| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[459] 5. баанийяаж̇аад̇агаван̣н̣анаа
[459] 5. Pānīyajātakavaṇṇanā
мид̇д̇о мид̇д̇ассаад̇и ид̣̇ам̣ сад̇т̇аа ж̇зд̇аванз вихаранд̇о гилзсаниг̇г̇ахам̣ аараб̣бха гат̇зси. згасмин̃хи самаяз саавад̇т̇иваасино бан̃жасад̇аа г̇ихисахааяагаа д̇ат̇ааг̇ад̇асса д̇хаммад̣̇зсанам̣ суд̇ваа баб̣б̣аж̇ид̇ваа убасамбаннаа анд̇огодисант̇аарз васанд̇аа ад̣дхарад̇д̇асамаяз гаамавид̇аггам̣ вид̇аггзсум̣. саб̣б̣ам̣ хздтаа вуд̇д̇анаязнзва взд̣̇ид̇аб̣б̣ам̣. бхаг̇авад̇о аан̣ад̇д̇ияаа банааяасмад̇аа аананд̣̇зна бхигкусан̇гхз саннибаад̇ид̇з сад̇т̇аа бан̃н̃ад̇д̇аасанз нисийд̣̇ид̇ваа анод̣̇иссагам̣ гад̇ваа ‘‘гаамавид̇аггам̣ вид̇аггаяид̇т̇аа’’д̇и авад̇ваа саб̣б̣асан̇г̇аахигавасзнзва ‘‘бхигкавз, гилзсо куд̣̇д̣̇аго наама над̇т̇и, бхигкунаа наама уббаннуббаннаа гилзсаа ниг̇г̇ахзд̇аб̣б̣аа, бораан̣агабан̣д̣ид̇аа ануббаннзби б̣уд̣̇д̇хз гилзсз ниг̇г̇ахзд̇ваа бажжзгаб̣од̇хин̃аан̣ам̣ бад̇д̇аа’’д̇и вад̇ваа ад̇ийд̇ам̣ аахари.
Mitto mittassāti idaṃ satthā jetavane viharanto kilesaniggahaṃ ārabbha kathesi. Ekasmiñhi samaye sāvatthivāsino pañcasatā gihisahāyakā tathāgatassa dhammadesanaṃ sutvā pabbajitvā upasampannā antokoṭisanthāre vasantā aḍḍharattasamaye kāmavitakkaṃ vitakkesuṃ. Sabbaṃ heṭṭhā vuttanayeneva veditabbaṃ. Bhagavato āṇattiyā panāyasmatā ānandena bhikkhusaṅghe sannipātite satthā paññattāsane nisīditvā anodissakaṃ katvā ‘‘kāmavitakkaṃ vitakkayitthā’’ti avatvā sabbasaṅgāhikavaseneva ‘‘bhikkhave, kileso khuddako nāma natthi, bhikkhunā nāma uppannuppannā kilesā niggahetabbā, porāṇakapaṇḍitā anuppannepi buddhe kilese niggahetvā paccekabodhiñāṇaṃ pattā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з гаасирадтз згасмим̣ г̇аамагз д̣̇вз сахааяагаа баанийяад̇умб̣аани аад̣̇ааяа кзд̇д̇ам̣ г̇анд̇ваа згаманд̇ам̣ табзд̇ваа кзд̇д̇ам̣ годдзд̇ваа бибаасид̇агаалз ааг̇анд̇ваа баанийяам̣ биванд̇и. д̇зсу зго баанийяад̇т̇ааяа ааг̇анд̇ваа ад̇д̇ано баанийяам̣ рагканд̇о ид̇арасса д̇умб̣ад̇о бивид̇ваа сааяам̣ аран̃н̃аа нигкамид̇ваа нхааяид̇ваа тид̇о ‘‘ад̇т̇и ну ко мз гааяад̣̇ваараад̣̇ийхи аж̇ж̇а гин̃жи баабам̣ гад̇а’’нд̇и убад̇хаарзнд̇о т̇знзд̇ваа баанийяасса бивид̇абхаавам̣ д̣̇исваа сам̣взг̇аббад̇д̇о худ̇ваа ‘‘аяам̣ д̇ан̣хаа вад̣дхамаанаа мам̣ абааязсу кибиссад̇и, имам̣ гилзсам̣ ниг̇г̇ан̣хиссаамий’’д̇и баанийяасса т̇знзд̇ваа бивид̇абхаавам̣ аарамман̣ам̣ гад̇ваа вибассанам̣ вад̣дхзд̇ваа бажжзгаб̣од̇хин̃аан̣ам̣ ниб̣б̣ад̇д̇зд̇ваа бадилад̣̇д̇хаг̇ун̣ам̣ ааваж̇ж̇знд̇о адтааси. ат̇а нам̣ ид̇аро нхааяид̇ваа удтид̇о ‘‘зхи, самма, гхарам̣ г̇ажчаамаа’’д̇и ааха. ‘‘г̇ажча д̇вам̣, мама гхарзна гижжам̣ над̇т̇и, бажжзгаб̣уд̣̇д̇хаа наама маяа’’нд̇и. ‘‘бажжзгаб̣уд̣̇д̇хаа наама д̇умхаад̣̇исаа на хонд̇ий’’д̇и. ‘‘ат̇а гийд̣̇исаа бажжзгаб̣уд̣̇д̇хаа хонд̇ий’’д̇и? ‘‘д̣̇ван̇г̇улагзсаа гаасааяавад̇т̇авасанаа уд̇д̇арахимаванд̇з нанд̣̇амуулагабаб̣бхаарз васанд̇ий’’д̇и. со сийсам̣ бараамаси, д̇ам̣ кан̣ан̃н̃звасса г̇ихилин̇г̇ам̣ анд̇арад̇хааяи, сурад̇д̇ад̣̇убаддам̣ нивад̇т̇амзва, виж̇ж̇улад̇аасад̣̇исам̣ гааяаб̣анд̇ханам̣ б̣ад̣̇д̇хамзва, алад̇д̇агабаадалаван̣н̣ам̣ уд̇д̇араасан̇г̇ажийварам̣ згам̣сам̣ гад̇амзва, мзгхаван̣н̣ам̣ бам̣сугуулажийварам̣ д̣̇агкин̣аам̣сагуудз табид̇амзва, бхамараван̣н̣о мад̇д̇игаабад̇д̇о ваамаам̣сагуудз лаг̇г̇ид̇ова ахоси. со аагаасз тад̇ваа д̇хаммам̣ д̣̇зсзд̇ваа уббад̇ид̇ваа нанд̣̇амуулагабаб̣бхаарзязва од̇ари.
Atīte bārāṇasiyaṃ brahmadatte rajjaṃ kārente kāsiraṭṭhe ekasmiṃ gāmake dve sahāyakā pānīyatumbāni ādāya khettaṃ gantvā ekamantaṃ ṭhapetvā khettaṃ koṭṭetvā pipāsitakāle āgantvā pānīyaṃ pivanti. Tesu eko pānīyatthāya āgantvā attano pānīyaṃ rakkhanto itarassa tumbato pivitvā sāyaṃ araññā nikkhamitvā nhāyitvā ṭhito ‘‘atthi nu kho me kāyadvārādīhi ajja kiñci pāpaṃ kata’’nti upadhārento thenetvā pānīyassa pivitabhāvaṃ disvā saṃvegappatto hutvā ‘‘ayaṃ taṇhā vaḍḍhamānā maṃ apāyesu khipissati, imaṃ kilesaṃ niggaṇhissāmī’’ti pānīyassa thenetvā pivitabhāvaṃ ārammaṇaṃ katvā vipassanaṃ vaḍḍhetvā paccekabodhiñāṇaṃ nibbattetvā paṭiladdhaguṇaṃ āvajjento aṭṭhāsi. Atha naṃ itaro nhāyitvā uṭṭhito ‘‘ehi, samma, gharaṃ gacchāmā’’ti āha. ‘‘Gaccha tvaṃ, mama gharena kiccaṃ natthi, paccekabuddhā nāma maya’’nti. ‘‘Paccekabuddhā nāma tumhādisā na hontī’’ti. ‘‘Atha kīdisā paccekabuddhā hontī’’ti? ‘‘Dvaṅgulakesā kāsāyavatthavasanā uttarahimavante nandamūlakapabbhāre vasantī’’ti. So sīsaṃ parāmasi, taṃ khaṇaññevassa gihiliṅgaṃ antaradhāyi, surattadupaṭṭaṃ nivatthameva, vijjulatāsadisaṃ kāyabandhanaṃ baddhameva, alattakapāṭalavaṇṇaṃ uttarāsaṅgacīvaraṃ ekaṃsaṃ katameva, meghavaṇṇaṃ paṃsukūlacīvaraṃ dakkhiṇaaṃsakūṭe ṭhapitameva, bhamaravaṇṇo mattikāpatto vāmaaṃsakūṭe laggitova ahosi. So ākāse ṭhatvā dhammaṃ desetvā uppatitvā nandamūlakapabbhāreyeva otari.
абароби гаасиг̇аамзязва гудумб̣иго аабан̣з нисинно згам̣ бурисам̣ ад̇д̇ано бхарияам̣ аад̣̇ааяа г̇ажчанд̇ам̣ д̣̇исваа д̇ам̣ уд̇д̇амаруубад̇харам̣ ид̇т̇им̣ инд̣̇рияаани бхинд̣̇ид̇ваа ологзд̇ваа буна жинд̇зси ‘‘аяам̣ лобхо вад̣дхамаано мам̣ абааязсу кибиссад̇ий’’д̇и сам̣виг̇г̇амаанасо вибассанам̣ вад̣дхзд̇ваа бажжзгаб̣од̇хин̃аан̣ам̣ ниб̣б̣ад̇д̇зд̇ваа аагаасз тид̇о д̇хаммам̣ д̣̇зсзд̇ваа нанд̣̇амуулагабаб̣бхаарамзва г̇ад̇о.
Aparopi kāsigāmeyeva kuṭumbiko āpaṇe nisinno ekaṃ purisaṃ attano bhariyaṃ ādāya gacchantaṃ disvā taṃ uttamarūpadharaṃ itthiṃ indriyāni bhinditvā oloketvā puna cintesi ‘‘ayaṃ lobho vaḍḍhamāno maṃ apāyesu khipissatī’’ti saṃviggamānaso vipassanaṃ vaḍḍhetvā paccekabodhiñāṇaṃ nibbattetvā ākāse ṭhito dhammaṃ desetvā nandamūlakapabbhārameva gato.
абарзби гаасиг̇аамаваасиноязва д̣̇вз бид̇аабуд̇д̇аа згад̇о маг̇г̇ам̣ бадибаж̇ж̇им̣су. адавиймукз бана жораа удтид̇аа хонд̇и. д̇з бид̇аабуд̇д̇з лабхид̇ваа буд̇д̇ам̣ г̇ахзд̇ваа ‘‘д̇ханам̣ аахарид̇ваа д̇ава буд̇д̇ам̣ г̇ан̣хаа’’д̇и бид̇арам̣ виссаж̇ж̇знд̇и, д̣̇вз бхаад̇аро лабхид̇ваа ганидтам̣ г̇ахзд̇ваа ж̇здтам̣ виссаж̇ж̇знд̇и, аажарияанд̇зваасигз лабхид̇ваа аажарияам̣ г̇ахзд̇ваа анд̇зваасигам̣ виссаж̇ж̇знд̇и, анд̇зваасиго сиббалобхзна д̇ханам̣ аахарид̇ваа аажарияам̣ г̇ан̣хид̇ваа г̇ажчад̇и. ат̇а д̇з бид̇аабуд̇д̇ааби д̇ад̇т̇а жораанам̣ удтид̇абхаавам̣ н̃ад̇ваа ‘‘д̇вам̣ мам̣ ‘бид̇аа’д̇и маа вад̣̇а, ахамби д̇ам̣ ‘буд̇д̇о’д̇и на вагкаамий’’д̇и гад̇игам̣ гад̇ваа жорзхи г̇ахид̇агаалз ‘‘д̇умхз ан̃н̃аман̃н̃ам̣ гим̣ хот̇аа’’д̇и будтаа ‘‘на гин̃жи хомаа’’д̇и самбаж̇аанамусааваад̣̇ам̣ гарим̣су. д̇зсу адавид̇о нигкамид̇ваа сааяам̣ нхааяид̇ваа тид̇зсу буд̇д̇о ад̇д̇ано сийлам̣ сод̇хзнд̇о д̇ам̣ мусааваад̣̇ам̣ д̣̇исваа ‘‘ид̣̇ам̣ баабам̣ вад̣дхамаанам̣ мам̣ абааязсу кибиссад̇и, имам̣ гилзсам̣ ниг̇г̇ан̣хиссаамий’’д̇и вибассанам̣ вад̣дхзд̇ваа бажжзгаб̣од̇хин̃аан̣ам̣ ниб̣б̣ад̇д̇зд̇ваа аагаасз тид̇о бид̇у д̇хаммам̣ д̣̇зсзд̇ваа нанд̣̇амуулагабаб̣бхаарамзва г̇ад̇о.
Aparepi kāsigāmavāsinoyeva dve pitāputtā ekato maggaṃ paṭipajjiṃsu. Aṭavīmukhe pana corā uṭṭhitā honti. Te pitāputte labhitvā puttaṃ gahetvā ‘‘dhanaṃ āharitvā tava puttaṃ gaṇhā’’ti pitaraṃ vissajjenti, dve bhātaro labhitvā kaniṭṭhaṃ gahetvā jeṭṭhaṃ vissajjenti, ācariyantevāsike labhitvā ācariyaṃ gahetvā antevāsikaṃ vissajjenti, antevāsiko sippalobhena dhanaṃ āharitvā ācariyaṃ gaṇhitvā gacchati. Atha te pitāputtāpi tattha corānaṃ uṭṭhitabhāvaṃ ñatvā ‘‘tvaṃ maṃ ‘pitā’ti mā vada, ahampi taṃ ‘putto’ti na vakkhāmī’’ti katikaṃ katvā corehi gahitakāle ‘‘tumhe aññamaññaṃ kiṃ hothā’’ti puṭṭhā ‘‘na kiñci homā’’ti sampajānamusāvādaṃ kariṃsu. Tesu aṭavito nikkhamitvā sāyaṃ nhāyitvā ṭhitesu putto attano sīlaṃ sodhento taṃ musāvādaṃ disvā ‘‘idaṃ pāpaṃ vaḍḍhamānaṃ maṃ apāyesu khipissati, imaṃ kilesaṃ niggaṇhissāmī’’ti vipassanaṃ vaḍḍhetvā paccekabodhiñāṇaṃ nibbattetvā ākāse ṭhito pitu dhammaṃ desetvā nandamūlakapabbhārameva gato.
абароби гаасиг̇аамзязва бана зго г̇аамабхож̇аго маагхаад̇ам̣ гаараабзси. ат̇а нам̣ б̣алигаммагаалз махааж̇ано саннибад̇ид̇ваа ааха ‘‘саами, маяам̣ миг̇асуугараад̣̇аяо маарзд̇ваа яагкаанам̣ б̣алигаммам̣ гариссаама, б̣алигаммагаало зсо’’д̇и. д̇умхаагам̣ буб̣б̣з гаран̣анияаамзнзва гарот̇аад̇и мануссаа б̣ахум̣ баан̣аад̇ибаад̇амагам̣су. со б̣ахум̣ мажчамам̣сам̣ д̣̇исваа ‘‘имз мануссаа зд̇д̇агз баан̣з маарзнд̇аа мамзвзгасса важанзна маараяим̣суу’’д̇и гуггужжам̣ гад̇ваа ваад̇абаанам̣ ниссааяа тид̇агова вибассанам̣ вад̣дхзд̇ваа бажжзгаб̣од̇хин̃аан̣ам̣ ниб̣б̣ад̇д̇зд̇ваа аагаасз тид̇о махааж̇анасса д̇хаммам̣ д̣̇зсзд̇ваа нанд̣̇амуулагабаб̣бхаарамзва г̇ад̇о.
Aparopi kāsigāmeyeva pana eko gāmabhojako māghātaṃ kārāpesi. Atha naṃ balikammakāle mahājano sannipatitvā āha ‘‘sāmi, mayaṃ migasūkarādayo māretvā yakkhānaṃ balikammaṃ karissāma, balikammakālo eso’’ti. Tumhākaṃ pubbe karaṇaniyāmeneva karothāti manussā bahuṃ pāṇātipātamakaṃsu. So bahuṃ macchamaṃsaṃ disvā ‘‘ime manussā ettake pāṇe mārentā mamevekassa vacanena mārayiṃsū’’ti kukkuccaṃ katvā vātapānaṃ nissāya ṭhitakova vipassanaṃ vaḍḍhetvā paccekabodhiñāṇaṃ nibbattetvā ākāse ṭhito mahājanassa dhammaṃ desetvā nandamūlakapabbhārameva gato.
абароби гаасирадтзязва г̇аамабхож̇аго маж̇ж̇авиггаяам̣ ваарзд̇ваа ‘‘саами, буб̣б̣з имасмим̣ гаалз сураачан̣о наама ход̇и, гим̣ гаромаа’’д̇и махааж̇анзна вуд̇д̇о ‘‘д̇умхаагам̣ бораан̣аганияаамзнзва гарот̇аа’’д̇и ааха. мануссаа чан̣ам̣ гад̇ваа сурам̣ бивид̇ваа галахам̣ гаронд̇аа хад̇т̇абаад̣̇з бхан̃ж̇ид̇ваа сийсам̣ бхинд̣̇ид̇ваа ган̣н̣з чинд̣̇ид̇ваа б̣ахуд̣̇ан̣д̣зна б̣аж̇жхим̣су. г̇аамабхож̇аго д̇з д̣̇исваа жинд̇зси ‘‘маяи анануж̇аананд̇з имз имам̣ д̣̇угкам̣ на винд̣̇зяяу’’нд̇и. со зд̇д̇агзна гуггужжам̣ гад̇ваа ваад̇абаанам̣ ниссааяа тид̇агова вибассанам̣ вад̣дхзд̇ваа бажжзгаб̣од̇хин̃аан̣ам̣ ниб̣б̣ад̇д̇зд̇ваа ‘‘аббамад̇д̇аа хот̇аа’’д̇и аагаасз тад̇ваа д̇хаммам̣ д̣̇зсзд̇ваа нанд̣̇амуулагабаб̣бхаарамзва г̇ад̇о.
Aparopi kāsiraṭṭheyeva gāmabhojako majjavikkayaṃ vāretvā ‘‘sāmi, pubbe imasmiṃ kāle surāchaṇo nāma hoti, kiṃ karomā’’ti mahājanena vutto ‘‘tumhākaṃ porāṇakaniyāmeneva karothā’’ti āha. Manussā chaṇaṃ katvā suraṃ pivitvā kalahaṃ karontā hatthapāde bhañjitvā sīsaṃ bhinditvā kaṇṇe chinditvā bahudaṇḍena bajjhiṃsu. Gāmabhojako te disvā cintesi ‘‘mayi ananujānante ime imaṃ dukkhaṃ na vindeyyu’’nti. So ettakena kukkuccaṃ katvā vātapānaṃ nissāya ṭhitakova vipassanaṃ vaḍḍhetvā paccekabodhiñāṇaṃ nibbattetvā ‘‘appamattā hothā’’ti ākāse ṭhatvā dhammaṃ desetvā nandamūlakapabbhārameva gato.
абарабхааг̇з д̇з бан̃жа бажжзгаб̣уд̣̇д̇хаа бхигкаажаарад̇т̇ааяа б̣аараан̣асид̣̇ваарз од̇арид̇ваа сунивад̇т̇аа субааруд̇аа баасаад̣̇игзхи абхиггамаад̣̇ийхи бин̣д̣ааяа жаранд̇аа рааж̇ад̣̇ваарам̣ самбаабун̣им̣су. рааж̇аа д̇з д̣̇исваа басаннажид̇д̇о рааж̇анивзсанам̣ бавзсзд̇ваа баад̣̇з д̇ховид̇ваа г̇анд̇хад̇злзна магкзд̇ваа бан̣ийд̇зна каад̣̇анийязна бхож̇анийязна баривисид̇ваа згаманд̇ам̣ нисийд̣̇ид̇ваа ‘‘бханд̇з, д̇умхаагам̣ батамаваяз баб̣б̣аж̇ж̇аа собхад̇и, имасмим̣ ваяз баб̣б̣аж̇анд̇аа гат̇ам̣ гаамзсу аад̣̇ийнавам̣ бассид̇т̇а, гим̣ во аарамман̣ам̣ ахосий’’д̇и бужчи. д̇з д̇асса гат̇знд̇аа –
Aparabhāge te pañca paccekabuddhā bhikkhācāratthāya bārāṇasidvāre otaritvā sunivatthā supārutā pāsādikehi abhikkamādīhi piṇḍāya carantā rājadvāraṃ sampāpuṇiṃsu. Rājā te disvā pasannacitto rājanivesanaṃ pavesetvā pāde dhovitvā gandhatelena makkhetvā paṇītena khādanīyena bhojanīyena parivisitvā ekamantaṃ nisīditvā ‘‘bhante, tumhākaṃ paṭhamavaye pabbajjā sobhati, imasmiṃ vaye pabbajantā kathaṃ kāmesu ādīnavaṃ passittha, kiṃ vo ārammaṇaṃ ahosī’’ti pucchi. Te tassa kathentā –
59.
59.
‘‘мид̇д̇о мид̇д̇асса баанийяам̣, ад̣̇иннам̣ барибхун̃ж̇исам̣;
‘‘Mitto mittassa pānīyaṃ, adinnaṃ paribhuñjisaṃ;
д̇зна бажчаа виж̇иг̇ужчим̣, д̇ам̣ баабам̣ багад̇ам̣ маяаа;
Tena pacchā vijigucchiṃ, taṃ pāpaṃ pakataṃ mayā;
маа буна агарам̣ баабам̣, д̇асмаа баб̣б̣аж̇ид̇о ахам̣.
Mā puna akaraṃ pāpaṃ, tasmā pabbajito ahaṃ.
60.
60.
‘‘барад̣̇ааран̃жа д̣̇исваана, чанд̣̇о мз уд̣̇абаж̇ж̇ат̇а;
‘‘Paradārañca disvāna, chando me udapajjatha;
д̇зна бажчаа виж̇иг̇ужчим̣, д̇ам̣ баабам̣ багад̇ам̣ маяаа;
Tena pacchā vijigucchiṃ, taṃ pāpaṃ pakataṃ mayā;
маа буна агарам̣ баабам̣, д̇асмаа баб̣б̣аж̇ид̇о ахам̣.
Mā puna akaraṃ pāpaṃ, tasmā pabbajito ahaṃ.
61.
61.
‘‘бид̇арам̣ мз махаарааж̇а, жораа аг̇ан̣ху гаананз;
‘‘Pitaraṃ me mahārāja, corā agaṇhu kānane;
д̇зсаахам̣ бужчид̇о ж̇аанам̣, ан̃н̃ат̇аа нам̣ вияаагарим̣.
Tesāhaṃ pucchito jānaṃ, aññathā naṃ viyākariṃ.
62.
62.
‘‘д̇зна бажчаа виж̇иг̇ужчим̣, д̇ам̣ баабам̣ багад̇ам̣ маяаа;
‘‘Tena pacchā vijigucchiṃ, taṃ pāpaṃ pakataṃ mayā;
маа буна агарам̣ баабам̣, д̇асмаа баб̣б̣аж̇ид̇о ахам̣.
Mā puna akaraṃ pāpaṃ, tasmā pabbajito ahaṃ.
63.
63.
‘‘баан̣аад̇ибаад̇амагарум̣, сомаяааг̇з убадтид̇з;
‘‘Pāṇātipātamakaruṃ, somayāge upaṭṭhite;
д̇зсаахам̣ саманун̃н̃аасим̣.
Tesāhaṃ samanuññāsiṃ.
64.
64.
‘‘д̇зна бажчаа виж̇иг̇ужчим̣, д̇ам̣ баабам̣ багад̇ам̣ маяаа;
‘‘Tena pacchā vijigucchiṃ, taṃ pāpaṃ pakataṃ mayā;
маа буна агарам̣ баабам̣, д̇асмаа баб̣б̣аж̇ид̇о ахам̣.
Mā puna akaraṃ pāpaṃ, tasmā pabbajito ahaṃ.
65.
65.
‘‘сураамзраяамаад̇хугаа, яз ж̇анаа батамаасу но;
‘‘Surāmerayamādhukā, ye janā paṭhamāsu no;
б̣ахуунам̣ д̇з анад̇т̇ааяа, маж̇ж̇абаанамагаббаяум̣;
Bahūnaṃ te anatthāya, majjapānamakappayuṃ;
д̇зсаахам̣ саманун̃н̃аасим̣.
Tesāhaṃ samanuññāsiṃ.
66.
66.
‘‘д̇зна бажчаа виж̇иг̇ужчим̣, д̇ам̣ баабам̣ багад̇ам̣ маяаа;
‘‘Tena pacchā vijigucchiṃ, taṃ pāpaṃ pakataṃ mayā;
маа буна агарам̣ баабам̣, д̇асмаа баб̣б̣аж̇ид̇о аха’’нд̇и. –
Mā puna akaraṃ pāpaṃ, tasmā pabbajito aha’’nti. –
имаа бадибаадияаа бан̃жа г̇аат̇аа абхаасим̣су. рааж̇ааби згамзгасса б̣яаагаран̣ам̣ суд̇ваа ‘‘бханд̇з, аяам̣ баб̣б̣аж̇ж̇аа д̇умхаагам̣ язваанужчавигаа’’д̇и т̇уд̇имагааси.
Imā paṭipāṭiyā pañca gāthā abhāsiṃsu. Rājāpi ekamekassa byākaraṇaṃ sutvā ‘‘bhante, ayaṃ pabbajjā tumhākaṃ yevānucchavikā’’ti thutimakāsi.
д̇ад̇т̇а мид̇д̇о мид̇д̇ассаад̇и махаарааж̇а, ахам̣ згасса мид̇д̇о худ̇ваа д̇асса мид̇д̇асса санд̇агам̣ баанийяам̣ иминаа нияаамзнзва барибхун̃ж̇им̣. д̇асмаад̇и яасмаа бут̇уж̇ж̇анаа наама баабагаммам̣ гаронд̇и, д̇асмаа ахам̣ маа буна агарам̣ баабам̣, д̇ам̣ баабам̣ аарамман̣ам̣ гад̇ваа баб̣б̣аж̇ид̇омхи. чанд̣̇од̇и махаарааж̇а, иминаава нияаамзна мама барад̣̇аарам̣ д̣̇исваа гаамз чанд̣̇о уббаж̇ж̇и. аг̇ан̣хууд̇и аг̇ан̣хим̣су. ж̇аананд̇и д̇зсам̣ жораанам̣ ‘‘аяам̣ гим̣ д̇з ход̇ий’’д̇и бужчид̇о ж̇аананд̇оязва ‘‘на гин̃жи ход̇ий’’д̇и ан̃н̃ат̇аа б̣яаагаасим̣. сомаяааг̇зд̇и наважанд̣̇з удтид̇з сомаяааг̇ам̣ наама яагкаб̣алим̣ гарим̣су, д̇асмим̣ убадтид̇з. саманун̃н̃аасинд̇и саманун̃н̃о аасим̣. сураамзраяамаад̇хугаад̇и бидтасураад̣̇исуран̃жа бубпаасаваад̣̇имзраяан̃жа баггамад̇ху вияа мад̇хурам̣ ман̃н̃амаанаа. яз ж̇анаа батамаасу нод̇и яз но г̇аамз ж̇анаа батамам̣ зваруубаа аасум̣ ахзсум̣. б̣ахуунам̣ д̇зд̇и д̇з згад̣̇ивасам̣ згасмим̣ чан̣з бад̇д̇з б̣ахуунам̣ анад̇т̇ааяа маж̇ж̇абаанам̣ агаббаяим̣су.
Tattha mitto mittassāti mahārāja, ahaṃ ekassa mitto hutvā tassa mittassa santakaṃ pānīyaṃ iminā niyāmeneva paribhuñjiṃ. Tasmāti yasmā puthujjanā nāma pāpakammaṃ karonti, tasmā ahaṃ mā puna akaraṃ pāpaṃ, taṃ pāpaṃ ārammaṇaṃ katvā pabbajitomhi. Chandoti mahārāja, imināva niyāmena mama paradāraṃ disvā kāme chando uppajji. Agaṇhūti agaṇhiṃsu. Jānanti tesaṃ corānaṃ ‘‘ayaṃ kiṃ te hotī’’ti pucchito jānantoyeva ‘‘na kiñci hotī’’ti aññathā byākāsiṃ. Somayāgeti navacande uṭṭhite somayāgaṃ nāma yakkhabaliṃ kariṃsu, tasmiṃ upaṭṭhite. Samanuññāsinti samanuñño āsiṃ. Surāmerayamādhukāti piṭṭhasurādisurañca pupphāsavādimerayañca pakkamadhu viya madhuraṃ maññamānā. Ye janā paṭhamāsu noti ye no gāme janā paṭhamaṃ evarūpā āsuṃ ahesuṃ. Bahūnaṃ teti te ekadivasaṃ ekasmiṃ chaṇe patte bahūnaṃ anatthāya majjapānaṃ akappayiṃsu.
рааж̇аа д̇зсам̣ д̇хаммам̣ суд̇ваа басаннажид̇д̇о жийварасаадагз жа бхзсаж̇ж̇аани жа д̣̇ад̇ваа бажжзгаб̣уд̣̇д̇хз уяяож̇зси. д̇зби д̇асса анумод̣̇анам̣ гад̇ваа д̇ад̇т̇зва аг̇амам̣су. д̇ад̇о бадтааяа рааж̇аа вад̇т̇угаамзсу вирад̇д̇о анабзгко худ̇ваа наанаг̇г̇арасабхож̇анам̣ бхун̃ж̇ид̇ваа ид̇т̇ияо анаалабид̇ваа анологзд̇ваа вирад̇д̇ажид̇д̇о удтааяа сириг̇аб̣бхам̣ бависид̇ваа нисинно сзд̇абхид̇д̇ияам̣ гасин̣абаригаммам̣ гад̇ваа жхаанам̣ ниб̣б̣ад̇д̇зси. со жхаанаббад̇д̇о гаамз г̇араханд̇о –
Rājā tesaṃ dhammaṃ sutvā pasannacitto cīvarasāṭake ca bhesajjāni ca datvā paccekabuddhe uyyojesi. Tepi tassa anumodanaṃ katvā tattheva agamaṃsu. Tato paṭṭhāya rājā vatthukāmesu viratto anapekkho hutvā nānaggarasabhojanaṃ bhuñjitvā itthiyo anālapitvā anoloketvā virattacitto uṭṭhāya sirigabbhaṃ pavisitvā nisinno setabhittiyaṃ kasiṇaparikammaṃ katvā jhānaṃ nibbattesi. So jhānappatto kāme garahanto –
67.
67.
‘‘д̇хирад̇т̇у суб̣ахуу гаамз, д̣̇уг̇г̇анд̇хз б̣ахуган̣дагз;
‘‘Dhiratthu subahū kāme, duggandhe bahukaṇṭake;
яз ахам̣ бадисзванд̇о, наалабхим̣ д̇аад̣̇исам̣ сука’’нд̇и. – г̇аат̇амааха;
Ye ahaṃ paṭisevanto, nālabhiṃ tādisaṃ sukha’’nti. – gāthamāha;
д̇ад̇т̇а б̣ахуган̣дагзд̇и б̣ахуу бажжаамид̇д̇з. яз аханд̇и яо ахам̣, аяамзва ваа баато. д̇аад̣̇исанд̇и зд̇аад̣̇исам̣ гилзсарахид̇ам̣ жхаанасукам̣.
Tattha bahukaṇṭaketi bahū paccāmitte. Ye ahanti yo ahaṃ, ayameva vā pāṭho. Tādisanti etādisaṃ kilesarahitaṃ jhānasukhaṃ.
ат̇асса аг̇г̇амахзсий ‘‘аяам̣ рааж̇аа бажжзгаб̣уд̣̇д̇хаанам̣ д̇хаммагат̇ам̣ суд̇ваа угган̣тид̇аруубо ахоси, амхзхи сад̣̇д̇хим̣ агат̇зд̇ваава сириг̇аб̣бхам̣ бавидто, бариг̇г̇ан̣хиссаами д̇аава на’’нд̇и жинд̇зд̇ваа сириг̇аб̣бхад̣̇ваарз тид̇аа ран̃н̃о гаамзсу г̇араханд̇асса уд̣̇аанам̣ суд̇ваа ‘‘махаарааж̇а, д̇вам̣ гаамз г̇арахаси, гаамасукасад̣̇исам̣ наама сукам̣ над̇т̇ий’’д̇и гаамз ван̣н̣знд̇ий ид̇арам̣ г̇аат̇амааха –
Athassa aggamahesī ‘‘ayaṃ rājā paccekabuddhānaṃ dhammakathaṃ sutvā ukkaṇṭhitarūpo ahosi, amhehi saddhiṃ akathetvāva sirigabbhaṃ paviṭṭho, pariggaṇhissāmi tāva na’’nti cintetvā sirigabbhadvāre ṭhitā rañño kāmesu garahantassa udānaṃ sutvā ‘‘mahārāja, tvaṃ kāme garahasi, kāmasukhasadisaṃ nāma sukhaṃ natthī’’ti kāme vaṇṇentī itaraṃ gāthamāha –
68.
68.
‘‘махассаад̣̇аа сукаа гаамаа, над̇т̇и гаамаа барам̣ сукам̣;
‘‘Mahassādā sukhā kāmā, natthi kāmā paraṃ sukhaṃ;
яз гаамз бадисзванд̇и, саг̇г̇ам̣ д̇з убабаж̇ж̇арз’’д̇и.
Ye kāme paṭisevanti, saggaṃ te upapajjare’’ti.
д̇ад̇т̇а махассаад̣̇аад̇и махаарааж̇а, зд̇з гаамаа наама махааассаад̣̇аа, ид̇о уд̇д̇арим̣ ан̃н̃ам̣ сукам̣ над̇т̇и. гаамасзвино хи абааяз анубаг̇амма саг̇г̇з ниб̣б̣ад̇д̇анд̇ийд̇и ад̇т̇о.
Tattha mahassādāti mahārāja, ete kāmā nāma mahāassādā, ito uttariṃ aññaṃ sukhaṃ natthi. Kāmasevino hi apāye anupagamma sagge nibbattantīti attho.
д̇ам̣ суд̇ваа б̣од̇хисад̇д̇о д̇ассаа ‘‘насса васали, гим̣ гат̇зси, гаамзсу сукам̣ наама гуд̇о ад̇т̇и, вибарин̣аамад̣̇угкаа зд̇з’’д̇и г̇араханд̇о сзсаг̇аат̇аа абхааси –
Taṃ sutvā bodhisatto tassā ‘‘nassa vasali, kiṃ kathesi, kāmesu sukhaṃ nāma kuto atthi, vipariṇāmadukkhā ete’’ti garahanto sesagāthā abhāsi –
69.
69.
‘‘аббассаад̣̇аа д̣̇укаа гаамаа, над̇т̇и гаамаа барам̣ д̣̇укам̣;
‘‘Appassādā dukhā kāmā, natthi kāmā paraṃ dukhaṃ;
яз гаамз бадисзванд̇и, нираяам̣ д̇з убабаж̇ж̇арз.
Ye kāme paṭisevanti, nirayaṃ te upapajjare.
70.
70.
‘‘асий яат̇аа сунисид̇о, нзд̇д̇им̣сова субааяиго;
‘‘Asī yathā sunisito, nettiṃsova supāyiko;
сад̇д̇ийва ураси кид̇д̇аа, гаамаа д̣̇угкад̇араа д̇ад̇о.
Sattīva urasi khittā, kāmā dukkhatarā tato.
71.
71.
‘‘ан̇г̇аараанам̣ва ж̇алид̇ам̣, гаасум̣ саад̇хигаборисам̣;
‘‘Aṅgārānaṃva jalitaṃ, kāsuṃ sādhikaporisaṃ;
паалам̣ва д̣̇ивасам̣д̇ад̇д̇ам̣, гаамаа д̣̇угкад̇араа д̇ад̇о.
Phālaṃva divasaṃtattaṃ, kāmā dukkhatarā tato.
72.
72.
‘‘висам̣ яат̇аа халаахалам̣, д̇злам̣ баггут̇ид̇ам̣ яат̇аа;
‘‘Visaṃ yathā halāhalaṃ, telaṃ pakkuthitaṃ yathā;
д̇амб̣алохавилийнам̣ва, гаамаа д̣̇угкад̇араа д̇ад̇о’’д̇и.
Tambalohavilīnaṃva, kāmā dukkhatarā tato’’ti.
д̇ад̇т̇а нзд̇д̇им̣сод̇и ниггарун̣о, ид̣̇амби згасса каг̇г̇асса наамам̣. д̣̇угкад̇араад̇и звам̣ ж̇алид̇ан̇г̇аарагаасум̣ ваа д̣̇ивасам̣ д̇ад̇д̇ам̣ паалам̣ ваа бадижжа яам̣ д̣̇угкам̣ уббаж̇ж̇ад̇и, д̇ад̇оби гаамааязва д̣̇угкад̇араад̇и ад̇т̇о. ананд̇араг̇аат̇ааяа яат̇аа зд̇аани висаад̣̇ийни д̣̇угкааваханад̇о д̣̇угкаани, звам̣ гаамааби д̣̇угкаа, д̇ам̣ бана гаамад̣̇угкам̣ ид̇арзхи д̣̇угкзхи д̣̇угкад̇аранд̇и ад̇т̇о.
Tattha nettiṃsoti nikkaruṇo, idampi ekassa khaggassa nāmaṃ. Dukkhatarāti evaṃ jalitaṅgārakāsuṃ vā divasaṃ tattaṃ phālaṃ vā paṭicca yaṃ dukkhaṃ uppajjati, tatopi kāmāyeva dukkhatarāti attho. Anantaragāthāya yathā etāni visādīni dukkhāvahanato dukkhāni, evaṃ kāmāpi dukkhā, taṃ pana kāmadukkhaṃ itarehi dukkhehi dukkhataranti attho.
звам̣ махаасад̇д̇о д̣̇звияаа д̇хаммам̣ д̣̇зсзд̇ваа амажжз саннибаад̇зд̇ваа ‘‘бхонд̇о амажжаа, д̇умхз раж̇ж̇ам̣ бадибаж̇ж̇ат̇а, ахам̣ баб̣б̣аж̇иссаамий’’д̇и вад̇ваа махааж̇анасса род̣̇анд̇асса барид̣̇званд̇асса удтааяа аагаасз тад̇ваа оваад̣̇ам̣ д̣̇ад̇ваа анилабат̇знзва уд̇д̇арахимаванд̇ам̣ г̇анд̇ваа раман̣ийяз бад̣̇зсз ассамам̣ маабзд̇ваа исибаб̣б̣аж̇ж̇ам̣ баб̣б̣аж̇ид̇ваа ааяубарияосаанз б̣рахмалогабарааяан̣о ахоси.
Evaṃ mahāsatto deviyā dhammaṃ desetvā amacce sannipātetvā ‘‘bhonto amaccā, tumhe rajjaṃ paṭipajjatha, ahaṃ pabbajissāmī’’ti vatvā mahājanassa rodantassa paridevantassa uṭṭhāya ākāse ṭhatvā ovādaṃ datvā anilapatheneva uttarahimavantaṃ gantvā ramaṇīye padese assamaṃ māpetvā isipabbajjaṃ pabbajitvā āyupariyosāne brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ‘‘бхигкавз, гилзсо куд̣̇д̣̇аго наама над̇т̇и, аббамад̇д̇агоби бан̣д̣ид̇зхи ниг̇г̇ахид̇аб̣б̣оязваа’’д̇и вад̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз бан̃жасад̇аа бхигкуу арахад̇д̇з бад̇идтахим̣су. д̇ад̣̇аа бажжзгаб̣уд̣̇д̇хаа бариниб̣б̣ааяим̣су, д̣̇звий раахуламаад̇аа ахоси, рааж̇аа бана ахамзва ахосинд̇и.
Satthā imaṃ dhammadesanaṃ āharitvā ‘‘bhikkhave, kileso khuddako nāma natthi, appamattakopi paṇḍitehi niggahitabboyevā’’ti vatvā saccāni pakāsetvā jātakaṃ samodhānesi, saccapariyosāne pañcasatā bhikkhū arahatte patiṭṭhahiṃsu. Tadā paccekabuddhā parinibbāyiṃsu, devī rāhulamātā ahosi, rājā pana ahameva ahosinti.
баанийяаж̇аад̇агаван̣н̣анаа бан̃жамаа.
Pānīyajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 459. баанийяаж̇аад̇агам̣ • 459. Pānīyajātakaṃ
