| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
3. бан̃хаабужчагаван̣н̣анаа
3. Pañhāpucchakavaṇṇanā
215. бан̃хаабужчагз жад̇уннамби сажжаанам̣ канд̇хавибхан̇г̇з вуд̇д̇анаяаанусаарзнзва гусалаад̣̇ибхааво взд̣̇ид̇аб̣б̣о. аарамман̣ад̇д̇игзсу бана самуд̣̇аяасажжам̣ гаамааважарад̇хаммз ассаад̣̇знд̇асса барид̇д̇аарамман̣ам̣ ход̇и, махаг̇г̇ад̇ад̇хаммз ассаад̣̇знд̇асса махаг̇г̇ад̇аарамман̣ам̣, бан̃н̃ад̇д̇им̣ ассаад̣̇знд̇асса навад̇д̇аб̣б̣аарамман̣ам̣. д̣̇угкасажжам̣ гаамааважарад̇хаммз аараб̣бха уббаннам̣ барид̇д̇аарамман̣ам̣, руубааруубааважарад̇хаммз аараб̣бха уббад̇д̇игаалз махаг̇г̇ад̇аарамман̣ам̣, нава логуд̇д̇арад̇хаммз бажжавзгкан̣агаалз аббамаан̣аарамман̣ам̣, бан̣н̣ад̇д̇им̣ бажжавзгкан̣агаалз навад̇д̇аб̣б̣аарамман̣ам̣. маг̇г̇асажжам̣ сахаж̇аад̇ахзд̇увасзна саб̣б̣ад̣̇ааби маг̇г̇ахзд̇угам̣ вийрияам̣ ваа виймам̣сам̣ ваа ж̇здтагам̣ гад̇ваа маг̇г̇абхааванаагаалз маг̇г̇аад̇хибад̇и, чанд̣̇ажид̇д̇зсу ан̃н̃ад̇араад̇хибад̇игаалз навад̇д̇аб̣б̣ам̣ наама ход̇и. д̣̇угкасажжам̣ арияаанам̣ маг̇г̇абажжавзгкан̣агаалз маг̇г̇аарамман̣ам̣, д̇зсам̣язва маг̇г̇ам̣ г̇арум̣ гад̇ваа бажжавзгкан̣агаалз маг̇г̇аад̇хибад̇и, сзсад̇хаммабажжавзгкан̣агаалз навад̇д̇аб̣б̣ам̣ ход̇и.
215. Pañhāpucchake catunnampi saccānaṃ khandhavibhaṅge vuttanayānusāreneva kusalādibhāvo veditabbo. Ārammaṇattikesu pana samudayasaccaṃ kāmāvacaradhamme assādentassa parittārammaṇaṃ hoti, mahaggatadhamme assādentassa mahaggatārammaṇaṃ, paññattiṃ assādentassa navattabbārammaṇaṃ. Dukkhasaccaṃ kāmāvacaradhamme ārabbha uppannaṃ parittārammaṇaṃ, rūpārūpāvacaradhamme ārabbha uppattikāle mahaggatārammaṇaṃ, nava lokuttaradhamme paccavekkhaṇakāle appamāṇārammaṇaṃ, paṇṇattiṃ paccavekkhaṇakāle navattabbārammaṇaṃ. Maggasaccaṃ sahajātahetuvasena sabbadāpi maggahetukaṃ vīriyaṃ vā vīmaṃsaṃ vā jeṭṭhakaṃ katvā maggabhāvanākāle maggādhipati, chandacittesu aññatarādhipatikāle navattabbaṃ nāma hoti. Dukkhasaccaṃ ariyānaṃ maggapaccavekkhaṇakāle maggārammaṇaṃ, tesaṃyeva maggaṃ garuṃ katvā paccavekkhaṇakāle maggādhipati, sesadhammapaccavekkhaṇakāle navattabbaṃ hoti.
д̣̇вз сажжаанийд̇и д̣̇угкасамуд̣̇аяасажжаани. зд̇аани хи ад̇ийд̇аад̣̇ибхзд̣̇з д̇хаммз аараб̣бха уббад̇д̇игаалз ад̇ийд̇аад̣̇иаарамман̣аани хонд̇и. самуд̣̇аяасажжам̣ аж̇жхад̇д̇аад̣̇ибхзд̣̇з д̇хаммз ассаад̣̇знд̇асса аж̇жхад̇д̇аад̣̇иаарамман̣ам̣ ход̇и, д̣̇угкасажжам̣ аагин̃жан̃н̃ааяад̇анагаалз навад̇д̇аб̣б̣аарамман̣амбийд̇и взд̣̇ид̇аб̣б̣ам̣. ид̇и имасмим̣ бан̃хаабужчагз д̣̇вз сажжаани логияаани хонд̇и, д̣̇вз логуд̇д̇араани. яат̇аа жа имасмим̣, звам̣ буримзсуби д̣̇вийсу. саммаасамб̣уд̣̇д̇хзна хи д̇ийсуби суд̇д̇анд̇абхааж̇анийяаад̣̇ийсу логияалогуд̇д̇араанзва сажжаани гат̇ид̇аани. звамаяам̣ сажжавибхан̇г̇оби д̇збариваддам̣ нийхарид̇ваава бхааж̇зд̇ваа д̣̇ассид̇од̇и.
Dve saccānīti dukkhasamudayasaccāni. Etāni hi atītādibhede dhamme ārabbha uppattikāle atītādiārammaṇāni honti. Samudayasaccaṃ ajjhattādibhede dhamme assādentassa ajjhattādiārammaṇaṃ hoti, dukkhasaccaṃ ākiñcaññāyatanakāle navattabbārammaṇampīti veditabbaṃ. Iti imasmiṃ pañhāpucchake dve saccāni lokiyāni honti, dve lokuttarāni. Yathā ca imasmiṃ, evaṃ purimesupi dvīsu. Sammāsambuddhena hi tīsupi suttantabhājanīyādīsu lokiyalokuttarāneva saccāni kathitāni. Evamayaṃ saccavibhaṅgopi teparivaṭṭaṃ nīharitvāva bhājetvā dassitoti.
саммохавинод̣̇анийяаа вибхан̇г̇адтагат̇ааяа
Sammohavinodanīyā vibhaṅgaṭṭhakathāya
сажжавибхан̇г̇аван̣н̣анаа нидтид̇аа.
Saccavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 4. сажжавибхан̇г̇о • 4. Saccavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 4. сажжавибхан̇г̇о • 4. Saccavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 4. сажжавибхан̇г̇о • 4. Saccavibhaṅgo
