| Library / Tipiṭaka / तिपिटक • Tipiṭaka / जातकपाळि • Jātakapāḷi |
३९५. पारावतजातकं (६-२-१०)
395. Pārāvatajātakaṃ (6-2-10)
१३४.
134.
चिरस्सं वत पस्सामि, सहायं मणिधारिनं।
Cirassaṃ vata passāmi, sahāyaṃ maṇidhārinaṃ;
१३५.
135.
परूळ्हकच्छनखलोमो , अहं कम्मेसु ब्यावटो।
Parūḷhakacchanakhalomo , ahaṃ kammesu byāvaṭo;
चिरस्सं न्हापितं लद्धा, लोमं तं अज्जं हारयिं 3॥
Cirassaṃ nhāpitaṃ laddhā, lomaṃ taṃ ajjaṃ hārayiṃ 4.
१३६.
136.
यं नु लोमं अहारेसि, दुल्लभं लद्ध कप्पकं।
Yaṃ nu lomaṃ ahāresi, dullabhaṃ laddha kappakaṃ;
१३७.
137.
मनुस्ससुखुमालानं, मणि कण्ठेसु लम्बति।
Manussasukhumālānaṃ, maṇi kaṇṭhesu lambati;
तेसाहं अनुसिक्खामि, मा त्वं मञ्ञि दवा कतं॥
Tesāhaṃ anusikkhāmi, mā tvaṃ maññi davā kataṃ.
१३८.
138.
सचेपिमं पिहयसि, मस्सुकुत्तिं सुकारितं।
Sacepimaṃ pihayasi, massukuttiṃ sukāritaṃ;
कारयिस्सामि ते सम्म, मणिञ्चापि ददामि ते॥
Kārayissāmi te samma, maṇiñcāpi dadāmi te.
१३९.
139.
त्वञ्ञेव मणिना छन्नो, सुकताय च मस्सुया।
Tvaññeva maṇinā channo, sukatāya ca massuyā;
आमन्त खो तं गच्छामि, पियं मे तव दस्सनन्ति॥
Āmanta kho taṃ gacchāmi, piyaṃ me tava dassananti.
तस्सुद्दानं –
Tassuddānaṃ –
अथ पस्स ससूचि च तुण्डिलको, मिग मय्हकपञ्चमपक्खिवरो।
Atha passa sasūci ca tuṇḍilako, miga mayhakapañcamapakkhivaro;
अथ पञ्जलि वारिज मेज्झ पुन, अथ वट्ट कपोतवरेन दसाति॥
Atha pañjali vārija mejjha puna, atha vaṭṭa kapotavarena dasāti.
अथ वग्गुद्दानं –
Atha vagguddānaṃ –
अथ वग्गं पकित्तिस्सं, छनिपातं वरुत्तमे।
Atha vaggaṃ pakittissaṃ, chanipātaṃ varuttame;
छक्कनिपातं निट्ठितं।
Chakkanipātaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३९५] १०. पारावतजातकवण्णना • [395] 10. Pārāvatajātakavaṇṇanā
