Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā)

೨-೫೦. ಪಣೀತತರಸುತ್ತಾದಿವಣ್ಣನಾ

2-50. Paṇītatarasuttādivaṇṇanā

೩೪೩-೩೯೧. ವಿಸ್ಸಟ್ಠಕಾಯಾತಿ ‘‘ಯೇ ಚಮ್ಮೇನ ವಾ ರುಧಿರೇನ ವಾ ಅಟ್ಠಿನಾ ವಾ ಅತ್ಥಿಕಾ, ತೇ ಸಬ್ಬಂ ಗಣ್ಹನ್ತೂ’’ತಿ ತತ್ಥ ನಿರಪೇಕ್ಖಚಿತ್ತತಾಯ ಅಧಿಟ್ಠಿತಸೀಲತಾಯ ಪರಿಚ್ಚತ್ತಸರೀರಾ। ದುವಿಧಕಾರಿನೋತಿ ‘‘ಕಾಲೇನ ಕುಸಲಂ, ಕಾಲೇನ ಅಕುಸಲ’’ನ್ತಿ ಏವಂ ಕುಸಲಾಕುಸಲಕಾರಿನೋ। ಸಹ ಬ್ಯಯತಿ ಪವತ್ತತೀತಿ ಸಹಬ್ಯೋ, ಸಹಚಾರೋ। ತಸ್ಸ ಭಾವೋ ಸಹಬ್ಯತಾ, ತಂ ಸಹಬ್ಯತಂ। ಅದನೀಯತೋ ಅನ್ನಂ। ಖಾದನೀಯತೋ ಖಜ್ಜಂ। ಪಾತಬ್ಬತೋ ಪಾನಂ। ನಿವಸನೀಯತೋ ವತ್ಥಂ। ನಿವಸಿತಬ್ಬಂ ನಿವಾಸನಂ। ಪರಿವರಿತಬ್ಬಂ ಪಾವುರಣಂ। ಯಾನ್ತಿ ತೇನಾತಿ ಯಾನಂ, ಉಪಾಹನಾದಿಯಾನಾನಿ। ಆದಿಸದ್ದೇನ ವಯ್ಹಸಿವಿಕಾದೀನಂ ಸಙ್ಗಹೋ। ಛತ್ತಮ್ಪಿ ಪರಿಸ್ಸಯಾತಪದುಕ್ಖಪರಿರಕ್ಖಣೇನ ಮಗ್ಗಗಮನಸಾಧನನ್ತಿ ಕತ್ವಾ ‘‘ಛತ್ತುಪಾಹನ’’ನ್ತಿಆದಿ ವುತ್ತಂ। ತೇನ ವುತ್ತಂ ‘‘ಯಂ ಕಿಞ್ಚಿ ಗಮನಪಚ್ಚಯ’’ನ್ತಿ। ಪತ್ಥನಂ ಕತ್ವಾ…ಪೇ॰… ತತ್ಥ ನಿಬ್ಬತ್ತನ್ತಿ ಚಮ್ಪೇಯ್ಯನಾಗರಾಜಾ ವಿಯಾತಿ ದಟ್ಠಬ್ಬಂ।

343-391.Vissaṭṭhakāyāti ‘‘ye cammena vā rudhirena vā aṭṭhinā vā atthikā, te sabbaṃ gaṇhantū’’ti tattha nirapekkhacittatāya adhiṭṭhitasīlatāya pariccattasarīrā. Duvidhakārinoti ‘‘kālena kusalaṃ, kālena akusala’’nti evaṃ kusalākusalakārino. Saha byayati pavattatīti sahabyo, sahacāro. Tassa bhāvo sahabyatā, taṃ sahabyataṃ. Adanīyato annaṃ. Khādanīyato khajjaṃ. Pātabbato pānaṃ. Nivasanīyato vatthaṃ. Nivasitabbaṃ nivāsanaṃ. Parivaritabbaṃ pāvuraṇaṃ. Yānti tenāti yānaṃ, upāhanādiyānāni. Ādisaddena vayhasivikādīnaṃ saṅgaho. Chattampi parissayātapadukkhaparirakkhaṇena maggagamanasādhananti katvā ‘‘chattupāhana’’ntiādi vuttaṃ. Tena vuttaṃ ‘‘yaṃ kiñci gamanapaccaya’’nti. Patthanaṃ katvā…pe… tattha nibbattanti campeyyanāgarājā viyāti daṭṭhabbaṃ.

ಪಣೀತತರಸುತ್ತಾದಿವಣ್ಣನಾ ನಿಟ್ಠಿತಾ।

Paṇītatarasuttādivaṇṇanā niṭṭhitā.

ನಾಗಸಂಯುತ್ತವಣ್ಣನಾ ನಿಟ್ಠಿತಾ।

Nāgasaṃyuttavaṇṇanā niṭṭhitā.

Next: ೯. ಸುಪಣ್ಣಸಂಯುತ್ತವಣ್ಣನಾ • 9. Supaṇṇasaṃyuttavaṇṇanā

ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೨-೫೦. ಪಣೀತತರಸುತ್ತಾದಿವಣ್ಣನಾ • 2-50. Paṇītatarasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact