| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
5. барамадтагасуд̇д̇аван̣н̣анаа
5. Paramaṭṭhakasuttavaṇṇanā
803. бараманд̇и д̣̇идтийсууд̇и барамадтагасуд̇д̇ам̣. гаа уббад̇д̇и? бхаг̇авад̇и гира саавад̇т̇ияам̣ вихаранд̇з наанаад̇ид̇т̇ияаа саннибад̇ид̇ваа ад̇д̇ано ад̇д̇ано д̣̇идтим̣ д̣̇ийбзнд̇аа ‘‘ид̣̇ам̣ барамам̣, ид̣̇ам̣ барама’’нд̇и галахам̣ гад̇ваа ран̃н̃о аарожзсум̣. рааж̇аа самб̣ахулз ж̇ажжанд̇хз саннибаад̇аабзд̇ваа ‘‘имзсам̣ хад̇т̇им̣ д̣̇ассзт̇аа’’д̇и аан̣аабзси. рааж̇абурисаа анд̇хз саннибаад̇аабзд̇ваа хад̇т̇им̣ бурад̇о саяаабзд̇ваа ‘‘бассат̇аа’’д̇и аахам̣су. д̇з хад̇т̇исса згамзгам̣ ан̇г̇ам̣ бараамасим̣су. д̇ад̇о ран̃н̃аа ‘‘гийд̣̇исо, бхан̣з, хад̇т̇ий’’д̇и будто яо сон̣д̣ам̣ бараамаси, со ‘‘сзяяат̇ааби, махаарааж̇а, нан̇г̇алийсаа’’д̇и бхан̣и. яз д̣̇анд̇аад̣̇ийни бараамасим̣су, д̇з ид̇арам̣ ‘‘маа бхо ран̃н̃о бурад̇о мусаа бхан̣ий’’д̇и барибхаасид̇ваа ‘‘сзяяат̇ааби, махаарааж̇а, бхид̇д̇икило’’д̇иаад̣̇ийни аахам̣су. рааж̇аа д̇ам̣ саб̣б̣ам̣ суд̇ваа ‘‘ийд̣̇исо д̇умхаагам̣ самаяо’’д̇и д̇ид̇т̇ияз уяяож̇зси. ан̃н̃ад̇аро бин̣д̣ажаариго д̇ам̣ бавад̇д̇им̣ н̃ад̇ваа бхаг̇авад̇о аарожзси. бхаг̇аваа д̇ассам̣ адтуббад̇д̇ияам̣ бхигкуу ааманд̇зд̇ваа ‘‘яат̇аа, бхигкавз, ж̇ажжанд̇хаа хад̇т̇им̣ аж̇аананд̇аа д̇ам̣ д̇ам̣ ан̇г̇ам̣ бараамасид̇ваа вивад̣̇им̣су, звам̣ д̇ид̇т̇ияаа вимогканд̇игад̇хаммам̣ аж̇аананд̇аа д̇ам̣ д̇ам̣ д̣̇идтим̣ бараамасид̇ваа вивад̣̇анд̇ий’’д̇и вад̇ваа д̇хаммад̣̇зсанад̇т̇ам̣ имам̣ суд̇д̇амабхааси.
803.Paramantidiṭṭhīsūti paramaṭṭhakasuttaṃ. Kā uppatti? Bhagavati kira sāvatthiyaṃ viharante nānātitthiyā sannipatitvā attano attano diṭṭhiṃ dīpentā ‘‘idaṃ paramaṃ, idaṃ parama’’nti kalahaṃ katvā rañño ārocesuṃ. Rājā sambahule jaccandhe sannipātāpetvā ‘‘imesaṃ hatthiṃ dassethā’’ti āṇāpesi. Rājapurisā andhe sannipātāpetvā hatthiṃ purato sayāpetvā ‘‘passathā’’ti āhaṃsu. Te hatthissa ekamekaṃ aṅgaṃ parāmasiṃsu. Tato raññā ‘‘kīdiso, bhaṇe, hatthī’’ti puṭṭho yo soṇḍaṃ parāmasi, so ‘‘seyyathāpi, mahārāja, naṅgalīsā’’ti bhaṇi. Ye dantādīni parāmasiṃsu, te itaraṃ ‘‘mā bho rañño purato musā bhaṇī’’ti paribhāsitvā ‘‘seyyathāpi, mahārāja, bhittikhilo’’tiādīni āhaṃsu. Rājā taṃ sabbaṃ sutvā ‘‘īdiso tumhākaṃ samayo’’ti titthiye uyyojesi. Aññataro piṇḍacāriko taṃ pavattiṃ ñatvā bhagavato ārocesi. Bhagavā tassaṃ aṭṭhuppattiyaṃ bhikkhū āmantetvā ‘‘yathā, bhikkhave, jaccandhā hatthiṃ ajānantā taṃ taṃ aṅgaṃ parāmasitvā vivadiṃsu, evaṃ titthiyā vimokkhantikadhammaṃ ajānantā taṃ taṃ diṭṭhiṃ parāmasitvā vivadantī’’ti vatvā dhammadesanatthaṃ imaṃ suttamabhāsi.
д̇ад̇т̇а бараманд̇и д̣̇идтийсу бариб̣б̣асаанод̇и ‘‘ид̣̇ам̣ барама’’нд̇и г̇ахзд̇ваа сагааяа сагааяа д̣̇идтияаа васамаано. яад̣̇уд̇д̇ари гуруд̇зд̇и яам̣ ад̇д̇ано сад̇т̇аараад̣̇им̣ сздтам̣ гарод̇и. хийнаад̇и ан̃н̃з д̇ад̇о саб̣б̣амаахаад̇и д̇ам̣ ад̇д̇ано сад̇т̇аараад̣̇им̣ табзд̇ваа д̇ад̇о ан̃н̃з саб̣б̣з ‘‘хийнаа имз’’д̇и ааха. д̇асмаа виваад̣̇аани авийд̇ивад̇д̇од̇и д̇зна гааран̣зна со д̣̇идтигалахз авийд̇ивад̇д̇ова ход̇и.
Tattha paramanti diṭṭhīsu paribbasānoti ‘‘idaṃ parama’’nti gahetvā sakāya sakāya diṭṭhiyā vasamāno. Yaduttari kuruteti yaṃ attano satthārādiṃ seṭṭhaṃ karoti. Hīnāti aññe tato sabbamāhāti taṃ attano satthārādiṃ ṭhapetvā tato aññe sabbe ‘‘hīnā ime’’ti āha. Tasmā vivādāni avītivattoti tena kāraṇena so diṭṭhikalahe avītivattova hoti.
804. д̣̇уд̇ияаг̇аат̇ааяа ад̇т̇о – звам̣ авийд̇ивад̇д̇о жа яам̣ д̣̇идтз суд̇з сийлавад̇з муд̇зд̇и зд̇зсу вад̇т̇уусу уббаннад̣̇идтисан̇каад̇з ад̇д̇ани буб̣б̣з вуд̇д̇аббагаарам̣ аанисам̣сам̣ бассад̇и. д̇ад̣̇зва со д̇ад̇т̇а сагааяа д̣̇идтияаа аанисам̣сам̣ ‘‘ид̣̇ам̣ сздта’’нд̇и абхинивисид̇ваа ан̃н̃ам̣ саб̣б̣ам̣ барасад̇т̇аараад̣̇игам̣ нихийнад̇о бассад̇и.
804. Dutiyagāthāya attho – evaṃ avītivatto ca yaṃ diṭṭhe sute sīlavate muteti etesu vatthūsu uppannadiṭṭhisaṅkhāte attani pubbe vuttappakāraṃ ānisaṃsaṃ passati. Tadeva so tattha sakāya diṭṭhiyā ānisaṃsaṃ ‘‘idaṃ seṭṭha’’nti abhinivisitvā aññaṃ sabbaṃ parasatthārādikaṃ nihīnato passati.
805. д̇ад̇ияаг̇аат̇ааяа ад̇т̇о – звам̣ бассад̇о жасса яам̣ ад̇д̇ано сад̇т̇аараад̣̇им̣ ниссид̇о ан̃н̃ам̣ барасад̇т̇аараад̣̇им̣ хийнам̣ бассад̇и д̇ам̣ бана д̣̇ассанам̣ г̇ант̇амзва гусалаа вад̣̇анд̇и, б̣анд̇хананд̇и вуд̇д̇ам̣ ход̇и . яасмаа зд̇ад̣̇зва, д̇асмаа хи д̣̇идтам̣ва суд̇ам̣ муд̇ам̣ ваа сийлаб̣б̣ад̇ам̣ бхигку на ниссаязяяа, наабхинивзсзяяаад̇и вуд̇д̇ам̣ ход̇и.
805. Tatiyagāthāya attho – evaṃ passato cassa yaṃ attano satthārādiṃ nissito aññaṃ parasatthārādiṃ hīnaṃ passati taṃ pana dassanaṃ ganthameva kusalā vadanti, bandhananti vuttaṃ hoti . Yasmā etadeva, tasmā hi diṭṭhaṃva sutaṃ mutaṃ vā sīlabbataṃ bhikkhu na nissayeyya, nābhiniveseyyāti vuttaṃ hoti.
806. жад̇уд̇т̇аг̇аат̇ааяа ад̇т̇о – на гзвалам̣ д̣̇идтасуд̇аад̣̇им̣ на ниссаязяяа, абижа ко бана асан̃ж̇аад̇ам̣ убаруубари д̣̇идтимби логасмим̣ на габбаязяяа, на ж̇анзяяаад̇и вуд̇д̇ам̣ ход̇и. гийд̣̇исам̣? н̃аан̣зна ваа сийлавад̇зна вааби, самаабад̇д̇ин̃аан̣аад̣̇инаа н̃аан̣зна ваа сийлавад̇зна ваа яаа габбияад̇и, зд̇ам̣ д̣̇идтим̣ на габбзяяа. на гзвалан̃жа д̣̇идтим̣ на габбаязяяа, абижа ко бана маанзнаби ж̇аад̇иаад̣̇ийхи вад̇т̇уухи самод̇и ад̇д̇аанамануубанзяяа, хийно на ман̃н̃зт̇а висзси ваабийд̇и.
806. Catutthagāthāya attho – na kevalaṃ diṭṭhasutādiṃ na nissayeyya, apica kho pana asañjātaṃ uparūpari diṭṭhimpi lokasmiṃ na kappayeyya, na janeyyāti vuttaṃ hoti. Kīdisaṃ? Ñāṇena vā sīlavatena vāpi, samāpattiñāṇādinā ñāṇena vā sīlavatena vā yā kappiyati, etaṃ diṭṭhiṃ na kappeyya. Na kevalañca diṭṭhiṃ na kappayeyya, apica kho pana mānenapi jātiādīhi vatthūhi samoti attānamanūpaneyya, hīno na maññetha visesi vāpīti.
807. бан̃жамаг̇аат̇ааяа ад̇т̇о – зван̃хи д̣̇идтим̣ агаббзнд̇о аман̃н̃амаано жа ад̇д̇ам̣ бахааяа анубаад̣̇ияаано ид̇ха ваа яам̣ буб̣б̣з г̇ахид̇ам̣, д̇ам̣ бахааяа абарам̣ аг̇г̇ан̣ханд̇о д̇асмимби вуд̇д̇аббагаарз н̃аан̣з д̣̇увид̇хам̣ ниссаяам̣ но гарод̇и. агаронд̇о жа са вз вияад̇д̇зсу наанаад̣̇идтивасзна бхиннзсу сад̇д̇зсу на ваг̇г̇асаарий чанд̣̇аад̣̇ивасзна аг̇ажчанад̇хаммо худ̇ваа д̣̇ваасадтияаа д̣̇идтийсу гин̃жиби д̣̇идтим̣ на бажжзд̇и, на бажжааг̇ажчад̇ийд̇и вуд̇д̇ам̣ ход̇и.
807. Pañcamagāthāya attho – evañhi diṭṭhiṃ akappento amaññamāno ca attaṃ pahāya anupādiyāno idha vā yaṃ pubbe gahitaṃ, taṃ pahāya aparaṃ aggaṇhanto tasmimpi vuttappakāre ñāṇe duvidhaṃ nissayaṃ no karoti. Akaronto ca sa ve viyattesu nānādiṭṭhivasena bhinnesu sattesu na vaggasārī chandādivasena agacchanadhammo hutvā dvāsaṭṭhiyā diṭṭhīsu kiñcipi diṭṭhiṃ na pacceti, na paccāgacchatīti vuttaṃ hoti.
808-10. ид̣̇аани яо со имааяа г̇аат̇ааяа вуд̇д̇о кийн̣аасаво, д̇асса ван̣н̣абхан̣анад̇т̇ам̣ ‘‘яассуубхаяанд̇з’’д̇иаад̣̇игаа д̇иссо г̇аат̇ааяо ааха. д̇ад̇т̇а убхаяанд̇зд̇и буб̣б̣з вуд̇д̇апассаад̣̇ибхзд̣̇з. бан̣ид̇хийд̇и д̇ан̣хаа. бхаваабхавааяаад̇и бунаббунабхавааяа. ид̇ха ваа хурам̣ ваад̇и сагад̇д̇абхааваад̣̇ибхзд̣̇з ид̇ха ваа барад̇д̇абхааваад̣̇ибхзд̣̇з барад̇т̇а ваа. д̣̇идтз ваад̇и д̣̇идтасуд̣̇д̇хияаа ваа. зса наяо суд̇аад̣̇ийсу. сан̃н̃аад̇и сан̃н̃аасамудтаабигаа д̣̇идти. д̇хаммааби д̇зсам̣ на бадижчид̇аасзд̇и д̣̇ваасадтид̣̇идтиг̇ад̇ад̇хаммааби д̇зсам̣ ‘‘ид̣̇амзва сажжам̣ могхаман̃н̃а’’нд̇и звам̣ на бадижчид̇аа. бааран̇г̇ад̇о на бажжзд̇и д̇аад̣̇ийд̇и ниб̣б̣аанабаарам̣ г̇ад̇о д̇зна д̇зна маг̇г̇зна бахийнз гилзсз буна нааг̇ажчад̇и, бан̃жахи жа аагаарзхи д̇аад̣̇ий ход̇ийд̇и. сзсам̣ баагадамзваад̇и.
808-10. Idāni yo so imāya gāthāya vutto khīṇāsavo, tassa vaṇṇabhaṇanatthaṃ ‘‘yassūbhayante’’tiādikā tisso gāthāyo āha. Tattha ubhayanteti pubbe vuttaphassādibhede. Paṇidhīti taṇhā. Bhavābhavāyāti punappunabhavāya. Idha vā huraṃ vāti sakattabhāvādibhede idha vā parattabhāvādibhede parattha vā. Diṭṭhe vāti diṭṭhasuddhiyā vā. Esa nayo sutādīsu. Saññāti saññāsamuṭṭhāpikā diṭṭhi. Dhammāpitesaṃ na paṭicchitāseti dvāsaṭṭhidiṭṭhigatadhammāpi tesaṃ ‘‘idameva saccaṃ moghamañña’’nti evaṃ na paṭicchitā. Pāraṅgato na pacceti tādīti nibbānapāraṃ gato tena tena maggena pahīne kilese puna nāgacchati, pañcahi ca ākārehi tādī hotīti. Sesaṃ pākaṭamevāti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа барамадтагасуд̇д̇аван̣н̣анаа нидтид̇аа.
Suttanipāta-aṭṭhakathāya paramaṭṭhakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 5. барамадтагасуд̇д̇ам̣ • 5. Paramaṭṭhakasuttaṃ
