| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౨. పఞ్ఞాసుత్తవణ్ణనా
2. Paññāsuttavaṇṇanā
౨. దుతియే ఆదిబ్రహ్మచరియికాయాతి మగ్గబ్రహ్మచరియస్స ఆదిభూతాయ. పఞ్ఞాయాతి విపస్సనాయ. గరుట్ఠానియన్తి గారవుప్పత్తిపచ్చయభూతం గరుభావనీయం. తిబ్బన్తి బహలం. పరిపుచ్ఛతీతి అత్థపాళిఅనుసన్ధిపుబ్బాపరం పుచ్ఛతి. పరిపఞ్హతీతి పఞ్హం కరోతి, ఇదఞ్చిదఞ్చ పటిపుచ్ఛిస్సామీతి వితక్కేతి. ద్వయేనాతి దువిధేన. అనానాకథికోతి అనానత్తకథికో హోతి. అతిరచ్ఛానకథికోతి నానావిధం తిరచ్ఛానకథం న కథేతి. అరియం వా తుణ్హీభావన్తి అరియతుణ్హీభావో నామ చతుత్థజ్ఝానం, సేసకమ్మట్ఠానమనసికారోపి వట్టతి. జానం జానాతీతి జానితబ్బకం జానాతి. పస్సం పస్సతీతి పస్సితబ్బకం పస్సతి. పియత్తాయాతి పియభావత్థాయ. గరుత్తాయాతి గరుభావత్థాయ. భావనాయాతి భావనత్థాయ గుణసమ్భావనాయ వా. సామఞ్ఞాయాతి సమణధమ్మత్థాయ. ఏకీభావాయాతి నిరన్తరభావత్థాయ.
2. Dutiye ādibrahmacariyikāyāti maggabrahmacariyassa ādibhūtāya. Paññāyāti vipassanāya. Garuṭṭhāniyanti gāravuppattipaccayabhūtaṃ garubhāvanīyaṃ. Tibbanti bahalaṃ. Paripucchatīti atthapāḷianusandhipubbāparaṃ pucchati. Paripañhatīti pañhaṃ karoti, idañcidañca paṭipucchissāmīti vitakketi. Dvayenāti duvidhena. Anānākathikoti anānattakathiko hoti. Atiracchānakathikoti nānāvidhaṃ tiracchānakathaṃ na katheti. Ariyaṃ vā tuṇhībhāvanti ariyatuṇhībhāvo nāma catutthajjhānaṃ, sesakammaṭṭhānamanasikāropi vaṭṭati. Jānaṃ jānātīti jānitabbakaṃ jānāti. Passaṃ passatīti passitabbakaṃ passati. Piyattāyāti piyabhāvatthāya. Garuttāyāti garubhāvatthāya. Bhāvanāyāti bhāvanatthāya guṇasambhāvanāya vā. Sāmaññāyāti samaṇadhammatthāya. Ekībhāvāyāti nirantarabhāvatthāya.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౨. పఞ్ఞాసుత్తం • 2. Paññāsuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౨-౪. పఞ్ఞాసుత్తాదివణ్ణనా • 2-4. Paññāsuttādivaṇṇanā
