| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[102] 2. бан̣н̣игаж̇аад̇агаван̣н̣анаа
[102] 2. Paṇṇikajātakavaṇṇanā
яо д̣̇угкапудтааяа бхавзяяа д̇аан̣анд̇и ид̣̇ам̣ сад̇т̇аа ж̇зд̇аванз вихаранд̇о згам̣ бан̣н̣игам̣ убаасагам̣ аараб̣бха гат̇зси. со гира саавад̇т̇иваасий убаасаго наанаббагаараани муулабан̣н̣аад̣̇ийни жзва лааб̣угумбхан̣д̣аад̣̇ийни жа виггин̣ид̇ваа ж̇ийвигам̣ габбзд̇и. д̇ассзгаа д̇хийд̇аа абхируубаа баасаад̣̇игаа аажаарасийласамбаннаа хирод̇д̇аббасаманнааг̇ад̇аа гзвалам̣ нижжаббахасид̇амукаа. д̇ассаа самаанагулзсу ваарзяяад̇т̇ааяа ааг̇ад̇зсу со жинд̇зси ‘‘имиссаа ваарзяяам̣ вад̇д̇ад̇и, аяан̃жа нижжаббахасид̇амукаа. гумааригаад̇хаммз бана асад̇и гумааригааяа барагулам̣ г̇ад̇ааяа маад̇аабид̇уунам̣ г̇арахаа ход̇и, ‘ад̇т̇и ну ко имиссаа гумааригаад̇хаммо, над̇т̇ий’д̇и виймам̣сиссаами на’’нд̇и. со згад̣̇ивасам̣ д̇хийд̇арам̣ бажчим̣ г̇аахаабзд̇ваа бан̣н̣ад̇т̇ааяа аран̃н̃ам̣ г̇анд̇ваа виймам̣санавасзна гилзсасанниссид̇о вияа худ̇ваа рахассагат̇ам̣ гат̇зд̇ваа д̇ам̣ хад̇т̇з г̇ан̣хи. саа г̇ахид̇амад̇д̇аава род̣̇анд̇ий ганд̣̇анд̇ий ‘‘аяуд̇д̇амзд̇ам̣, д̇аад̇а, уд̣̇агад̇о аг̇г̇ибаад̇убхаавасад̣̇исам̣, маа зваруубам̣ гарот̇аа’’д̇и ааха. ‘‘амма, маяаа виймам̣санад̇т̇ааяа д̇вам̣ хад̇т̇з г̇ахид̇аа, на жа гилзсавасзна. вад̣̇зхи, ад̇т̇и д̣̇аани д̇з гумааригаад̇хаммо’’д̇и. ‘‘аама, д̇аад̇а, ад̇т̇и . маяаа хи лобхавасзна на гожи бурисо ологид̇абуб̣б̣о’’д̇и. со д̇хийд̇арам̣ ассаасзд̇ваа гхарам̣ нзд̇ваа ман̇г̇алам̣ гад̇ваа барагулам̣ бзсзд̇ваа ‘‘сад̇т̇аарам̣ ванд̣̇иссаамий’’д̇и г̇анд̇хамаалаад̣̇ихад̇т̇о ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа бууж̇зд̇ваа згаманд̇ам̣ нисийд̣̇и, ‘‘жирассамааг̇ад̇осий’’д̇и жа вуд̇д̇з д̇амад̇т̇ам̣ бхаг̇авад̇о аарожзси. сад̇т̇аа ‘‘убаасага, гумааригаа жирам̣ бадтааяа аажаарасийласамбаннаава, д̇вам̣ бана на ид̣̇аанзва звам̣ виймам̣саси, буб̣б̣зби виймам̣сиязваа’’д̇и вад̇ваа д̇зна яаажид̇о ад̇ийд̇ам̣ аахари.
Yo dukkhaphuṭṭhāya bhaveyya tāṇanti idaṃ satthā jetavane viharanto ekaṃ paṇṇikaṃ upāsakaṃ ārabbha kathesi. So kira sāvatthivāsī upāsako nānappakārāni mūlapaṇṇādīni ceva lābukumbhaṇḍādīni ca vikkiṇitvā jīvikaṃ kappeti. Tassekā dhītā abhirūpā pāsādikā ācārasīlasampannā hirottappasamannāgatā kevalaṃ niccappahasitamukhā. Tassā samānakulesu vāreyyatthāya āgatesu so cintesi ‘‘imissā vāreyyaṃ vattati, ayañca niccappahasitamukhā. Kumārikādhamme pana asati kumārikāya parakulaṃ gatāya mātāpitūnaṃ garahā hoti, ‘atthi nu kho imissā kumārikādhammo, natthī’ti vīmaṃsissāmi na’’nti. So ekadivasaṃ dhītaraṃ pacchiṃ gāhāpetvā paṇṇatthāya araññaṃ gantvā vīmaṃsanavasena kilesasannissito viya hutvā rahassakathaṃ kathetvā taṃ hatthe gaṇhi. Sā gahitamattāva rodantī kandantī ‘‘ayuttametaṃ, tāta, udakato aggipātubhāvasadisaṃ, mā evarūpaṃ karothā’’ti āha. ‘‘Amma, mayā vīmaṃsanatthāya tvaṃ hatthe gahitā, na ca kilesavasena. Vadehi, atthi dāni te kumārikādhammo’’ti. ‘‘Āma, tāta, atthi . Mayā hi lobhavasena na koci puriso olokitapubbo’’ti. So dhītaraṃ assāsetvā gharaṃ netvā maṅgalaṃ katvā parakulaṃ pesetvā ‘‘satthāraṃ vandissāmī’’ti gandhamālādihattho jetavanaṃ gantvā satthāraṃ vanditvā pūjetvā ekamantaṃ nisīdi, ‘‘cirassamāgatosī’’ti ca vutte tamatthaṃ bhagavato ārocesi. Satthā ‘‘upāsaka, kumārikā ciraṃ paṭṭhāya ācārasīlasampannāva, tvaṃ pana na idāneva evaṃ vīmaṃsasi, pubbepi vīmaṃsiyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о аран̃н̃з ругкад̣̇звад̇аа худ̇ваа ниб̣б̣ад̇д̇и. ат̇зго б̣аараан̣асияам̣ бан̣н̣игаубаасагод̇и ад̇ийд̇авад̇т̇у бажжуббаннасад̣̇исамзва. д̇зна бана саа виймам̣санад̇т̇ааяа хад̇т̇з г̇ахид̇амад̇д̇аа барид̣̇звамаанаа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto araññe rukkhadevatā hutvā nibbatti. Atheko bārāṇasiyaṃ paṇṇikaupāsakoti atītavatthu paccuppannasadisameva. Tena pana sā vīmaṃsanatthāya hatthe gahitamattā paridevamānā imaṃ gāthamāha –
102.
102.
‘‘яо д̣̇угкапудтааяа бхавзяяа д̇аан̣ам̣, со мз бид̇аа д̣̇уб̣бхи ванз гарод̇и;
‘‘Yo dukkhaphuṭṭhāya bhaveyya tāṇaṃ, so me pitā dubbhi vane karoti;
саа гасса ганд̣̇аами ванасса маж̇жхз, яо д̇ааяид̇аа со сахасам̣ гарод̇ий’’д̇и.
Sā kassa kandāmi vanassa majjhe, yo tāyitā so sahasaṃ karotī’’ti.
д̇ад̇т̇а яо д̣̇угкапудтааяа бхавзяяа д̇аан̣анд̇и гааяигажзд̇асигзхи д̣̇угкзхи пудтааяа д̇ааяид̇аа барид̇ааяид̇аа бад̇идтаа бхавзяяа. со мз бид̇аа д̣̇уб̣бхи ванз гарод̇ийд̇и со маяхам̣ д̣̇угкабарид̇ааяаго бид̇аава имасмим̣ ванз зваруубам̣ мид̇д̇ад̣̇уб̣бхи гаммам̣ гарод̇и, ад̇д̇ано ж̇аад̇ааяа д̇хийд̇ари вийд̇иггамам̣ гаад̇ум̣ ман̃н̃ад̇ийд̇и ад̇т̇о. саа гасса ганд̣̇аамийд̇и гасса род̣̇аами, го мз бад̇идтаа бхависсад̇ийд̇и д̣̇ийбзд̇и. яо д̇ааяид̇аа со сахасам̣ гарод̇ийд̇и яо маяхам̣ д̇ааяид̇аа рагкид̇аа авассаяо бхавид̇ум̣ арахад̇и, со бид̇ааязва саахасигагаммам̣ гарод̇ийд̇и ад̇т̇о.
Tattha yo dukkhaphuṭṭhāya bhaveyya tāṇanti kāyikacetasikehi dukkhehi phuṭṭhāya tāyitā paritāyitā patiṭṭhā bhaveyya. So me pitā dubbhi vane karotīti so mayhaṃ dukkhaparitāyako pitāva imasmiṃ vane evarūpaṃ mittadubbhi kammaṃ karoti, attano jātāya dhītari vītikkamaṃ kātuṃ maññatīti attho. Sā kassa kandāmīti kassa rodāmi, ko me patiṭṭhā bhavissatīti dīpeti. Yo tāyitā so sahasaṃ karotīti yo mayhaṃ tāyitā rakkhitā avassayo bhavituṃ arahati, so pitāyeva sāhasikakammaṃ karotīti attho.
ат̇а нам̣ бид̇аа ассаасзд̇ваа ‘‘амма, рагкид̇ад̇д̇аасий’’д̇и бужчи. ‘‘аама, д̇аад̇а рагкид̇о мз ад̇д̇аа’’д̇и. со д̇ам̣ гхарам̣ нзд̇ваа ман̣д̣зд̇ваа ман̇г̇алам̣ гад̇ваа барагулам̣ бзсзси.
Atha naṃ pitā assāsetvā ‘‘amma, rakkhitattāsī’’ti pucchi. ‘‘Āma, tāta rakkhito me attā’’ti. So taṃ gharaṃ netvā maṇḍetvā maṅgalaṃ katvā parakulaṃ pesesi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз убаасаго сод̇аабад̇д̇ипалз бад̇идтахи.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne upāsako sotāpattiphale patiṭṭhahi.
д̇ад̣̇аа бид̇аа зд̇арахи бид̇аава, д̇хийд̇аа жа зд̇арахи д̇хийд̇аава, д̇ам̣ гааран̣ам̣ бажжагкад̇о д̣̇идтаругкад̣̇звад̇аа бана ахамзва ахосинд̇и.
Tadā pitā etarahi pitāva, dhītā ca etarahi dhītāva, taṃ kāraṇaṃ paccakkhato diṭṭharukkhadevatā pana ahameva ahosinti.
бан̣н̣игаж̇аад̇агаван̣н̣анаа д̣̇уд̇ияаа.
Paṇṇikajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 102. бан̣н̣игаж̇аад̇агам̣ • 102. Paṇṇikajātakaṃ
