| Library / Tipiṭaka / ತಿಪಿಟಕ • Tipiṭaka / ಪರಿವಾರ-ಅಟ್ಠಕಥಾ • Parivāra-aṭṭhakathā |
(೨) ಪಾರಾಜಿಕಾದಿಪಞ್ಹಾವಣ್ಣನಾ
(2) Pārājikādipañhāvaṇṇanā
೪೮೦. ಛಿದ್ದಂ ತಸ್ಮಿಂ ಘರೇ ನತ್ಥೀತಿ ಅಯಂ ಪಞ್ಹಾ ದುಸ್ಸಕುಟಿಆದೀನಿ ಸನ್ಥತಪೇಯ್ಯಾಲಞ್ಚ ಸನ್ಧಾಯ ವುತ್ತಾ।
480.Chiddaṃ tasmiṃ ghare natthīti ayaṃ pañhā dussakuṭiādīni santhatapeyyālañca sandhāya vuttā.
ತೇಲಂ ಮಧುಂ ಫಾಣಿತನ್ತಿ ಗಾಥಾ ಲಿಙ್ಗಪರಿವತ್ತಂ ಸನ್ಧಾಯ ವುತ್ತಾ।
Telaṃ madhuṃ phāṇitanti gāthā liṅgaparivattaṃ sandhāya vuttā.
ನಿಸ್ಸಗ್ಗಿಯೇನಾತಿ ಗಾಥಾ ಪರಿಣಾಮನಂ ಸನ್ಧಾಯ ವುತ್ತಾ। ಯೋ ಹಿ ಸಙ್ಘಸ್ಸ ಪರಿಣತಲಾಭತೋ ಏಕಂ ಚೀವರಂ ಅತ್ತನೋ, ಏಕಂ ಅಞ್ಞಸ್ಸಾತಿ ದ್ವೇ ಚೀವರಾನಿ ‘‘ಏಕಂ ಮಯ್ಹಂ, ಏಕಂ ತಸ್ಸ ದೇಹೀ’’ತಿ ಏಕಪಯಓಗೇನ ಪರಿಣಾಮೇತಿ, ಸೋ ನಿಸ್ಸಗ್ಗಿಯಪಾಚಿತ್ತಿಯಞ್ಚೇವ ಸುದ್ಧಿಕಪಾಚಿತ್ತಿಯಞ್ಚ ಏಕತೋ ಆಪಜ್ಜತಿ।
Nissaggiyenāti gāthā pariṇāmanaṃ sandhāya vuttā. Yo hi saṅghassa pariṇatalābhato ekaṃ cīvaraṃ attano, ekaṃ aññassāti dve cīvarāni ‘‘ekaṃ mayhaṃ, ekaṃ tassa dehī’’ti ekapayaogena pariṇāmeti, so nissaggiyapācittiyañceva suddhikapācittiyañca ekato āpajjati.
ಕಮ್ಮಞ್ಚ ತಂ ಕುಪ್ಪೇಯ್ಯ ವಗ್ಗಪಚ್ಚಯಾತಿ ಅಯಂ ಪಞ್ಹಾ ದ್ವಾದಸಯೋಜನಪಮಾಣೇಸು ಬಾರಾಣಸಿಆದೀಸು ನಗರೇಸು ಗಾಮಸೀಮಂ ಸನ್ಧಾಯ ವುತ್ತಾ।
Kammañca taṃ kuppeyya vaggapaccayāti ayaṃ pañhā dvādasayojanapamāṇesu bārāṇasiādīsu nagaresu gāmasīmaṃ sandhāya vuttā.
ಪದವೀತಿಹಾರಮತ್ತೇನಾತಿ ಗಾಥಾ ಸಞ್ಚರಿತ್ತಂ ಸನ್ಧಾಯ ವುತ್ತಾ, ಅತ್ಥೋಪಿ ಚಸ್ಸಾ ಸಞ್ಚರಿತ್ತವಣ್ಣನಾಯಮೇವ ವುತ್ತೋ।
Padavītihāramattenāti gāthā sañcarittaṃ sandhāya vuttā, atthopi cassā sañcarittavaṇṇanāyameva vutto.
ಸಬ್ಬಾನಿ ತಾನಿ ನಿಸ್ಸಗ್ಗಿಯಾನೀತಿ ಅಯಂ ಪಞ್ಹಾ ಅಞ್ಞಾತಿಕಾಯ ಭಿಕ್ಖುನಿಯಾ ಧೋವಾಪನಂ ಸನ್ಧಾಯ ವುತ್ತಾ। ಸಚೇ ಹಿ ತಿಣ್ಣಮ್ಪಿ ಚೀವರಾನಂ ಕಾಕಊಹದನಂ ವಾ ಕದ್ದಮಮಕ್ಖಿತಂ ವಾ ಕಣ್ಣಂ ಗಹೇತ್ವಾ ಭಿಕ್ಖುನೀ ಉದಕೇನ ಧೋವತಿ, ಭಿಕ್ಖುಸ್ಸ ಕಾಯಗತಾನೇವ ನಿಸ್ಸಗ್ಗಿಯಾನಿ ಹೋನ್ತಿ।
Sabbāni tāni nissaggiyānīti ayaṃ pañhā aññātikāya bhikkhuniyā dhovāpanaṃ sandhāya vuttā. Sace hi tiṇṇampi cīvarānaṃ kākaūhadanaṃ vā kaddamamakkhitaṃ vā kaṇṇaṃ gahetvā bhikkhunī udakena dhovati, bhikkhussa kāyagatāneva nissaggiyāni honti.
ಸರಣಗಮನಮ್ಪಿ ನ ತಸ್ಸ ಅತ್ಥೀತಿ ಸರಣಗಮನಉಪಸಮ್ಪದಾಪಿ ನತ್ಥಿ। ಅಯಂ ಪನ ಪಞ್ಹಾ ಮಹಾಪಜಾಪತಿಯಾ ಉಪಸಮ್ಪದಂ ಸನ್ಧಾಯ ವುತ್ತಾ।
Saraṇagamanampi na tassa atthīti saraṇagamanaupasampadāpi natthi. Ayaṃ pana pañhā mahāpajāpatiyā upasampadaṃ sandhāya vuttā.
ಹನೇಯ್ಯ ಅನರಿಯಂ ಮನ್ದೋತಿ ತಞ್ಹಿ ಇತ್ಥಿಂ ವಾ ಪುರಿಸಂ ವಾ ಅನರಿಯಂ ಹನೇಯ್ಯ। ಅಯಂ ಪಞ್ಹಾ ಲಿಙ್ಗಪರಿವತ್ತೇನ ಇತ್ಥಿಭೂತಂ ಪಿತರಂ ಪುರಿಸಭೂತಞ್ಚ ಮಾತರಂ ಸನ್ಧಾಯ ವುತ್ತಾ।
Haneyyaanariyaṃ mandoti tañhi itthiṃ vā purisaṃ vā anariyaṃ haneyya. Ayaṃ pañhā liṅgaparivattena itthibhūtaṃ pitaraṃ purisabhūtañca mātaraṃ sandhāya vuttā.
ನ ತೇನಾನನ್ತರಂ ಫುಸೇತಿ ಅಯಂ ಪಞ್ಹಾ ಮಿಗಸಿಙ್ಗತಾಪಸಸೀಹಕುಮಾರಾದೀನಂ ವಿಯ ತಿರಚ್ಛಾನಮಾತಾಪಿತರೋ ಸನ್ಧಾಯ ವುತ್ತಾ।
Na tenānantaraṃ phuseti ayaṃ pañhā migasiṅgatāpasasīhakumārādīnaṃ viya tiracchānamātāpitaro sandhāya vuttā.
ಅಚೋದಯಿತ್ವಾತಿ ಗಾಥಾ ದೂತೇನುಪಸಮ್ಪದಂ ಸನ್ಧಾಯ ವುತ್ತಾ। ಚೋದಯಿತ್ವಾತಿ ಗಾಥಾ ಪಣ್ಡಕಾದೀನಂ ಉಪಸಮ್ಪದಂ ಸನ್ಧಾಯ ವುತ್ತಾ। ಕುರುನ್ದಿಯಂ ಪನ ‘‘ಪಠಮಗಾಥಾ ಅಟ್ಠ ಅಸಮ್ಮುಖಾಕಮ್ಮಾನಿ, ದುತಿಯಾ ಅನಾಪತ್ತಿಕಸ್ಸ ಕಮ್ಮಂ ಸನ್ಧಾಯ ವುತ್ತಾ’’ತಿ ಆಗತಂ।
Acodayitvāti gāthā dūtenupasampadaṃ sandhāya vuttā. Codayitvāti gāthā paṇḍakādīnaṃ upasampadaṃ sandhāya vuttā. Kurundiyaṃ pana ‘‘paṭhamagāthā aṭṭha asammukhākammāni, dutiyā anāpattikassa kammaṃ sandhāya vuttā’’ti āgataṃ.
ಛಿನ್ದನ್ತಸ್ಸ ಆಪತ್ತೀತಿ ವನಪ್ಪತಿಂ ಛಿನ್ದನ್ತಸ್ಸ ಪಾರಾಜಿಕಂ, ತಿಣಲತಾದಿಂ ಛಿನ್ದನ್ತಸ್ಸ ಪಾಚಿತ್ತಿಯಂ, ಅಙ್ಗಜಾತಂ ಛಿನ್ದನ್ತಸ್ಸ ಥುಲ್ಲಚ್ಚಯಂ। ಛಿನ್ದನ್ತಸ್ಸ ಅನಾಪತ್ತೀತಿ ಕೇಸೇ ಚ ನಖೇ ಚ ಛಿನ್ದನ್ತಸ್ಸ ಅನಾಪತ್ತಿ। ಛಾದೇನ್ತಸ್ಸ ಆಪತ್ತೀತಿ ಅತ್ತನೋ ಆಪತ್ತಿಂ ಛಾದೇನ್ತಸ್ಸ ಅಞ್ಞೇಸಂ ವಾ ಆಪತ್ತಿಂ। ಛಾದೇನ್ತಸ್ಸ ಅನಾಪತ್ತೀತಿ ಗೇಹಾದೀನಿ ಛಾದೇನ್ತಸ್ಸ ಅನಾಪತ್ತಿ।
Chindantassa āpattīti vanappatiṃ chindantassa pārājikaṃ, tiṇalatādiṃ chindantassa pācittiyaṃ, aṅgajātaṃ chindantassa thullaccayaṃ. Chindantassa anāpattīti kese ca nakhe ca chindantassa anāpatti. Chādentassa āpattīti attano āpattiṃ chādentassa aññesaṃ vā āpattiṃ. Chādentassa anāpattīti gehādīni chādentassa anāpatti.
ಸಚ್ಚಂ ಭಣನ್ತೋತಿ ಗಾಥಾಯ ‘‘ಸಿಖರಣೀಸಿ ಉಭತೋಬ್ಯಞ್ಜನಾಸೀ’’ತಿ ಸಚ್ಚಂ ಭಣನ್ತೋ ಗರುಕಂ ಆಪಜ್ಜತಿ, ಸಮ್ಪಜಾನಮುಸಾವಾದೇ ಪನ ಮುಸಾ ಭಾಸತೋ ಲಹುಕಾಪತ್ತಿ ಹೋತಿ, ಅಭೂತಾರೋಚನೇ ಮುಸಾ ಭಣನ್ತೋ ಗರುಕಂ ಆಪಜ್ಜತಿ, ಭೂತಾರೋಚನೇ ಸಚ್ಚಂ ಭಾಸತೋ ಲಹುಕಾಪತ್ತಿ ಹೋತೀತಿ।
Saccaṃbhaṇantoti gāthāya ‘‘sikharaṇīsi ubhatobyañjanāsī’’ti saccaṃ bhaṇanto garukaṃ āpajjati, sampajānamusāvāde pana musā bhāsato lahukāpatti hoti, abhūtārocane musā bhaṇanto garukaṃ āpajjati, bhūtārocane saccaṃ bhāsato lahukāpatti hotīti.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೨. ಪಾರಾಜಿಕಾದಿಪಞ್ಹಾ • 2. Pārājikādipañhā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಪಾರಾಜಿಕಾದಿಪಞ್ಹವಣ್ಣನಾ • Pārājikādipañhavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಪಾರಾಜಿಕಾದಿಪಞ್ಹಾವಣ್ಣನಾ • Pārājikādipañhāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಪಾರಾಜಿಕಾದಿಪಞ್ಹಾವಣ್ಣನಾ • Pārājikādipañhāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / (೨) ಪಾರಾಜಿಕಾದಿಪಞ್ಹಾವಣ್ಣನಾ • (2) Pārājikādipañhāvaṇṇanā
