| Library / Tipiṭaka / д̇ибидага • Tipiṭaka / т̇зраг̇аат̇аабаал̣и • Theragāthāpāḷi |
10. баараабарияад̇т̇зраг̇аат̇аа
10. Pārāpariyattheragāthā
920.
920.
саман̣асса аху жинд̇аа, бубпид̇амхи махааванз;
Samaṇassa ahu cintā, pupphitamhi mahāvane;
згаг̇г̇асса нисиннасса, бавивид̇д̇асса жхааяино.
Ekaggassa nisinnassa, pavivittassa jhāyino.
921.
921.
‘‘ан̃н̃ат̇аа логанаат̇амхи, д̇идтанд̇з бурисуд̇д̇амз;
‘‘Aññathā lokanāthamhi, tiṭṭhante purisuttame;
ирияам̣ ааси бхигкуунам̣, ан̃н̃ат̇аа д̣̇аани д̣̇иссад̇и.
Iriyaṃ āsi bhikkhūnaṃ, aññathā dāni dissati.
922.
922.
‘‘сийд̇аваад̇абарид̇д̇аанам̣, хиригобийначаад̣̇анам̣;
‘‘Sītavātaparittānaṃ, hirikopīnachādanaṃ;
мад̇д̇адтияам̣ абхун̃ж̇им̣су, санд̇удтаа ид̇арийд̇арз.
Mattaṭṭhiyaṃ abhuñjiṃsu, santuṭṭhā itarītare.
923.
923.
‘‘бан̣ийд̇ам̣ яад̣̇и ваа луукам̣, аббам̣ ваа яад̣̇и ваа б̣ахум̣;
‘‘Paṇītaṃ yadi vā lūkhaṃ, appaṃ vā yadi vā bahuṃ;
яаабанад̇т̇ам̣ абхун̃ж̇им̣су, аг̇ид̣̇д̇хаа наад̇химужчид̇аа.
Yāpanatthaṃ abhuñjiṃsu, agiddhā nādhimucchitā.
924.
924.
‘‘ж̇ийвид̇аанам̣ баригкаарз, бхзсаж̇ж̇з ат̇а бажжаяз;
‘‘Jīvitānaṃ parikkhāre, bhesajje atha paccaye;
на б̣аал̣хам̣ уссугаа аасум̣, яат̇аа д̇з аасавагкаяз.
Na bāḷhaṃ ussukā āsuṃ, yathā te āsavakkhaye.
925.
925.
‘‘аран̃н̃з ругкамуулзсу, ганд̣̇араасу г̇ухаасу жа;
‘‘Araññe rukkhamūlesu, kandarāsu guhāsu ca;
вивзгамануб̣рууханд̇аа, вихам̣су д̇аббарааяанаа.
Vivekamanubrūhantā, vihaṃsu tapparāyanā.
926.
926.
‘‘нийжаа нивидтаа субхараа, муд̣̇уу ад̇т̇ад̣̇д̇хамаанасаа;
‘‘Nīcā niviṭṭhā subharā, mudū atthaddhamānasā;
аб̣яаасзгаа амукараа, ад̇т̇ажинд̇аа васаануг̇аа.
Abyāsekā amukharā, atthacintā vasānugā.
927.
927.
‘‘д̇ад̇о баасаад̣̇игам̣ ааси, г̇ад̇ам̣ бхуд̇д̇ам̣ нисзвид̇ам̣;
‘‘Tato pāsādikaṃ āsi, gataṃ bhuttaṃ nisevitaṃ;
синид̣̇д̇хаа д̇злад̇хаараава, ахоси ирияаабат̇о.
Siniddhā teladhārāva, ahosi iriyāpatho.
928.
928.
‘‘саб̣б̣аасавабаригкийн̣аа, махаажхааяий махаахид̇аа;
‘‘Sabbāsavaparikkhīṇā, mahājhāyī mahāhitā;
ниб̣б̣уд̇аа д̣̇аани д̇з т̇зраа, барид̇д̇аа д̣̇аани д̇аад̣̇исаа.
Nibbutā dāni te therā, parittā dāni tādisā.
929.
929.
‘‘гусалаанан̃жа д̇хаммаанам̣, бан̃н̃ааяа жа баригкаяаа;
‘‘Kusalānañca dhammānaṃ, paññāya ca parikkhayā;
саб̣б̣аагаараваруубзд̇ам̣, луж̇ж̇ад̇з ж̇инасаасанам̣.
Sabbākāravarūpetaṃ, lujjate jinasāsanaṃ.
930.
930.
‘‘баабагаанан̃жа д̇хаммаанам̣, гилзсаанан̃жа яо уд̇у;
‘‘Pāpakānañca dhammānaṃ, kilesānañca yo utu;
убадтид̇аа вивзгааяа, яз жа сад̣̇д̇хаммасзсагаа.
Upaṭṭhitā vivekāya, ye ca saddhammasesakā.
931.
931.
‘‘д̇з гилзсаа бавад̣дханд̇аа, аависанд̇и б̣ахум̣ ж̇анам̣;
‘‘Te kilesā pavaḍḍhantā, āvisanti bahuṃ janaṃ;
гийл̣анд̇и ман̃н̃з б̣аалзхи, уммад̇д̇зхива рагкасаа.
Kīḷanti maññe bālehi, ummattehiva rakkhasā.
932.
932.
‘‘гилзсзхаабхибхууд̇аа д̇з, д̇зна д̇зна вид̇хаавид̇аа;
‘‘Kilesehābhibhūtā te, tena tena vidhāvitā;
нараа гилзсавад̇т̇уусу, сасан̇г̇аамзва гхосид̇з.
Narā kilesavatthūsu, sasaṅgāmeva ghosite.
933.
933.
‘‘барижжаж̇ид̇ваа сад̣̇д̇хаммам̣, ан̃н̃аман̃н̃зхи бхан̣д̣арз;
‘‘Pariccajitvā saddhammaṃ, aññamaññehi bhaṇḍare;
д̣̇идтиг̇ад̇аани анвзнд̇аа, ид̣̇ам̣ сзяяод̇и ман̃н̃арз.
Diṭṭhigatāni anventā, idaṃ seyyoti maññare.
934.
934.
‘‘д̇ханан̃жа буд̇д̇ам̣ бхарияан̃жа, чад̣д̣аяид̇ваана ниг̇г̇ад̇аа;
‘‘Dhanañca puttaṃ bhariyañca, chaḍḍayitvāna niggatā;
гадажчубхигкахзд̇ууби, агижчаани нисзварз.
Kaṭacchubhikkhahetūpi, akicchāni nisevare.
935.
935.
‘‘уд̣̇араавад̣̇зхагам̣ бхуд̇ваа, саяанд̇уд̇д̇аанасзяяагаа;
‘‘Udarāvadehakaṃ bhutvā, sayantuttānaseyyakā;
гат̇ам̣ вад̇д̇знд̇и 1 бадиб̣уд̣̇д̇хаа, яаа гат̇аа сад̇т̇уг̇арахид̇аа.
Kathaṃ vattenti 2 paṭibuddhā, yā kathā satthugarahitā.
936.
936.
‘‘саб̣б̣агааругасиббаани , жид̇д̇им̣ гад̇ваана 3 сигкарз;
‘‘Sabbakārukasippāni , cittiṃ katvāna 4 sikkhare;
авуубасанд̇аа аж̇жхад̇д̇ам̣, сааман̃н̃ад̇т̇од̇и ажчад̇и 5.
Avūpasantā ajjhattaṃ, sāmaññatthoti acchati 6.
937.
937.
‘‘мад̇д̇игам̣ д̇злажун̣н̣ан̃жа, уд̣̇агаасанабхож̇анам̣;
‘‘Mattikaṃ telacuṇṇañca, udakāsanabhojanaṃ;
г̇ихийнам̣ убанаамзнд̇и, ааган̇канд̇аа б̣ахуд̇д̇арам̣.
Gihīnaṃ upanāmenti, ākaṅkhantā bahuttaraṃ.
938.
938.
‘‘д̣̇анд̇абонам̣ габид̇т̇ан̃жа, бубпам̣ каад̣̇анияаани жа;
‘‘Dantaponaṃ kapitthañca, pupphaṃ khādaniyāni ca;
бин̣д̣абаад̇з жа самбаннз, амб̣з аамалагаани жа.
Piṇḍapāte ca sampanne, ambe āmalakāni ca.
939.
939.
‘‘бхзсаж̇ж̇зсу яат̇аа взж̇ж̇аа, гижжаагижжз яат̇аа г̇ихий;
‘‘Bhesajjesu yathā vejjā, kiccākicce yathā gihī;
г̇ан̣игаава вибхуусааяам̣, иссарз кад̇д̇ияаа яат̇аа.
Gaṇikāva vibhūsāyaṃ, issare khattiyā yathā.
940.
940.
‘‘нзгад̇игаа ван̃жанигаа, гуудасагкий абаадугаа;
‘‘Nekatikā vañcanikā, kūṭasakkhī apāṭukā;
б̣ахуухи баригаббзхи, аамисам̣ барибхун̃ж̇арз.
Bahūhi parikappehi, āmisaṃ paribhuñjare.
941.
941.
‘‘лзсагаббз барияааяз, баригаббзнуд̇хаавид̇аа;
‘‘Lesakappe pariyāye, parikappenudhāvitā;
ж̇ийвигад̇т̇аа убааязна, сан̇гад̣дханд̇и б̣ахум̣ д̇ханам̣.
Jīvikatthā upāyena, saṅkaḍḍhanti bahuṃ dhanaṃ.
942.
942.
‘‘убадтаабзнд̇и барисам̣, гаммад̇о но жа д̇хаммад̇о;
‘‘Upaṭṭhāpenti parisaṃ, kammato no ca dhammato;
д̇хаммам̣ барзсам̣ д̣̇зсзнд̇и, лаабхад̇о но жа ад̇т̇ад̇о.
Dhammaṃ paresaṃ desenti, lābhato no ca atthato.
943.
943.
‘‘сан̇гхалаабхасса бхан̣д̣анд̇и, сан̇гхад̇о бариб̣аахираа;
‘‘Saṅghalābhassa bhaṇḍanti, saṅghato paribāhirā;
баралаабхобаж̇ийванд̇аа, ахирийгаа на лаж̇ж̇арз.
Paralābhopajīvantā, ahirīkā na lajjare.
944.
944.
‘‘наануяуд̇д̇аа д̇ат̇аа згз, мун̣д̣аа сан̇гхаадибааруд̇аа;
‘‘Nānuyuttā tathā eke, muṇḍā saṅghāṭipārutā;
самбхааванам̣язвижчанд̇и, лаабхасаггаарамужчид̇аа.
Sambhāvanaṃyevicchanti, lābhasakkāramucchitā.
945.
945.
‘‘звам̣ наанаббаяаад̇амхи, на д̣̇аани сугарам̣ д̇ат̇аа;
‘‘Evaṃ nānappayātamhi, na dāni sukaraṃ tathā;
апусид̇ам̣ ваа пусид̇ум̣, пусид̇ам̣ ваанурагкид̇ум̣.
Aphusitaṃ vā phusituṃ, phusitaṃ vānurakkhituṃ.
946.
946.
‘‘яат̇аа ган̣дагадтаанамхи, жарзяяа анубаахано;
‘‘Yathā kaṇṭakaṭṭhānamhi, careyya anupāhano;
сад̇им̣ убадтабзд̇ваана, звам̣ г̇аамз муний жарз.
Satiṃ upaṭṭhapetvāna, evaṃ gāme munī care.
947.
947.
‘‘сарид̇ваа буб̣б̣агз яог̇ий, д̇зсам̣ вад̇д̇амануссарам̣;
‘‘Saritvā pubbake yogī, tesaṃ vattamanussaraṃ;
гин̃жааби бажчимо гаало, пусзяяа амад̇ам̣ бад̣̇ам̣.
Kiñcāpi pacchimo kālo, phuseyya amataṃ padaṃ.
948.
948.
‘‘ид̣̇ам̣ вад̇ваа саалаванз, саман̣о бхаавид̇инд̣̇рияо;
‘‘Idaṃ vatvā sālavane, samaṇo bhāvitindriyo;
б̣раахман̣о бариниб̣б̣ааяий, иси кийн̣абунаб̣бхаво’’д̇и.
Brāhmaṇo parinibbāyī, isi khīṇapunabbhavo’’ti.
вийсад̇инибаад̇о нидтид̇о.
Vīsatinipāto niṭṭhito.
д̇ад̇руд̣̇д̣̇аанам̣ –
Tatruddānaṃ –
ад̇химуд̇д̇о баараабарияо, д̇злагаани радтабаало;
Adhimutto pārāpariyo, telakāni raṭṭhapālo;
маалугяасзло бхад̣̇д̣̇ияо, ан̇г̇ули д̣̇иб̣б̣ажагкуго.
Mālukyaselo bhaddiyo, aṅguli dibbacakkhuko.
баараабарияо д̣̇асзд̇з, вийсамхи баригид̇д̇ид̇аа;
Pārāpariyo dasete, vīsamhi parikittitā;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зраг̇аат̇аа-адтагат̇аа • Theragāthā-aṭṭhakathā / 10. баараабарияад̇т̇зраг̇аат̇ааван̣н̣анаа • 10. Pārāpariyattheragāthāvaṇṇanā
