| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
бхигкунивибхан̇г̇о
Bhikkhunivibhaṅgo
1964. звам̣ бхигкувибхан̇г̇абаал̣ияаа, адтагат̇ааяа жа ааг̇ад̇ам̣ винижчаяасаарам̣ наад̇исан̇кзбавид̇т̇ааранаязна д̣̇ассзд̇ваа ид̣̇аани д̇ад̣̇ананд̇арааяа бхигкунивибхан̇г̇абаал̣ияаа, д̇ад̣̇адтагат̇ааяа жа ааг̇ад̇авинижчаяасаарам̣ д̣̇ассзд̇умаарабханд̇о ааха ‘‘бхигкунийна’’нд̇иаад̣̇и. д̇асмим̣ абийд̇и зд̇т̇а аби-сад̣̇д̣̇о вуд̇д̇аабзгкааяам̣. ‘‘самаасзнаа’’д̇и ид̣̇ам̣ г̇ант̇авасзна сан̇кибанам̣ санд̇хааяа вуд̇д̇ам̣. ‘‘гин̃жимад̇д̇а’’нд̇и ид̣̇ам̣ ад̇т̇авасзнаад̇и взд̣̇ид̇аб̣б̣ам̣.
1964. Evaṃ bhikkhuvibhaṅgapāḷiyā, aṭṭhakathāya ca āgataṃ vinicchayasāraṃ nātisaṅkhepavitthāranayena dassetvā idāni tadanantarāya bhikkhunivibhaṅgapāḷiyā, tadaṭṭhakathāya ca āgatavinicchayasāraṃ dassetumārabhanto āha ‘‘bhikkhunīna’’ntiādi. Tasmiṃ apīti ettha api-saddo vuttāpekkhāyaṃ. ‘‘Samāsenā’’ti idaṃ ganthavasena saṅkhipanaṃ sandhāya vuttaṃ. ‘‘Kiñcimatta’’nti idaṃ atthavasenāti veditabbaṃ.
баарааж̇игагат̇ааван̣н̣анаа
Pārājikakathāvaṇṇanā
1965. чанд̣̇асод̇и мзт̇унасзванарааг̇абадисам̣яуд̇д̇зна чанд̣̇зна. зд̇зна ‘‘чанд̣̇з бана асад̇и б̣алаггаарзна бад̇хам̣сид̇ааяа анаабад̇д̇ий’’д̇и (ган̇каа. адта. мзт̇унад̇хаммасигкаабад̣̇аван̣н̣анаа) адтагат̇аа суужид̇аа ход̇и. саа саман̣ий баарааж̇игаа наама ход̇ийд̇и бавужжад̇ийд̇и яож̇анаа.
1965.Chandasoti methunasevanarāgapaṭisaṃyuttena chandena. Etena ‘‘chande pana asati balakkārena padhaṃsitāya anāpattī’’ti (kaṅkhā. aṭṭha. methunadhammasikkhāpadavaṇṇanā) aṭṭhakathā sūcitā hoti. Sā samaṇī pārājikā nāma hotīti pavuccatīti yojanā.
1966-7. ‘‘саж̇ийвасса аби аж̇ийвассаа’’д̇и бад̣̇ажчзд̣̇о. ‘‘сант̇ад̇ам̣ ваа асант̇ад̇а’’нд̇и ид̣̇ам̣ ‘‘ан̇г̇аж̇аад̇а’’нд̇и имасса висзсанам̣. ад̇д̇ано д̇ивид̇хз маг̇г̇зд̇и ад̇д̇ано важжабассаавамукамаг̇г̇аанам̣ ан̃н̃ад̇арасмим̣ маг̇г̇з. зд̇т̇а ‘‘сант̇ад̇з ваа асант̇ад̇з ваа’’д̇и сзсо, ‘‘аллогаасз’’д̇и иминаа самб̣анд̇хо. ‘‘язбхуяяаагкааяид̇аад̣̇ига’’нд̇и бад̣̇ажчзд̣̇о. аад̣̇и-сад̣̇д̣̇зна агкааяид̇ам̣ сан̇г̇ан̣хаад̇и.
1966-7. ‘‘Sajīvassa api ajīvassā’’ti padacchedo. ‘‘Santhataṃ vā asanthata’’nti idaṃ ‘‘aṅgajāta’’nti imassa visesanaṃ. Attano tividhe maggeti attano vaccapassāvamukhamaggānaṃ aññatarasmiṃ magge. Ettha ‘‘santhate vā asanthate vā’’ti seso, ‘‘allokāse’’ti iminā sambandho. ‘‘Yebhuyyaakkhāyitādika’’nti padacchedo. Ādi-saddena akkhāyitaṃ saṅgaṇhāti.
мануссабурисаад̣̇ийнам̣ наваннам̣ саж̇ийвассаби аж̇ийвассаби яасса гассажи сант̇ад̇ам̣ ваа асант̇ад̇ам̣ ваа язбхуяяагкааяид̇аад̣̇игам̣ ан̇г̇аж̇аад̇ам̣ ад̇д̇ано сант̇ад̇з ваа асант̇ад̇з ваа д̇ивид̇хз маг̇г̇з аллогаасз д̇илапаламад̇д̇амби бавзсзнд̇ий барааж̇ид̇аад̇и яож̇анаа.
Manussapurisādīnaṃ navannaṃ sajīvassapi ajīvassapi yassa kassaci santhataṃ vā asanthataṃ vā yebhuyyakkhāyitādikaṃ aṅgajātaṃ attano santhate vā asanthate vā tividhe magge allokāse tilaphalamattampi pavesentī parājitāti yojanā.
1968. саад̇хааран̣авинижчаяанд̇и бхигкубхигкунийнам̣ саад̇хааран̣асигкаабад̣̇авинижчаяам̣.
1968.Sādhāraṇavinicchayanti bhikkhubhikkhunīnaṃ sādhāraṇasikkhāpadavinicchayaṃ.
1969-70. ад̇хагкаганд̇и зд̇т̇а агкагаанам̣ ад̇ход̇и виг̇г̇ахо. уб̣бхаж̇аан̣уман̣д̣аланд̇и ж̇аан̣уман̣д̣алаанам̣ уб̣бханд̇и виг̇г̇ахо. уб̣бха-сад̣̇д̣̇о уд̣̇д̇хам̣-сад̣̇д̣̇абарияааяо. ид̇ха ‘‘ад̇д̇ано’’д̇и сзсо. авассуд̇ассаад̇и гааяасам̣саг̇г̇арааг̇зна д̇инд̇асса. авассуд̇аад̇и зд̇т̇ааби зсзва наяо. яаад̇и вуд̇д̇ад̇д̇аа ‘‘саа’’д̇и лаб̣бхад̇и. сарийранд̇и зд̇т̇а ‘‘яам̣ гин̃жий’’д̇и сзсо. баробаггамамуулагам̣ баарааж̇игам̣ д̣̇ассзд̇умааха ‘‘д̇зна ваа пудтаа’’д̇и. зд̇т̇а ‘‘яат̇аабарижчиннз гааяз’’д̇и жа ‘‘саад̣̇иязяяаа’’д̇и жа вад̇д̇аб̣б̣ам̣.
1969-70.Adhakkhakanti ettha akkhakānaṃ adhoti viggaho. Ubbhajāṇumaṇḍalanti jāṇumaṇḍalānaṃ ubbhanti viggaho. Ubbha-saddo uddhaṃ-saddapariyāyo. Idha ‘‘attano’’ti seso. Avassutassāti kāyasaṃsaggarāgena tintassa. Avassutāti etthāpi eseva nayo. Yāti vuttattā ‘‘sā’’ti labbhati. Sarīranti ettha ‘‘yaṃ kiñcī’’ti seso. Paropakkamamūlakaṃ pārājikaṃ dassetumāha ‘‘tena vā phuṭṭhā’’ti. Ettha ‘‘yathāparicchinne kāye’’ti ca ‘‘sādiyeyyā’’ti ca vattabbaṃ.
яаа бана бхигкуний авассуд̇аа авассуд̇асса мануссабуг̇г̇аласса яам̣ гин̃жи сарийрам̣ ад̇д̇ано ад̇хагкагам̣ уб̣бхаж̇аан̣уман̣д̣алам̣ яам̣ сарийрагам̣, д̇зна сарийрагзна чубзяяа, д̇зна мануссабурисзна яат̇аабарижчиннз гааяз пудтаа саад̣̇иязяяа ваа, саа баарааж̇игаа сияаад̇и яож̇анаа.
Yā pana bhikkhunī avassutā avassutassa manussapuggalassa yaṃ kiñci sarīraṃ attano adhakkhakaṃ ubbhajāṇumaṇḍalaṃ yaṃ sarīrakaṃ, tena sarīrakena chupeyya, tena manussapurisena yathāparicchinne kāye phuṭṭhā sādiyeyya vā, sā pārājikā siyāti yojanā.
1971-2. ‘‘г̇ахид̇ам̣ уб̣бхаж̇аан̣унаа’’д̇и иминаа габбарад̇о уд̣̇д̇хам̣ баарааж̇игагкзд̇д̇амзваад̇и д̣̇ийбзд̇и. ад̇д̇ано яат̇аавуд̇д̇аббагаарзна гааязнаад̇и яож̇анаа, ад̇д̇ано ‘‘ад̇хагкага’’нд̇иаад̣̇ивуд̇д̇аббагаарзна гааязнаад̇и ад̇т̇о. д̇ат̇аа авассуд̇ааяа авассуд̇асса бурисасса гааяабадиб̣ад̣̇д̇хам̣ пусанд̇ияаа т̇уллажжаяам̣ ход̇и. ад̇д̇ано яат̇аабарижчиннагааяабадиб̣ад̣̇д̇хзна д̇ат̇аа авассуд̇ааяа авассуд̇асса бурисасса гааяам̣ пусанд̇ияаа т̇уллажжаяам̣ ход̇и.
1971-2.‘‘Gahitaṃ ubbhajāṇunā’’ti iminā kapparato uddhaṃ pārājikakkhettamevāti dīpeti. Attano yathāvuttappakārena kāyenāti yojanā, attano ‘‘adhakkhaka’’ntiādivuttappakārena kāyenāti attho. Tathā avassutāya avassutassa purisassa kāyapaṭibaddhaṃ phusantiyā thullaccayaṃ hoti. Attano yathāparicchinnakāyapaṭibaddhena tathā avassutāya avassutassa purisassa kāyaṃ phusantiyā thullaccayaṃ hoti.
1973. ад̇д̇ано авасзсзна гааязна авассуд̇ааяа авассуд̇асса бурисабуг̇г̇аласса гааяам̣ пусанд̇ияаа т̇уллажжаяам̣ ход̇и. звам̣ ад̇д̇ано баяог̇з жа бурисасса баяог̇з жа д̇ассаа бхигкунияааязва т̇уллажжаяам̣ ход̇ийд̇и яож̇анаа.
1973. Attano avasesena kāyena avassutāya avassutassa purisapuggalassa kāyaṃ phusantiyā thullaccayaṃ hoti. Evaṃ attano payoge ca purisassa payoge ca tassā bhikkhuniyāyeva thullaccayaṃ hotīti yojanā.
1974. яагкабзд̇ад̇иражчаанабан̣д̣агаанам̣ гааяам̣ ‘‘ад̇хагкагам̣ уб̣бхаж̇аан̣уман̣д̣ала’’нд̇и яат̇аабарижчиннам̣ д̇ат̇зва ад̇д̇ано гааязна убхад̇оавассавз сад̇и пусанд̇ияаа ассаа бхигкунияаа т̇уллажжаяам̣, д̇ат̇зва яагкаад̣̇ийнам̣ баяог̇зби д̇ассааязва т̇уллажжаяам̣ ход̇ийд̇и яож̇анаа.
1974. Yakkhapetatiracchānapaṇḍakānaṃ kāyaṃ ‘‘adhakkhakaṃ ubbhajāṇumaṇḍala’’nti yathāparicchinnaṃ tatheva attano kāyena ubhatoavassave sati phusantiyā assā bhikkhuniyā thullaccayaṃ, tatheva yakkhādīnaṃ payogepi tassāyeva thullaccayaṃ hotīti yojanā.
1975. згад̇овассавз жаабийд̇и бхигкунияаа васзна згад̇оавассавз жааби. т̇уллажжаяамуд̣̇ийрид̇анд̇и баарааж̇игагкзд̇д̇абхууд̇зна ад̇д̇ано гааязна мануссабурисасса гааяам̣ пусанд̇ияаа т̇уллажжаяам̣ адтагат̇ааяам̣ (баажи. адта. 662) вуд̇д̇анд̇и ад̇т̇о. авасзсз жа саб̣б̣ад̇т̇аад̇и яат̇аавуд̇д̇абаарааж̇игагкзд̇д̇ад̇о авасзсз т̇уллажжаяагкзд̇д̇з саб̣б̣ад̇т̇а згад̇оавассавз сад̇и д̣̇уггадам̣ ход̇ийд̇и ад̇т̇о. гааяабадиб̣ад̣̇д̇хзна гааяабадиб̣ад̣̇д̇хаамасанаад̣̇ийсу саб̣б̣ад̇т̇а убхад̇оавассавз ваа згад̇оавассавз ваа д̣̇уггадамзва ход̇и.
1975.Ekatovassave cāpīti bhikkhuniyā vasena ekatoavassave cāpi. Thullaccayamudīritanti pārājikakkhettabhūtena attano kāyena manussapurisassa kāyaṃ phusantiyā thullaccayaṃ aṭṭhakathāyaṃ (pāci. aṭṭha. 662) vuttanti attho. Avasese ca sabbatthāti yathāvuttapārājikakkhettato avasese thullaccayakkhette sabbattha ekatoavassave sati dukkaṭaṃ hotīti attho. Kāyapaṭibaddhena kāyapaṭibaddhāmasanādīsu sabbattha ubhatoavassave vā ekatoavassave vā dukkaṭameva hoti.
1976. ‘‘уб̣бхагкагамад̇хож̇аан̣уман̣д̣ала’’нд̇и яам̣ абаарааж̇игагкзд̇д̇ам̣ ид̇ха д̣̇ассид̇ам̣, зд̇т̇а згад̇оавассавз д̣̇уггадам̣ ход̇и. габбарасса жа хздтааби зд̇т̇зва ад̇хож̇аан̣уман̣д̣алз сан̇г̇ахам̣ г̇ад̇анд̇и яож̇анаа.
1976.‘‘Ubbhakkhakamadhojāṇumaṇḍala’’nti yaṃ apārājikakkhettaṃ idha dassitaṃ, ettha ekatoavassave dukkaṭaṃ hoti. Kapparassa ca heṭṭhāpi ettheva adhojāṇumaṇḍale saṅgahaṃ gatanti yojanā.
1977-9. бхигку бхигкунияаа сад̣̇д̇хим̣ сажз гааяасам̣саг̇г̇ам̣ гзлааяад̇и сзвад̇ийд̇и яож̇анаа. бхигкунияаа наасо сияаад̇и сийлавинаасо баарааж̇игаабад̇д̇и сияаад̇и ад̇т̇о. г̇зхабзманд̇и зд̇т̇а ‘‘г̇зхасид̇абзма’’нд̇и вад̇д̇аб̣б̣з г̇аат̇ааб̣анд̇хавасзна сид̇а-сад̣̇д̣̇алобо, ад̇т̇о банасса бхигкувибхан̇г̇з вуд̇д̇анаяова.
1977-9. Bhikkhu bhikkhuniyā saddhiṃ sace kāyasaṃsaggaṃ kelāyati sevatīti yojanā. Bhikkhuniyā nāso siyāti sīlavināso pārājikāpatti siyāti attho. Gehapemanti ettha ‘‘gehasitapema’’nti vattabbe gāthābandhavasena sita-saddalopo, attho panassa bhikkhuvibhaṅge vuttanayova.
1980. ависзсзнаад̇и ‘‘бхигкунияаа’’д̇и ваа ‘‘бхигкуссаа’’д̇и ваа висзсам̣ агад̇ваа.
1980.Avisesenāti ‘‘bhikkhuniyā’’ti vā ‘‘bhikkhussā’’ti vā visesaṃ akatvā.
1981. яассаад̇и бхигкусса ваа бхигкунияаа ваа. яад̇т̇аад̇и бхигкунияам̣ ваа бхигкусмим̣ ваа. маносуд̣̇д̇ханд̇и гааяасам̣саг̇г̇аад̣̇ирааг̇арахид̇ам̣. д̇асса бхигкусса ваа бхигкунияаа ваа д̇ад̇т̇а бхигкунияам̣ ваа бхигкусмим̣ ваа висаяз над̣̇осад̇аа анаабад̇д̇ийд̇и ад̇т̇о.
1981.Yassāti bhikkhussa vā bhikkhuniyā vā. Yatthāti bhikkhuniyaṃ vā bhikkhusmiṃ vā. Manosuddhanti kāyasaṃsaggādirāgarahitaṃ. Tassa bhikkhussa vā bhikkhuniyā vā tattha bhikkhuniyaṃ vā bhikkhusmiṃ vā visaye nadosatā anāpattīti attho.
1982. бхинд̣̇ид̇ваад̇и сийлабхзд̣̇ам̣ гад̇ваа. бхигкунияаа абагад̇ад̇д̇аа ааха ‘‘нзва ход̇и бхигкунид̣̇уусаго’’д̇и.
1982.Bhinditvāti sīlabhedaṃ katvā. Bhikkhuniyā apakatattā āha ‘‘neva hoti bhikkhunidūsako’’ti.
1983. ат̇аад̇и ваагяаарамбхз. на ход̇аабад̇д̇и бхигкунод̇и зд̇т̇а бхигкунийхи гааяасам̣саг̇г̇асан̇гхаад̣̇исзсамааха.
1983.Athāti vākyārambhe. Na hotāpatti bhikkhunoti ettha bhikkhunīhi kāyasaṃsaggasaṅghādisesamāha.
1984. ‘‘кзд̇д̇з’’д̇и вагкамаанам̣ ‘‘пудтаа’’д̇и иминаа яож̇зд̇ваа ‘‘баарааж̇ига’’нд̇иаад̣̇ийхи, ‘‘т̇уллажжаяам̣ кзд̇д̇з’’д̇иаад̣̇ийхи жа самб̣анд̇хид̇аб̣б̣ам̣. ‘‘баарааж̇ига’’нд̇и вагкамаанад̇д̇аа пудтаад̇и зд̇т̇а ‘‘баарааж̇игагкзд̇д̇з’’д̇и сзсо.
1984. ‘‘Khette’’ti vakkhamānaṃ ‘‘phuṭṭhā’’ti iminā yojetvā ‘‘pārājika’’ntiādīhi, ‘‘thullaccayaṃ khette’’tiādīhi ca sambandhitabbaṃ. ‘‘Pārājika’’nti vakkhamānattā phuṭṭhāti ettha ‘‘pārājikakkhette’’ti seso.
1985. д̇ат̇аад̇и нижжалааби саад̣̇ияад̇и. кзд̇д̇зд̇и т̇уллажжаяаад̣̇ийнам̣ кзд̇д̇з. гааязна нижжалааяаби жид̇д̇зна саад̣̇ияанд̇ияаа аабад̇д̇и гасмаа вуд̇д̇аад̇и ааха ‘‘вуд̇д̇ад̇д̇аа…бз… сад̇т̇унаа’’д̇и , бхигкубаад̇имогкз вияа ‘‘гааяасам̣саг̇г̇ам̣ самаабаж̇ж̇зяяаа’’д̇и авад̇ваа ид̇ха ‘‘гааяасам̣саг̇г̇ам̣ саад̣̇иязяяаа’’д̇и вуд̇д̇ад̇д̇аад̇и ад̇хиббааяо.
1985.Tathāti niccalāpi sādiyati. Khetteti thullaccayādīnaṃ khette. Kāyena niccalāyapi cittena sādiyantiyā āpatti kasmā vuttāti āha ‘‘vuttattā…pe… satthunā’’ti , bhikkhupātimokkhe viya ‘‘kāyasaṃsaggaṃ samāpajjeyyā’’ti avatvā idha ‘‘kāyasaṃsaggaṃ sādiyeyyā’’ti vuttattāti adhippāyo.
1986. д̇ассаа аабад̇д̇ияаа. грияасамудтаананд̇и гирияааяа самудтаанам̣. звам̣ сад̇ийд̇и саад̣̇ияанамад̇д̇знзва аабаж̇ж̇ид̇аб̣б̣абхаавз сад̇и. ид̣̇анд̇и ‘‘гирияасамудтаана’’мид̇ивид̇хаанам̣. д̇аб̣б̣ахулзнзва наязнаад̇и гирияасамудтаанаб̣аахуллзна наязна кад̣̇ираванаад̣̇ивохааро вияаад̇и д̣̇адтаб̣б̣ам̣.
1986.Tassā āpattiyā. Kriyasamuṭṭhānanti kiriyāya samuṭṭhānaṃ. Evaṃ satīti sādiyanamatteneva āpajjitabbabhāve sati. Idanti ‘‘kiriyasamuṭṭhāna’’mitividhānaṃ. Tabbahuleneva nayenāti kiriyasamuṭṭhānabāhullena nayena khadiravanādivohāro viyāti daṭṭhabbaṃ.
1987. д̇ассаа бхигкунияаа асан̃жижжа вираж̇жхид̇ваа аамасанд̇ияаа анаабад̇д̇и, ‘‘аяам̣ бурисо’’д̇и ваа ‘‘ид̇т̇ий’’д̇и ваа аж̇аанид̇ваа аамасанд̇ияаа анаабад̇д̇и, бурисасса аамасанз сад̇и пассам̣ асаад̣̇ияанд̇ияаа ваа анаабад̇д̇ийд̇и яож̇анаа.
1987.Tassā bhikkhuniyā asañcicca virajjhitvā āmasantiyā anāpatti, ‘‘ayaṃ puriso’’ti vā ‘‘itthī’’ti vā ajānitvā āmasantiyā anāpatti, purisassa āmasane sati phassaṃ asādiyantiyā vā anāpattīti yojanā.
1988. кид̇д̇ажид̇д̇ааяаад̇и яагкуммад̇д̇ааяа. уммад̇д̇игааяа ваад̇и бид̇д̇агобзна уммаад̣̇аббад̇д̇ааяа. ид̣̇ан̃жа ‘‘асужий’’д̇и ваа ‘‘жанд̣̇ана’’нд̇и ваа висзсад̇ам̣ аж̇аананамзва бамаан̣ам̣.
1988.Khittacittāyāti yakkhummattāya. Ummattikāya vāti pittakopena ummādappattāya. Idañca ‘‘asucī’’ti vā ‘‘candana’’nti vā visesataṃ ajānanameva pamāṇaṃ.
уб̣бхаж̇аан̣уман̣д̣алагат̇ааван̣н̣анаа.
Ubbhajāṇumaṇḍalakathāvaṇṇanā.
1989-90. ‘‘баарааж̇игад̇д̇ам̣ ж̇аананд̇ий’’д̇и иминаа авасзсаабад̇д̇им̣ ж̇аанид̇ваа чаад̣̇знд̇ияаа баарааж̇игаабхаавам̣ д̣̇ийбзд̇и. салин̇г̇з д̇у тид̇ааяаад̇и баб̣б̣аж̇ж̇аалин̇г̇зязва тид̇ааяа. ид̇и д̇хурз нигкид̇д̇амад̇д̇асминд̇и яож̇анаа. ид̇и-сад̣̇д̣̇о нид̣̇ассанз. ид̇арааяа буб̣б̣зязва аабаннад̇д̇аа д̇амабзгкид̇ваа ‘‘саа жаа’’д̇и ааха.
1989-90.‘‘Pārājikattaṃ jānantī’’ti iminā avasesāpattiṃ jānitvā chādentiyā pārājikābhāvaṃ dīpeti. Saliṅge tu ṭhitāyāti pabbajjāliṅgeyeva ṭhitāya. Iti dhure nikkhittamattasminti yojanā. Iti-saddo nidassane. Itarāya pubbeyeva āpannattā tamapekkhitvā ‘‘sā cā’’ti āha.
1991. вуд̇д̇аависидтам̣ саб̣б̣ам̣ винижчаяам̣ сан̇г̇ахзд̇умааха ‘‘сзса’’нд̇иаад̣̇и. д̇ад̇т̇аад̇и д̣̇удтуллабадижчаад̣̇анз.
1991. Vuttāvisiṭṭhaṃ sabbaṃ vinicchayaṃ saṅgahetumāha ‘‘sesa’’ntiādi. Tatthāti duṭṭhullapaṭicchādane.
важ̇ж̇абадижчаад̣̇игат̇ааван̣н̣анаа.
Vajjapaṭicchādikathāvaṇṇanā.
1992-5. сан̇гхзнаад̇и самаг̇г̇зна сан̇гхзна. угкид̇д̇агод̇и аабад̇д̇ияаа ад̣̇ассанаад̣̇ийсу угкид̇д̇аго. ‘‘угкзбанз тид̇о’’д̇и иминаа угкзбанийяагаммагад̇асса аносаарид̇абхаавам̣ д̣̇ийбзд̇и. яаа д̣̇идти зд̇ассаад̇и яам̣д̣̇идтиго, со угкид̇д̇аго бхигку яааяа д̣̇идтияаа саманнааг̇ад̇о ход̇ийд̇и ад̇хиббааяо . ‘‘д̇ассаа д̣̇идтияаа г̇ахан̣знаа’’д̇и иминаа анувад̇д̇аббагааро д̣̇ассид̇о. д̇ам̣ угкид̇д̇агам̣ бхигкунд̇и яож̇анаа. саа бхигкуний ан̃н̃аахи бхигкунийхи висумбижа сан̇гхамаж̇жхзби ‘‘зсо ко аяяз бхигку самаг̇г̇зна сан̇гхзна угкид̇д̇о’’д̇иаад̣̇инаа (баажи. 669) наязна д̇игкад̇д̇ум̣ вужжамаанаад̇и яож̇анаа. д̇ам̣ вад̇т̇ум̣ ажаж̇анд̇ий г̇ахзд̇ваа яад̣̇и д̇ат̇зва д̇идтад̇ийд̇и яож̇анаа. зд̇т̇а ‘‘яаавад̇ад̇ияам̣ саманубхаасид̇аб̣б̣аа’’д̇и сзсо. д̇асса гаммасса осаанзд̇и д̇ад̇ияааяа гаммаваажааяа яяагаараббад̇д̇авасзна асса саманубхаасанагаммасса барияосаанз. асаагияад̇хийд̇араад̇и асаагияад̇хийд̇аа, бажжад̇д̇з гаран̣аважанам̣. ‘‘буна аббадисанд̇хзяаа’’д̇и иминаа буна д̇знзва жа ад̇д̇абхаавзна бхигкунибхаавз бадисанд̇хаад̇ум̣ анарахад̇аа вуд̇д̇аа.
1992-5.Saṅghenāti samaggena saṅghena. Ukkhittakoti āpattiyā adassanādīsu ukkhittako. ‘‘Ukkhepane ṭhito’’ti iminā ukkhepanīyakammakatassa anosāritabhāvaṃ dīpeti. Yā diṭṭhi etassāti yaṃdiṭṭhiko, so ukkhittako bhikkhu yāya diṭṭhiyā samannāgato hotīti adhippāyo . ‘‘Tassā diṭṭhiyā gahaṇenā’’ti iminā anuvattappakāro dassito. Taṃ ukkhittakaṃ bhikkhunti yojanā. Sā bhikkhunī aññāhi bhikkhunīhi visumpica saṅghamajjhepi ‘‘eso kho ayye bhikkhu samaggena saṅghena ukkhitto’’tiādinā (pāci. 669) nayena tikkhattuṃ vuccamānāti yojanā. Taṃ vatthuṃ acajantī gahetvā yadi tatheva tiṭṭhatīti yojanā. Ettha ‘‘yāvatatiyaṃ samanubhāsitabbā’’ti seso. Tassa kammassa osāneti tatiyāya kammavācāya yyakārappattavasena assa samanubhāsanakammassa pariyosāne. Asākiyadhītarāti asākiyadhītā, paccatte karaṇavacanaṃ. ‘‘Puna appaṭisandheyā’’ti iminā puna teneva ca attabhāvena bhikkhunibhāve paṭisandhātuṃ anarahatā vuttā.
1996. д̇игад̣̇уггадам̣ нид̣̇д̣̇идтанд̇и ад̇хаммагаммз ад̇хаммагаммасан̃н̃аа, взмад̇игаа, д̇хаммагаммасан̃н̃аад̇и зд̇аасам̣ васзна д̇игад̣̇уггадам̣ вуд̇д̇ам̣. саманубхаасанз вуд̇д̇аа самудтаанаад̣̇аяо саб̣б̣з ид̇ха вад̇д̇аб̣б̣аад̇и яож̇анаа.
1996.Tikadukkaṭaṃ niddiṭṭhanti adhammakamme adhammakammasaññā, vematikā, dhammakammasaññāti etāsaṃ vasena tikadukkaṭaṃ vuttaṃ. Samanubhāsane vuttā samuṭṭhānādayo sabbe idha vattabbāti yojanā.
угкид̇д̇аанувад̇д̇игагат̇ааван̣н̣анаа.
Ukkhittānuvattikakathāvaṇṇanā.
1997. ‘‘хад̇т̇аг̇г̇ахан̣ам̣ ваа саад̣̇иязяяаад̇и хад̇т̇о наама габбарам̣ убаад̣̇ааяа яаава аг̇г̇анакаа. зд̇асса асад̣̇д̇хаммасса бадисзванад̇т̇ааяа уб̣бхагкагам̣ ад̇хож̇аан̣уман̣д̣алам̣ г̇ахан̣ам̣ саад̣̇ияад̇и, аабад̇д̇и т̇уллажжаяассаа’’д̇и (баажи. 676) вуд̇д̇ад̇д̇аа ааха ‘‘абаарааж̇игакзд̇д̇ассаа’’д̇иаад̣̇и. ‘‘д̇а’’нд̇и вагкамаанад̇д̇аа ‘‘яа’’нд̇и лаб̣бхад̇и. абаарааж̇игагкзд̇д̇асса яасса гассажи ан̇г̇асса яам̣ г̇ахан̣ам̣, д̇ам̣ хад̇т̇аг̇г̇ахан̣анд̇и бавужжад̇ийд̇и яож̇анаа. хад̇т̇з г̇ахан̣ам̣ хад̇т̇аг̇г̇ахан̣ам̣.
1997. ‘‘Hatthaggahaṇaṃ vā sādiyeyyāti hattho nāma kapparaṃ upādāya yāva agganakhā. Etassa asaddhammassa paṭisevanatthāya ubbhakkhakaṃ adhojāṇumaṇḍalaṃ gahaṇaṃ sādiyati, āpatti thullaccayassā’’ti (pāci. 676) vuttattā āha ‘‘apārājikakhettassā’’tiādi. ‘‘Ta’’nti vakkhamānattā ‘‘ya’’nti labbhati. Apārājikakkhettassa yassa kassaci aṅgassa yaṃ gahaṇaṃ, taṃ hatthaggahaṇanti pavuccatīti yojanā. Hatthe gahaṇaṃ hatthaggahaṇaṃ.
1998. яасса гассажийд̇и вуд̇д̇аббагаарзна яасса гассажи жийварасса яам̣ г̇ахан̣анд̇и яож̇анаа.
1998.Yassa kassacīti vuttappakārena yassa kassaci cīvarassa yaṃ gahaṇanti yojanā.
1999. асад̣̇д̇хамма-сад̣̇д̣̇зна мзт̇унассааби вужжамаанад̇д̇аа д̇ад̇о висзсзд̇умааха ‘‘гааяасам̣саг̇г̇а …бз… гааран̣аа’’д̇и. бхигкуний гааяасам̣саг̇г̇асан̇каад̇асса асад̣̇д̇хаммасса гааран̣аа бурисасса хад̇т̇абаасасмим̣ д̇идтзяяа ваад̇и яож̇анаа.
1999. Asaddhamma-saddena methunassāpi vuccamānattā tato visesetumāha ‘‘kāyasaṃsagga…pe… kāraṇā’’ti. Bhikkhunī kāyasaṃsaggasaṅkhātassa asaddhammassa kāraṇā purisassa hatthapāsasmiṃ tiṭṭheyya vāti yojanā.
2000. д̇ад̇од̇и д̇асса асад̣̇д̇хаммасса гааран̣аа. д̇ад̇т̇аад̇и хад̇т̇абаасз. бурисзнаад̇и зд̇т̇а ‘‘гад̇а’’нд̇и сзсо, ‘‘сан̇гзд̇а’’нд̇и иминаа самб̣анд̇хо. ‘‘ааг̇аманам̣ ассаа’’д̇и бад̣̇ажчзд̣̇о. ижчзяяаад̇и вуд̇д̇зби на г̇аманижчаамад̇д̇зна, ат̇а ко бхигкунияаа бурисасса хад̇т̇абаасам̣, бурисзна жа бхигкунияаа хад̇т̇абаасам̣ огганд̇агаалзязва вад̇т̇убууран̣ам̣ д̣̇адтаб̣б̣ам̣. яат̇ааха ‘‘сан̇гзд̇ам̣ ваа г̇ажчзяяаад̇и зд̇асса асад̣̇д̇хаммасса бадисзванад̇т̇ааяа бурисзна ‘ид̇т̇аннаамам̣ ааг̇ажчаа’д̇и вуд̇д̇аа г̇ажчад̇и, бад̣̇з бад̣̇з аабад̇д̇и д̣̇уггадасса. бурисасса хад̇т̇абаасам̣ огганд̇амад̇д̇з аабад̇д̇и т̇уллажжаяассаа’’д̇и (баажи. 676) жа ‘‘бурисасса аб̣бхааг̇аманам̣ саад̣̇ияад̇и, аабад̇д̇и д̣̇уггадасса. хад̇т̇абаасам̣ огганд̇амад̇д̇з аабад̇д̇и т̇уллажжаяассаа’’д̇и (баажи. 676) жа. зд̇т̇а жа ид̇т̇аннаамам̣ ааг̇ажчаад̇и ид̇т̇аннаамам̣ таанам̣ ааг̇ажчаад̇и ад̇т̇о.
2000.Tatoti tassa asaddhammassa kāraṇā. Tatthāti hatthapāse. Purisenāti ettha ‘‘kata’’nti seso, ‘‘saṅketa’’nti iminā sambandho. ‘‘Āgamanaṃ assā’’ti padacchedo. Iccheyyāti vuttepi na gamanicchāmattena, atha kho bhikkhuniyā purisassa hatthapāsaṃ, purisena ca bhikkhuniyā hatthapāsaṃ okkantakāleyeva vatthupūraṇaṃ daṭṭhabbaṃ. Yathāha ‘‘saṅketaṃ vā gaccheyyāti etassa asaddhammassa paṭisevanatthāya purisena ‘itthannāmaṃ āgacchā’ti vuttā gacchati, pade pade āpatti dukkaṭassa. Purisassa hatthapāsaṃ okkantamatte āpatti thullaccayassā’’ti (pāci. 676) ca ‘‘purisassa abbhāgamanaṃ sādiyati, āpatti dukkaṭassa. Hatthapāsaṃ okkantamatte āpatti thullaccayassā’’ti (pāci. 676) ca. Ettha ca itthannāmaṃ āgacchāti itthannāmaṃ ṭhānaṃ āgacchāti attho.
2001. д̇ад̣̇ад̇т̇ааяаад̇и д̇ассзва гааяасам̣саг̇г̇асан̇каад̇аасад̣̇д̇хаммасса сзванад̇т̇ааяа. бадижчаннадтаанан̃жаад̇и вад̇т̇аад̣̇инаа язна гзнажи бадижчаннаогаасам̣. бурисасса хад̇т̇абаасз тид̇аа д̇ад̣̇ад̇т̇ааяа гааяам̣ убасам̣харзяяа ваад̇и яож̇анаа.
2001.Tadatthāyāti tasseva kāyasaṃsaggasaṅkhātaasaddhammassa sevanatthāya. Paṭicchannaṭṭhānañcāti vatthādinā yena kenaci paṭicchannaokāsaṃ. Purisassa hatthapāse ṭhitā tadatthāya kāyaṃ upasaṃhareyya vāti yojanā.
2002. хад̇т̇аг̇г̇ахан̣аад̣̇ийнам̣ вуд̇д̇аббагаараанам̣ адтаннам̣ вад̇т̇уунам̣ бууран̣зна ‘‘адтавад̇т̇угаа’’д̇и сан̇каад̇аа аяам̣ бхигкуний винадтаа ход̇и сийлавинаасзна, д̇ад̇оязва ассаман̣ий ход̇и абхигкуний ход̇ийд̇и яож̇анаа.
2002. Hatthaggahaṇādīnaṃ vuttappakārānaṃ aṭṭhannaṃ vatthūnaṃ pūraṇena ‘‘aṭṭhavatthukā’’ti saṅkhātā ayaṃ bhikkhunī vinaṭṭhā hoti sīlavināsena, tatoyeva assamaṇī hoti abhikkhunī hotīti yojanā.
2003. ануломзна ваад̇и хад̇т̇аг̇г̇ахан̣аад̣̇ибадибаадияаа ваа. бадиломзна ваад̇и д̇аб̣б̣ибарияад̇о бадиломзна ваа. зганд̇аригааяа ваад̇и згамзгам̣ анд̇арид̇ваа буна д̇ассааби гаран̣авасзна зганд̇аригааяа ваа. ануломзна ваа бадиломзна ваа д̇ат̇зганд̇аригааяа ваа адтамам̣ вад̇т̇ум̣ барибуурзнд̇ий жуд̇аад̇и яож̇анаа.
2003.Anulomenavāti hatthaggahaṇādipaṭipāṭiyā vā. Paṭilomena vāti tabbipariyato paṭilomena vā. Ekantarikāya vāti ekamekaṃ antaritvā puna tassāpi karaṇavasena ekantarikāya vā. Anulomena vā paṭilomena vā tathekantarikāya vā aṭṭhamaṃ vatthuṃ paripūrentī cutāti yojanā.
2004. зд̇ад̣̇зва ад̇т̇ам̣ б̣яад̇ирзгамукзна самад̇т̇зд̇умааха ‘‘ат̇аад̣̇ид̇о’’д̇иаад̣̇и. сад̇агкад̇д̇умбийд̇и б̣ахугкад̇д̇умби. сад̇а-сад̣̇д̣̇о хзд̇т̇а б̣аху-сад̣̇д̣̇абарияааяо. баарааж̇игаа нзва сияаад̇и яож̇анаа, иминаа д̇ам̣д̇ам̣вад̇т̇умуулагам̣ д̣̇уггадат̇уллажжаяам̣ аабаж̇ж̇ад̇ийд̇и вуд̇д̇ам̣ ход̇и.
2004. Etadeva atthaṃ byatirekamukhena samatthetumāha ‘‘athādito’’tiādi. Satakkhattumpīti bahukkhattumpi. Sata-saddo hettha bahu-saddapariyāyo. Pārājikā neva siyāti yojanā, iminā taṃtaṃvatthumūlakaṃ dukkaṭathullaccayaṃ āpajjatīti vuttaṃ hoti.
2005. яаа бана аабад̇д̇ияо аабаннаа, д̣̇зсзд̇ваа д̇аахи мужжад̇ийд̇и яож̇анаа. д̇хуранигкзбанам̣ гад̇ваад̇и ‘‘на бунзвам̣ гариссаамий’’д̇и д̇хурам̣ нигкибид̇ваа. д̣̇зсид̇аа г̇ан̣ануубигаад̇и д̣̇зсид̇аа д̣̇зсид̇аг̇ан̣анамзва убзд̇и, баарааж̇игасса ан̇г̇ам̣ на ход̇ийд̇и ад̇т̇о. д̇асмаа яаа згам̣ аабаннаа, д̇хуранигкзбам̣ гад̇ваа д̣̇зсзд̇ваа буна гилзсавасзна аабаж̇ж̇ад̇и, буна д̣̇зсзд̇и, звам̣ адта вад̇т̇ууни буурзнд̇ийби баарааж̇игаа на ход̇и.
2005. Yā pana āpattiyo āpannā, desetvā tāhi muccatīti yojanā. Dhuranikkhepanaṃ katvāti ‘‘na punevaṃ karissāmī’’ti dhuraṃ nikkhipitvā. Desitā gaṇanūpikāti desitā desitagaṇanameva upeti, pārājikassa aṅgaṃ na hotīti attho. Tasmā yā ekaṃ āpannā, dhuranikkhepaṃ katvā desetvā puna kilesavasena āpajjati, puna deseti, evaṃ aṭṭha vatthūni pūrentīpi pārājikā na hoti.
2006. сауссаахааяа д̣̇зсид̇аад̇и буна аабаж̇ж̇анз анигкид̇д̇ад̇хурааяа бхигкунияаа д̣̇зсид̇ааби аабад̇д̇и д̣̇зсанааг̇ан̣анам̣ на убзд̇и. гим̣ ход̇ийд̇и ааха ‘‘д̣̇зсид̇ааби ад̣̇зсид̇аа’’д̇и, д̇асмаа баарааж̇игаабад̇д̇ияаа ан̇г̇амзва ход̇ийд̇и ад̇хиббааяо.
2006.Saussāhāya desitāti puna āpajjane anikkhittadhurāya bhikkhuniyā desitāpi āpatti desanāgaṇanaṃ na upeti. Kiṃ hotīti āha ‘‘desitāpi adesitā’’ti, tasmā pārājikāpattiyā aṅgameva hotīti adhippāyo.
2008. аяам̣ ад̇т̇од̇и ‘‘асад̣̇д̇хаммо наама гааяасам̣саг̇г̇о’’д̇и аяам̣ ад̇т̇о. уд̣̇д̣̇исид̇од̇и багаасид̇о.
2008.Ayaṃ atthoti ‘‘asaddhammo nāma kāyasaṃsaggo’’ti ayaṃ attho. Uddisitoti pakāsito.
2009. аяамад̇т̇о гзна важанзна уд̣̇д̣̇исид̇од̇и ааха ‘‘вин̃н̃уу…бз… саад̇хагам̣ важанам̣ ид̣̇а’’нд̇и. ид̣̇ам̣ важананд̇и ‘‘вин̃н̃уу бадиб̣ало гааяасам̣саг̇г̇ам̣ самаабаж̇ж̇ид̇у’’нд̇и (баажи. 676) ид̣̇ам̣ важанам̣. саад̇хагам̣ бамаан̣ам̣.
2009. Ayamattho kena vacanena uddisitoti āha ‘‘viññū…pe… sādhakaṃ vacanaṃ ida’’nti. Idaṃ vacananti ‘‘viññū paṭibalo kāyasaṃsaggaṃ samāpajjitu’’nti (pāci. 676) idaṃ vacanaṃ. Sādhakaṃ pamāṇaṃ.
адтавад̇т̇угагат̇ааван̣н̣анаа.
Aṭṭhavatthukakathāvaṇṇanā.
2010. авассуд̇аа, важ̇ж̇абадижчаад̣̇игаа, угкид̇д̇аанувад̇д̇игаа, адтавад̇т̇угаад̇и имаа жад̇ассо баарааж̇игаабад̇д̇ияо махзсинаа асаад̇хааран̣аа бхигкунийнамзва бан̃н̃ад̇д̇аад̇и яож̇анаа.
2010. Avassutā, vajjapaṭicchādikā, ukkhittānuvattikā, aṭṭhavatthukāti imā catasso pārājikāpattiyo mahesinā asādhāraṇā bhikkhunīnameva paññattāti yojanā.
ид̇и винаяад̇т̇асаарасанд̣̇ийбанияаа
Iti vinayatthasārasandīpaniyā
винаяавинижчаяаван̣н̣анааяа
Vinayavinicchayavaṇṇanāya
баарааж̇игагат̇ааван̣н̣анаа нидтид̇аа.
Pārājikakathāvaṇṇanā niṭṭhitā.
