| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૬. મક્કટકવગ્ગો
6. Makkaṭakavaggo
૧. પન્થમક્કટકઙ્ગપઞ્હો
1. Panthamakkaṭakaṅgapañho
૧. ‘‘ભન્તે નાગસેન, ‘પન્થમક્કટકસ્સ એકં અઙ્ગં ગહેતબ્બ’ન્તિ યં વદેસિ, કતમં તં એકં અઙ્ગં ગહેતબ્બ’’ન્તિ? ‘‘યથા, મહારાજ, પન્થમક્કટકો પન્થે મક્કટજાલવિતાનં કત્વા યદિ તત્થ જાલકે લગ્ગતિ કિમિ વા મક્ખિકા વા પટઙ્ગો વા, તં ગહેત્વા ભક્ખયતિ, એવમેવ ખો, મહારાજ, યોગિના યોગાવચરેન છસુ દ્વારેસુ સતિપટ્ઠાનજાલવિતાનં કત્વા યદિ તત્થ કિલેસમક્ખિકા બજ્ઝન્તિ, તત્થેવ ઘાતેતબ્બા. ઇદં, મહારાજ, પન્થમક્કટકસ્સ એકં અઙ્ગં ગહેતબ્બં. ભાસિતમ્પેતં, મહારાજ, થેરેન અનુરુદ્ધેન –
1. ‘‘Bhante nāgasena, ‘panthamakkaṭakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, panthamakkaṭako panthe makkaṭajālavitānaṃ katvā yadi tattha jālake laggati kimi vā makkhikā vā paṭaṅgo vā, taṃ gahetvā bhakkhayati, evameva kho, mahārāja, yoginā yogāvacarena chasu dvāresu satipaṭṭhānajālavitānaṃ katvā yadi tattha kilesamakkhikā bajjhanti, tattheva ghātetabbā. Idaṃ, mahārāja, panthamakkaṭakassa ekaṃ aṅgaṃ gahetabbaṃ. Bhāsitampetaṃ, mahārāja, therena anuruddhena –
‘‘‘ચિત્તં નિયમે છસુ દ્વારેસુ, સતિપટ્ઠાનવરુત્તમે;
‘‘‘Cittaṃ niyame chasu dvāresu, satipaṭṭhānavaruttame;
કિલેસા તત્થ લગ્ગા ચે, હન્તબ્બા તે વિપસ્સિના’’’તિ.
Kilesā tattha laggā ce, hantabbā te vipassinā’’’ti.
પન્થમક્કટકઙ્ગપઞ્હો પઠમો.
Panthamakkaṭakaṅgapañho paṭhamo.
