| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
баарааяанад̇т̇уд̇иг̇аат̇ааван̣н̣анаа
Pārāyanatthutigāthāvaṇṇanā
ид̇о барам̣ сан̇г̇ийд̇игаараа д̣̇зсанам̣ т̇омзнд̇аа ‘‘ид̣̇амавожа бхаг̇аваа’’д̇иаад̣̇имаахам̣су. д̇ад̇т̇а ид̣̇амавожаад̇и ид̣̇ам̣ барааяанам̣ авожа. барижаарагасол̣асаананд̇и б̣ааварисса барижаарагзна бин̇г̇иязна саха сол̣асаннам̣ б̣уд̣̇д̇хасса ваа бхаг̇авад̇о барижаарагаанам̣ сол̣асаннанд̇и барижаарагасол̣асаннам̣. д̇з зва жа б̣раахман̣аа. д̇ад̇т̇а сол̣асабарисаа бана бурад̇о жа бажчад̇о жа ваамабассад̇о жа д̣̇агкин̣абассад̇о жа ча ча яож̇анаани нисиннаа уж̇угзна д̣̇ваад̣̇асаяож̇анигаа ахоси. аж̇жхидтод̇и яаажид̇о ад̇т̇аман̃н̃ааяаад̇и баал̣иад̇т̇аман̃н̃ааяа. д̇хаммаман̃н̃ааяаад̇и баал̣иман̃н̃ааяа. баарааяананд̇и звам̣ имасса д̇хаммабарияааяасса ад̇хиважанам̣ ааробзд̇ваа д̇зсам̣ б̣раахман̣аанам̣ наамаани гид̇д̇аяанд̇аа ‘‘аж̇ид̇о д̇иссамзд̇д̇зяяо…бз… б̣уд̣̇д̇хасздтам̣ убааг̇аму’’нд̇и аахам̣су.
Ito paraṃ saṅgītikārā desanaṃ thomentā ‘‘idamavoca bhagavā’’tiādimāhaṃsu. Tattha idamavocāti idaṃ parāyanaṃ avoca. Paricārakasoḷasānanti bāvarissa paricārakena piṅgiyena saha soḷasannaṃ buddhassa vā bhagavato paricārakānaṃ soḷasannanti paricārakasoḷasannaṃ. Te eva ca brāhmaṇā. Tattha soḷasaparisā pana purato ca pacchato ca vāmapassato ca dakkhiṇapassato ca cha cha yojanāni nisinnā ujukena dvādasayojanikā ahosi. Ajjhiṭṭhoti yācito atthamaññāyāti pāḷiatthamaññāya. Dhammamaññāyāti pāḷimaññāya. Pārāyananti evaṃ imassa dhammapariyāyassa adhivacanaṃ āropetvā tesaṃ brāhmaṇānaṃ nāmāni kittayantā ‘‘ajito tissametteyyo…pe… buddhaseṭṭhaṃ upāgamu’’nti āhaṃsu.
1131-7. д̇ад̇т̇а самбаннажаран̣анд̇и ниб̣б̣аанабад̣̇адтаанабхууд̇зна баад̇имогкасийлаад̣̇инаа самбаннам̣. исинд̇и махзсим̣. сзсам̣ баагадамзва. д̇ад̇о барам̣ б̣рахмажарияамажарим̣сууд̇и маг̇г̇аб̣рахмажарияам̣ ажарим̣су. д̇асмаа баарааяананд̇и д̇асса баарабхууд̇асса ниб̣б̣аанасса аяананд̇и вуд̇д̇ам̣ ход̇и.
1131-7. Tattha sampannacaraṇanti nibbānapadaṭṭhānabhūtena pātimokkhasīlādinā sampannaṃ. Isinti mahesiṃ. Sesaṃ pākaṭameva. Tato paraṃ brahmacariyamacariṃsūti maggabrahmacariyaṃ acariṃsu. Tasmā pārāyananti tassa pārabhūtassa nibbānassa ayananti vuttaṃ hoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / баарааяанад̇т̇уд̇иг̇аат̇аа • Pārāyanatthutigāthā
