| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. पण्णदायकत्थेरअपदानं
8. Paṇṇadāyakattheraapadānaṃ
२८.
28.
‘‘पब्बते हिमवन्तम्हि, वाकचीरधरो अहं।
‘‘Pabbate himavantamhi, vākacīradharo ahaṃ;
अलोणपण्णभक्खोम्हि, नियमेसु च संवुतो॥
Aloṇapaṇṇabhakkhomhi, niyamesu ca saṃvuto.
२९.
29.
‘‘पातरासे अनुप्पत्ते, सिद्धत्थो उपगच्छि मं।
‘‘Pātarāse anuppatte, siddhattho upagacchi maṃ;
ताहं बुद्धस्स पादासिं, पसन्नो सेहि पाणिभि॥
Tāhaṃ buddhassa pādāsiṃ, pasanno sehi pāṇibhi.
३०.
30.
‘‘चतुन्नवुतितो कप्पे, यं पण्णमददिं तदा।
‘‘Catunnavutito kappe, yaṃ paṇṇamadadiṃ tadā;
दुग्गतिं नाभिजानामि, पण्णदानस्सिदं फलं॥
Duggatiṃ nābhijānāmi, paṇṇadānassidaṃ phalaṃ.
३१.
31.
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
३२.
32.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पण्णदायको थेरो इमा गाथायो अभासित्थाति।
Itthaṃ sudaṃ āyasmā paṇṇadāyako thero imā gāthāyo abhāsitthāti.
पण्णदायकत्थेरस्सापदानं अट्ठमं।
Paṇṇadāyakattherassāpadānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. थोमकत्थेरअपदानादिवण्णना • 1-10. Thomakattheraapadānādivaṇṇanā
