| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
3. бан̃хаабужчагаван̣н̣анаа
3. Pañhāpucchakavaṇṇanā
638. бан̃хаабужчагз баал̣ианусаарзнзва жхаанаанам̣ гусалаад̣̇ибхааво взд̣̇ид̇аб̣б̣о. аарамман̣ад̇д̇игзсу бана д̇ин̣н̣ам̣ жхаанаанам̣ нимид̇д̇аарамман̣ад̇д̇аа барид̇д̇аарамман̣аад̣̇ибхаавзна навад̇д̇аб̣б̣ад̇аа взд̣̇ид̇аб̣б̣аа. логуд̇д̇араа банзд̇т̇а маг̇г̇агаалз палагаалз ваа сияаа аббамаан̣аарамман̣аа. жад̇уд̇т̇ам̣ жхаанам̣ сияаа барид̇д̇аарамман̣анд̇и зд̇т̇а гусалад̇о д̇зраса жад̇уд̇т̇аж̇жхаанаани саб̣б̣ад̇т̇абаад̣̇агажад̇уд̇т̇ам̣, ид̣̇д̇хивид̇хажад̇уд̇т̇ам̣, д̣̇иб̣б̣асод̇ан̃аан̣ажад̇уд̇т̇ам̣, жзд̇обарияан̃аан̣ажад̇уд̇т̇ам̣, буб̣б̣зниваасан̃аан̣ажад̇уд̇т̇ам̣, д̣̇иб̣б̣ажагкун̃аан̣ажад̇уд̇т̇ам̣, яат̇аагаммуубаг̇ан̃аан̣ажад̇уд̇т̇ам̣, анааг̇ад̇ам̣сан̃аан̣ажад̇уд̇т̇ам̣, аагаасаанан̃жааяад̇анаад̣̇ижад̇уд̇т̇ам̣, логуд̇д̇аражад̇уд̇т̇анд̇и.
638. Pañhāpucchake pāḷianusāreneva jhānānaṃ kusalādibhāvo veditabbo. Ārammaṇattikesu pana tiṇṇaṃ jhānānaṃ nimittārammaṇattā parittārammaṇādibhāvena navattabbatā veditabbā. Lokuttarā panettha maggakāle phalakāle vā siyā appamāṇārammaṇā. Catutthaṃ jhānaṃ siyā parittārammaṇanti ettha kusalato terasa catutthajjhānāni sabbatthapādakacatutthaṃ, iddhividhacatutthaṃ, dibbasotañāṇacatutthaṃ, cetopariyañāṇacatutthaṃ, pubbenivāsañāṇacatutthaṃ, dibbacakkhuñāṇacatutthaṃ, yathākammūpagañāṇacatutthaṃ, anāgataṃsañāṇacatutthaṃ, ākāsānañcāyatanādicatutthaṃ, lokuttaracatutthanti.
д̇ад̇т̇а саб̣б̣ад̇т̇абаад̣̇агажад̇уд̇т̇ам̣ навад̇д̇аб̣б̣аарамман̣амзва ход̇и.
Tattha sabbatthapādakacatutthaṃ navattabbārammaṇameva hoti.
ид̣̇д̇хивид̇хажад̇уд̇т̇ам̣ жид̇д̇авасзна гааяам̣ барин̣аамзнд̇асса ад̣̇иссамаанзна гааязна баадихаарияагаран̣з гааяаарамман̣ад̇д̇аа барид̇д̇аарамман̣ам̣, гааяавасзна жид̇д̇ам̣ барин̣аамзнд̇асса д̣̇иссамаанзна гааязна баадихаарияам̣ гад̇ваа б̣рахмалогам̣ г̇ажчанд̇асса самаабад̇д̇ижид̇д̇аарамман̣ад̇д̇аа махаг̇г̇ад̇аарамман̣ам̣.
Iddhividhacatutthaṃ cittavasena kāyaṃ pariṇāmentassa adissamānena kāyena pāṭihāriyakaraṇe kāyārammaṇattā parittārammaṇaṃ, kāyavasena cittaṃ pariṇāmentassa dissamānena kāyena pāṭihāriyaṃ katvā brahmalokaṃ gacchantassa samāpatticittārammaṇattā mahaggatārammaṇaṃ.
д̣̇иб̣б̣асод̇ан̃аан̣ажад̇уд̇т̇ам̣ сад̣̇д̣̇аарамман̣ад̇д̇аа барид̇д̇аарамман̣ам̣.
Dibbasotañāṇacatutthaṃ saddārammaṇattā parittārammaṇaṃ.
жзд̇обарияан̃аан̣ажад̇уд̇т̇ам̣ гаамааважаражид̇д̇аж̇аананагаалз барид̇д̇аарамман̣ам̣, руубааважарааруубааважаражид̇д̇аж̇аананагаалз махаг̇г̇ад̇аарамман̣ам̣, логуд̇д̇аражид̇д̇аж̇аананагаалз аббамаан̣аарамман̣ам̣. жзд̇обарияан̃аан̣алаабхий бана бут̇уж̇ж̇ано бут̇уж̇ж̇анаанам̣язва жид̇д̇ам̣ ж̇аанаад̇и, на арияаанам̣. сод̇аабанно сод̇аабаннасса жзва бут̇уж̇ж̇анасса жа; сагад̣̇ааг̇аамий сагад̣̇ааг̇аамино жзва хздтимаанан̃жа д̣̇виннам̣; анааг̇аамий анааг̇аамино жзва хздтимаанан̃жа д̇ин̣н̣ам̣; кийн̣аасаво саб̣б̣зсамби ж̇аанаад̇и.
Cetopariyañāṇacatutthaṃ kāmāvacaracittajānanakāle parittārammaṇaṃ, rūpāvacarārūpāvacaracittajānanakāle mahaggatārammaṇaṃ, lokuttaracittajānanakāle appamāṇārammaṇaṃ. Cetopariyañāṇalābhī pana puthujjano puthujjanānaṃyeva cittaṃ jānāti, na ariyānaṃ. Sotāpanno sotāpannassa ceva puthujjanassa ca; sakadāgāmī sakadāgāmino ceva heṭṭhimānañca dvinnaṃ; anāgāmī anāgāmino ceva heṭṭhimānañca tiṇṇaṃ; khīṇāsavo sabbesampi jānāti.
буб̣б̣зниваасан̃аан̣ажад̇уд̇т̇ам̣ гаамааважарагканд̇хаануссаран̣агаалз барид̇д̇аарамман̣ам̣, руубааважарааруубааважарагканд̇хаануссаран̣агаалз махаг̇г̇ад̇аарамман̣ам̣, ‘‘ад̇ийд̇з б̣уд̣̇д̇хабажжзгаб̣уд̣̇д̇хакийн̣аасаваа маг̇г̇ам̣ бхааваяим̣су, палам̣ сажчигарим̣суу’’д̇и ануссаран̣агаалз аббамаан̣аарамман̣ам̣, наамаг̇од̇д̇аануссаран̣агаалз навад̇д̇аб̣б̣аарамман̣ам̣.
Pubbenivāsañāṇacatutthaṃ kāmāvacarakkhandhānussaraṇakāle parittārammaṇaṃ, rūpāvacarārūpāvacarakkhandhānussaraṇakāle mahaggatārammaṇaṃ, ‘‘atīte buddhapaccekabuddhakhīṇāsavā maggaṃ bhāvayiṃsu, phalaṃ sacchikariṃsū’’ti anussaraṇakāle appamāṇārammaṇaṃ, nāmagottānussaraṇakāle navattabbārammaṇaṃ.
д̣̇иб̣б̣ажагкун̃аан̣ажад̇уд̇т̇ам̣ ван̣н̣аарамман̣ад̇д̇аа барид̇д̇аарамман̣ам̣.
Dibbacakkhuñāṇacatutthaṃ vaṇṇārammaṇattā parittārammaṇaṃ.
яат̇аагаммуубаг̇ан̃аан̣ажад̇уд̇т̇ам̣ гаамааважарагаммаануссаран̣агаалз барид̇д̇аарамман̣ам̣, руубааважарааруубааважарагаммаануссаран̣агаалз махаг̇г̇ад̇аарамман̣ам̣.
Yathākammūpagañāṇacatutthaṃ kāmāvacarakammānussaraṇakāle parittārammaṇaṃ, rūpāvacarārūpāvacarakammānussaraṇakāle mahaggatārammaṇaṃ.
анааг̇ад̇ам̣сан̃аан̣ажад̇уд̇т̇ам̣ анааг̇ад̇з гаамад̇хаад̇уяаа ниб̣б̣ад̇д̇иж̇аананагаалз барид̇д̇аарамман̣ам̣, руубааруубабхавзсу ниб̣б̣ад̇д̇иж̇аананагаалз махаг̇г̇ад̇аарамман̣ам̣, ‘‘анааг̇ад̇з б̣уд̣̇д̇хабажжзгаб̣уд̣̇д̇хакийн̣аасаваа маг̇г̇ам̣ бхаавзссанд̇и, палам̣ сажчигариссанд̇ий’’д̇и ж̇аананагаалз аббамаан̣аарамман̣ам̣, ‘‘анааг̇ад̇з сан̇ко наама рааж̇аа бхависсад̇ий’’д̇иаад̣̇инаа (д̣̇ий. ни. 3.108) наязна наамаг̇од̇д̇аануссаран̣агаалз навад̇д̇аб̣б̣аарамман̣ам̣.
Anāgataṃsañāṇacatutthaṃ anāgate kāmadhātuyā nibbattijānanakāle parittārammaṇaṃ, rūpārūpabhavesu nibbattijānanakāle mahaggatārammaṇaṃ, ‘‘anāgate buddhapaccekabuddhakhīṇāsavā maggaṃ bhāvessanti, phalaṃ sacchikarissantī’’ti jānanakāle appamāṇārammaṇaṃ, ‘‘anāgate saṅkho nāma rājā bhavissatī’’tiādinā (dī. ni. 3.108) nayena nāmagottānussaraṇakāle navattabbārammaṇaṃ.
аагаасаанан̃жааяад̇анааагин̃жан̃н̃ааяад̇анажад̇уд̇т̇ам̣ навад̇д̇аб̣б̣аарамман̣ам̣. вин̃н̃аан̣ан̃жааяад̇ананзвасан̃н̃аанаасан̃н̃ааяад̇анажад̇уд̇т̇ам̣ махаг̇г̇ад̇аарамман̣ам̣.
Ākāsānañcāyatanaākiñcaññāyatanacatutthaṃ navattabbārammaṇaṃ. Viññāṇañcāyatananevasaññānāsaññāyatanacatutthaṃ mahaggatārammaṇaṃ.
логуд̇д̇аражад̇уд̇т̇ам̣ аббамаан̣аарамман̣ам̣.
Lokuttaracatutthaṃ appamāṇārammaṇaṃ.
гирияад̇оби д̇зсам̣ д̣̇ваад̣̇асаннам̣ жхаанаанам̣ ид̣̇амзва аарамман̣авид̇хаанам̣. д̇ийн̣и жхаанаани намаг̇г̇аарамман̣аад̇и бажжавзгкан̣ан̃аан̣ам̣ ваа жзд̇обарияаад̣̇ин̃аан̣ам̣ ваа маг̇г̇ам̣ аарамман̣ам̣ гарзяяа, д̇ийн̣и жхаанаани д̇ат̇аа аббавад̇д̇ид̇о намаг̇г̇аарамман̣аа, сахаж̇аад̇ахзд̇увасзна бана сияаа маг̇г̇ахзд̇угаа; вийрияаж̇здтигааяа ваа виймам̣сааж̇здтигааяа ваа маг̇г̇абхааванааяа маг̇г̇аад̇хибад̇ино; чанд̣̇ажид̇д̇аж̇здтагагаалз палагаалз жа навад̇д̇аб̣б̣аа.
Kiriyatopi tesaṃ dvādasannaṃ jhānānaṃ idameva ārammaṇavidhānaṃ. Tīṇi jhānāni namaggārammaṇāti paccavekkhaṇañāṇaṃ vā cetopariyādiñāṇaṃ vā maggaṃ ārammaṇaṃ kareyya, tīṇi jhānāni tathā appavattito namaggārammaṇā, sahajātahetuvasena pana siyā maggahetukā; vīriyajeṭṭhikāya vā vīmaṃsājeṭṭhikāya vā maggabhāvanāya maggādhipatino; chandacittajeṭṭhakakāle phalakāle ca navattabbā.
жад̇уд̇т̇ам̣ жхаананд̇и ид̇хааби гусалад̇о д̇зрасасу жад̇уд̇т̇аж̇жхаанзсу саб̣б̣ад̇т̇абаад̣̇агаид̣̇д̇хивид̇хад̣̇иб̣б̣асод̇ад̣̇иб̣б̣ажагкуяат̇аагаммуубаг̇ан̃аан̣ажад̇уд̇т̇ан̃жзва жад̇уб̣б̣ид̇хан̃жа ааруббажад̇уд̇т̇ам̣ маг̇г̇аарамман̣аад̣̇ибхаавзна на вад̇д̇аб̣б̣ам̣. жзд̇обарияабуб̣б̣зниваасаанааг̇ад̇ам̣сан̃аан̣ажад̇уд̇т̇ам̣ бана маг̇г̇аарамман̣ам̣ ход̇и. на вад̇д̇аб̣б̣ам̣ маг̇г̇ахзд̇угам̣ маг̇г̇аад̇хибад̇ийд̇и ваа; логуд̇д̇аражад̇уд̇т̇ам̣ маг̇г̇аарамман̣ам̣ на ход̇и; маг̇г̇агаалз бана сахаж̇аад̇ахзд̇увасзна маг̇г̇ахзд̇угам̣; вийрияавиймам̣сааж̇здтигааяа маг̇г̇абхааванааяа маг̇г̇аад̇хибад̇и; чанд̣̇ажид̇д̇аж̇здтигааяа жзва маг̇г̇абхааванааяа палагаалз жа на вад̇д̇аб̣б̣ам̣. гирияад̇оби д̣̇ваад̣̇асасу жхаанзсу аяамзва наяо.
Catutthaṃ jhānanti idhāpi kusalato terasasu catutthajjhānesu sabbatthapādakaiddhividhadibbasotadibbacakkhuyathākammūpagañāṇacatutthañceva catubbidhañca āruppacatutthaṃ maggārammaṇādibhāvena na vattabbaṃ. Cetopariyapubbenivāsaanāgataṃsañāṇacatutthaṃ pana maggārammaṇaṃ hoti. Na vattabbaṃ maggahetukaṃ maggādhipatīti vā; lokuttaracatutthaṃ maggārammaṇaṃ na hoti; maggakāle pana sahajātahetuvasena maggahetukaṃ; vīriyavīmaṃsājeṭṭhikāya maggabhāvanāya maggādhipati; chandacittajeṭṭhikāya ceva maggabhāvanāya phalakāle ca na vattabbaṃ. Kiriyatopi dvādasasu jhānesu ayameva nayo.
д̇ийн̣и жхаанаани на вад̇д̇аб̣б̣аад̇и ад̇ийд̇аад̣̇ийсу згад̇хаммамби аараб̣бха аббавад̇д̇ид̇о навад̇д̇аб̣б̣аад̇и взд̣̇ид̇аб̣б̣аа.
Tīṇi jhānāni na vattabbāti atītādīsu ekadhammampi ārabbha appavattito navattabbāti veditabbā.
жад̇уд̇т̇ам̣ жхаананд̇и гусалад̇о д̇зрасасу жад̇уд̇т̇аж̇жхаанзсу саб̣б̣ад̇т̇абаад̣̇агажад̇уд̇т̇ам̣ навад̇д̇аб̣б̣аарамман̣амзва. ид̣̇д̇хивид̇хажад̇уд̇т̇ам̣ гааяавасзна жид̇д̇абарин̣ааманз самаабад̇д̇ижид̇д̇аарамман̣ад̇д̇аа ад̇ийд̇аарамман̣ам̣; ‘‘анааг̇ад̇з имаани бубпаани маа милааяим̣су, д̣̇ийбаа маа ниб̣б̣ааяим̣су, зго аг̇г̇игканд̇хо самудтаад̇у, баб̣б̣ад̇о самудтаад̇уу’’д̇и ад̇хидтаанагаалз анааг̇ад̇аарамман̣ам̣; жид̇д̇авасзна гааяабарин̣ааманагаалз гааяаарамман̣ад̇д̇аа бажжуббаннаарамман̣ам̣. д̣̇иб̣б̣асод̇ан̃аан̣ажад̇уд̇т̇ам̣ сад̣̇д̣̇аарамман̣ад̇д̇аа бажжуббанаарамман̣ам̣. жзд̇обарияан̃аан̣ажад̇уд̇т̇ам̣ ад̇ийд̇з сад̇д̇ад̣̇ивасаб̣бханд̇арз уббаж̇ж̇ид̇ваа нируд̣̇д̇хажид̇д̇аж̇аананагаалз ад̇ийд̇аарамман̣ам̣; анааг̇ад̇з сад̇д̇ад̣̇ивасаб̣бханд̇арз уббаж̇ж̇анагажид̇д̇аж̇аананагаалз анааг̇ад̇аарамман̣ам̣. ‘‘яат̇аа имасса бход̇о маносан̇каараа бан̣ихид̇аа имасса жид̇д̇асса ананд̇араа амум̣ наама вид̇аггам̣ вид̇аггзссад̇ийд̇и. со б̣ахун̃жзби аад̣̇исад̇и, д̇ат̇зва д̇ам̣ ход̇и но ан̃н̃ат̇аа’’д̇и иминаа хи суд̇д̇зна (а. ни. 3.61) жзд̇обарияан̃аан̣ассзва бавад̇д̇и багаасид̇аа. ад̣̇д̇хаанабажжуббаннасанд̇ад̇ибажжуббаннавасзнзва бажжуббаннам̣ аараб̣бха бавад̇д̇игаалз бажжуббаннаарамман̣ам̣. вид̇т̇аарагат̇аа банзд̇т̇а хздтааадтагат̇ааган̣д̣аван̣н̣анааяам̣ вуд̇д̇анаязнзва взд̣̇ид̇аб̣б̣аа.
Catutthaṃ jhānanti kusalato terasasu catutthajjhānesu sabbatthapādakacatutthaṃ navattabbārammaṇameva. Iddhividhacatutthaṃ kāyavasena cittapariṇāmane samāpatticittārammaṇattā atītārammaṇaṃ; ‘‘anāgate imāni pupphāni mā milāyiṃsu, dīpā mā nibbāyiṃsu, eko aggikkhandho samuṭṭhātu, pabbato samuṭṭhātū’’ti adhiṭṭhānakāle anāgatārammaṇaṃ; cittavasena kāyapariṇāmanakāle kāyārammaṇattā paccuppannārammaṇaṃ. Dibbasotañāṇacatutthaṃ saddārammaṇattā paccuppanārammaṇaṃ. Cetopariyañāṇacatutthaṃ atīte sattadivasabbhantare uppajjitvā niruddhacittajānanakāle atītārammaṇaṃ; anāgate sattadivasabbhantare uppajjanakacittajānanakāle anāgatārammaṇaṃ. ‘‘Yathā imassa bhoto manosaṅkhārā paṇihitā imassa cittassa anantarā amuṃ nāma vitakkaṃ vitakkessatīti. So bahuñcepi ādisati, tatheva taṃ hoti no aññathā’’ti iminā hi suttena (a. ni. 3.61) cetopariyañāṇasseva pavatti pakāsitā. Addhānapaccuppannasantatipaccuppannavaseneva paccuppannaṃ ārabbha pavattikāle paccuppannārammaṇaṃ. Vitthārakathā panettha heṭṭhāaṭṭhakathākaṇḍavaṇṇanāyaṃ vuttanayeneva veditabbā.
буб̣б̣зниваасан̃аан̣ажад̇уд̇т̇ам̣ ад̇ийд̇агканд̇хаануссаран̣агаалз ад̇ийд̇аарамман̣ам̣, наамаг̇од̇д̇аануссаран̣агаалз навад̇д̇аб̣б̣аарамман̣ам̣. д̣̇иб̣б̣ажагкун̃аан̣ажад̇уд̇т̇ам̣ ван̣н̣аарамман̣ад̇д̇аа бажжуббаннаарамман̣ам̣. яат̇аагаммуубаг̇ан̃аан̣ажад̇уд̇т̇ам̣ ад̇ийд̇агаммамзва аарамман̣ам̣ гарод̇ийд̇и ад̇ийд̇аарамман̣ам̣. анааг̇ад̇ам̣сан̃аан̣ажад̇уд̇т̇ам̣ анааг̇ад̇агканд̇хаануссаран̣агаалз анааг̇ад̇аарамман̣ам̣, наамаг̇од̇д̇аануссаран̣агаалз навад̇д̇аб̣б̣аарамман̣ам̣. аагаасаанан̃жааяад̇анааагин̃жан̃н̃ааяад̇анажад̇уд̇т̇ам̣ навад̇д̇аб̣б̣аарамман̣амзва. вин̃н̃аан̣ан̃жааяад̇ананзвасан̃н̃аанаасан̃н̃ааяад̇анажад̇уд̇т̇ам̣ ад̇ийд̇аарамман̣амзва. логуд̇д̇аражад̇уд̇т̇ам̣ навад̇д̇аб̣б̣аарамман̣амзва. гирияад̇оби д̣̇ваад̣̇асасу жад̇уд̇т̇аж̇жхаанзсу зсзва наяо.
Pubbenivāsañāṇacatutthaṃ atītakkhandhānussaraṇakāle atītārammaṇaṃ, nāmagottānussaraṇakāle navattabbārammaṇaṃ. Dibbacakkhuñāṇacatutthaṃ vaṇṇārammaṇattā paccuppannārammaṇaṃ. Yathākammūpagañāṇacatutthaṃ atītakammameva ārammaṇaṃ karotīti atītārammaṇaṃ. Anāgataṃsañāṇacatutthaṃ anāgatakkhandhānussaraṇakāle anāgatārammaṇaṃ, nāmagottānussaraṇakāle navattabbārammaṇaṃ. Ākāsānañcāyatanaākiñcaññāyatanacatutthaṃ navattabbārammaṇameva. Viññāṇañcāyatananevasaññānāsaññāyatanacatutthaṃ atītārammaṇameva. Lokuttaracatutthaṃ navattabbārammaṇameva. Kiriyatopi dvādasasu catutthajjhānesu eseva nayo.
д̇ийн̣и жхаанаани б̣ахид̣̇д̇хаарамман̣аад̇и аж̇жхад̇д̇ад̇о б̣ахид̣̇д̇хаабхууд̇ам̣ нимид̇д̇ам̣ аараб̣бха бавад̇д̇ид̇о б̣ахид̣̇д̇хаарамман̣аа.
Tīṇijhānāni bahiddhārammaṇāti ajjhattato bahiddhābhūtaṃ nimittaṃ ārabbha pavattito bahiddhārammaṇā.
жад̇уд̇т̇ам̣ жхаананд̇и ид̇хааби гусалад̇о д̇зрасасу жад̇уд̇т̇аж̇жхаанзсу саб̣б̣ад̇т̇абаад̣̇агажад̇уд̇т̇ам̣ б̣ахид̣̇д̇хаарамман̣амзва.
Catutthaṃ jhānanti idhāpi kusalato terasasu catutthajjhānesu sabbatthapādakacatutthaṃ bahiddhārammaṇameva.
ид̣̇д̇хивид̇хажад̇уд̇т̇ам̣ гааяавасзна жид̇д̇абарин̣ааманзби жид̇д̇авасзна гааяабарин̣ааманзби ад̇д̇анова гааяажид̇д̇аарамман̣ад̇д̇аа аж̇жхад̇д̇аарамман̣ам̣; ‘‘б̣ахид̣̇д̇хаа хад̇т̇имби д̣̇ассзд̇ий’’д̇иаад̣̇инаа наязна бавад̇д̇агаалз б̣ахид̣̇д̇хаарамман̣ам̣.
Iddhividhacatutthaṃ kāyavasena cittapariṇāmanepi cittavasena kāyapariṇāmanepi attanova kāyacittārammaṇattā ajjhattārammaṇaṃ; ‘‘bahiddhā hatthimpi dassetī’’tiādinā nayena pavattakāle bahiddhārammaṇaṃ.
д̣̇иб̣б̣асод̇ан̃аан̣ажад̇уд̇т̇ам̣ ад̇д̇ано гужчиг̇ад̇асад̣̇д̣̇аарамман̣агаалз аж̇жхад̇д̇аарамман̣ам̣, барасса сад̣̇д̣̇аарамман̣агаалз б̣ахид̣̇д̇хаарамман̣ам̣, убхаяавасзнааби аж̇жхад̇д̇аб̣ахид̣̇д̇хаарамман̣ам̣.
Dibbasotañāṇacatutthaṃ attano kucchigatasaddārammaṇakāle ajjhattārammaṇaṃ, parassa saddārammaṇakāle bahiddhārammaṇaṃ, ubhayavasenāpi ajjhattabahiddhārammaṇaṃ.
жзд̇обарияан̃аан̣ажад̇уд̇т̇ам̣ б̣ахид̣̇д̇хаарамман̣амзва.
Cetopariyañāṇacatutthaṃ bahiddhārammaṇameva.
буб̣б̣зниваасан̃аан̣ажад̇уд̇т̇ам̣ ад̇д̇ано канд̇хаануссаран̣агаалз аж̇жхад̇д̇аарамман̣ам̣, барасса канд̇хаанан̃жзва наамаг̇од̇д̇асса жа ануссаран̣агаалз б̣ахид̣̇д̇хаарамман̣ам̣.
Pubbenivāsañāṇacatutthaṃ attano khandhānussaraṇakāle ajjhattārammaṇaṃ, parassa khandhānañceva nāmagottassa ca anussaraṇakāle bahiddhārammaṇaṃ.
д̣̇иб̣б̣ажагкун̃аан̣ажад̇уд̇т̇ам̣ ад̇д̇ано руубаарамман̣агаалз аж̇жхад̇д̇аарамман̣ам̣, барасса руубаарамман̣агаалз б̣ахид̣̇д̇хаарамман̣ам̣, убхаяавасзнааби аж̇жхад̇д̇аб̣ахид̣̇д̇хаарамман̣ам̣.
Dibbacakkhuñāṇacatutthaṃ attano rūpārammaṇakāle ajjhattārammaṇaṃ, parassa rūpārammaṇakāle bahiddhārammaṇaṃ, ubhayavasenāpi ajjhattabahiddhārammaṇaṃ.
яат̇аагаммуубаг̇ан̃аан̣ажад̇уд̇т̇ам̣ ад̇д̇ано гаммаж̇аананагаалз аж̇жхад̇д̇аарамман̣ам̣, барасса гаммаж̇аананагаалз б̣ахид̣̇д̇хаарамман̣ам̣, убхаяавасзнааби аж̇жхад̇д̇аб̣ахид̣̇д̇хаарамман̣ам̣.
Yathākammūpagañāṇacatutthaṃ attano kammajānanakāle ajjhattārammaṇaṃ, parassa kammajānanakāle bahiddhārammaṇaṃ, ubhayavasenāpi ajjhattabahiddhārammaṇaṃ.
анааг̇ад̇ам̣сан̃аан̣ажад̇уд̇т̇ам̣ ад̇д̇ано анааг̇ад̇з ниб̣б̣ад̇д̇иж̇аананагаалз аж̇жхад̇д̇аарамман̣ам̣, барасса канд̇хаануссаран̣агаалз жзва наамаг̇од̇д̇аануссаран̣агаалз жа б̣ахид̣̇д̇хаарамман̣ам̣, убхаяавасзнааби аж̇жхад̇д̇аб̣ахид̣̇д̇хаарамман̣ам̣.
Anāgataṃsañāṇacatutthaṃ attano anāgate nibbattijānanakāle ajjhattārammaṇaṃ, parassa khandhānussaraṇakāle ceva nāmagottānussaraṇakāle ca bahiddhārammaṇaṃ, ubhayavasenāpi ajjhattabahiddhārammaṇaṃ.
аагаасаанан̃жааяад̇анажад̇уд̇т̇ам̣ б̣ахид̣̇д̇хаарамман̣ам̣. аагин̃жан̃н̃ааяад̇анажад̇уд̇т̇ам̣ навад̇д̇аб̣б̣аарамман̣ам̣. вин̃н̃аан̣ан̃жааяад̇ананзвасан̃н̃аанаасан̃н̃ааяад̇анажад̇уд̇т̇ам̣ аж̇жхад̇д̇аарамман̣ам̣.
Ākāsānañcāyatanacatutthaṃ bahiddhārammaṇaṃ. Ākiñcaññāyatanacatutthaṃ navattabbārammaṇaṃ. Viññāṇañcāyatananevasaññānāsaññāyatanacatutthaṃ ajjhattārammaṇaṃ.
логуд̇д̇аражад̇уд̇т̇ам̣ б̣ахид̣̇д̇хаарамман̣амзва. гирияад̇оби д̣̇ваад̣̇асасу жхаанзсу аяамзва наяод̇и.
Lokuttaracatutthaṃ bahiddhārammaṇameva. Kiriyatopi dvādasasu jhānesu ayameva nayoti.
имасмим̣ бана жхаанавибхан̇г̇з саммаасамб̣уд̣̇д̇хзна суд̇д̇анд̇абхааж̇анийязби логияалогуд̇д̇арамиссагаанзва жхаанаани гат̇ид̇аани; абхид̇хаммабхааж̇анийязби бан̃хаабужчагзби. д̇аяоби хи зд̇з наяаа д̇збхуумагад̇хаммамиссагад̇д̇аа згабарижчзд̣̇аа зва. звамаяам̣ жхаанавибхан̇г̇оби д̇збариваддам̣ нийхарид̇ваава бхааж̇зд̇ваа д̣̇ассид̇од̇и.
Imasmiṃ pana jhānavibhaṅge sammāsambuddhena suttantabhājanīyepi lokiyalokuttaramissakāneva jhānāni kathitāni; abhidhammabhājanīyepi pañhāpucchakepi. Tayopi hi ete nayā tebhūmakadhammamissakattā ekaparicchedā eva. Evamayaṃ jhānavibhaṅgopi teparivaṭṭaṃ nīharitvāva bhājetvā dassitoti.
саммохавинод̣̇анияаа вибхан̇г̇адтагат̇ааяа
Sammohavinodaniyā vibhaṅgaṭṭhakathāya
жхаанавибхан̇г̇аван̣н̣анаа нидтид̇аа.
Jhānavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 12. жхаанавибхан̇г̇о • 12. Jhānavibhaṅgo
