇д̇хаа д̇з сад̇д̇ад̇хаа палад̇ууд̇и.

Tassattho – ambho dubbhi tvaṃ aduṭṭhassa mittassa dubbhī cāsi, pisuṇo cāsi, etena saccavajjena muddhā te sattadhā phalatūti.

ид̇и нааг̇арааж̇асса сабанд̇ассзва ажзлагасса сийсам̣ сад̇д̇ад̇хаа пали. нисиннадтаанзязвасса бхууми виварам̣ ад̣̇ааси. со бат̇авим̣ бависид̇ваа авийжимхи ниб̣б̣ад̇д̇и, нааг̇арааж̇асубан̣н̣арааж̇ааноби ад̇д̇ано бхаванамзва аг̇амим̣су. сад̇т̇аа д̇асса бат̇авим̣ бавидтабхаавам̣ багаасзнд̇о осаанаг̇аат̇амааха –

Iti nāgarājassa sapantasseva acelakassa sīsaṃ sattadhā phali. Nisinnaṭṭhāneyevassa bhūmi vivaraṃ adāsi. So pathaviṃ pavisitvā avīcimhi nibbatti, nāgarājasupaṇṇarājānopi attano bhavanameva agamiṃsu. Satthā tassa pathaviṃ paviṭṭhabhāvaṃ pakāsento osānagāthamāha –

296.

‘‘д̇асмаа хи мид̇д̇аанам̣ на д̣̇уб̣бхид̇аб̣б̣ам̣, мид̇д̇ад̣̇уб̣бхаа баабияо над̇т̇и ан̃н̃о;

‘‘Tasmā hi mittānaṃ na dubbhitabbaṃ, mittadubbhā pāpiyo natthi añño;

аасид̇д̇асад̇д̇о нихад̇о бат̇аб̣яаа, инд̣̇асса ваагязна хи сам̣варо хад̇о’’д̇и.

Āsittasatto nihato pathabyā, indassa vākyena hi saṃvaro hato’’ti.

д̇ад̇т̇а д̇асмаад̇и яасмаа мид̇д̇ад̣̇уб̣бхигаммасса парусо вибааго, д̇асмаа. аасид̇д̇асад̇д̇од̇и аасид̇д̇ависзна сад̇д̇о. инд̣̇ассаад̇и нааг̇инд̣̇асса ваагязна. сам̣варод̇и ‘‘ахам̣ сам̣варз тид̇осмий’’д̇и бадин̃н̃ааяа звам̣ бан̃н̃аад̇о ааж̇ийваго хад̇од̇и.

Tattha tasmāti yasmā mittadubbhikammassa pharuso vipāko, tasmā. Āsittasattoti āsittavisena satto. Indassāti nāgindassa vākyena. Saṃvaroti ‘‘ahaṃ saṃvare ṭhitosmī’’ti paṭiññāya evaṃ paññāto ājīvako hatoti.

сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о мусааваад̣̇ам̣ гад̇ваа бат̇авим̣ бавидтоязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа ажзлаго д̣̇звад̣̇ад̇д̇о ахоси, нааг̇арааж̇аа саарибуд̇д̇о, субан̣н̣арааж̇аа бана ахамзва ахоси’’нд̇и.

Satthā imaṃ dhammadesanaṃ āharitvā ‘‘na, bhikkhave, idāneva, pubbepi devadatto musāvādaṃ katvā pathaviṃ paviṭṭhoyevā’’ti vatvā jātakaṃ samodhānesi – ‘‘tadā acelako devadatto ahosi, nāgarājā sāriputto, supaṇṇarājā pana ahameva ahosi’’nti.

бан̣д̣аранааг̇арааж̇аж̇аад̇агаван̣н̣анаа адтамаа.

Paṇḍaranāgarājajātakavaṇṇanā aṭṭhamā.

Next: [519] 9. самб̣улааж̇аад̇агаван̣н̣анаа • [519] 9. Sambulājātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 518. бан̣д̣аранааг̇арааж̇аж̇аад̇агам̣ • 518. Paṇḍaranāgarājajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact