| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
9. бан̣ийд̇абхож̇анасигкаабад̣̇аван̣н̣анаа
9. Paṇītabhojanasikkhāpadavaṇṇanā
257. навамасигкаабад̣̇з – бан̣ийд̇абхож̇анаанийд̇и уд̇д̇амабхож̇анаани. гасса самбаннам̣ на манаабанд̇и самбад̇д̇ияуд̇д̇ам̣ гасса на бияам̣. саад̣̇унд̇и сурасам̣.
257. Navamasikkhāpade – paṇītabhojanānīti uttamabhojanāni. Kassa sampannaṃ na manāpanti sampattiyuttaṃ kassa na piyaṃ. Sādunti surasaṃ.
259. яо бана бхигку зваруубаани бан̣ийд̇абхож̇анаани аг̇илаано ад̇д̇ано ад̇т̇ааяа вин̃н̃аабзд̇ваа бхун̃ж̇зяяаад̇и зд̇т̇а суд̣̇д̇хаани саббиаад̣̇ийни вин̃н̃аабзд̇ваа бхун̃ж̇анд̇о баажид̇д̇ияам̣ наабаж̇ж̇ад̇и, сзкиязсу суубод̣̇анавин̃н̃ад̇д̇ид̣̇уггадам̣ аабаж̇ж̇ад̇и, од̣̇анасам̣садтаани бана вин̃н̃аабзд̇ваа бхун̃ж̇анд̇о баажид̇д̇ияам̣ аабаж̇ж̇ад̇ийд̇и взд̣̇ид̇аб̣б̣о, аяам̣ гирзд̇т̇а ад̇хиббааяо. д̇знзва жа ‘‘бан̣ийд̇ааний’’д̇и авад̇ваа ‘‘бан̣ийд̇абхож̇анааний’’д̇и суд̇д̇з вуд̇д̇ам̣. ‘‘бан̣ийд̇ааний’’д̇и хи вуд̇д̇з саббиаад̣̇ийнам̣язва г̇ахан̣ам̣ ход̇и, ‘‘бан̣ийд̇абхож̇анааний’’д̇и вуд̇д̇з бана бан̣ийд̇асам̣садтаани сад̇д̇ад̇хан̃н̃аниб̣б̣ад̇д̇аани бхож̇анаани бан̣ийд̇абхож̇анаанийд̇и аяамад̇т̇о бан̃н̃ааяад̇и.
259.Yo pana bhikkhu evarūpāni paṇītabhojanāni agilāno attano atthāya viññāpetvā bhuñjeyyāti ettha suddhāni sappiādīni viññāpetvā bhuñjanto pācittiyaṃ nāpajjati, sekhiyesu sūpodanaviññattidukkaṭaṃ āpajjati, odanasaṃsaṭṭhāni pana viññāpetvā bhuñjanto pācittiyaṃ āpajjatīti veditabbo, ayaṃ kirettha adhippāyo. Teneva ca ‘‘paṇītānī’’ti avatvā ‘‘paṇītabhojanānī’’ti sutte vuttaṃ. ‘‘Paṇītānī’’ti hi vutte sappiādīnaṃyeva gahaṇaṃ hoti, ‘‘paṇītabhojanānī’’ti vutte pana paṇītasaṃsaṭṭhāni sattadhaññanibbattāni bhojanāni paṇītabhojanānīti ayamattho paññāyati.
ид̣̇аани вин̃н̃аабзд̇и баяог̇з д̣̇уггаданд̇иаад̣̇ийсу аяам̣ винижчаяо – ‘‘саббинаа бхад̇д̇ам̣ д̣̇зхи, саббим̣ аагирид̇ваа д̣̇зхи, саббимиссагам̣ гад̇ваа д̣̇зхи, сахасаббинаа д̣̇зхи, саббин̃жа бхад̇д̇ан̃жа д̣̇зхий’’д̇и вин̃н̃аабзнд̇асса вин̃н̃ад̇д̇ияаа д̣̇уггадам̣, бадиг̇г̇ахан̣з д̣̇уггадам̣, аж̇жхохаарз баажид̇д̇ияам̣. ‘‘саббибхад̇д̇ам̣ д̣̇зхий’’д̇и вуд̇д̇з бана яасмаа саалибхад̇д̇ам̣ вияа саббибхад̇д̇ам̣ наама над̇т̇и; д̇асмаа суубод̣̇анавин̃н̃ад̇д̇ид̣̇уггадамзва взд̣̇ид̇аб̣б̣ам̣.
Idāni viññāpeti payoge dukkaṭantiādīsu ayaṃ vinicchayo – ‘‘sappinā bhattaṃ dehi, sappiṃ ākiritvā dehi, sappimissakaṃ katvā dehi, sahasappinā dehi, sappiñca bhattañca dehī’’ti viññāpentassa viññattiyā dukkaṭaṃ, paṭiggahaṇe dukkaṭaṃ, ajjhohāre pācittiyaṃ. ‘‘Sappibhattaṃ dehī’’ti vutte pana yasmā sālibhattaṃ viya sappibhattaṃ nāma natthi; tasmā sūpodanaviññattidukkaṭameva veditabbaṃ.
сажз бана ‘‘саббинаа бхад̇д̇ам̣ д̣̇зхий’’д̇и вуд̇д̇з бхад̇д̇ам̣ д̣̇ад̇ваа ‘‘саббим̣ гад̇ваа бхун̃ж̇аа’’д̇и наванийд̇ам̣ ваа кийрам̣ ваа д̣̇ад̇хим̣ ваа д̣̇зд̇и, муулам̣ ваа бана д̣̇зд̇и, ‘‘иминаа саббим̣ г̇ахзд̇ваа бхун̃ж̇аа’’д̇и яат̇аавад̇т̇угамзва. ‘‘г̇осаббинаа бхад̇д̇ам̣ д̣̇зхий’’д̇и вуд̇д̇з бана г̇осаббинаа ваа д̣̇зд̇у, г̇осаббимхи асад̇и, буриманаязнзва г̇онаванийд̇аад̣̇ийни ваа г̇аавим̣язва ваа д̣̇зд̇у ‘‘ид̇о саббинаа бхун̃ж̇аа’’д̇и яат̇аавад̇т̇угамзва. сажз бана г̇осаббинаа яаажид̇о аж̇ияаа саббиаад̣̇ийхи д̣̇зд̇и, висан̇гзд̇ам̣. зван̃хи сад̇и ан̃н̃ам̣ яаажид̇зна ан̃н̃ам̣ д̣̇иннам̣ наама ход̇и, д̇асмаа анаабад̇д̇и. зса наяо аж̇ияаа саббинаа д̣̇зхийд̇и аад̣̇ийсуби.
Sace pana ‘‘sappinā bhattaṃ dehī’’ti vutte bhattaṃ datvā ‘‘sappiṃ katvā bhuñjā’’ti navanītaṃ vā khīraṃ vā dadhiṃ vā deti, mūlaṃ vā pana deti, ‘‘iminā sappiṃ gahetvā bhuñjā’’ti yathāvatthukameva. ‘‘Gosappinā bhattaṃ dehī’’ti vutte pana gosappinā vā detu, gosappimhi asati, purimanayeneva gonavanītādīni vā gāviṃyeva vā detu ‘‘ito sappinā bhuñjā’’ti yathāvatthukameva. Sace pana gosappinā yācito ajiyā sappiādīhi deti, visaṅketaṃ. Evañhi sati aññaṃ yācitena aññaṃ dinnaṃ nāma hoti, tasmā anāpatti. Esa nayo ajiyā sappinā dehīti ādīsupi.
‘‘габбияасаббинаа д̣̇зхий’’д̇и вуд̇д̇з агаббияасаббинаа д̣̇зд̇и, висан̇гзд̇амзва. ‘‘агаббияасаббинаад̇и вуд̇д̇з агаббияасаббинаа д̣̇зд̇и, бадиг̇г̇ахан̣зби барибхог̇зби д̣̇уггадамзва. агаббияасаббимхи асад̇и буриманаязнзва агаббияанаванийд̇аад̣̇ийни д̣̇зд̇и ‘‘саббим̣ гад̇ваа бхун̃ж̇аа’’д̇и агаббияасаббинаава д̣̇иннам̣ ход̇и. ‘‘агаббияасаббинаа’’д̇и вуд̇д̇з габбиязна д̣̇зд̇и, висан̇гзд̇ам̣. ‘‘саббинаа’’д̇и вуд̇д̇з сзсзсу наванийд̇аад̣̇ийсу ан̃н̃ад̇арзна д̣̇зд̇и, висан̇гзд̇амзва. зса наяо наванийд̇зна д̣̇зхийд̇иаад̣̇ийсуби. язна язна хи вин̃н̃ад̇д̇и ход̇и, д̇асмим̣ ваа д̇асса муулз ваа лад̣̇д̇хз, д̇ам̣ д̇ам̣ лад̣̇д̇хамзва ход̇и.
‘‘Kappiyasappinā dehī’’ti vutte akappiyasappinā deti, visaṅketameva. ‘‘Akappiyasappināti vutte akappiyasappinā deti, paṭiggahaṇepi paribhogepi dukkaṭameva. Akappiyasappimhi asati purimanayeneva akappiyanavanītādīni deti ‘‘sappiṃ katvā bhuñjā’’ti akappiyasappināva dinnaṃ hoti. ‘‘Akappiyasappinā’’ti vutte kappiyena deti, visaṅketaṃ. ‘‘Sappinā’’ti vutte sesesu navanītādīsu aññatarena deti, visaṅketameva. Esa nayo navanītena dehītiādīsupi. Yena yena hi viññatti hoti, tasmiṃ vā tassa mūle vā laddhe, taṃ taṃ laddhameva hoti.
сажз бана ан̃н̃ам̣ баал̣ияаа ааг̇ад̇ам̣ ваа анааг̇ад̇ам̣ ваа д̣̇знд̇и, висан̇гзд̇ам̣. баал̣ияам̣ ааг̇ад̇анаванийд̇аад̣̇ийни табзд̇ваа ан̃н̃зхи наванийд̇аад̣̇ийхи вин̃н̃аабзнд̇асса д̣̇уггадам̣. яат̇аа жа ‘‘саббибхад̇д̇ам̣ д̣̇зхий’’д̇и вуд̇д̇з саалибхад̇д̇асса вияа саббибхад̇д̇асса абхааваа суубод̣̇анавин̃н̃ад̇д̇ид̣̇уггадамзва ход̇ийд̇и вуд̇д̇ам̣. звам̣ наванийд̇абхад̇д̇ам̣ д̣̇зхийд̇иаад̣̇ийсуби. бадибаадияаа згамзгам̣ вид̇т̇аарзд̇ваа вужжамаанзби хи аяамзвад̇т̇о вад̇д̇аб̣б̣о сияаа, со жа сан̇кзбзнаби саггаа н̃аад̇ум̣, гим̣ д̇ад̇т̇а вид̇т̇аарзна? д̇зна вуд̇д̇ам̣ – ‘‘зса наяо наванийд̇зна д̣̇зхийд̇иаад̣̇ийсубий’’д̇и.
Sace pana aññaṃ pāḷiyā āgataṃ vā anāgataṃ vā denti, visaṅketaṃ. Pāḷiyaṃ āgatanavanītādīni ṭhapetvā aññehi navanītādīhi viññāpentassa dukkaṭaṃ. Yathā ca ‘‘sappibhattaṃ dehī’’ti vutte sālibhattassa viya sappibhattassa abhāvā sūpodanaviññattidukkaṭameva hotīti vuttaṃ. Evaṃ navanītabhattaṃ dehītiādīsupi. Paṭipāṭiyā ekamekaṃ vitthāretvā vuccamānepi hi ayamevattho vattabbo siyā, so ca saṅkhepenapi sakkā ñātuṃ, kiṃ tattha vitthārena? Tena vuttaṃ – ‘‘esa nayo navanītena dehītiādīsupī’’ti.
сажз бана саб̣б̣зхиби саббиаад̣̇ийхи згадтаанз ваа наанаадтаанз ваа вин̃н̃аабзд̇ваа бадилад̣̇д̇хам̣ згабхааж̇анз аагирид̇ваа згарасам̣ гад̇ваа д̇ад̇о гусаг̇г̇знааби ж̇ивхаг̇г̇з б̣инд̣̇ум̣ табзд̇ваа аж̇жхохарад̇и, нава баажид̇д̇ияаани аабаж̇ж̇ад̇и. вуд̇д̇амби жзд̇ам̣ бариваарз –
Sace pana sabbehipi sappiādīhi ekaṭṭhāne vā nānāṭṭhāne vā viññāpetvā paṭiladdhaṃ ekabhājane ākiritvā ekarasaṃ katvā tato kusaggenāpi jivhagge binduṃ ṭhapetvā ajjhoharati, nava pācittiyāni āpajjati. Vuttampi cetaṃ parivāre –
‘‘гааяигаани на ваажасигаани,
‘‘Kāyikāni na vācasikāni,
саб̣б̣аани наанаавад̇т̇угаани;
Sabbāni nānāvatthukāni;
абуб̣б̣ам̣ ажаримам̣ аабаж̇ж̇зяяа згад̇о,
Apubbaṃ acarimaṃ āpajjeyya ekato,
бан̃хаамзсаа гусалзхи жинд̇ид̇аа’’д̇и. (бари. 481);
Pañhāmesā kusalehi cintitā’’ti. (pari. 481);
261. аг̇илаано г̇илаанасан̃н̃ийд̇и зд̇т̇а сажз г̇илаанасан̃н̃ийби худ̇ваа бхзсаж̇ж̇ад̇т̇ааяа бан̃жа бхзсаж̇ж̇аани вин̃н̃аабзд̇и, махаанаамасигкаабад̣̇зна гаарзд̇аб̣б̣о . нава бан̣ийд̇абхож̇анаани вин̃н̃аабзнд̇о бана иминаа сигкаабад̣̇зна гаарзд̇аб̣б̣о. бхигкунийнам̣ бана зд̇аани баадид̣̇зсанийяавад̇т̇ууни хонд̇и, суубод̣̇анавин̃н̃ад̇д̇ияам̣ убхаязсамби сзкабан̣н̣ад̇д̇ид̣̇уггадамзва. сзсамзд̇т̇а уд̇д̇аанамзва.
261.Agilānogilānasaññīti ettha sace gilānasaññīpi hutvā bhesajjatthāya pañca bhesajjāni viññāpeti, mahānāmasikkhāpadena kāretabbo . Nava paṇītabhojanāni viññāpento pana iminā sikkhāpadena kāretabbo. Bhikkhunīnaṃ pana etāni pāṭidesanīyavatthūni honti, sūpodanaviññattiyaṃ ubhayesampi sekhapaṇṇattidukkaṭameva. Sesamettha uttānameva.
жад̇усамудтаанам̣ – гааяад̇о гааяаваажад̇о гааяажид̇д̇ад̇о гааяаваажаажид̇д̇ад̇о жа самудтаад̇и,
Catusamuṭṭhānaṃ – kāyato kāyavācato kāyacittato kāyavācācittato ca samuṭṭhāti,
гирияам̣, носан̃н̃аавимогкам̣, ажид̇д̇агам̣, бан̣н̣ад̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Kiriyaṃ, nosaññāvimokkhaṃ, acittakaṃ, paṇṇativajjaṃ, kāyakammaṃ, vacīkammaṃ, ticittaṃ, tivedananti.
бан̣ийд̇абхож̇анасигкаабад̣̇ам̣ навамам̣.
Paṇītabhojanasikkhāpadaṃ navamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. бан̣ийд̇абхож̇анасигкаабад̣̇аван̣н̣анаа • 9. Paṇītabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. бан̣ийд̇абхож̇анасигкаабад̣̇аван̣н̣анаа • 9. Paṇītabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. бан̣ийд̇абхож̇анасигкаабад̣̇аван̣н̣анаа • 9. Paṇītabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. бан̣ийд̇абхож̇анасигкаабад̣̇ам̣ • 9. Paṇītabhojanasikkhāpadaṃ
