| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
3. бан̃хаабужчагаван̣н̣анаа
3. Pañhāpucchakavaṇṇanā
168. ид̇хааби бан̃хаабужчагз яам̣ лаб̣бхад̇и яан̃жа на лаб̣бхад̇и, д̇ам̣ саб̣б̣ам̣ бужчид̇ваа лаб̣бхамаанавасзнзва виссаж̇ж̇анам̣ вуд̇д̇ам̣; на гзвалан̃жа ид̇ха, саб̣б̣зсуби бан̃хаабужчагзсу зсзва наяо. ид̇ха бана д̣̇асаннам̣ ааяад̇анаанам̣ руубабхаавзна аб̣яаагад̇ад̇аа взд̣̇ид̇аб̣б̣аа. д̣̇виннам̣ ааяад̇анаанам̣ канд̇хавибхан̇г̇з жад̇уннам̣ канд̇хаанам̣ вияа гусалаад̣̇ибхааво взд̣̇ид̇аб̣б̣о. гзвалан̃хи жад̇д̇ааро канд̇хаа саббажжаяаава сан̇кад̇аава д̇хаммааяад̇анам̣ бана ‘‘сияаа аббажжаяам̣, сияаа асан̇кад̇а’’нд̇и ааг̇ад̇ам̣. аарамман̣ад̇д̇игзсу жа анаарамман̣ам̣ сукумаруубасан̇каад̇ам̣ д̇хаммааяад̇анам̣ на-вад̇д̇аб̣б̣агодтаасам̣ бхаж̇ад̇и. д̇ан̃жа ко анаарамман̣ад̇д̇аа на барид̇д̇аад̣̇ибхаавзна навад̇д̇аб̣б̣ад̇хаммаарамман̣ад̇д̇аад̇и аяамзд̇т̇а висзсо. сзсам̣ д̇аад̣̇исамзва. ид̇хааби хи жад̇д̇ааро канд̇хаа вияа д̣̇вааяад̇анаа бан̃жабан̣н̣ааса гаамааважарад̇хаммз аараб̣бха раж̇ж̇анд̇асса д̣̇уссанд̇асса муяханд̇асса сам̣варанд̇асса саммасанд̇асса бажжавзгканд̇асса жа барид̇д̇аарамман̣аад̇и саб̣б̣ам̣ канд̇хзсу вуд̇д̇асад̣̇исамзваад̇и.
168. Idhāpi pañhāpucchake yaṃ labbhati yañca na labbhati, taṃ sabbaṃ pucchitvā labbhamānavaseneva vissajjanaṃ vuttaṃ; na kevalañca idha, sabbesupi pañhāpucchakesu eseva nayo. Idha pana dasannaṃ āyatanānaṃ rūpabhāvena abyākatatā veditabbā. Dvinnaṃ āyatanānaṃ khandhavibhaṅge catunnaṃ khandhānaṃ viya kusalādibhāvo veditabbo. Kevalañhi cattāro khandhā sappaccayāva saṅkhatāva dhammāyatanaṃ pana ‘‘siyā appaccayaṃ, siyā asaṅkhata’’nti āgataṃ. Ārammaṇattikesu ca anārammaṇaṃ sukhumarūpasaṅkhātaṃ dhammāyatanaṃ na-vattabbakoṭṭhāsaṃ bhajati. Tañca kho anārammaṇattā na parittādibhāvena navattabbadhammārammaṇattāti ayamettha viseso. Sesaṃ tādisameva. Idhāpi hi cattāro khandhā viya dvāyatanā pañcapaṇṇāsa kāmāvacaradhamme ārabbha rajjantassa dussantassa muyhantassa saṃvarantassa sammasantassa paccavekkhantassa ca parittārammaṇāti sabbaṃ khandhesu vuttasadisamevāti.
саммохавинод̣̇анияаа вибхан̇г̇адтагат̇ааяа
Sammohavinodaniyā vibhaṅgaṭṭhakathāya
ааяад̇анавибхан̇г̇аван̣н̣анаа нидтид̇аа.
Āyatanavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 2. ааяад̇анавибхан̇г̇о • 2. Āyatanavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 2. ааяад̇анавибхан̇г̇о • 2. Āyatanavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 2. ааяад̇анавибхан̇г̇о • 2. Āyatanavibhaṅgo
