| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
4. бан̃н̃аабарихийнасуд̇д̇аван̣н̣анаа
4. Paññāparihīnasuttavaṇṇanā
41. жад̇уд̇т̇з субарихийнаад̇и судту барихийнаа. яз арияааяа бан̃н̃ааяа барихийнаад̇и яз сад̇д̇аа бан̃жаннам̣ канд̇хаанам̣ уд̣̇аяаб̣б̣аяабадивиж̇жханзна жад̇усажжабадивиж̇жханзна жа гилзсзхи аарагаа тид̇ад̇д̇аа арияааяа барисуд̣̇д̇хааяа вибассанаабан̃н̃ааяа жа маг̇г̇абан̃н̃ааяа жа барихийнаа, д̇з логияалогуд̇д̇араахи самбад̇д̇ийхи ад̇ивияа барихийнаа махааж̇аанигаа. гз бана д̇зд̇и? яз гаммааваран̣зна саманнааг̇ад̇аа. д̇з хи мижчад̇д̇анияад̇абхаавад̇о зганд̇зна барихийнаа абарибун̣н̣аа махааж̇аанигаа. д̇знааха ‘‘д̣̇уг̇г̇ад̇и баадиган̇каа’’д̇и. вибаагааваран̣асаман̇г̇иноби барихийнаа. ат̇а ваа суггабагкз абарихийнаа наама д̇ивид̇хааваран̣авирахид̇аа саммаад̣̇идтигаа гаммассагад̇ан̃аан̣зна жа саманнааг̇ад̇аа. сзсам̣ вуд̇д̇анаяаанусаарзна взд̣̇ид̇аб̣б̣ам̣.
41. Catutthe suparihīnāti suṭṭhu parihīnā. Ye ariyāya paññāya parihīnāti ye sattā pañcannaṃ khandhānaṃ udayabbayapaṭivijjhanena catusaccapaṭivijjhanena ca kilesehi ārakā ṭhitattā ariyāya parisuddhāya vipassanāpaññāya ca maggapaññāya ca parihīnā, te lokiyalokuttarāhi sampattīhi ativiya parihīnā mahājānikā. Ke pana teti? Ye kammāvaraṇena samannāgatā. Te hi micchattaniyatabhāvato ekantena parihīnā aparipuṇṇā mahājānikā. Tenāha ‘‘duggati pāṭikaṅkhā’’ti. Vipākāvaraṇasamaṅginopi parihīnā. Atha vā sukkapakkhe aparihīnā nāma tividhāvaraṇavirahitā sammādiṭṭhikā kammassakatañāṇena ca samannāgatā. Sesaṃ vuttanayānusārena veditabbaṃ.
г̇аат̇аасу бан̃н̃ааяаад̇и ниссаггаважанам̣, вибассанаан̃аан̣ад̇о маг̇г̇ан̃аан̣ад̇о жа барихаанзнаад̇и. саамиважанам̣ ваа зд̇ам̣, яат̇аавуд̇д̇ан̃аан̣асса барихаанзнаад̇и, уббаад̣̇зд̇аб̣б̣асса ануббаад̣̇анамзва жзд̇т̇а барихаанам̣. нивидтам̣ наамаруубасминд̇и наамаруубз убаад̣̇аанагканд̇хабан̃жагз ‘‘зд̇ам̣ мамаа’’д̇иаад̣̇инаа д̇ан̣хаад̣̇идтивасзна абхинивидтам̣ аж̇жхосид̇ам̣, д̇ад̇о зва ид̣̇ам̣ сажжанд̇и ман̃н̃ад̇ийд̇и ‘‘ид̣̇амзва сажжам̣ могхаман̃н̃а’’нд̇и ман̃н̃ад̇и. ‘‘сад̣̇звагз логз’’д̇и вибхад̇д̇и барин̣аамзд̇аб̣б̣аа.
Gāthāsu paññāyāti nissakkavacanaṃ, vipassanāñāṇato maggañāṇato ca parihānenāti. Sāmivacanaṃ vā etaṃ, yathāvuttañāṇassa parihānenāti, uppādetabbassa anuppādanameva cettha parihānaṃ. Niviṭṭhaṃ nāmarūpasminti nāmarūpe upādānakkhandhapañcake ‘‘etaṃ mamā’’tiādinā taṇhādiṭṭhivasena abhiniviṭṭhaṃ ajjhositaṃ, tato eva idaṃ saccanti maññatīti ‘‘idameva saccaṃ moghamañña’’nti maññati. ‘‘Sadevake loke’’ti vibhatti pariṇāmetabbā.
звам̣ батамаг̇аат̇ааяа сам̣гилзсабагкам̣ д̣̇ассзд̇ваа ид̣̇аани яассаа ануббад̇д̇ияаа наамаруубасмим̣ ман̃н̃анаабхинивзсзхи гилзсаваддам̣ вад̇д̇ад̇и, д̇ассаа уббад̇д̇ияаа ваддасса убажчзд̣̇од̇и бан̃н̃ааяа аанубхаавам̣ багаасзнд̇о ‘‘бан̃н̃аа хи сздтаа логасми’’нд̇и г̇аат̇амааха.
Evaṃ paṭhamagāthāya saṃkilesapakkhaṃ dassetvā idāni yassā anuppattiyā nāmarūpasmiṃ maññanābhinivesehi kilesavaṭṭaṃ vattati, tassā uppattiyā vaṭṭassa upacchedoti paññāya ānubhāvaṃ pakāsento ‘‘paññā hi seṭṭhā lokasmi’’nti gāthamāha.
д̇ад̇т̇а логасминд̇и сан̇кааралогасмим̣. саммаасамб̣уд̣̇д̇хо вияа сад̇д̇зсу, сан̇каарзсу бан̃н̃аасад̣̇исо д̇хаммо над̇т̇и. бан̃н̃уд̇д̇араа хи гусалаа д̇хаммаа, бан̃н̃ааяа жа сид̣̇д̇хааяа саб̣б̣з анаваж̇ж̇ад̇хаммаа сид̣̇д̇хаа зва хонд̇и. д̇ат̇аа хи вуд̇д̇ам̣ ‘‘саммаад̣̇идтисса саммаасан̇габбо баход̇ий’’д̇иаад̣̇и (ма. ни. 3.141; сам̣. ни. 5.1). яаа банзд̇т̇а бан̃н̃аа ад̇хиббзд̇аа, саа сздтаад̇и т̇омид̇аа. яат̇аа жа саа бавад̇д̇ад̇и, д̇ам̣ д̣̇ассзд̇ум̣ ‘‘яааяам̣ ниб̣б̣зд̇хаг̇ааминий’’д̇иаад̣̇и вуд̇д̇ам̣. д̇ассад̇т̇о – яаа аяам̣ бан̃н̃аа аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ лобхагканд̇хаад̣̇им̣ ниб̣б̣иж̇жханд̇ий бад̣̇аалзнд̇ий г̇ажчад̇и бавад̇д̇ад̇ийд̇и ниб̣б̣зд̇хаг̇ааминий, яааяа жа д̇асмим̣ д̇асмим̣ бхаваяониг̇ад̇ивин̃н̃аан̣адтид̇исад̇д̇ааваасзсу сад̇д̇анигааязсу канд̇хаанам̣ батамаабхиниб̣б̣ад̇д̇исан̇каад̇ааяа ж̇аад̇ияаа д̇ам̣нимид̇д̇асса жа гаммабхавасса баригкаяам̣ барияосаанам̣ ниб̣б̣аанам̣ арахад̇д̇ан̃жа саммаа авибарийд̇ам̣ ж̇аанаад̇и сажчигарод̇и, аяам̣ сахавибассанаа маг̇г̇абан̃н̃аа сздтаа логасминд̇и.
Tattha lokasminti saṅkhāralokasmiṃ. Sammāsambuddho viya sattesu, saṅkhāresu paññāsadiso dhammo natthi. Paññuttarā hi kusalā dhammā, paññāya ca siddhāya sabbe anavajjadhammā siddhā eva honti. Tathā hi vuttaṃ ‘‘sammādiṭṭhissa sammāsaṅkappo pahotī’’tiādi (ma. ni. 3.141; saṃ. ni. 5.1). Yā panettha paññā adhippetā, sā seṭṭhāti thomitā. Yathā ca sā pavattati, taṃ dassetuṃ ‘‘yāyaṃ nibbedhagāminī’’tiādi vuttaṃ. Tassattho – yā ayaṃ paññā anibbiddhapubbaṃ apadālitapubbaṃ lobhakkhandhādiṃ nibbijjhantī padālentī gacchati pavattatīti nibbedhagāminī, yāya ca tasmiṃ tasmiṃ bhavayonigativiññāṇaṭṭhitisattāvāsesu sattanikāyesu khandhānaṃ paṭhamābhinibbattisaṅkhātāya jātiyā taṃnimittassa ca kammabhavassa parikkhayaṃ pariyosānaṃ nibbānaṃ arahattañca sammā aviparītaṃ jānāti sacchikaroti, ayaṃ sahavipassanā maggapaññā seṭṭhā lokasminti.
ид̣̇аани яат̇аавуд̇д̇абан̃н̃аанубхаавасамбаннз кийн̣аасавз абхид̇т̇аванд̇о ‘‘д̇зсам̣ д̣̇зваа мануссаа жаа’’д̇и осаанаг̇аат̇амааха. д̇ассад̇т̇о – д̇зсам̣ жад̇уусу арияасажжзсу барин̃н̃аад̣̇ийнам̣ сол̣асаннам̣ гижжаанам̣ нидтид̇ад̇д̇аа жад̇усажжасамб̣од̇хзна самб̣уд̣̇д̇хаанам̣, сад̇ивзбуллаббад̇д̇ияаа сад̇имад̇ам̣, вуд̇д̇анаязна самуг̇гхаад̇ид̇асаммохад̇д̇аа бан̃н̃аавзбуллаббад̇д̇ияаа хаасабан̃н̃аанам̣, буб̣б̣абхааг̇з ваа сийлаад̣̇ибаарибуурид̇о бадтааяа яаава ниб̣б̣аанасажчигирияааяа хаасавзд̣̇ад̇удтибаамож̇ж̇аб̣ахулад̇ааяа хаасабан̃н̃аанам̣, саб̣б̣асо баригкийн̣абхавасам̣яож̇анад̇д̇аа анд̇имасарийрад̇хаарийнам̣ кийн̣аасаваанам̣ д̣̇зваа мануссаа жа бихаяанд̇и бияаа хонд̇и, д̇аб̣бхаавам̣ ад̇хиг̇анд̇ум̣ ижчанд̇и ‘‘ахо бан̃н̃аанубхааво, ахо вад̇а маяамби зд̣̇исаа звам̣ нид̇д̇ин̣н̣асаб̣б̣ад̣̇угкаа бхавзяяаамаа’’д̇и.
Idāni yathāvuttapaññānubhāvasampanne khīṇāsave abhitthavanto ‘‘tesaṃ devā manussā cā’’ti osānagāthamāha. Tassattho – tesaṃ catūsu ariyasaccesu pariññādīnaṃ soḷasannaṃ kiccānaṃ niṭṭhitattā catusaccasambodhena sambuddhānaṃ, sativepullappattiyā satimataṃ, vuttanayena samugghātitasammohattā paññāvepullappattiyā hāsapaññānaṃ, pubbabhāge vā sīlādipāripūrito paṭṭhāya yāva nibbānasacchikiriyāya hāsavedatuṭṭhipāmojjabahulatāya hāsapaññānaṃ, sabbaso parikkhīṇabhavasaṃyojanattā antimasarīradhārīnaṃ khīṇāsavānaṃ devā manussā ca pihayanti piyā honti, tabbhāvaṃ adhigantuṃ icchanti ‘‘aho paññānubhāvo, aho vata mayampi edisā evaṃ nittiṇṇasabbadukkhā bhaveyyāmā’’ti.
жад̇уд̇т̇асуд̇д̇аван̣н̣анаа нидтид̇аа.
Catutthasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 4. бан̃н̃аабарихийнасуд̇д̇ам̣ • 4. Paññāparihīnasuttaṃ
