| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૨. પપતિતસુત્તં
2. Papatitasuttaṃ
૨. ‘‘ચતૂહિ, ભિક્ખવે, ધમ્મેહિ અસમન્નાગતો ‘ઇમસ્મા ધમ્મવિનયા પપતિતો’તિ વુચ્ચતિ. કતમેહિ ચતૂહિ? અરિયેન, ભિક્ખવે, સીલેન અસમન્નાગતો ‘ઇમસ્મા ધમ્મવિનયા પપતિતો’તિ વુચ્ચતિ. અરિયેન, ભિક્ખવે, સમાધિના અસમન્નાગતો ‘ઇમસ્મા ધમ્મવિનયા પપતિતો’તિ વુચ્ચતિ. અરિયાય, ભિક્ખવે, પઞ્ઞાય અસમન્નાગતો ‘ઇમસ્મા ધમ્મવિનયા પપતિતો’તિ વુચ્ચતિ. અરિયાય, ભિક્ખવે, વિમુત્તિયા અસમન્નાગતો ‘ઇમસ્મા ધમ્મવિનયા પપતિતો’તિ વુચ્ચતિ. ઇમેહિ ખો, ભિક્ખવે, ચતૂહિ ધમ્મેહિ અસમન્નાગતો ‘ઇમસ્મા ધમ્મવિનયા પપતિતો’તિ વુચ્ચતિ.
2. ‘‘Catūhi, bhikkhave, dhammehi asamannāgato ‘imasmā dhammavinayā papatito’ti vuccati. Katamehi catūhi? Ariyena, bhikkhave, sīlena asamannāgato ‘imasmā dhammavinayā papatito’ti vuccati. Ariyena, bhikkhave, samādhinā asamannāgato ‘imasmā dhammavinayā papatito’ti vuccati. Ariyāya, bhikkhave, paññāya asamannāgato ‘imasmā dhammavinayā papatito’ti vuccati. Ariyāya, bhikkhave, vimuttiyā asamannāgato ‘imasmā dhammavinayā papatito’ti vuccati. Imehi kho, bhikkhave, catūhi dhammehi asamannāgato ‘imasmā dhammavinayā papatito’ti vuccati.
‘‘ચતૂહિ , ભિક્ખવે, ધમ્મેહિ સમન્નાગતો ‘ઇમસ્મા ધમ્મવિનયા અપપતિતો’તિ 1 વુચ્ચતિ. કતમેહિ ચતૂહિ? અરિયેન, ભિક્ખવે, સીલેન સમન્નાગતો ‘ઇમસ્મા ધમ્મવિનયા અપપતિતો’તિ વુચ્ચતિ. અરિયેન, ભિક્ખવે, સમાધિના સમન્નાગતો ‘ઇમસ્મા ધમ્મવિનયા અપપતિતો’તિ વુચ્ચતિ. અરિયાય, ભિક્ખવે, પઞ્ઞાય સમન્નાગતો ‘ઇમસ્મા ધમ્મવિનયા અપપતિતો’તિ વુચ્ચતિ. અરિયાય, ભિક્ખવે, વિમુત્તિયા સમન્નાગતો ‘ઇમસ્મા ધમ્મવિનયા અપપતિતો’તિ વુચ્ચતિ. ઇમેહિ ખો, ભિક્ખવે, ચતૂહિ ધમ્મેહિ સમન્નાગતો ‘ઇમસ્મા ધમ્મવિનયા અપપતિતો’તિ વુચ્ચતી’’તિ.
‘‘Catūhi , bhikkhave, dhammehi samannāgato ‘imasmā dhammavinayā apapatito’ti 2 vuccati. Katamehi catūhi? Ariyena, bhikkhave, sīlena samannāgato ‘imasmā dhammavinayā apapatito’ti vuccati. Ariyena, bhikkhave, samādhinā samannāgato ‘imasmā dhammavinayā apapatito’ti vuccati. Ariyāya, bhikkhave, paññāya samannāgato ‘imasmā dhammavinayā apapatito’ti vuccati. Ariyāya, bhikkhave, vimuttiyā samannāgato ‘imasmā dhammavinayā apapatito’ti vuccati. Imehi kho, bhikkhave, catūhi dhammehi samannāgato ‘imasmā dhammavinayā apapatito’ti vuccatī’’ti.
‘‘ચુતા પતન્તિ પતિતા, ગિદ્ધા ચ પુનરાગતા;
‘‘Cutā patanti patitā, giddhā ca punarāgatā;
કતં કિચ્ચં રતં રમ્મં, સુખેનાન્વાગતં સુખ’’ન્ત્ન્ત્તિ. દુતિયં;
Kataṃ kiccaṃ rataṃ rammaṃ, sukhenānvāgataṃ sukha’’ntntti. dutiyaṃ;
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૨. પપતિતસુત્તવણ્ણના • 2. Papatitasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૨. અનુબુદ્ધસુત્તાદિવણ્ણના • 1-2. Anubuddhasuttādivaṇṇanā
