| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[395] 10. баараавад̇аж̇аад̇агаван̣н̣анаа
[395] 10. Pārāvatajātakavaṇṇanā
жирассам̣ вад̇а бассаамийд̇и ид̣̇ам̣ сад̇т̇аа ж̇зд̇аванз вихаранд̇о лолабхигкум̣язва аараб̣бха гат̇зси. бажжуббаннавад̇т̇у хздтаа вуд̇д̇анаяамзва.
Cirassaṃvata passāmīti idaṃ satthā jetavane viharanto lolabhikkhuṃyeva ārabbha kathesi. Paccuppannavatthu heṭṭhā vuttanayameva.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о баараавад̇о худ̇ваа б̣аараан̣асисздтино махаанасз нийл̣абажчияам̣ васад̇и. гаагоби д̇зна сад̣̇д̇хим̣ виссаасам̣ гад̇ваа д̇ад̇т̇зва васад̇ийд̇и саб̣б̣ам̣ вид̇т̇аарзд̇аб̣б̣ам̣. бхад̇д̇агаараго гаагабад̇д̇аани лун̃жид̇ваа бидтзна д̇ам̣ магкзд̇ваа згам̣ габаалакан̣д̣ам̣ виж̇жхид̇ваа ган̣тз бил̣анд̇хид̇ваа бажчияам̣ багкиби. б̣од̇хисад̇д̇о аран̃н̃ад̇о ааг̇анд̇ваа д̇ам̣ д̣̇исваа барихаасам̣ гаронд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto pārāvato hutvā bārāṇasiseṭṭhino mahānase nīḷapacchiyaṃ vasati. Kākopi tena saddhiṃ vissāsaṃ katvā tattheva vasatīti sabbaṃ vitthāretabbaṃ. Bhattakārako kākapattāni luñcitvā piṭṭhena taṃ makkhetvā ekaṃ kapālakhaṇḍaṃ vijjhitvā kaṇṭhe piḷandhitvā pacchiyaṃ pakkhipi. Bodhisatto araññato āgantvā taṃ disvā parihāsaṃ karonto paṭhamaṃ gāthamāha –
134.
134.
‘‘жирассам̣ вад̇а бассаами, сахааяам̣ ман̣ид̇хааринам̣;
‘‘Cirassaṃ vata passāmi, sahāyaṃ maṇidhārinaṃ;
сугад̇аа массугуд̇д̇ияаа, собхад̇з вад̇а мз сакаа’’д̇и.
Sukatā massukuttiyā, sobhate vata me sakhā’’ti.
д̇ад̇т̇а массугуд̇д̇ияаад̇и имааяа массугирияааяа.
Tattha massukuttiyāti imāya massukiriyāya.
д̇ам̣ суд̇ваа гааго д̣̇уд̇ияам̣ г̇аат̇амааха –
Taṃ sutvā kāko dutiyaṃ gāthamāha –
135.
135.
‘‘баруул̣хагажчанакаломо, ахам̣ гаммзсу б̣яаавадо;
‘‘Parūḷhakacchanakhalomo, ahaṃ kammesu byāvaṭo;
жирассам̣ нхаабид̇ам̣ лад̣̇д̇хаа, ломам̣ д̇ам̣ аж̇ж̇а хаараяи’’нд̇и.
Cirassaṃ nhāpitaṃ laddhā, lomaṃ taṃ ajja hārayi’’nti.
д̇ад̇т̇а ахам̣ гаммзсу б̣яаавадод̇и ахам̣ самма баараавад̇а, рааж̇агаммзсу б̣яаавадо огаасам̣ алабханд̇о баруул̣хагажчанакаломо ахосинд̇и вад̣̇ад̇и. аж̇ж̇а хаараяинд̇и аж̇ж̇а хаарзсим̣.
Tattha ahaṃ kammesu byāvaṭoti ahaṃ samma pārāvata, rājakammesu byāvaṭo okāsaṃ alabhanto parūḷhakacchanakhalomo ahosinti vadati. Ajja hārayinti ajja hāresiṃ.
д̇ад̇о б̣од̇хисад̇д̇о д̇ад̇ияам̣ г̇аат̇амааха –
Tato bodhisatto tatiyaṃ gāthamāha –
136.
136.
‘‘яам̣ ну ломам̣ ахаарзси, д̣̇уллабхам̣ лад̣̇д̇ха габбагам̣;
‘‘Yaṃ nu lomaṃ ahāresi, dullabhaṃ laddha kappakaṃ;
ат̇а гин̃жарахи д̇з самма, ган̣тз гин̣игин̣ааяад̇ий’’д̇и.
Atha kiñcarahi te samma, kaṇṭhe kiṇikiṇāyatī’’ti.
д̇ассад̇т̇о – яам̣ д̇аава д̣̇уллабхам̣ габбагам̣ лабхид̇ваа ломам̣ хараабзси, д̇ам̣ хараабаяа, ат̇а гин̃жарахи д̇з ваяасса ид̣̇ам̣ ган̣тз гин̣игин̣ааяад̇ийд̇и.
Tassattho – yaṃ tāva dullabhaṃ kappakaṃ labhitvā lomaṃ harāpesi, taṃ harāpaya, atha kiñcarahi te vayassa idaṃ kaṇṭhe kiṇikiṇāyatīti.
д̇ад̇о гааго д̣̇вз г̇аат̇аа абхааси –
Tato kāko dve gāthā abhāsi –
137.
137.
‘‘мануссасукумаалаанам̣, ман̣и ган̣тзсу ламб̣ад̇и;
‘‘Manussasukhumālānaṃ, maṇi kaṇṭhesu lambati;
д̇зсаахам̣ анусигкаами, маа д̇вам̣ ман̃н̃и д̣̇аваа гад̇ам̣.
Tesāhaṃ anusikkhāmi, mā tvaṃ maññi davā kataṃ.
138.
138.
‘‘сажзбимам̣ бихаяаси, массугуд̇д̇им̣ сугаарид̇ам̣;
‘‘Sacepimaṃ pihayasi, massukuttiṃ sukāritaṃ;
гаараяиссаами д̇з самма, ман̣ин̃жааби д̣̇ад̣̇аами д̇з’’д̇и.
Kārayissāmi te samma, maṇiñcāpi dadāmi te’’ti.
д̇ад̇т̇а ман̣ийд̇и зваруубаанам̣ мануссаанам̣ згам̣ ман̣ирад̇анам̣ ган̣тзсу ламб̣ад̇и. д̇зсааханд̇и д̇зсам̣ ахам̣. маа д̇вам̣ ман̃н̃ийд̇и д̇вам̣ бана ‘‘зд̇ам̣ маяаа д̣̇аваа гад̇а’’нд̇и маа ман̃н̃и. сажзбимам̣ бихаяасийд̇и сажз имам̣ мама гад̇ам̣ массугуд̇д̇им̣ д̇вам̣ ижчаси.
Tattha maṇīti evarūpānaṃ manussānaṃ ekaṃ maṇiratanaṃ kaṇṭhesu lambati. Tesāhanti tesaṃ ahaṃ. Mā tvaṃ maññīti tvaṃ pana ‘‘etaṃ mayā davā kata’’nti mā maññi. Sacepimaṃ pihayasīti sace imaṃ mama kataṃ massukuttiṃ tvaṃ icchasi.
д̇ам̣ суд̇ваа б̣од̇хисад̇д̇о чадтам̣ г̇аат̇амааха –
Taṃ sutvā bodhisatto chaṭṭhaṃ gāthamāha –
139.
139.
‘‘д̇ван̃н̃зва ман̣инаа чанно, сугад̇ааяа жа массуяаа;
‘‘Tvaññeva maṇinā channo, sukatāya ca massuyā;
ааманд̇а ко д̇ам̣ г̇ажчаами, бияам̣ мз д̇авад̣̇ассана’’нд̇и.
Āmanta kho taṃ gacchāmi, piyaṃ me tavadassana’’nti.
д̇ад̇т̇а ман̣инаад̇и ман̣ино, аяамзва ваа баато. ид̣̇ам̣ вуд̇д̇ам̣ ход̇и – самма вааяаса, д̇ван̃н̃зва имасса ман̣ино анужчавиго имиссаа жа сугад̇ааяа массуяаа , мама бана д̇ава ад̣̇ассанамзва бияам̣, д̇асмаа д̇ам̣ ааманд̇аяид̇ваа г̇ажчаамийд̇и.
Tattha maṇināti maṇino, ayameva vā pāṭho. Idaṃ vuttaṃ hoti – samma vāyasa, tvaññeva imassa maṇino anucchaviko imissā ca sukatāya massuyā , mama pana tava adassanameva piyaṃ, tasmā taṃ āmantayitvā gacchāmīti.
зван̃жа бана вад̇ваа б̣од̇хисад̇д̇о уббад̇ид̇ваа ан̃н̃ад̇т̇а г̇ад̇о. гааго д̇ад̇т̇зва ж̇ийвид̇агкаяам̣ бад̇д̇о.
Evañca pana vatvā bodhisatto uppatitvā aññattha gato. Kāko tattheva jīvitakkhayaṃ patto.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз лолабхигку анааг̇аамипалз бад̇идтахи. д̇ад̣̇аа гааго лолабхигку ахоси, баараавад̇о бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne lolabhikkhu anāgāmiphale patiṭṭhahi. Tadā kāko lolabhikkhu ahosi, pārāvato pana ahameva ahosinti.
баараавад̇аж̇аад̇агаван̣н̣анаа д̣̇асамаа.
Pārāvatajātakavaṇṇanā dasamā.
карабуд̇д̇аваг̇г̇о д̣̇уд̇ияо нидтид̇о.
Kharaputtavaggo dutiyo niṭṭhito.
ж̇аад̇агуд̣̇д̣̇аанам̣ –
Jātakuddānaṃ –
аваарияам̣ сзд̇агзд̇у, д̣̇ариймукан̃жа нзру жа;
Avāriyaṃ setaketu, darīmukhañca neru ca;
аасан̇гамиг̇аалобан̃жа, гаал̣аган̣н̣ий жа гуггудам̣.
Āsaṅkamigālopañca, kāḷakaṇṇī ca kukkuṭaṃ.
д̇хаммад̇хаж̇ан̃жа нанд̣̇ияам̣, карабуд̇д̇ам̣ суужи жзва;
Dhammadhajañca nandiyaṃ, kharaputtaṃ sūci ceva;
д̇ун̣д̣илам̣ сон̣н̣агаггадам̣, маяхагам̣ виж̇ж̇аад̇харан̃жзва.
Tuṇḍilaṃ soṇṇakakkaṭaṃ, mayhakaṃ vijjādharañceva.
син̇гхабубпам̣ вигхаасаад̣̇ам̣, ваддаган̃жа баараавад̇ам̣;
Siṅghapupphaṃ vighāsādaṃ, vaṭṭakañca pārāvataṃ;
сан̇г̇ааяим̣су махаат̇зраа, чаггз вийсад̇и ж̇аад̇агз.
Saṅgāyiṃsu mahātherā, chakke vīsati jātake.
чагганибаад̇аван̣н̣анаа нидтид̇аа.
Chakkanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 395. баараавад̇аж̇аад̇агам̣ • 395. Pārāvatajātakaṃ
