| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
баарааж̇игаад̣̇иаабад̇д̇иван̣н̣анаа
Pārājikādiāpattivaṇṇanā
339. звам̣ виссаж̇ж̇зд̇ваад̇и самб̣анд̇хо. яад̣̇ид̣̇ам̣ аабад̇д̇ибаарааж̇игам̣ наамаад̇и яож̇анаа. аабад̇д̇ибаарааж̇иганд̇и аабад̇д̇исан̇каад̇ам̣ баарааж̇игам̣. ‘‘барааж̇аяамаабанно’’д̇и иминаа саасанад̇о буг̇г̇алам̣ барааж̇зд̇ийд̇и баарааж̇иганд̇и важанад̇т̇ам̣ д̣̇ассзд̇и. н̣яабажжаяо хзд̇угад̇вад̇т̇аваажаго, яагаарасса гагааро. жуд̇од̇и жаваго. барад̣̇д̇ход̇и вирад̣̇д̇хо. бхадтод̇и бад̇ид̇о. ниран̇гад̇од̇и сан̇гхамхаа абасаарид̇о. анийхад̇з д̇асмим̣ буг̇г̇алзд̇и д̇асмим̣ буг̇г̇алз сан̇гхамхаа нийхарид̇ваа на харид̇з, анабанийд̇зд̇и ад̇т̇о. ‘‘убосат̇абавааран̣аад̣̇ибхзд̣̇о’’д̇и иминаа сам̣ваасасаруубам̣ д̣̇ассзд̇и. б̣яан̃ж̇анз аад̣̇арамагад̇ваа ‘‘зд̇ам̣ аабад̇д̇ий’’д̇и вуд̇д̇ам̣. аяам̣ хийд̇и аяам̣ звам̣ вагкамаано. зд̇т̇аад̇и г̇аат̇ааяам̣. д̇зна д̇асмаад̇и зд̇т̇а ‘‘д̇асмаа’’д̇и бад̣̇зна ‘‘д̇знаа’’д̇и бад̣̇асса гааран̣ад̇т̇ам̣ д̣̇ассзд̇и.
339. Evaṃ vissajjetvāti sambandho. Yadidaṃ āpattipārājikaṃ nāmāti yojanā. Āpattipārājikanti āpattisaṅkhātaṃ pārājikaṃ. ‘‘Parājayamāpanno’’ti iminā sāsanato puggalaṃ parājetīti pārājikanti vacanatthaṃ dasseti. Ṇyapaccayo hetukatvatthavācako, yakārassa kakāro. Cutoti cavako. Paraddhoti viraddho. Bhaṭṭhoti patito. Niraṅkatoti saṅghamhā apasārito. Anīhate tasmiṃ puggaleti tasmiṃ puggale saṅghamhā nīharitvā na harite, anapanīteti attho. ‘‘Uposathapavāraṇādibhedo’’ti iminā saṃvāsasarūpaṃ dasseti. Byañjane ādaramakatvā ‘‘etaṃ āpattī’’ti vuttaṃ. Ayaṃ hīti ayaṃ evaṃ vakkhamāno. Etthāti gāthāyaṃ. Tena tasmāti ettha ‘‘tasmā’’ti padena ‘‘tenā’’ti padassa kāraṇatthaṃ dasseti.
зд̇т̇аад̇и д̣̇уд̇ияаг̇аат̇ааяам̣. аад̣̇имхи жзва ижчид̇аб̣б̣од̇и самб̣анд̇хо. хийд̇и сажжам̣. зд̇т̇аад̇и бариваасад̣̇аанаад̣̇ийсу жад̇уусу гаммзсу. ‘‘сан̇гхо’’д̇иаад̣̇иважанад̇т̇о д̇ибад̣̇абхиннаад̇хигаран̣аб̣аахирад̇т̇асамаасо ход̇и, жзвасад̣̇д̣̇ажасад̣̇д̣̇зхи аад̣̇исзсабад̣̇аанам̣ убхаяабад̣̇ад̇т̇абад̇хаанабхаавам̣ д̣̇ассзд̇и, ‘‘ижчид̇аб̣б̣о’’д̇и бад̣̇ам̣ гаарагаанам̣ гирияаабзгкад̇д̇аа гирияад̇т̇ааяа багкид̇д̇ам̣. ассаад̇и аабад̇д̇ияаа, иминаа ан̃н̃абад̣̇ам̣ д̣̇ассзд̇и. ижчид̇аб̣б̣ад̇т̇з абажжаяам̣ гад̇ваа д̇ад̣̇д̇хид̇анд̇иби вад̣̇анд̇и. лахуганаяо банзса. аяам̣ банзд̇т̇а г̇аруганаяо – аад̣̇и жа сзсо жа аад̣̇исзсаа, сан̇гхо аад̣̇исзсзсу ассаа ижчид̇аб̣б̣од̇и сан̇гхаад̣̇исзсод̇и.
Etthāti dutiyagāthāyaṃ. Ādimhi ceva icchitabboti sambandho. Hīti saccaṃ. Etthāti parivāsadānādīsu catūsu kammesu. ‘‘Saṅgho’’tiādivacanattho tipadabhinnādhikaraṇabāhiratthasamāso hoti, cevasaddacasaddehi ādisesapadānaṃ ubhayapadatthapadhānabhāvaṃ dasseti, ‘‘icchitabbo’’ti padaṃ kārakānaṃ kiriyāpekkhattā kiriyatthāya pakkhittaṃ. Assāti āpattiyā, iminā aññapadaṃ dasseti. Icchitabbatthe apaccayaṃ katvā taddhitantipi vadanti. Lahukanayo panesa. Ayaṃ panettha garukanayo – ādi ca seso ca ādisesā, saṅgho ādisesesu assā icchitabboti saṅghādisesoti.
анзгам̣сигад̇ам̣ бад̣̇анд̇и зд̇т̇а бад̣̇анд̇и сигкаабад̣̇ам̣. анзгам̣сзна гад̇ам̣ анзгам̣сигад̇анд̇и д̣̇ассзнд̇о ааха ‘‘яасмаа ид̣̇ам̣ сигкаабад̣̇ам̣ анзгам̣сзна гад̇а’’нд̇и. яасмаа гад̇ам̣, д̇асмаа анияад̇од̇и бавужжад̇ийд̇и яож̇анаа. д̇ад̇т̇аад̇и анияад̇з. яад̇т̇аад̇и сигкаабад̣̇з. собийд̇и сигкаабад̣̇ад̇хаммоби.
Anekaṃsikataṃpadanti ettha padanti sikkhāpadaṃ. Anekaṃsena kataṃ anekaṃsikatanti dassento āha ‘‘yasmā idaṃ sikkhāpadaṃ anekaṃsena kata’’nti. Yasmā kataṃ, tasmā aniyatoti pavuccatīti yojanā. Tatthāti aniyate. Yatthāti sikkhāpade. Sopīti sikkhāpadadhammopi.
ажжаязсууд̇и д̣̇осзсу. д̇з хи нид̣̇д̣̇осам̣ ад̇иггамма аяанд̇и г̇ажчанд̇и бавад̇д̇анд̇ийд̇и ажжаяаад̇и вужжанд̇и. д̇знаад̇и ажжаязна. т̇уулод̇и ол̣аариго. ‘‘т̇уулад̇д̇аа’’д̇и иминаа ‘‘д̇знзд̇а’’нд̇и зд̇т̇а д̇знасад̣̇д̣̇асса гааран̣ад̇т̇ам̣ д̣̇ассзд̇и. ажжаяасса т̇уулад̇д̇аад̇и самб̣анд̇хо. зд̇анд̇и аабад̇д̇ид̇хаммам̣. имааяа г̇аат̇ааяа ан̃н̃зсам̣ лахугаабад̇д̇ийнам̣ т̇ууло ажжаяо т̇уллажжаяод̇и важанад̇т̇ам̣ д̣̇ассзд̇и. д̣̇взбхаавз сад̇и сам̣яог̇абарад̇д̇аа рассо ход̇ийд̇и д̣̇адтаб̣б̣ам̣.
Accayesūti dosesu. Te hi niddosaṃ atikkamma ayanti gacchanti pavattantīti accayāti vuccanti. Tenāti accayena. Thūloti oḷāriko. ‘‘Thūlattā’’ti iminā ‘‘teneta’’nti ettha tenasaddassa kāraṇatthaṃ dasseti. Accayassa thūlattāti sambandho. Etanti āpattidhammaṃ. Imāya gāthāya aññesaṃ lahukāpattīnaṃ thūlo accayo thullaccayoti vacanatthaṃ dasseti. Dvebhāve sati saṃyogaparattā rasso hotīti daṭṭhabbaṃ.
‘‘ниссаж̇ж̇ид̇ваа д̣̇зсзд̇аб̣б̣ад̇о’’д̇и иминаа ниссаж̇ж̇анам̣ ниссаг̇г̇о, аабад̇д̇ид̣̇зсанад̇о буб̣б̣абхааг̇з гад̇д̇аб̣б̣асса винаяагаммассзд̇амад̇хиважанам̣, со зд̇ассад̇т̇ийд̇и ниссаг̇г̇ияанд̇и важанад̇т̇ам̣ д̣̇ассзд̇и.
‘‘Nissajjitvā desetabbato’’ti iminā nissajjanaṃ nissaggo, āpattidesanato pubbabhāge kattabbassa vinayakammassetamadhivacanaṃ, so etassatthīti nissaggiyanti vacanatthaṃ dasseti.
гусалад̇хаммасад̣̇д̣̇зна гусалажид̇д̇амзва г̇ахзд̇аб̣б̣анд̇и ааха ‘‘гусалад̇хаммасан̇каад̇ам̣ гусалажид̇д̇а’’нд̇и. ‘‘гусалажид̇д̇ам̣ баад̇зд̇ий’’д̇и иминаа жид̇д̇ам̣ баад̇зд̇ийд̇и баажид̇д̇ияанд̇и важанад̇т̇ам̣ д̣̇ассзд̇и. зд̇т̇а ‘‘жид̇д̇абаад̇ияа’’нд̇и вад̇д̇аб̣б̣з бад̣̇авибарияааяам̣ гад̇ваа, д̇агаарасса жа лобам̣ гад̇ваа ‘‘баажид̇д̇ияа’’нд̇и вуд̇д̇ам̣. ажинд̇зяяо хи баал̣инаяо. н̣яабажжаяо хзд̇угад̇вад̇т̇аваажаго. нану ‘‘баад̇зд̇и гусалам̣ д̇хамма’’нд̇и иминаава ‘‘баажид̇д̇ияа’’нд̇и бад̣̇асса ниб̣б̣ажанам̣ сид̣̇д̇хам̣, гасмаа бана ‘‘абараж̇жхад̇и жид̇д̇асаммоханадтаана’’нд̇и вуд̇д̇анд̇и ааха ‘‘яам̣ банаа’’д̇иаад̣̇и. яасмаа ход̇ийд̇и самб̣анд̇хо.
Kusaladhammasaddena kusalacittameva gahetabbanti āha ‘‘kusaladhammasaṅkhātaṃ kusalacitta’’nti. ‘‘Kusalacittaṃ pātetī’’ti iminā cittaṃ pātetīti pācittiyanti vacanatthaṃ dasseti. Ettha ‘‘cittapātiya’’nti vattabbe padavipariyāyaṃ katvā, takārassa ca lopaṃ katvā ‘‘pācittiya’’nti vuttaṃ. Acinteyyo hi pāḷinayo. Ṇyapaccayo hetukatvatthavācako. Nanu ‘‘pāteti kusalaṃ dhamma’’nti imināva ‘‘pācittiya’’nti padassa nibbacanaṃ siddhaṃ, kasmā pana ‘‘aparajjhati cittasammohanaṭṭhāna’’nti vuttanti āha ‘‘yaṃ panā’’tiādi. Yasmā hotīti sambandho.
баадид̣̇зсанийяаасу ниб̣б̣ажанамзва ад̣̇ассзд̇ваа гасмаа ‘‘бхигку ан̃н̃аад̇аго санд̇о’’д̇иаад̣̇и вуд̇д̇анд̇и ааха ‘‘вуд̇д̇аг̇аараяхабхаавагааран̣ад̣̇ассанад̇т̇амзваа’’д̇и. ‘‘бадид̣̇зсзд̇аб̣б̣ад̇о’’д̇и иминаа ан̃н̃аабад̇д̇ид̣̇зсанаанаяад̇о ‘‘г̇аараяха’’нд̇иаад̣̇инаа бади висум̣ вад̇ваа д̣̇зсзд̇аб̣б̣аад̇и баадид̣̇зсанийяаад̇и ниб̣б̣ажанам̣ д̣̇ассзд̇и.
Pāṭidesanīyāsu nibbacanameva adassetvā kasmā ‘‘bhikkhu aññātako santo’’tiādi vuttanti āha ‘‘vuttagārayhabhāvakāraṇadassanatthamevā’’ti. ‘‘Paṭidesetabbato’’ti iminā aññāpattidesanānayato ‘‘gārayha’’ntiādinā paṭi visuṃ vatvā desetabbāti pāṭidesanīyāti nibbacanaṃ dasseti.
д̣̇уггаданд̇и зд̇т̇а д̣̇усад̣̇д̣̇о д̣̇удтуад̇т̇о жа вируубад̇т̇о жа ход̇ийд̇и д̣̇ассзнд̇о ааха ‘‘д̣̇удту гад̇ам̣, вируубам̣ ваа гад̇а’’нд̇и. д̇анд̇и гаммам̣. д̇ам̣ банзд̇анд̇и д̣̇уггадам̣, калид̇анд̇и самб̣анд̇хо. ассаад̇и д̣̇уггадасса. д̇ассад̇т̇о звам̣ взд̣̇ид̇аб̣б̣од̇и яож̇анаа. хийд̇и вид̇т̇ааро. яам̣ баабанд̇и яож̇анаа. яад̣̇ийд̇и ат̇а. яад̣̇исад̣̇д̣̇о хи ат̇абарияааяо. ид̣̇амбийд̇и ид̣̇амби гаммам̣, баабанд̇и самб̣анд̇хо.
Dukkaṭanti ettha dusaddo duṭṭhuattho ca virūpattho ca hotīti dassento āha ‘‘duṭṭhu kataṃ, virūpaṃ vā kata’’nti. Tanti kammaṃ. Taṃ panetanti dukkaṭaṃ, khalitanti sambandho. Assāti dukkaṭassa. Tassattho evaṃ veditabboti yojanā. Hīti vitthāro. Yaṃ pāpanti yojanā. Yadīti atha. Yadisaddo hi athapariyāyo. Idampīti idampi kammaṃ, pāpanti sambandho.
‘‘лабид̇а’’нд̇и иминаа д̣̇ураабхадтанд̇и зд̇т̇а бхаасад̇хаад̇уяаа гат̇анад̇т̇ам̣ д̣̇ассзд̇и. яанд̇и важанам̣. гин̃жа бхияяод̇и д̇ад̇о ад̇ирзгам̣ гат̇зд̇аб̣б̣аважанам̣ гин̃жаад̇и ад̇т̇о. сам̣гилидтан̃жа яам̣ бад̣̇анд̇и зд̇т̇а жагааро бисад̣̇д̣̇ад̇т̇о ‘‘бад̣̇а’’нд̇и зд̇т̇а яож̇зд̇аб̣б̣о, яам̣сад̣̇д̣̇о гааран̣ад̇т̇од̇и ааха ‘‘сам̣гилидтам̣ яасмаа д̇амби бад̣̇а’’нд̇и. д̇амби бад̣̇анд̇и д̇амби важанам̣. бад̣̇асад̣̇д̣̇о хи важанаваажаго. д̇амби важанам̣ яасмаа сам̣гилидтам̣ ход̇ийд̇и яож̇анаа. гат̇ам̣ сам̣гилидтам̣ ход̇ийд̇и яож̇анаа. ‘‘яасмаа’’д̇и бад̣̇зна яам̣сад̣̇д̣̇о гааран̣ад̇т̇од̇и д̣̇ассзд̇и. нанд̇и бад̣̇ам̣. ‘‘зд̇ам̣ ид̇и вужжад̇ий’’д̇и сам̣ван̣н̣зд̇аб̣б̣абад̣̇ам̣. ‘‘д̣̇уб̣бхаасид̇анд̇и зд̇ам̣ вужжад̇ий’’д̇и сам̣ван̣н̣анаабад̣̇ам̣. зд̇анд̇и зд̇ам̣ бад̣̇ам̣, зд̇ам̣ важананд̇и ад̇т̇о.
‘‘Lapita’’nti iminā durābhaṭṭhanti ettha bhāsadhātuyā kathanatthaṃ dasseti. Yanti vacanaṃ. Kiñca bhiyyoti tato atirekaṃ kathetabbavacanaṃ kiñcāti attho. Saṃkiliṭṭhañca yaṃ padanti ettha cakāro pisaddattho ‘‘pada’’nti ettha yojetabbo, yaṃsaddo kāraṇatthoti āha ‘‘saṃkiliṭṭhaṃ yasmā tampi pada’’nti. Tampi padanti tampi vacanaṃ. Padasaddo hi vacanavācako. Tampi vacanaṃ yasmā saṃkiliṭṭhaṃ hotīti yojanā. Kathaṃ saṃkiliṭṭhaṃ hotīti yojanā. ‘‘Yasmā’’ti padena yaṃsaddo kāraṇatthoti dasseti. Nanti padaṃ. ‘‘Etaṃ iti vuccatī’’ti saṃvaṇṇetabbapadaṃ. ‘‘Dubbhāsitanti etaṃ vuccatī’’ti saṃvaṇṇanāpadaṃ. Etanti etaṃ padaṃ, etaṃ vacananti attho.
зд̇т̇аад̇и сзкияаг̇аат̇ааяа. ид̣̇анд̇и аабад̇д̇ийнам̣ ниб̣б̣ажанад̣̇ийбагам̣ важанам̣, вуд̇д̇анд̇и самб̣анд̇хо. гасса д̣̇ийбанад̇т̇ам̣ вуд̇д̇анд̇и ааха ‘‘сан̇г̇ахид̇асса ад̇т̇асса д̣̇ийбанад̇т̇а’’нд̇и.
Etthāti sekhiyagāthāya. Idanti āpattīnaṃ nibbacanadīpakaṃ vacanaṃ, vuttanti sambandho. Kassa dīpanatthaṃ vuttanti āha ‘‘saṅgahitassa atthassa dīpanattha’’nti.
д̇ад̇т̇аад̇и ‘‘чаннамад̇ивассад̇ий’’д̇иаад̣̇иважанз. г̇зханд̇и багад̇иг̇зхам̣. ид̣̇ам̣ бана г̇зханд̇и яож̇анаа. вид̇т̇аарзнд̇о ааха ‘‘муулаабад̇д̇ин̃хий’’д̇иаад̣̇и. ‘‘авивада’’нд̇и вад̇ваа д̇ассад̇т̇ам̣ д̣̇ассзд̇ум̣ вуд̇д̇ам̣ ‘‘сужчанна’’нд̇и. виваданд̇и ажчаннам̣. наад̇ивассанабхаавам̣ вид̇т̇аарзнд̇о ааха ‘‘муулаабад̇д̇ин̃хий’’д̇иаад̣̇и. виваранд̇о бхигку наабаж̇ж̇ад̇ийд̇и самб̣анд̇хо. суд̣̇д̇ханд̇зд̇и суд̣̇д̇хагодтаасз. ‘‘д̇асмаа’’д̇и жа ‘‘д̇знаа’’д̇и жа язбхуяязна ад̇т̇ад̇о згам̣, д̇асмаа вуд̇д̇ам̣ ‘‘д̇зна гааран̣знаа’’д̇и. зван̃жзд̇ам̣ виваданд̇и звам̣ зд̇ам̣ чаннам̣ жз виваданд̇и яож̇анаа.
Tatthāti ‘‘channamativassatī’’tiādivacane. Gehanti pakatigehaṃ. Idaṃ pana gehanti yojanā. Vitthārento āha ‘‘mūlāpattiñhī’’tiādi. ‘‘Avivaṭa’’nti vatvā tassatthaṃ dassetuṃ vuttaṃ ‘‘succhanna’’nti. Vivaṭanti acchannaṃ. Nātivassanabhāvaṃ vitthārento āha ‘‘mūlāpattiñhī’’tiādi. Vivaranto bhikkhu nāpajjatīti sambandho. Suddhanteti suddhakoṭṭhāse. ‘‘Tasmā’’ti ca ‘‘tenā’’ti ca yebhuyyena atthato ekaṃ, tasmā vuttaṃ ‘‘tena kāraṇenā’’ti. Evañcetaṃ vivaṭanti evaṃ etaṃ channaṃ ce vivaṭanti yojanā.
барибаад̇ияамаанаананд̇и абхибхууяамаанаанам̣. ‘‘ругкаад̣̇иг̇аханам̣ аран̃н̃а’’нд̇и иминаа бавананд̇и бад̣̇асса аран̃н̃абарияааяад̇ам̣ д̣̇ассзд̇и. г̇ад̇исад̣̇д̣̇асса бхавабхзд̣̇аад̣̇иад̇т̇ам̣ бадигкибид̇ваа бадиссаран̣ад̇т̇з ход̇ийд̇и д̣̇ассзнд̇о ааха ‘‘бадиссаран̣ам̣ ход̇ий’’д̇и. д̇анд̇и баванам̣. д̇зд̇и миг̇аа. ‘‘ассасанд̇ий’’д̇и бад̣̇зна ‘‘бассасанд̇ий’’д̇и ад̇т̇оби г̇ахзд̇аб̣б̣о авинаабхаавад̇о, аанаабаанам̣ гаронд̇ийд̇и ад̇т̇о. аагаасод̇и аж̇адаагаасо. багкийнанд̇и вихан̇г̇амаанам̣. ‘‘саб̣б̣зсам̣ сан̇кад̇ад̇хаммаана’’нд̇и иминаа д̇хаммаананд̇и зд̇т̇а сан̇кад̇ад̇хаммоязва г̇ахзд̇аб̣б̣од̇и д̣̇ассзд̇и. ‘‘винаасоваа’’д̇и иминаа вибхавасад̣̇д̣̇о винаасаваажагод̇и д̣̇ассзд̇и. д̇зсанд̇и саб̣б̣зсамби сан̇кад̇ад̇хаммаанам̣. г̇ад̇ийд̇и бад̇идтаа. гасмаа вибхаво д̇хаммаанам̣ г̇ад̇и ход̇ийд̇и ааха ‘‘на хий’’д̇иаад̣̇и. хийд̇и яасмаа. д̇зд̇и саб̣б̣зби сан̇кад̇ад̇хаммаа. винаасанд̇и вибхавам̣. сужирамбийд̇и асийд̇ивассаад̣̇игааламби. ниб̣б̣аанам̣ арахад̇о г̇ад̇ийд̇и сам̣ван̣н̣зд̇аб̣б̣абад̣̇ам̣. ‘‘кийн̣аасавассаа’’д̇и иминаа арахад̇од̇и бад̣̇асса ад̇т̇ам̣ д̣̇ассзд̇и. ‘‘анубаад̣̇исзсаниб̣б̣аанад̇хаад̇уу’’д̇и иминаа ‘‘ниб̣б̣аана’’нд̇и бад̣̇асса ид̇ха ад̇хиббзд̇аниб̣б̣аанам̣ д̣̇ассзд̇и. г̇аат̇ааяа д̇з д̇з ад̇т̇аа сам̣г̇ахзд̇ваа г̇ан̣ияанд̇и зд̇т̇аад̇и г̇аат̇аасан̇г̇ан̣игам̣.
Paripātiyamānānanti abhibhūyamānānaṃ. ‘‘Rukkhādigahanaṃ arañña’’nti iminā pavananti padassa araññapariyāyataṃ dasseti. Gatisaddassa bhavabhedādiatthaṃ paṭikkhipitvā paṭissaraṇatthe hotīti dassento āha ‘‘paṭissaraṇaṃ hotī’’ti. Tanti pavanaṃ. Teti migā. ‘‘Assasantī’’ti padena ‘‘passasantī’’ti atthopi gahetabbo avinābhāvato, ānāpānaṃ karontīti attho. Ākāsoti ajaṭākāso. Pakkhīnanti vihaṅgamānaṃ. ‘‘Sabbesaṃ saṅkhatadhammāna’’nti iminā dhammānanti ettha saṅkhatadhammoyeva gahetabboti dasseti. ‘‘Vināsovā’’ti iminā vibhavasaddo vināsavācakoti dasseti. Tesanti sabbesampi saṅkhatadhammānaṃ. Gatīti patiṭṭhā. Kasmā vibhavo dhammānaṃ gati hotīti āha ‘‘na hī’’tiādi. Hīti yasmā. Teti sabbepi saṅkhatadhammā. Vināsanti vibhavaṃ. Sucirampīti asītivassādikālampi. Nibbānaṃ arahato gatīti saṃvaṇṇetabbapadaṃ. ‘‘Khīṇāsavassā’’ti iminā arahatoti padassa atthaṃ dasseti. ‘‘Anupādisesanibbānadhātū’’ti iminā ‘‘nibbāna’’nti padassa idha adhippetanibbānaṃ dasseti. Gāthāya te te atthā saṃgahetvā gaṇiyanti etthāti gāthāsaṅgaṇikaṃ.
ид̇и батамаг̇аат̇аасан̇г̇ан̣игаван̣н̣анааяа яож̇анаа самад̇д̇аа.
Iti paṭhamagāthāsaṅgaṇikavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 5. баарааж̇игаад̣̇иаабад̇д̇и • 5. Pārājikādiāpatti
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / баарааж̇игаад̣̇иаабад̇д̇иван̣н̣анаа • Pārājikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / асаад̇хааран̣аад̣̇иван̣н̣анаа • Asādhāraṇādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баарааж̇игаад̣̇иаабад̇д̇иван̣н̣анаа • Pārājikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баарааж̇игаад̣̇иаабад̇д̇иван̣н̣анаа • Pārājikādiāpattivaṇṇanā
