| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
10. барихаанасуд̇д̇ам̣
10. Parihānasuttaṃ
79. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
79. Vuttañhetaṃ bhagavatā, vuttamarahatāti me sutaṃ –
‘‘д̇аяомз, бхигкавз, д̇хаммаа сзкасса бхигкуно барихаанааяа сам̣вад̇д̇анд̇и. гад̇амз д̇аяо? ид̇ха, бхигкавз, сзко бхигку гаммаараамо ход̇и, гаммарад̇о, гаммаараамад̇амануяуд̇д̇о; бхассаараамо ход̇и, бхассарад̇о, бхассаараамад̇амануяуд̇д̇о; нид̣̇д̣̇аараамо ход̇и, нид̣̇д̣̇аарад̇о, нид̣̇д̣̇аараамад̇амануяуд̇д̇о. имз ко, бхигкавз, д̇аяо д̇хаммаа сзкасса бхигкуно барихаанааяа сам̣вад̇д̇анд̇и.
‘‘Tayome, bhikkhave, dhammā sekhassa bhikkhuno parihānāya saṃvattanti. Katame tayo? Idha, bhikkhave, sekho bhikkhu kammārāmo hoti, kammarato, kammārāmatamanuyutto; bhassārāmo hoti, bhassarato, bhassārāmatamanuyutto; niddārāmo hoti, niddārato, niddārāmatamanuyutto. Ime kho, bhikkhave, tayo dhammā sekhassa bhikkhuno parihānāya saṃvattanti.
‘‘д̇аяомз, бхигкавз, д̇хаммаа сзкасса бхигкуно абарихаанааяа сам̣вад̇д̇анд̇и. гад̇амз д̇аяо? ид̇ха, бхигкавз, сзко бхигку на гаммаараамо ход̇и, на гаммарад̇о, на гаммаараамад̇амануяуд̇д̇о; на бхассаараамо ход̇и, на бхассарад̇о, на бхассаараамад̇амануяуд̇д̇о; на нид̣̇д̣̇аараамо ход̇и, на нид̣̇д̣̇аарад̇о , на нид̣̇д̣̇аараамад̇амануяуд̇д̇о. имз ко, бхигкавз, д̇аяо д̇хаммаа сзкасса бхигкуно абарихаанааяа сам̣вад̇д̇анд̇ий’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Tayome, bhikkhave, dhammā sekhassa bhikkhuno aparihānāya saṃvattanti. Katame tayo? Idha, bhikkhave, sekho bhikkhu na kammārāmo hoti, na kammarato, na kammārāmatamanuyutto; na bhassārāmo hoti, na bhassarato, na bhassārāmatamanuyutto; na niddārāmo hoti, na niddārato , na niddārāmatamanuyutto. Ime kho, bhikkhave, tayo dhammā sekhassa bhikkhuno aparihānāya saṃvattantī’’ti. Etamatthaṃ bhagavā avoca. Tatthetaṃ iti vuccati –
‘‘гаммаараамо бхассаараамо 1, нид̣̇д̣̇аараамо жа уд̣̇д̇хад̇о;
‘‘Kammārāmo bhassārāmo 2, niddārāmo ca uddhato;
абхаб̣б̣о д̇аад̣̇исо бхигку, пудтум̣ самб̣од̇химуд̇д̇амам̣.
Abhabbo tādiso bhikkhu, phuṭṭhuṃ sambodhimuttamaṃ.
‘‘д̇асмаа хи аббагижжасса, аббамид̣̇д̇хо ануд̣̇д̇хад̇о;
‘‘Tasmā hi appakiccassa, appamiddho anuddhato;
бхаб̣б̣о со д̇аад̣̇исо бхигку, пудтум̣ самб̣од̇химуд̇д̇ама’’нд̇и.
Bhabbo so tādiso bhikkhu, phuṭṭhuṃ sambodhimuttama’’nti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̣̇асамам̣.
Ayampi attho vutto bhagavatā, iti me sutanti. Dasamaṃ.
д̇ад̇ияо ваг̇г̇о нидтид̇о.
Tatiyo vaggo niṭṭhito.
д̇ассуд̣̇д̣̇аанам̣ –
Tassuddānaṃ –
д̣̇вз д̣̇идтий ниссаран̣ам̣ руубам̣, буд̇д̇о авудтигзна жа;
Dve diṭṭhī nissaraṇaṃ rūpaṃ, putto avuṭṭhikena ca;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 10. барихаанасуд̇д̇аван̣н̣анаа • 10. Parihānasuttavaṇṇanā
