| Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi |
2. பரிஹானிகதா²
2. Parihānikathā
1. வாத³யுத்திபரிஹானி
1. Vādayuttiparihāni
239. பரிஹாயதி அரஹா அரஹத்தாதி? ஆமந்தா. ஸப்³ப³த்த² அரஹா அரஹத்தா பரிஹாயதீதி? ந ஹேவங் வத்தப்³பே³…பே॰… ஸப்³ப³த்த² அரஹா அரஹத்தா பரிஹாயதீதி? ஆமந்தா. ஸப்³ப³த்த² அரஹதோ பரிஹானீதி? ந ஹேவங் வத்தப்³பே³…பே॰….
239. Parihāyati arahā arahattāti? Āmantā. Sabbattha arahā arahattā parihāyatīti? Na hevaṃ vattabbe…pe… sabbattha arahā arahattā parihāyatīti? Āmantā. Sabbattha arahato parihānīti? Na hevaṃ vattabbe…pe….
பரிஹாயதி அரஹா அரஹத்தாதி? ஆமந்தா . ஸப்³ப³தா³ அரஹா அரஹத்தா பரிஹாயதீதி? ந ஹேவங் வத்தப்³பே³…பே॰… ஸப்³ப³தா³ அரஹா அரஹத்தா பரிஹாயதீதி? ஆமந்தா. ஸப்³ப³தா³ அரஹதோ பரிஹானீதி? ந ஹேவங் வத்தப்³பே³…பே॰….
Parihāyati arahā arahattāti? Āmantā . Sabbadā arahā arahattā parihāyatīti? Na hevaṃ vattabbe…pe… sabbadā arahā arahattā parihāyatīti? Āmantā. Sabbadā arahato parihānīti? Na hevaṃ vattabbe…pe….
பரிஹாயதி அரஹா அரஹத்தாதி? ஆமந்தா. ஸப்³பே³வ அரஹந்தோ அரஹத்தா பரிஹாயந்தீதி? ந ஹேவங் வத்தப்³பே³…பே॰… ஸப்³பே³வ அரஹந்தோ அரஹத்தா பரிஹாயந்தீதி? ஆமந்தா. ஸப்³பே³ஸங்யேவ அரஹந்தானங் பரிஹானீதி? ந ஹேவங் வத்தப்³பே³…பே॰….
Parihāyati arahā arahattāti? Āmantā. Sabbeva arahanto arahattā parihāyantīti? Na hevaṃ vattabbe…pe… sabbeva arahanto arahattā parihāyantīti? Āmantā. Sabbesaṃyeva arahantānaṃ parihānīti? Na hevaṃ vattabbe…pe….
பரிஹாயதி அரஹா அரஹத்தாதி? ஆமந்தா. அரஹா அரஹத்தா பரிஹாயமானோ சதூஹி ப²லேஹி பரிஹாயதீதி? ந ஹேவங் வத்தப்³பே³…பே॰….
Parihāyati arahā arahattāti? Āmantā. Arahā arahattā parihāyamāno catūhi phalehi parihāyatīti? Na hevaṃ vattabbe…pe….
சதூஹி ஸதஸஹஸ்ஸேஹி ஸெட்டீ² ஸெட்டி²த்தங் காரெந்தோ ஸதஸஹஸ்ஸே பரிஹீனே ஸெட்டி²த்தா பரிஹீனோ ஹோதீதி? ஆமந்தா. ஸப்³ப³ஸாபதெய்யா பரிஹீனோ ஹோதீதி? ந ஹேவங் வத்தப்³பே³…பே॰….
Catūhi satasahassehi seṭṭhī seṭṭhittaṃ kārento satasahasse parihīne seṭṭhittā parihīno hotīti? Āmantā. Sabbasāpateyyā parihīno hotīti? Na hevaṃ vattabbe…pe….
சதூஹி ஸதஸஹஸ்ஸேஹி ஸெட்டீ² ஸெட்டி²த்தங் காரெந்தோ ஸதஸஹஸ்ஸே பரிஹீனே ப⁴ப்³போ³ ஸப்³ப³ஸாபதெய்யா பரிஹாயிதுந்தி? ஆமந்தா. அரஹா அரஹத்தா பரிஹாயமானோ ப⁴ப்³போ³ சதூஹி ப²லேஹி பரிஹாயிதுந்தி? ந ஹேவங் வத்தப்³பே³…பே॰….
Catūhi satasahassehi seṭṭhī seṭṭhittaṃ kārento satasahasse parihīne bhabbo sabbasāpateyyā parihāyitunti? Āmantā. Arahā arahattā parihāyamāno bhabbo catūhi phalehi parihāyitunti? Na hevaṃ vattabbe…pe….
2. அரியபுக்³க³லஸங்ஸந்த³னபரிஹானி
2. Ariyapuggalasaṃsandanaparihāni
240. பரிஹாயதி அரஹா அரஹத்தாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
240. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe….
பரிஹாயதி அரஹா அரஹத்தாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰….
Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe….
பரிஹாயதி அரஹா அரஹத்தாதி? ஆமந்தா. பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³…பே॰….
Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe….
பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe….
பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰….
Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe….
பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe….
ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ந பரிஹாயதி அரஹா அரஹத்தாதி? ந ஹேவங் வத்தப்³பே³…பே॰….
Na parihāyati sotāpanno sotāpattiphalāti? Āmantā. Na parihāyati arahā arahattāti? Na hevaṃ vattabbe…pe….
ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ந பரிஹாயதி அரஹா அரஹத்தாதி? ந ஹேவங் வத்தப்³பே³…பே॰….
Na parihāyati sakadāgāmī sakadāgāmiphalāti? Āmantā. Na parihāyati arahā arahattāti? Na hevaṃ vattabbe…pe….
ந பரிஹாயதி அனாகா³மீ அனாகா³மிப²லாதி? ஆமந்தா. ந பரிஹாயதி அரஹா அரஹத்தாதி? ந ஹேவங் வத்தப்³பே³…பே॰….
Na parihāyati anāgāmī anāgāmiphalāti? Āmantā. Na parihāyati arahā arahattāti? Na hevaṃ vattabbe…pe….
ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ந பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³…பே॰….
Na parihāyati sotāpanno sotāpattiphalāti? Āmantā. Na parihāyati anāgāmī anāgāmiphalāti? Na hevaṃ vattabbe…pe….
ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா . ந பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³…பே॰….
Na parihāyati sakadāgāmī sakadāgāmiphalāti? Āmantā . Na parihāyati anāgāmī anāgāmiphalāti? Na hevaṃ vattabbe…pe….
ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ந பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰….
Na parihāyati sotāpanno sotāpattiphalāti? Āmantā. Na parihāyati sakadāgāmī sakadāgāmiphalāti? Na hevaṃ vattabbe…pe….
241. பரிஹாயதி அரஹா அரஹத்தாதி? ஆமந்தா. அரஹா அரஹத்தா பரிஹாயமானோ கத்த² ஸண்டா²தீதி? அனாகா³மிப²லேதி. அனாகா³மீ அனாகா³மிப²லா பரிஹாயமானோ கத்த² ஸண்டா²தீதி? ஸகதா³கா³மிப²லேதி. ஸகதா³கா³மீ ஸகதா³கா³மிப²லா பரிஹாயமானோ கத்த² ஸண்டா²தீதி? ஸோதாபத்திப²லேதி. ஸோதாபன்னோ ஸோதாபத்திப²லா பரிஹாயமானோ புது²ஜ்ஜனபூ⁴மியங் ஸண்டா²தீதி? ந ஹேவங் வத்தப்³பே³.
241. Parihāyati arahā arahattāti? Āmantā. Arahā arahattā parihāyamāno kattha saṇṭhātīti? Anāgāmiphaleti. Anāgāmī anāgāmiphalā parihāyamāno kattha saṇṭhātīti? Sakadāgāmiphaleti. Sakadāgāmī sakadāgāmiphalā parihāyamāno kattha saṇṭhātīti? Sotāpattiphaleti. Sotāpanno sotāpattiphalā parihāyamāno puthujjanabhūmiyaṃ saṇṭhātīti? Na hevaṃ vattabbe.
ஆஜானாஹி நிக்³க³ஹங். ஹஞ்சி அரஹா அரஹத்தா பரிஹாயமானோ அனாகா³மிப²லே ஸண்டா²தி, அனாகா³மீ அனாகா³மிப²லா பரிஹாயமானோ ஸகதா³கா³மிப²லே ஸண்டா²தி, ஸகதா³கா³மீ ஸகதா³கா³மிப²லா பரிஹாயமானோ ஸோதாபத்திப²லே ஸண்டா²தி; தேன வத ரே வத்தப்³பே³ – ‘‘ஸோதாபன்னோ ஸோதாபத்திப²லா பரிஹாயமானோ புது²ஜ்ஜனபூ⁴மியங் ஸண்டா²தீ’’தி.
Ājānāhi niggahaṃ. Hañci arahā arahattā parihāyamāno anāgāmiphale saṇṭhāti, anāgāmī anāgāmiphalā parihāyamāno sakadāgāmiphale saṇṭhāti, sakadāgāmī sakadāgāmiphalā parihāyamāno sotāpattiphale saṇṭhāti; tena vata re vattabbe – ‘‘sotāpanno sotāpattiphalā parihāyamāno puthujjanabhūmiyaṃ saṇṭhātī’’ti.
அரஹா அரஹத்தா பரிஹாயமானோ ஸோதாபத்திப²லே ஸண்டா²தீதி? ஆமந்தா. ஸோதாபத்திப²லஸ்ஸ அனந்தரா அரஹத்தங்யேவ ஸச்சி²கரோதீதி? ந ஹேவங் வத்தப்³பே³…பே॰….
Arahā arahattā parihāyamāno sotāpattiphale saṇṭhātīti? Āmantā. Sotāpattiphalassa anantarā arahattaṃyeva sacchikarotīti? Na hevaṃ vattabbe…pe….
242. பரிஹாயதி அரஹா அரஹத்தாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰… கஸ்ஸ ப³ஹுதரா கிலேஸா பஹீனா அரஹதோ வா ஸோதாபன்னஸ்ஸ வாதி? அரஹதோ. ஹஞ்சி அரஹதோ ப³ஹுதரா கிலேஸா பஹீனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.
242. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa bahutarā kilesā pahīnā arahato vā sotāpannassa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.
பரிஹாயதி அரஹா அரஹத்தாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰… கஸ்ஸ ப³ஹுதரா கிலேஸா பஹீனா அரஹதோ வா ஸகதா³கா³மிஸ்ஸ வாதி? அரஹதோ. ஹஞ்சி அரஹதோ ப³ஹுதரா கிலேஸா பஹீனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி ஸகதா³கா³மீ ஸகதா³கா³மிப²லா’’தி.
Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa bahutarā kilesā pahīnā arahato vā sakadāgāmissa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati sakadāgāmī sakadāgāmiphalā’’ti.
பரிஹாயதி அரஹா அரஹத்தாதி? ஆமந்தா. பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³…பே॰… கஸ்ஸ ப³ஹுதரா கிலேஸா பஹீனா அரஹதோ வா அனாகா³மிஸ்ஸ வாதி? அரஹதோ. ஹஞ்சி அரஹதோ ப³ஹுதரா கிலேஸா பஹீனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி அனாகா³மீ அனாகா³மிப²லா’’தி.
Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe… kassa bahutarā kilesā pahīnā arahato vā anāgāmissa vāti? Arahato. Hañci arahato bahutarā kilesā pahīnā, parihāyati arahā arahattā; tena vata re vattabbe – ‘‘parihāyati anāgāmī anāgāmiphalā’’ti.
பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰… கஸ்ஸ ப³ஹுதரா கிலேஸா பஹீனா அனாகா³மிஸ்ஸ வா ஸோதாபன்னஸ்ஸ வாதி? அனாகா³மிஸ்ஸ. ஹஞ்சி அனாகா³மிஸ்ஸ ப³ஹுதரா கிலேஸா பஹீனா, பரிஹாயதி அனாகா³மீ அனாகா³மிப²லா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.
Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa bahutarā kilesā pahīnā anāgāmissa vā sotāpannassa vāti? Anāgāmissa. Hañci anāgāmissa bahutarā kilesā pahīnā, parihāyati anāgāmī anāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.
243. பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰… கஸ்ஸ ப³ஹுதரா கிலேஸா பஹீனா அனாகா³மிஸ்ஸ வா ஸகதா³கா³மிஸ்ஸ வாதி? அனாகா³மிஸ்ஸ. ஹஞ்சி அனாகா³மிஸ்ஸ ப³ஹுதரா கிலேஸா பஹீனா, பரிஹாயதி அனாகா³மீ அனாகா³மிப²லா; தேன வத ரே வத்தப்³பே³ – ‘‘பரிஹாயதி ஸகதா³கா³மீ ஸகதா³கா³மிப²லா’’தி.
243. Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa bahutarā kilesā pahīnā anāgāmissa vā sakadāgāmissa vāti? Anāgāmissa. Hañci anāgāmissa bahutarā kilesā pahīnā, parihāyati anāgāmī anāgāmiphalā; tena vata re vattabbe – ‘‘parihāyati sakadāgāmī sakadāgāmiphalā’’ti.
பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி ? ந ஹேவங் வத்தப்³பே³…பே॰… கஸ்ஸ ப³ஹுதரா கிலேஸா பஹீனா ஸகதா³கா³மிஸ்ஸ வா ஸோதாபன்னஸ்ஸ வாதி? ஸகதா³கா³மிஸ்ஸ. ஹஞ்சி ஸகதா³கா³மிஸ்ஸ ப³ஹுதரா கிலேஸா பஹீனா, பரிஹாயதி ஸகதா³கா³மீ ஸகதா³கா³மிப²லா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.
Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti ? Na hevaṃ vattabbe…pe… kassa bahutarā kilesā pahīnā sakadāgāmissa vā sotāpannassa vāti? Sakadāgāmissa. Hañci sakadāgāmissa bahutarā kilesā pahīnā, parihāyati sakadāgāmī sakadāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.
244. பரிஹாயதி அரஹா அரஹத்தாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰… கஸ்ஸ அதி⁴மத்தா மக்³க³பா⁴வனா அரஹதோ வா ஸோதாபன்னஸ்ஸ வாதி? அரஹதோ. ஹஞ்சி அரஹதோ அதி⁴மத்தா மக்³க³பா⁴வனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.
244. Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā arahato vā sotāpannassa vāti? Arahato. Hañci arahato adhimattā maggabhāvanā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.
பரிஹாயதி அரஹா அரஹத்தாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰… கஸ்ஸ அதி⁴மத்தா ஸதிபட்டா²னபா⁴வனா…பே॰… ஸம்மப்பதா⁴னபா⁴வனா… இத்³தி⁴பாத³பா⁴வனா… இந்த்³ரியபா⁴வனா … ப³லபா⁴வனா… பொ³ஜ்ஜ²ங்க³பா⁴வனா அரஹதோ வா ஸோதாபன்னஸ்ஸ வாதி? அரஹதோ. ஹஞ்சி அரஹதோ அதி⁴மத்தா பொ³ஜ்ஜ²ங்க³பா⁴வனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.
Parihāyati arahā arahattāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā satipaṭṭhānabhāvanā…pe… sammappadhānabhāvanā… iddhipādabhāvanā… indriyabhāvanā … balabhāvanā… bojjhaṅgabhāvanā arahato vā sotāpannassa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati sotāpanno sotāpattiphalā’’ti.
பரிஹாயதி அரஹா அரஹத்தாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰… கஸ்ஸ அதி⁴மத்தா மக்³க³பா⁴வனா…பே॰… பொ³ஜ்ஜ²ங்க³பா⁴வனா அரஹதோ வா ஸகதா³கா³மிஸ்ஸ வாதி? அரஹதோ. ஹஞ்சி அரஹதோ அதி⁴மத்தா பொ³ஜ்ஜ²ங்க³பா⁴வனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி ஸகதா³கா³மீ ஸகதா³கா³மிப²லா’’தி.
Parihāyati arahā arahattāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā arahato vā sakadāgāmissa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati sakadāgāmī sakadāgāmiphalā’’ti.
பரிஹாயதி அரஹா அரஹத்தாதி? ஆமந்தா. பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³…பே॰… கஸ்ஸ அதி⁴மத்தா மக்³க³பா⁴வனா…பே॰… பொ³ஜ்ஜ²ங்க³பா⁴வனா அரஹதோ வா அனாகா³மிஸ்ஸ வாதி? அரஹதோ. ஹஞ்சி அரஹதோ அதி⁴மத்தா பொ³ஜ்ஜ²ங்க³பா⁴வனா, பரிஹாயதி அரஹா அரஹத்தா; தேன வத ரே வத்தப்³பே³ – ‘‘பரிஹாயதி அனாகா³மீ அனாகா³மிப²லா’’தி.
Parihāyati arahā arahattāti? Āmantā. Parihāyati anāgāmī anāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā arahato vā anāgāmissa vāti? Arahato. Hañci arahato adhimattā bojjhaṅgabhāvanā, parihāyati arahā arahattā; tena vata re vattabbe – ‘‘parihāyati anāgāmī anāgāmiphalā’’ti.
245. பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰… கஸ்ஸ அதி⁴மத்தா மக்³க³பா⁴வனா…பே॰… பொ³ஜ்ஜ²ங்க³பா⁴வனா அனாகா³மிஸ்ஸ வா ஸோதாபன்னஸ்ஸ வாதி? அனாகா³மிஸ்ஸ. ஹஞ்சி அனாகா³மிஸ்ஸ அதி⁴மத்தா பொ³ஜ்ஜ²ங்க³பா⁴வனா, பரிஹாயதி அனாகா³மீ அனாகா³மிப²லா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி.
245. Parihāyati anāgāmī anāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā anāgāmissa vā sotāpannassa vāti? Anāgāmissa. Hañci anāgāmissa adhimattā bojjhaṅgabhāvanā, parihāyati anāgāmī anāgāmiphalā; tena vata re vattabbe – ‘‘parihāyati sotāpanno sotāpattiphalā’’ti.
பரிஹாயதி அனாகா³மீ அனாகா³மிப²லாதி? ஆமந்தா. பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰… கஸ்ஸ அதி⁴மத்தா மக்³க³பா⁴வனா…பே॰… பொ³ஜ்ஜ²ங்க³பா⁴வனா அனாகா³மிஸ்ஸ வா ஸகதா³கா³மிஸ்ஸ வாதி? அனாகா³மிஸ்ஸ. ஹஞ்சி அனாகா³மிஸ்ஸ அதி⁴மத்தா பொ³ஜ்ஜ²ங்க³பா⁴வனா, பரிஹாயதி அனாகா³மீ அனாகா³மிப²லா; தேன வத ரே வத்தப்³பே³ – ‘‘பரிஹாயதி ஸகதா³கா³மீ ஸகதா³கா³மிப²லா’’தி.
Parihāyati anāgāmī anāgāmiphalāti? Āmantā. Parihāyati sakadāgāmī sakadāgāmiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā anāgāmissa vā sakadāgāmissa vāti? Anāgāmissa. Hañci anāgāmissa adhimattā bojjhaṅgabhāvanā, parihāyati anāgāmī anāgāmiphalā; tena vata re vattabbe – ‘‘parihāyati sakadāgāmī sakadāgāmiphalā’’ti.
246. பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰… கஸ்ஸ அதி⁴மத்தா மக்³க³பா⁴வனா…பே॰… பொ³ஜ்ஜ²ங்க³பா⁴வனா ஸகதா³கா³மிஸ்ஸ வா ஸோதாபன்னஸ்ஸ வாதி? ஸகதா³கா³மிஸ்ஸ. ஹஞ்சி ஸகதா³கா³மிஸ்ஸ அதி⁴மத்தா பொ³ஜ்ஜ²ங்க³பா⁴வனா, பரிஹாயதி ஸகதா³கா³மீ ஸகதா³கா³மிப²லா; தேன வத ரே வத்தப்³பே³ – ‘‘பரிஹாயதி ஸோதாபன்னோ ஸோதாபத்திப²லா’’தி…பே॰….
246. Parihāyati sakadāgāmī sakadāgāmiphalāti? Āmantā. Parihāyati sotāpanno sotāpattiphalāti? Na hevaṃ vattabbe…pe… kassa adhimattā maggabhāvanā…pe… bojjhaṅgabhāvanā sakadāgāmissa vā sotāpannassa vāti? Sakadāgāmissa. Hañci sakadāgāmissa adhimattā bojjhaṅgabhāvanā, parihāyati sakadāgāmī sakadāgāmiphalā; tena vata re vattabbe – ‘‘parihāyati sotāpanno sotāpattiphalā’’ti…pe….
247. அரஹதா து³க்க²ங் தி³ட்ட²ங், பரிஹாயதி அரஹா அரஹத்தாதி? ஆமந்தா. ஸோதாபன்னேன து³க்க²ங் தி³ட்ட²ங், பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
247. Arahatā dukkhaṃ diṭṭhaṃ, parihāyati arahā arahattāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….
அரஹதா ஸமுத³யோ தி³ட்டோ², பரிஹாயதி அரஹா அரஹத்தாதி ? ஆமந்தா. ஸோதாபன்னேன ஸமுத³யோ தி³ட்டோ², பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Arahatā samudayo diṭṭho, parihāyati arahā arahattāti ? Āmantā. Sotāpannena samudayo diṭṭho, parihāyati sotāpanno sotāpattiphalāti? Na hevaṃ vattabbe…pe….
அரஹதா நிரோதோ⁴ தி³ட்டோ², பரிஹாயதி அரஹா அரஹத்தாதி? ஆமந்தா. ஸோதாபன்னேன நிரோதோ⁴ தி³ட்டோ², பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Arahatā nirodho diṭṭho, parihāyati arahā arahattāti? Āmantā. Sotāpannena nirodho diṭṭho, parihāyati sotāpanno sotāpattiphalāti? Na hevaṃ vattabbe…pe….
அரஹதா மக்³கோ³ தி³ட்டோ², பரிஹாயதி அரஹா அரஹத்தாதி? ஆமந்தா. ஸோதாபன்னேன மக்³கோ³ தி³ட்டோ², பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Arahatā maggo diṭṭho, parihāyati arahā arahattāti? Āmantā. Sotāpannena maggo diṭṭho, parihāyati sotāpanno sotāpattiphalāti? Na hevaṃ vattabbe…pe….
அரஹதா சத்தாரி ஸச்சானி தி³ட்டா²னி, பரிஹாயதி அரஹா அரஹத்தாதி? ஆமந்தா. ஸோதாபன்னேன சத்தாரி ஸச்சானி தி³ட்டா²னி, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Arahatā cattāri saccāni diṭṭhāni, parihāyati arahā arahattāti? Āmantā. Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….
அரஹதா து³க்க²ங் தி³ட்ட²ங், பரிஹாயதி அரஹா அரஹத்தாதி? ஆமந்தா. ஸகதா³கா³மினா து³க்க²ங் தி³ட்ட²ங், பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰….
Arahatā dukkhaṃ diṭṭhaṃ, parihāyati arahā arahattāti? Āmantā. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Na hevaṃ vattabbe…pe….
அரஹதா ஸமுத³யோ தி³ட்டோ²…பே॰… நிரோதோ⁴ தி³ட்டோ²…பே॰… மக்³கோ³ தி³ட்டோ²…பே॰… சத்தாரி ஸச்சானி தி³ட்டா²னி, பரிஹாயதி அரஹா அரஹத்தாதி? ஆமந்தா. ஸகதா³கா³மினா சத்தாரி ஸச்சானி தி³ட்டா²னி, பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰….
Arahatā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati arahā arahattāti? Āmantā. Sakadāgāminā cattāri saccāni diṭṭhāni, parihāyati sakadāgāmī sakadāgāmiphalāti? Na hevaṃ vattabbe…pe….
அரஹதா து³க்க²ங் தி³ட்ட²ங், பரிஹாயதி அரஹா அரஹத்தாதி? ஆமந்தா. அனாகா³மினா து³க்க²ங் தி³ட்ட²ங், பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³…பே॰….
Arahatā dukkhaṃ diṭṭhaṃ, parihāyati arahā arahattāti? Āmantā. Anāgāminā dukkhaṃ diṭṭhaṃ, parihāyati anāgāmī anāgāmiphalāti? Na hevaṃ vattabbe…pe….
அரஹதா ஸமுத³யோ தி³ட்டோ²…பே॰… நிரோதோ⁴ தி³ட்டோ²…பே॰… மக்³கோ³ தி³ட்டோ²…பே॰… சத்தாரி ஸச்சானி தி³ட்டா²னி, பரிஹாயதி அரஹா அரஹத்தாதி? ஆமந்தா. அனாகா³மினா சத்தாரி ஸச்சானி தி³ட்டா²னி, பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³…பே॰….
Arahatā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati arahā arahattāti? Āmantā. Anāgāminā cattāri saccāni diṭṭhāni, parihāyati anāgāmī anāgāmiphalāti? Na hevaṃ vattabbe…pe….
248. அனாகா³மினா து³க்க²ங் தி³ட்ட²ங், பரிஹாயதி அனாகா³மீ அனாகா³மிப²லாதி? ஆமந்தா. ஸோதாபன்னேன து³க்க²ங் தி³ட்ட²ங், பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
248. Anāgāminā dukkhaṃ diṭṭhaṃ, parihāyati anāgāmī anāgāmiphalāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….
அனாகா³மினா ஸமுத³யோ தி³ட்டோ²…பே॰… நிரோதோ⁴ தி³ட்டோ²…பே॰… மக்³கோ³ தி³ட்டோ²…பே॰… சத்தாரி ஸச்சானி தி³ட்டா²னி, பரிஹாயதி அனாகா³மீ அனாகா³மிப²லாதி? ஆமந்தா . ஸோதாபன்னேன சத்தாரி ஸச்சானி தி³ட்டா²னி, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Anāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati anāgāmī anāgāmiphalāti? Āmantā . Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….
அனாகா³மினா து³க்க²ங் தி³ட்ட²ங், பரிஹாயதி அனாகா³மீ அனாகா³மிப²லாதி? ஆமந்தா. ஸகதா³கா³மினா து³க்க²ங் தி³ட்ட²ங், பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰….
Anāgāminā dukkhaṃ diṭṭhaṃ, parihāyati anāgāmī anāgāmiphalāti? Āmantā. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Na hevaṃ vattabbe…pe….
அனாகா³மினா ஸமுத³யோ தி³ட்டோ²…பே॰… நிரோதோ⁴ தி³ட்டோ²…பே॰… மக்³கோ³ தி³ட்டோ²…பே॰… சத்தாரி ஸச்சானி தி³ட்டா²னி, பரிஹாயதி அனாகா³மீ அனாகா³மிப²லாதி? ஆமந்தா. ஸகதா³கா³மினா சத்தாரி ஸச்சானி தி³ட்டா²னி, பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰….
Anāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati anāgāmī anāgāmiphalāti? Āmantā. Sakadāgāminā cattāri saccāni diṭṭhāni, parihāyati sakadāgāmī sakadāgāmiphalāti? Na hevaṃ vattabbe…pe….
249. ஸகதா³கா³மினா து³க்க²ங் தி³ட்ட²ங், பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ஸோதாபன்னேன து³க்க²ங் தி³ட்ட²ங், பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
249. Sakadāgāminā dukkhaṃ diṭṭhaṃ, parihāyati sakadāgāmī sakadāgāmiphalāti? Āmantā. Sotāpannena dukkhaṃ diṭṭhaṃ, parihāyati sotāpanno sotāpattiphalāti? Na hevaṃ vattabbe…pe….
ஸகதா³கா³மினா ஸமுத³யோ தி³ட்டோ²…பே॰… நிரோதோ⁴ தி³ட்டோ²…பே॰… மக்³கோ³ தி³ட்டோ²…பே॰… சத்தாரி ஸச்சானி தி³ட்டா²னி, பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ஸோதாபன்னேன சத்தாரி ஸச்சானி தி³ட்டா²னி, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Sakadāgāminā samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, parihāyati sakadāgāmī sakadāgāmiphalāti? Āmantā. Sotāpannena cattāri saccāni diṭṭhāni, parihāyati sotāpanno sotāpattiphalāti? Na hevaṃ vattabbe…pe….
250. ஸோதாபன்னேன து³க்க²ங் தி³ட்ட²ங், ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அரஹதா து³க்க²ங் தி³ட்ட²ங், ந பரிஹாயதி அரஹா அரஹத்தாதி? ந ஹேவங் வத்தப்³பே³…பே॰….
250. Sotāpannena dukkhaṃ diṭṭhaṃ, na parihāyati sotāpanno sotāpattiphalāti? Āmantā. Arahatā dukkhaṃ diṭṭhaṃ, na parihāyati arahā arahattāti? Na hevaṃ vattabbe…pe….
ஸோதாபன்னேன ஸமுத³யோ தி³ட்டோ²…பே॰… நிரோதோ⁴ தி³ட்டோ²…பே॰… மக்³கோ³ தி³ட்டோ²…பே॰… சத்தாரி ஸச்சானி தி³ட்டா²னி, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அரஹதா சத்தாரி ஸச்சானி தி³ட்டா²னி, ந பரிஹாயதி அரஹா அரஹத்தாதி? ந ஹேவங் வத்தப்³பே³…பே॰….
Sotāpannena samudayo diṭṭho…pe… nirodho diṭṭho…pe… maggo diṭṭho…pe… cattāri saccāni diṭṭhāni, na parihāyati sotāpanno sotāpattiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….
ஸகதா³கா³மினா து³க்க²ங் தி³ட்ட²ங்…பே॰… சத்தாரி ஸச்சானி தி³ட்டா²னி, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அரஹதா சத்தாரி ஸச்சானி தி³ட்டா²னி, ந பரிஹாயதி அரஹா அரஹத்தாதி? ந ஹேவங் வத்தப்³பே³…பே॰….
Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….
அனாகா³மினா து³க்க²ங் தி³ட்ட²ங்…பே॰… சத்தாரி ஸச்சானி தி³ட்டா²னி, ந பரிஹாயதி அனாகா³மீ அனாகா³மிப²லாதி? ஆமந்தா. அரஹதா சத்தாரி ஸச்சானி தி³ட்டா²னி, ந பரிஹாயதி அரஹா அரஹத்தாதி? ந ஹேவங் வத்தப்³பே³…பே॰….
Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Āmantā. Arahatā cattāri saccāni diṭṭhāni, na parihāyati arahā arahattāti? Na hevaṃ vattabbe…pe….
ஸோதாபன்னேன து³க்க²ங் தி³ட்ட²ங்…பே॰… சத்தாரி ஸச்சானி தி³ட்டா²னி, ந பரிஹாயதி ஸோதாபன்னோ ஸோதாபத்திப²லாதி? ஆமந்தா.
Sotāpannena dukkhaṃ diṭṭhaṃ…pe… cattāri saccāni diṭṭhāni, na parihāyati sotāpanno sotāpattiphalāti? Āmantā.
அனாகா³மினா து³க்க²ங் தி³ட்ட²ங்…பே॰… சத்தாரி ஸச்சானி தி³ட்டா²னி, ந பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³…பே॰….
Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Na hevaṃ vattabbe…pe….
ஸகதா³கா³மினா து³க்க²ங் தி³ட்ட²ங்…பே॰… சத்தாரி ஸச்சானி தி³ட்டா²னி, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அனாகா³மினா து³க்க²ங் தி³ட்ட²ங்…பே॰… சத்தாரி ஸச்சானி தி³ட்டா²னி, ந பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³…பே॰….
Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Āmantā. Anāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati anāgāmī anāgāmiphalāti? Na hevaṃ vattabbe…pe….
ஸோதாபன்னேன து³க்க²ங் தி³ட்ட²ங்…பே॰… சத்தாரி ஸச்சானி தி³ட்டா²னி, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ஸகதா³கா³மினா து³க்க²ங் தி³ட்ட²ங்…பே॰… சத்தாரி ஸச்சானி தி³ட்டா²னி, ந பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰….
Sotāpannena dukkhaṃ diṭṭhaṃ…pe… cattāri saccāni diṭṭhāni, na parihāyati sotāpanno sotāpattiphalāti? Āmantā. Sakadāgāminā dukkhaṃ diṭṭhaṃ…pe… cattāri saccāni diṭṭhāni, na parihāyati sakadāgāmī sakadāgāmiphalāti? Na hevaṃ vattabbe…pe….
251. அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. ஸோதாபன்னஸ்ஸ ஸக்காயதி³ட்டி² பஹீனா, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
251. Arahato rāgo pahīno, parihāyati arahā arahattāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe…pe….
அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. ஸோதாபன்னஸ்ஸ விசிகிச்சா² பஹீனா…பே॰… ஸீலப்³ப³தபராமாஸோ பஹீனோ…பே॰… அபாயக³மனீயோ ராகோ³ பஹீனோ …பே॰… அபாயக³மனீயோ தோ³ஸோ பஹீனோ…பே॰… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Arahato rāgo pahīno, parihāyati arahā arahattāti? Āmantā. Sotāpannassa vicikicchā pahīnā…pe… sīlabbataparāmāso pahīno…pe… apāyagamanīyo rāgo pahīno …pe… apāyagamanīyo doso pahīno…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe…pe….
அரஹதோ தோ³ஸோ பஹீனோ…பே॰… மோஹோ பஹீனோ… மானோ பஹீனோ… தி³ட்டி² பஹீனா… விசிகிச்சா² பஹீனா… தி²னங் 1 பஹீனங்… உத்³த⁴ச்சங் பஹீனங்… அஹிரிகங் பஹீனங்…பே॰… அனொத்தப்பங் பஹீனங், பரிஹாயதி அரஹா அரஹத்தாதி ? ஆமந்தா. ஸோதாபன்னஸ்ஸ ஸக்காயதி³ட்டி² பஹீனா, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Arahato doso pahīno…pe… moho pahīno… māno pahīno… diṭṭhi pahīnā… vicikicchā pahīnā… thinaṃ 2 pahīnaṃ… uddhaccaṃ pahīnaṃ… ahirikaṃ pahīnaṃ…pe… anottappaṃ pahīnaṃ, parihāyati arahā arahattāti ? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe…pe….
அரஹதோ அனொத்தப்பங் பஹீனங், பரிஹாயதி அரஹா அரஹத்தாதி? ஆமந்தா. ஸோதாபன்னஸ்ஸ விசிகிச்சா² பஹீனா…பே॰… ஸீலப்³ப³தபராமாஸோ பஹீனோ…பே॰… அபாயக³மனீயோ ராகோ³ பஹீனோ…பே॰… அபாயக³மனீயோ தோ³ஸோ பஹீனோ…பே॰… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³…பே॰….
Arahato anottappaṃ pahīnaṃ, parihāyati arahā arahattāti? Āmantā. Sotāpannassa vicikicchā pahīnā…pe… sīlabbataparāmāso pahīno…pe… apāyagamanīyo rāgo pahīno…pe… apāyagamanīyo doso pahīno…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe…pe….
அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா, பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³.
Arahato rāgo pahīno, parihāyati arahā arahattāti? Āmantā. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Na hevaṃ vattabbe.
அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. ஸகதா³கா³மிஸ்ஸ விசிகிச்சா² பஹீனா…பே॰… ஸீலப்³ப³தபராமாஸோ பஹீனோ…பே॰… ஓளாரிகோ காமராகோ³ பஹீனோ… ஓளாரிகோ ப்³யாபாதோ³ பஹீனோ, பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³…பே॰….
Arahato rāgo pahīno, parihāyati arahā arahattāti? Āmantā. Sakadāgāmissa vicikicchā pahīnā…pe… sīlabbataparāmāso pahīno…pe… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe…pe….
அரஹதோ தோ³ஸோ பஹீனோ…பே॰… அனொத்தப்பங் பஹீனங், பரிஹாயதி அரஹா அரஹத்தாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா…பே॰… ஓளாரிகோ ப்³யாபாதோ³ பஹீனோ, பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³.
Arahato doso pahīno…pe… anottappaṃ pahīnaṃ, parihāyati arahā arahattāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.
அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா, பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³…பே॰….
Arahato rāgo pahīno, parihāyati arahā arahattāti? Āmantā. Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Na hevaṃ vattabbe…pe….
அரஹதோ ராகோ³ பஹீனோ, பரிஹாயதி அரஹா அரஹத்தாதி? ஆமந்தா. அனாகா³மிஸ்ஸ விசிகிச்சா² பஹீனா…பே॰… ஸீலப்³ப³தபராமாஸோ பஹீனோ… அணுஸஹக³தோ காமராகோ³ பஹீனோ… அணுஸஹக³தோ ப்³யாபாதோ³ பஹீனோ, பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³.
Arahato rāgo pahīno, parihāyati arahā arahattāti? Āmantā. Anāgāmissa vicikicchā pahīnā…pe… sīlabbataparāmāso pahīno… aṇusahagato kāmarāgo pahīno… aṇusahagato byāpādo pahīno, parihāyati anāgāmī anāgāmiphalāti? Na hevaṃ vattabbe.
அரஹதோ தோ³ஸோ பஹீனோ…பே॰… அனொத்தப்பங் பஹீனங், பரிஹாயதி அரஹா அரஹத்தாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா…பே॰… அணுஸஹக³தோ ப்³யாபாதோ³ பஹீனோ, பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³.
Arahato doso pahīno…pe… anottappaṃ pahīnaṃ, parihāyati arahā arahattāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, parihāyati anāgāmī anāgāmiphalāti? Na hevaṃ vattabbe.
252. அனாகா³மிஸ்ஸ ஸக்காயதி³ட்டி² பஹீனா, பரிஹாயதி அனாகா³மீ அனாகா³மிப²லாதி? ஆமந்தா. ஸோதாபன்னஸ்ஸ ஸக்காயதி³ட்டி² பஹீனா, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³.
252. Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe.
அனாகா³மிஸ்ஸ ஸக்காயதி³ட்டி² பஹீனா, பரிஹாயதி அனாகா³மீ அனாகா³மிப²லாதி? ஆமந்தா. ஸோதாபன்னஸ்ஸ விசிகிச்சா² பஹீனா…பே॰… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³.
Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sotāpannassa vicikicchā pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
அனாகா³மிஸ்ஸ விசிகிச்சா² பஹீனா…பே॰… அணுஸஹக³தோ ப்³யாபாதோ³ பஹீனோ, பரிஹாயதி அனாகா³மீ அனாகா³மிப²லாதி? ஆமந்தா . ஸோதாபன்னஸ்ஸ ஸக்காயதி³ட்டி² பஹீனா…பே॰… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³.
Anāgāmissa vicikicchā pahīnā…pe… aṇusahagato byāpādo pahīno, parihāyati anāgāmī anāgāmiphalāti? Āmantā . Sotāpannassa sakkāyadiṭṭhi pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
அனாகா³மிஸ்ஸ ஸக்காயதி³ட்டி² பஹீனா, பரிஹாயதி அனாகா³மீ அனாகா³மிப²லாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா, பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³.
Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Na hevaṃ vattabbe.
அனாகா³மிஸ்ஸ ஸக்காயதி³ட்டி² பஹீனா, பரிஹாயதி அனாகா³மீ அனாகா³மிப²லாதி? ஆமந்தா. ஸகதா³கா³மிஸ்ஸ விசிகிச்சா² பஹீனா…பே॰… ஸீலப்³ப³தபராமாஸோ பஹீனோ… ஓளாரிகோ காமராகோ³ பஹீனோ… ஓளாரிகோ ப்³யாபாதோ³ பஹீனோ, பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³.
Anāgāmissa sakkāyadiṭṭhi pahīnā, parihāyati anāgāmī anāgāmiphalāti? Āmantā. Sakadāgāmissa vicikicchā pahīnā…pe… sīlabbataparāmāso pahīno… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.
அனாகா³மிஸ்ஸ விசிகிச்சா² பஹீனா…பே॰… அணுஸஹக³தோ ப்³யாபாதோ³ பஹீனோ, பரிஹாயதி அனாகா³மீ அனாகா³மிப²லாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா…பே॰… ஓளாரிகோ ப்³யாபாதோ³ பஹீனோ, பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³.
Anāgāmissa vicikicchā pahīnā…pe… aṇusahagato byāpādo pahīno, parihāyati anāgāmī anāgāmiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, parihāyati sakadāgāmī sakadāgāmiphalāti? Na hevaṃ vattabbe.
253. ஸகதா³கா³மிஸ்ஸ ஸக்காயதி³ட்டி² பஹீனா, பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ஸோதாபன்னஸ்ஸ ஸக்காயதி³ட்டி² பஹீனா, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³.
253. Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Āmantā. Sotāpannassa sakkāyadiṭṭhi pahīnā, parihāyati sotāpanno sotāpattiphalāti? Na hevaṃ vattabbe.
ஸகதா³கா³மிஸ்ஸ ஸக்காயதி³ட்டி² பஹீனா, பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. ஸோதாபன்னஸ்ஸ விசிகிச்சா² பஹீனா…பே॰… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³.
Sakadāgāmissa sakkāyadiṭṭhi pahīnā, parihāyati sakadāgāmī sakadāgāmiphalāti? Āmantā. Sotāpannassa vicikicchā pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
ஸகதா³கா³மிஸ்ஸ விசிகிச்சா² பஹீனா…பே॰… ஓளாரிகோ காமராகோ³ பஹீனோ… ஓளாரிகோ ப்³யாபாதோ³ பஹீனோ, பரிஹாயதி ஸகதா³கா³மீ ஸகதா³கா³மிப²லாதி ? ஆமந்தா . ஸோதாபன்னஸ்ஸ ஸக்காயதி³ட்டி² பஹீனா…பே॰… அபாயக³மனீயோ மோஹோ பஹீனோ, பரிஹாயதி ஸோதாபன்னோ ஸோதாபத்திப²லாதி? ந ஹேவங் வத்தப்³பே³.
Sakadāgāmissa vicikicchā pahīnā…pe… oḷāriko kāmarāgo pahīno… oḷāriko byāpādo pahīno, parihāyati sakadāgāmī sakadāgāmiphalāti ? Āmantā . Sotāpannassa sakkāyadiṭṭhi pahīnā…pe… apāyagamanīyo moho pahīno, parihāyati sotāpanno sotāpattiphalāti? Na hevaṃ vattabbe.
254. ஸோதாபன்னஸ்ஸ ஸக்காயதி³ட்டி² பஹீனா, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அரஹதோ ராகோ³ பஹீனோ, ந பரிஹாயதி அரஹா அரஹத்தாதி? ந ஹேவங் வத்தப்³பே³.
254. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Arahato rāgo pahīno, na parihāyati arahā arahattāti? Na hevaṃ vattabbe.
ஸோதாபன்னஸ்ஸ ஸக்காயதி³ட்டி² பஹீனா, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அரஹதோ தோ³ஸோ பஹீனோ…பே॰… அனொத்தப்பங் பஹீனங், ந பரிஹாயதி அரஹா அரஹத்தாதி? ந ஹேவங் வத்தப்³பே³.
Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Arahato doso pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
ஸோதாபன்னஸ்ஸ விசிகிச்சா² பஹீனா…பே॰… அபாயக³மனீயோ மோஹோ பஹீனோ, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அரஹதோ ராகோ³ பஹீனோ…பே॰… அனொத்தப்பங் பஹீனங், ந பரிஹாயதி அரஹா அரஹத்தாதி? ந ஹேவங் வத்தப்³பே³.
Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
255. ஸகதா³கா³மிஸ்ஸ ஸக்காயதி³ட்டி² பஹீனா, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அரஹதோ ராகோ³ பஹீனோ…பே॰… அனொத்தப்பங் பஹீனங், ந பரிஹாயதி அரஹா அரஹத்தாதி? ந ஹேவங் வத்தப்³பே³.
255. Sakadāgāmissa sakkāyadiṭṭhi pahīnā, na parihāyati sakadāgāmī sakadāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
ஸகதா³கா³மிஸ்ஸ விசிகிச்சா² பஹீனா…பே॰… ஓளாரிகோ ப்³யாபாதோ³ பஹீனோ, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அரஹதோ ராகோ³ பஹீனோ…பே॰… அனொத்தப்பங் பஹீனங், ந பரிஹாயதி அரஹா அரஹத்தாதி? ந ஹேவங் வத்தப்³பே³.
Sakadāgāmissa vicikicchā pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
256. அனாகா³மிஸ்ஸ ஸக்காயதி³ட்டி² பஹீனா, ந பரிஹாயதி அனாகா³மீ அனாகா³மிப²லாதி? ஆமந்தா. அரஹதோ ராகோ³ பஹீனோ…பே॰… அனொத்தப்பங் பஹீனங், ந பரிஹாயதி அரஹா அரஹத்தாதி? ந ஹேவங் வத்தப்³பே³ .
256. Anāgāmissa sakkāyadiṭṭhi pahīnā, na parihāyati anāgāmī anāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe .
அனாகா³மிஸ்ஸ விசிகிச்சா² பஹீனா…பே॰… அணுஸஹக³தோ ப்³யாபாதோ³ பஹீனோ, ந பரிஹாயதி அனாகா³மீ அனாகா³மிப²லாதி? ஆமந்தா. அரஹதோ ராகோ³ பஹீனோ…பே॰… அனொத்தப்பங் பஹீனங், ந பரிஹாயதி அரஹா அரஹத்தாதி? ந ஹேவங் வத்தப்³பே³.
Anāgāmissa vicikicchā pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Āmantā. Arahato rāgo pahīno…pe… anottappaṃ pahīnaṃ, na parihāyati arahā arahattāti? Na hevaṃ vattabbe.
257. ஸோதாபன்னஸ்ஸ ஸக்காயதி³ட்டி² பஹீனா, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா… அணுஸஹக³தோ ப்³யாபாதோ³ பஹீனோ, ந பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³.
257. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Anāgāmissa sakkāyadiṭṭhi pahīnā… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
ஸோதாபன்னஸ்ஸ விசிகிச்சா² பஹீனா…பே॰… அபாயக³மனீயோ மோஹோ பஹீனோ, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா…பே॰… அணுஸஹக³தோ ப்³யாபாதோ³ பஹீனோ, ந பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³.
Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
258. ஸகதா³கா³மிஸ்ஸ ஸக்காயதி³ட்டி² பஹீனா, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா…பே॰… அணுஸஹக³தோ ப்³யாபாதோ³ பஹீனோ, ந பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³.
258. Sakadāgāmissa sakkāyadiṭṭhi pahīnā, na parihāyati sakadāgāmī sakadāgāmiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
ஸகதா³கா³மிஸ்ஸ விசிகிச்சா² பஹீனா…பே॰… ஓளாரிகோ ப்³யாபாதோ³ பஹீனோ, ந பரிஹாயதி ஸகதா³கா³மீ ஸகதா³கா³மிப²லாதி? ஆமந்தா. அனாகா³மிஸ்ஸ ஸக்காயதி³ட்டி² பஹீனா…பே॰… அணுஸஹக³தோ ப்³யாபாதோ³ பஹீனோ, ந பரிஹாயதி அனாகா³மீ அனாகா³மிப²லாதி? ந ஹேவங் வத்தப்³பே³.
Sakadāgāmissa vicikicchā pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Āmantā. Anāgāmissa sakkāyadiṭṭhi pahīnā…pe… aṇusahagato byāpādo pahīno, na parihāyati anāgāmī anāgāmiphalāti? Na hevaṃ vattabbe.
259. ஸோதாபன்னஸ்ஸ ஸக்காயதி³ட்டி² பஹீனா, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா…பே॰… ஓளாரிகோ ப்³யாபாதோ³ பஹீனோ, ந பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³.
259. Sotāpannassa sakkāyadiṭṭhi pahīnā, na parihāyati sotāpanno sotāpattiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Na hevaṃ vattabbe.
ஸோதாபன்னஸ்ஸ விசிகிச்சா² பஹீனா…பே॰… அபாயக³மனீயோ மோஹோ பஹீனோ, ந பரிஹாயதி ஸோதாபன்னோ ஸோதாபத்திப²லாதி? ஆமந்தா. ஸகதா³கா³மிஸ்ஸ ஸக்காயதி³ட்டி² பஹீனா…பே॰… ஓளாரிகோ ப்³யாபாதோ³ பஹீனோ, ந பரிஹாயதி ஸகதா³கா³மீ ஸகதா³கா³மிப²லாதி? ந ஹேவங் வத்தப்³பே³.
Sotāpannassa vicikicchā pahīnā…pe… apāyagamanīyo moho pahīno, na parihāyati sotāpanno sotāpattiphalāti? Āmantā. Sakadāgāmissa sakkāyadiṭṭhi pahīnā…pe… oḷāriko byāpādo pahīno, na parihāyati sakadāgāmī sakadāgāmiphalāti? Na hevaṃ vattabbe.
பரிஹாயதி அரஹா அரஹத்தாதி? ஆமந்தா. நனு அரஹதோ தோ³ஸோ பஹீனோ…பே॰… மோஹோ பஹீனோ… மானோ பஹீனோ… தி³ட்டி² பஹீனா… விசிகிச்சா² பஹீனா… தி²னங் பஹீனங்… உத்³த⁴ச்சங் பஹீனங்… அஹிரிகங் பஹீனங்… அனொத்தப்பங் பஹீனங் உச்சி²ன்னமூலங் தாலாவத்து²கதங் அனபா⁴வங்கதங் ஆயதிங் அனுப்பாத³த⁴ம்மந்தி? ஆமந்தா. ஹஞ்சி அரஹதோ அனொத்தப்பங் பஹீனங் உச்சி²ன்னமூலங் தாலாவத்து²கதங் அனபா⁴வங்கதங் ஆயதிங் அனுப்பாத³த⁴ம்மங், நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
Parihāyati arahā arahattāti? Āmantā. Nanu arahato doso pahīno…pe… moho pahīno… māno pahīno… diṭṭhi pahīnā… vicikicchā pahīnā… thinaṃ pahīnaṃ… uddhaccaṃ pahīnaṃ… ahirikaṃ pahīnaṃ… anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammanti? Āmantā. Hañci arahato anottappaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ, no ca vata re vattabbe – ‘‘parihāyati arahā arahattā’’ti.
பரிஹாயதி அரஹா அரஹத்தாதி? ஆமந்தா. நனு அரஹதோ ராக³ப்பஹானாய மக்³கோ³ பா⁴விதோதி ? ஆமந்தா. ஹஞ்சி அரஹதோ ராக³ப்பஹானாய மக்³கோ³ பா⁴விதோ, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
Parihāyati arahā arahattāti? Āmantā. Nanu arahato rāgappahānāya maggo bhāvitoti ? Āmantā. Hañci arahato rāgappahānāya maggo bhāvito, no ca vata re vattabbe – ‘‘parihāyati arahā arahattā’’ti.
பரிஹாயதி அரஹா அரஹத்தாதி? ஆமந்தா. நனு அரஹதோ ராக³ப்பஹானாய ஸதிபட்டா²னா பா⁴விதா…பே॰… ஸம்மப்பதா⁴னா பா⁴விதா… இத்³தி⁴பாதா³ பா⁴விதா… இந்த்³ரியா பா⁴விதா… ப³லா பா⁴விதா… பொ³ஜ்ஜ²ங்கா³ பா⁴விதாதி? ஆமந்தா. ஹஞ்சி அரஹதோ ராக³ப்பஹானாய பொ³ஜ்ஜ²ங்கா³ பா⁴விதா, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
Parihāyati arahā arahattāti? Āmantā. Nanu arahato rāgappahānāya satipaṭṭhānā bhāvitā…pe… sammappadhānā bhāvitā… iddhipādā bhāvitā… indriyā bhāvitā… balā bhāvitā… bojjhaṅgā bhāvitāti? Āmantā. Hañci arahato rāgappahānāya bojjhaṅgā bhāvitā, no ca vata re vattabbe – ‘‘parihāyati arahā arahattā’’ti.
பரிஹாயதி அரஹா அரஹத்தாதி? ஆமந்தா. நனு அரஹதோ தோ³ஸப்பஹானாய…பே॰… அனொத்தப்பபஹானாய மக்³கோ³ பா⁴விதோ…பே॰… பொ³ஜ்ஜ²ங்கா³ பா⁴விதாதி? ஆமந்தா. ஹஞ்சி அரஹதோ அனொத்தப்பபஹானாய பொ³ஜ்ஜ²ங்கா³ பா⁴விதா, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
Parihāyati arahā arahattāti? Āmantā. Nanu arahato dosappahānāya…pe… anottappapahānāya maggo bhāvito…pe… bojjhaṅgā bhāvitāti? Āmantā. Hañci arahato anottappapahānāya bojjhaṅgā bhāvitā, no ca vata re vattabbe – ‘‘parihāyati arahā arahattā’’ti.
261. பரிஹாயதி அரஹா அரஹத்தாதி? ஆமந்தா. நனு அரஹா வீதராகோ³ வீததோ³ஸோ வீதமோஹோ கதகரணீயோ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞாவிமுத்தோ உக்கி²த்தபலிகோ⁴ ஸங்கிண்ணபரிகோ² அப்³பூ³ள்ஹேஸிகோ நிரக்³க³ளோ அரியோ பன்னத்³த⁴ஜோ பன்னபா⁴ரோ விஸஞ்ஞுத்தோ ஸுவிஜிதவிஜயோ; து³க்க²ங் தஸ்ஸ பரிஞ்ஞாதங், ஸமுத³யோ பஹீனோ, நிரோதோ⁴ ஸச்சி²கதோ, மக்³கோ³ பா⁴விதோ, அபி⁴ஞ்ஞெய்யங் அபி⁴ஞ்ஞாதங் , பரிஞ்ஞெய்யங் பரிஞ்ஞாதங், பஹாதப்³ப³ங் பஹீனங், பா⁴வேதப்³ப³ங் பா⁴விதங், ஸச்சி²காதப்³ப³ங் ஸச்சி²கதந்தி? ஆமந்தா. ஹஞ்சி அரஹா வீதராகோ³ வீததோ³ஸோ வீதமோஹோ…பே॰… ஸச்சி²காதப்³ப³ங் ஸச்சி²கதங், நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
261. Parihāyati arahā arahattāti? Āmantā. Nanu arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo; dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ , pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikatanti? Āmantā. Hañci arahā vītarāgo vītadoso vītamoho…pe… sacchikātabbaṃ sacchikataṃ, no ca vata re vattabbe – ‘‘parihāyati arahā arahattā’’ti.
அஸமயவிமுத்தோ அரஹா அரஹத்தா ந பரிஹாயதீதி? ஆமந்தா. ஸமயவிமுத்தோ அரஹா அரஹத்தா ந பரிஹாயதீதி? ந ஹேவங் வத்தப்³பே³.
Asamayavimutto arahā arahattā na parihāyatīti? Āmantā. Samayavimutto arahā arahattā na parihāyatīti? Na hevaṃ vattabbe.
ஸமயவிமுத்தஸ்ஸ அரஹதோ ராகோ³ பஹீனோ, பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தஸ்ஸ அரஹதோ ராகோ³ பஹீனோ, பரிஹாயதி அஸமயவிமுத்தோ அரஹா அரஹத்தாதி? ந ஹேவங் வத்தப்³பே³.
Samayavimuttassa arahato rāgo pahīno, parihāyati samayavimutto arahā arahattāti? Āmantā. Asamayavimuttassa arahato rāgo pahīno, parihāyati asamayavimutto arahā arahattāti? Na hevaṃ vattabbe.
ஸமயவிமுத்தஸ்ஸ அரஹதோ தோ³ஸோ பஹீனோ…பே॰… அனொத்தப்பங் பஹீனங், பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தஸ்ஸ அரஹதோ அனொத்தப்பங் பஹீனங், பரிஹாயதி அஸமயவிமுத்தோ அரஹா அரஹத்தாதி? ந ஹேவங் வத்தப்³பே³.
Samayavimuttassa arahato doso pahīno…pe… anottappaṃ pahīnaṃ, parihāyati samayavimutto arahā arahattāti? Āmantā. Asamayavimuttassa arahato anottappaṃ pahīnaṃ, parihāyati asamayavimutto arahā arahattāti? Na hevaṃ vattabbe.
ஸமயவிமுத்தஸ்ஸ அரஹதோ ராக³ப்பஹானாய மக்³கோ³ பா⁴விதோ, பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தஸ்ஸ அரஹதோ ராக³ப்பஹானாய மக்³கோ³ பா⁴விதோ, பரிஹாயதி அஸமயவிமுத்தோ அரஹா அரஹத்தாதி? ந ஹேவங் வத்தப்³பே³.
Samayavimuttassa arahato rāgappahānāya maggo bhāvito, parihāyati samayavimutto arahā arahattāti? Āmantā. Asamayavimuttassa arahato rāgappahānāya maggo bhāvito, parihāyati asamayavimutto arahā arahattāti? Na hevaṃ vattabbe.
ஸமயவிமுத்தஸ்ஸ அரஹதோ ராக³ப்பஹானாய ஸதிபட்டா²னா பா⁴விதா…பே॰… ஸம்மப்பதா⁴னா பா⁴விதா… இத்³தி⁴பாதா³ பா⁴விதா… இந்த்³ரியா பா⁴விதா… ப³லா பா⁴விதா… பொ³ஜ்ஜ²ங்கா³ பா⁴விதா, பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தஸ்ஸ அரஹதோ ராக³ப்பஹானாய ஸதிபட்டா²னா பா⁴விதா…பே॰… பொ³ஜ்ஜ²ங்கா³ பா⁴விதா, பரிஹாயதி அஸமயவிமுத்தோ அரஹா அரஹத்தாதி? ந ஹேவங் வத்தப்³பே³.
Samayavimuttassa arahato rāgappahānāya satipaṭṭhānā bhāvitā…pe… sammappadhānā bhāvitā… iddhipādā bhāvitā… indriyā bhāvitā… balā bhāvitā… bojjhaṅgā bhāvitā, parihāyati samayavimutto arahā arahattāti? Āmantā. Asamayavimuttassa arahato rāgappahānāya satipaṭṭhānā bhāvitā…pe… bojjhaṅgā bhāvitā, parihāyati asamayavimutto arahā arahattāti? Na hevaṃ vattabbe.
ஸமயவிமுத்தஸ்ஸ அரஹதோ தோ³ஸப்பஹானாய…பே॰… அனொத்தப்பபஹானாய மக்³கோ³ பா⁴விதோ…பே॰… பொ³ஜ்ஜ²ங்கா³ பா⁴விதா, பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தஸ்ஸ அரஹதோ அனொத்தப்பபஹானாய மக்³கோ³ பா⁴விதோ…பே॰… பொ³ஜ்ஜ²ங்கா³ பா⁴விதா, பரிஹாயதி அஸமயவிமுத்தோ அரஹா அரஹத்தாதி? ந ஹேவங் வத்தப்³பே³…பே॰….
Samayavimuttassa arahato dosappahānāya…pe… anottappapahānāya maggo bhāvito…pe… bojjhaṅgā bhāvitā, parihāyati samayavimutto arahā arahattāti? Āmantā. Asamayavimuttassa arahato anottappapahānāya maggo bhāvito…pe… bojjhaṅgā bhāvitā, parihāyati asamayavimutto arahā arahattāti? Na hevaṃ vattabbe…pe….
ஸமயவிமுத்தோ அரஹா வீதராகோ³ வீததோ³ஸோ வீதமோஹோ கதகரணீயோ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞாவிமுத்தோ உக்கி²த்தபலிகோ⁴ ஸங்கிண்ணபரிகோ² அப்³பூ³ள்ஹேஸிகோ நிரக்³க³ளோ அரியோ பன்னத்³த⁴ஜோ பன்னபா⁴ரோ விஸஞ்ஞுத்தோ ஸுவிஜிதவிஜயோ, து³க்க²ங் தஸ்ஸ பரிஞ்ஞாதங், ஸமுத³யோ பஹீனோ, நிரோதோ⁴ ஸச்சி²கதோ, மக்³கோ³ பா⁴விதோ, அபி⁴ஞ்ஞெய்யங் அபி⁴ஞ்ஞாதங், பரிஞ்ஞெய்யங் பரிஞ்ஞாதங், பஹாதப்³ப³ங் பஹீனங், பா⁴வேதப்³ப³ங் பா⁴விதங், ஸச்சி²காதப்³ப³ங் ஸச்சி²கதங் , பரிஹாயதி ஸமயவிமுத்தோ அரஹா அரஹத்தாதி? ஆமந்தா. அஸமயவிமுத்தோ அரஹா வீதராகோ³ வீததோ³ஸோ வீதமோஹோ…பே॰… ஸச்சி²காதப்³ப³ங் ஸச்சி²கதங், பரிஹாயதி அஸமயவிமுத்தோ அரஹா அரஹத்தாதி? ந ஹேவங் வத்தப்³பே³.
Samayavimutto arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ , parihāyati samayavimutto arahā arahattāti? Āmantā. Asamayavimutto arahā vītarāgo vītadoso vītamoho…pe… sacchikātabbaṃ sacchikataṃ, parihāyati asamayavimutto arahā arahattāti? Na hevaṃ vattabbe.
263. அஸமயவிமுத்தஸ்ஸ அரஹதோ ராகோ³ பஹீனோ, ந பரிஹாயதி அஸமயவிமுத்தோ அரஹா அரஹத்தாதி? ஆமந்தா. ஸமயவிமுத்தஸ்ஸ அரஹதோ ராகோ³ பஹீனோ, ந பரிஹாயதி ஸமயவிமுத்தோ அரஹா அரஹத்தாதி? ந ஹேவங் வத்தப்³பே³.
263. Asamayavimuttassa arahato rāgo pahīno, na parihāyati asamayavimutto arahā arahattāti? Āmantā. Samayavimuttassa arahato rāgo pahīno, na parihāyati samayavimutto arahā arahattāti? Na hevaṃ vattabbe.
அஸமயவிமுத்தஸ்ஸ அரஹதோ தோ³ஸோ பஹீனோ…பே॰… அனொத்தப்பங் பஹீனங், ந பரிஹாயதி அஸமயவிமுத்தோ அரஹா அரஹத்தாதி? ஆமந்தா. ஸமயவிமுத்தஸ்ஸ அரஹதோ அனொத்தப்பங் பஹீனங், ந பரிஹாயதி ஸமயவிமுத்தோ அரஹா அரஹத்தாதி? ந ஹேவங் வத்தப்³பே³.
Asamayavimuttassa arahato doso pahīno…pe… anottappaṃ pahīnaṃ, na parihāyati asamayavimutto arahā arahattāti? Āmantā. Samayavimuttassa arahato anottappaṃ pahīnaṃ, na parihāyati samayavimutto arahā arahattāti? Na hevaṃ vattabbe.
அஸமயவிமுத்தஸ்ஸ அரஹதோ ராக³ப்பஹானாய மக்³கோ³ பா⁴விதோ…பே॰… பொ³ஜ்ஜ²ங்கா³ பா⁴விதா, ந பரிஹாயதி அஸமயவிமுத்தோ அரஹா அரஹத்தாதி? ஆமந்தா. ஸமயவிமுத்தஸ்ஸ அரஹதோ ராக³ப்பஹானாய மக்³கோ³ பா⁴விதோ…பே॰… பொ³ஜ்ஜ²ங்கா³ பா⁴விதா, ந பரிஹாயதி ஸமயவிமுத்தோ அரஹா அரஹத்தாதி? ந ஹேவங் வத்தப்³பே³.
Asamayavimuttassa arahato rāgappahānāya maggo bhāvito…pe… bojjhaṅgā bhāvitā, na parihāyati asamayavimutto arahā arahattāti? Āmantā. Samayavimuttassa arahato rāgappahānāya maggo bhāvito…pe… bojjhaṅgā bhāvitā, na parihāyati samayavimutto arahā arahattāti? Na hevaṃ vattabbe.
அஸமயவிமுத்தஸ்ஸ அரஹதோ தோ³ஸப்பஹானாய…பே॰… அனொத்தப்பபஹானாய மக்³கோ³ பா⁴விதோ…பே॰… பொ³ஜ்ஜ²ங்கா³ பா⁴விதா, ந பரிஹாயதி அஸமயவிமுத்தோ அரஹா அரஹத்தாதி? ஆமந்தா. ஸமயவிமுத்தஸ்ஸ அரஹதோ அனொத்தப்பபஹானாய மக்³கோ³ பா⁴விதோ…பே॰… பொ³ஜ்ஜ²ங்கா³ பா⁴விதா, ந பரிஹாயதி ஸமயவிமுத்தோ அரஹா அரஹத்தாதி? ந ஹேவங் வத்தப்³பே³.
Asamayavimuttassa arahato dosappahānāya…pe… anottappapahānāya maggo bhāvito…pe… bojjhaṅgā bhāvitā, na parihāyati asamayavimutto arahā arahattāti? Āmantā. Samayavimuttassa arahato anottappapahānāya maggo bhāvito…pe… bojjhaṅgā bhāvitā, na parihāyati samayavimutto arahā arahattāti? Na hevaṃ vattabbe.
அஸமயவிமுத்தோ அரஹா வீதராகோ³ வீததோ³ஸோ வீதமோஹோ…பே॰… ஸச்சி²காதப்³ப³ங் ஸச்சி²கதங், ந பரிஹாயதி அஸமயவிமுத்தோ அரஹா அரஹத்தாதி? ஆமந்தா. ஸமயவிமுத்தோ அரஹா வீதராகோ³ வீததோ³ஸோ வீதமோஹோ…பே॰… ஸச்சி²காதப்³ப³ங் ஸச்சி²கதங், ந பரிஹாயதி ஸமயவிமுத்தோ அரஹா அரஹத்தாதி? ந ஹேவங் வத்தப்³பே³…பே॰….
Asamayavimutto arahā vītarāgo vītadoso vītamoho…pe… sacchikātabbaṃ sacchikataṃ, na parihāyati asamayavimutto arahā arahattāti? Āmantā. Samayavimutto arahā vītarāgo vītadoso vītamoho…pe… sacchikātabbaṃ sacchikataṃ, na parihāyati samayavimutto arahā arahattāti? Na hevaṃ vattabbe…pe….
ஸாரிபுத்தோ தே²ரோ ந பரிஹாயித்த² அரஹத்தாதி? ஆமந்தா. ஹஞ்சி ஸாரிபுத்தோ தே²ரோ ந பரிஹாயித்த² அரஹத்தா, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
Sāriputto thero na parihāyittha arahattāti? Āmantā. Hañci sāriputto thero na parihāyittha arahattā, no ca vata re vattabbe – ‘‘parihāyati arahā arahattā’’ti.
மஹாமொக்³க³ல்லானோ தே²ரோ… மஹாகஸ்ஸபோ தே²ரோ… மஹாகச்சாயனோ தே²ரோ… மஹாகொட்டி²கோ தே²ரோ… மஹாபந்த²கோ தே²ரோ ந பரிஹாயித்த² அரஹத்தாதி? ஆமந்தா. ஹஞ்சி மஹாபந்த²கோ தே²ரோ ந பரிஹாயித்த² அரஹத்தா, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
Mahāmoggallāno thero… mahākassapo thero… mahākaccāyano thero… mahākoṭṭhiko thero… mahāpanthako thero na parihāyittha arahattāti? Āmantā. Hañci mahāpanthako thero na parihāyittha arahattā, no ca vata re vattabbe – ‘‘parihāyati arahā arahattā’’ti.
அரியபுக்³க³லஸங்ஸந்த³னங்.
Ariyapuggalasaṃsandanaṃ.
3. ஸுத்தஸாத⁴னபரிஹானி
3. Suttasādhanaparihāni
265. பரிஹாயதி அரஹா அரஹத்தாதி? ஆமந்தா. நனு வுத்தங் ப⁴க³வதா –
265. Parihāyati arahā arahattāti? Āmantā. Nanu vuttaṃ bhagavatā –
ந பாரங் தி³கு³ணங் யந்தி, நயித³ங் ஏககு³ணங் முத’’ந்தி 19.
Na pāraṃ diguṇaṃ yanti, nayidaṃ ekaguṇaṃ muta’’nti 20.
அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘பரிஹாயதி அரஹா அரஹத்தா’’தி.
Attheva suttantoti? Āmantā. Tena hi na vattabbaṃ – ‘‘parihāyati arahā arahattā’’ti.
பரிஹாயதி அரஹா அரஹத்தாதி? ஆமந்தா. அத்தி² சி²ன்னஸ்ஸ சே²தி³யந்தி? ந ஹேவங் வத்தப்³பே³.
Parihāyati arahā arahattāti? Āmantā. Atthi chinnassa chediyanti? Na hevaṃ vattabbe.
அத்தி² சி²ன்னஸ்ஸ சே²தி³யந்தி? ஆமந்தா. நனு வுத்தங் ப⁴க³வதா –
Atthi chinnassa chediyanti? Āmantā. Nanu vuttaṃ bhagavatā –
‘‘வீததண்ஹோ அனாதா³னோ, கிச்சங் யஸ்ஸ ந விஜ்ஜதி;
‘‘Vītataṇho anādāno, kiccaṃ yassa na vijjati;
சி²ன்னஸ்ஸ சே²தி³யங் நத்தி², ஓக⁴பாஸோ ஸமூஹதோ’’தி.
Chinnassa chediyaṃ natthi, oghapāso samūhato’’ti.
அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘அத்தி² சி²ன்னஸ்ஸ சே²தி³ய’’ந்தி.
Attheva suttantoti? Āmantā. Tena hi na vattabbaṃ – ‘‘atthi chinnassa chediya’’nti.
266. பரிஹாயதி அரஹா அரஹத்தாதி? ஆமந்தா. அத்தி² கதஸ்ஸ பதிசயோதி? ந ஹேவங் வத்தப்³பே³.
266. Parihāyati arahā arahattāti? Āmantā. Atthi katassa paticayoti? Na hevaṃ vattabbe.
அத்தி² கதஸ்ஸ பதிசயோதி? ஆமந்தா. நனு வுத்தங் ப⁴க³வதா –
Atthi katassa paticayoti? Āmantā. Nanu vuttaṃ bhagavatā –
‘‘தஸ்ஸ ஸம்மா விமுத்தஸ்ஸ, ஸந்தசித்தஸ்ஸ பி⁴க்கு²னோ;
‘‘Tassa sammā vimuttassa, santacittassa bhikkhuno;
கதஸ்ஸ பதிசயோ நத்தி², கரணீயங் ந விஜ்ஜதி.
Katassa paticayo natthi, karaṇīyaṃ na vijjati.
‘‘ஸேலோ யதா² ஏகக்³க⁴னோ, வாதேன ந ஸமீரதி;
‘‘Selo yathā ekagghano, vātena na samīrati;
ஏவங் ரூபா ரஸா ஸத்³தா³, க³ந்தா⁴ ப²ஸ்ஸா ச கேவலா.
Evaṃ rūpā rasā saddā, gandhā phassā ca kevalā.
‘‘இட்டா² த⁴ம்மா அனிட்டா² ச, நப்பவேதெ⁴ந்தி தாதி³னோ;
‘‘Iṭṭhā dhammā aniṭṭhā ca, nappavedhenti tādino;
டி²தங் சித்தங் விப்பமுத்தங், வயங் சஸ்ஸானுபஸ்ஸதீ’’தி 21.
Ṭhitaṃ cittaṃ vippamuttaṃ, vayaṃ cassānupassatī’’ti 22.
அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘அத்தி² கதஸ்ஸ பதிசயோ’’தி.
Attheva suttantoti? Āmantā. Tena hi na vattabbaṃ – ‘‘atthi katassa paticayo’’ti.
267. ந வத்தப்³ப³ங் – ‘‘பரிஹாயதி அரஹா அரஹத்தா’’தி? ஆமந்தா. நனு வுத்தங் ப⁴க³வதா – ‘‘பஞ்சிமே, பி⁴க்க²வே, த⁴ம்மா ஸமயவிமுத்தஸ்ஸ பி⁴க்கு²னோ பரிஹானாய ஸங்வத்தந்தி. கதமே பஞ்ச? கம்மாராமதா, ப⁴ஸ்ஸாராமதா, நித்³தா³ராமதா, ஸங்க³ணிகாராமதா, யதா²விமுத்தங் சித்தங் ந பச்சவெக்க²தி. இமே கோ², பி⁴க்க²வே, பஞ்ச த⁴ம்மா ஸமயவிமுத்தஸ்ஸ பி⁴க்கு²னோ பரிஹானாய ஸங்வத்தந்தீ’’தி 23. அத்தே²வ ஸுத்தந்தோதி? ஆமந்தா. தேன ஹி பரிஹாயதி அரஹா அரஹத்தாதி.
267. Na vattabbaṃ – ‘‘parihāyati arahā arahattā’’ti? Āmantā. Nanu vuttaṃ bhagavatā – ‘‘pañcime, bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā, saṅgaṇikārāmatā, yathāvimuttaṃ cittaṃ na paccavekkhati. Ime kho, bhikkhave, pañca dhammā samayavimuttassa bhikkhuno parihānāya saṃvattantī’’ti 24. Attheva suttantoti? Āmantā. Tena hi parihāyati arahā arahattāti.
அத்தி² அரஹதோ கம்மாராமதாதி? ந ஹேவங் வத்தப்³பே³.
Atthi arahato kammārāmatāti? Na hevaṃ vattabbe.
அத்தி² அரஹதோ கம்மாராமதாதி? ஆமந்தா. அத்தி² அரஹதோ ராகோ³ காமராகோ³ காமராக³பரியுட்டா²னங் காமராக³ஸங்யோஜனங் காமோகோ⁴ காமயோகோ³ காமச்ச²ந்த³னீவரணந்தி? ந ஹேவங் வத்தப்³பே³.
Atthi arahato kammārāmatāti? Āmantā. Atthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Na hevaṃ vattabbe.
அத்தி² அரஹதோ ப⁴ஸ்ஸாராமதா, அத்தி² அரஹதோ நித்³தா³ராமதா, அத்தி² அரஹதோ ஸங்க³ணிகாராமதாதி? ந ஹேவங் வத்தப்³பே³.
Atthi arahato bhassārāmatā, atthi arahato niddārāmatā, atthi arahato saṅgaṇikārāmatāti? Na hevaṃ vattabbe.
அத்தி² அரஹதோ ஸங்க³ணிகாராமதாதி? ஆமந்தா. அத்தி² அரஹதோ ராகோ³ காமராகோ³ காமராக³பரியுட்டா²னங் காமராக³ஸங்யோஜனங் காமோகோ⁴ காமயோகோ³ காமச்ச²ந்த³னீவரணந்தி? ந ஹேவங் வத்தப்³பே³.
Atthi arahato saṅgaṇikārāmatāti? Āmantā. Atthi arahato rāgo kāmarāgo kāmarāgapariyuṭṭhānaṃ kāmarāgasaṃyojanaṃ kāmogho kāmayogo kāmacchandanīvaraṇanti? Na hevaṃ vattabbe.
268. பரிஹாயதி அரஹா அரஹத்தாதி? ஆமந்தா. அரஹா அரஹத்தா பரிஹாயமானோ கிங் பரியுட்டி²தோ பரிஹாயதீதி? ராக³பரியுட்டி²தோ பரிஹாயதீதி. பரியுட்டா²னங் கிங் படிச்ச உப்பஜ்ஜதீதி? அனுஸயங் படிச்ச உப்பஜ்ஜதீதி. அத்தி² அரஹதோ அனுஸயாதி? ந ஹேவங் வத்தப்³பே³.
268. Parihāyati arahā arahattāti? Āmantā. Arahā arahattā parihāyamāno kiṃ pariyuṭṭhito parihāyatīti? Rāgapariyuṭṭhito parihāyatīti. Pariyuṭṭhānaṃ kiṃ paṭicca uppajjatīti? Anusayaṃ paṭicca uppajjatīti. Atthi arahato anusayāti? Na hevaṃ vattabbe.
அத்தி² அரஹதோ அனுஸயாதி? ஆமந்தா. அத்தி² அரஹதோ காமராகா³னுஸயோ படிகா⁴னுஸயோ மானானுஸயோ தி³ட்டா²னுஸயோ விசிகிச்சா²னுஸயோ ப⁴வராகா³னுஸயோ அவிஜ்ஜானுஸயோதி? ந ஹேவங் வத்தப்³பே³.
Atthi arahato anusayāti? Āmantā. Atthi arahato kāmarāgānusayo paṭighānusayo mānānusayo diṭṭhānusayo vicikicchānusayo bhavarāgānusayo avijjānusayoti? Na hevaṃ vattabbe.
தோ³ஸபரியுட்டி²தோ பரிஹாயதீதி…பே॰… மோஹபரியுட்டி²தோ பரிஹாயதீதி…. பரியுட்டா²னங் கிங் படிச்ச உப்பஜ்ஜதீதி? அனுஸயங் படிச்ச உப்பஜ்ஜதீதி. அத்தி² அரஹதோ அனுஸயாதி? ந ஹேவங் வத்தப்³பே³…பே॰….
Dosapariyuṭṭhito parihāyatīti…pe… mohapariyuṭṭhito parihāyatīti…. Pariyuṭṭhānaṃ kiṃ paṭicca uppajjatīti? Anusayaṃ paṭicca uppajjatīti. Atthi arahato anusayāti? Na hevaṃ vattabbe…pe….
அத்தி² அரஹதோ அனுஸயாதி? ஆமந்தா. அத்தி² அரஹதோ காமராகா³னுஸயோ…பே॰… அவிஜ்ஜானுஸயோதி? ந ஹேவங் வத்தப்³பே³.
Atthi arahato anusayāti? Āmantā. Atthi arahato kāmarāgānusayo…pe… avijjānusayoti? Na hevaṃ vattabbe.
பரிஹாயதி அரஹா அரஹத்தாதி? ஆமந்தா. அரஹதோ அரஹத்தா பரிஹாயமானஸ்ஸ கிங் உபசயங் க³ச்ச²தீதி? ராகோ³ உபசயங் க³ச்ச²தீதி. ஸக்காயதி³ட்டி² உபசயங் க³ச்ச²தீதி, விசிகிச்சா² உபசயங் க³ச்ச²தீதி, ஸீலப்³ப³தபராமாஸோ உபசயங் க³ச்ச²தீதி? ந ஹேவங் வத்தப்³பே³. தோ³ஸோ உபசயங் க³ச்ச²தீதி…பே॰… மோஹோ உபசயங் க³ச்ச²தீதி, ஸக்காயதி³ட்டி² உபசயங் க³ச்ச²தீதி, விசிகிச்சா² உபசயங் க³ச்ச²தீதி, ஸீலப்³ப³தபராமாஸோ உபசயங் க³ச்ச²தீதி? ந ஹேவங் வத்தப்³பே³.
Parihāyati arahā arahattāti? Āmantā. Arahato arahattā parihāyamānassa kiṃ upacayaṃ gacchatīti? Rāgo upacayaṃ gacchatīti. Sakkāyadiṭṭhi upacayaṃ gacchatīti, vicikicchā upacayaṃ gacchatīti, sīlabbataparāmāso upacayaṃ gacchatīti? Na hevaṃ vattabbe. Doso upacayaṃ gacchatīti…pe… moho upacayaṃ gacchatīti, sakkāyadiṭṭhi upacayaṃ gacchatīti, vicikicchā upacayaṃ gacchatīti, sīlabbataparāmāso upacayaṃ gacchatīti? Na hevaṃ vattabbe.
பரிஹாயதி அரஹா அரஹத்தாதி? ஆமந்தா. அரஹா ஆசினதீதி? ந ஹேவங் வத்தப்³பே³. அரஹா அபசினதீதி? ந ஹேவங் வத்தப்³பே³. அரஹா பஜஹதீதி? ந ஹேவங் வத்தப்³பே³. அரஹா உபாதி³யதீதி? ந ஹேவங் வத்தப்³பே³. அரஹா விஸினேதீதி? ந ஹேவங் வத்தப்³பே³. அரஹா உஸ்ஸினேதீதி? ந ஹேவங் வத்தப்³பே³. அரஹா விதூ⁴பேதீதி? ந ஹேவங் வத்தப்³பே³. அரஹா ஸந்தூ⁴பேதீதி? ந ஹேவங் வத்தப்³பே³.
Parihāyati arahā arahattāti? Āmantā. Arahā ācinatīti? Na hevaṃ vattabbe. Arahā apacinatīti? Na hevaṃ vattabbe. Arahā pajahatīti? Na hevaṃ vattabbe. Arahā upādiyatīti? Na hevaṃ vattabbe. Arahā visinetīti? Na hevaṃ vattabbe. Arahā ussinetīti? Na hevaṃ vattabbe. Arahā vidhūpetīti? Na hevaṃ vattabbe. Arahā sandhūpetīti? Na hevaṃ vattabbe.
நனு அரஹா நேவாசினதி ந அபசினதி அபசினித்வா டி²தோதி? ஆமந்தா. ஹஞ்சி அரஹா நேவாசினதி ந அபசினதி அபசினித்வா டி²தோ, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
Nanu arahā nevācinati na apacinati apacinitvā ṭhitoti? Āmantā. Hañci arahā nevācinati na apacinati apacinitvā ṭhito, no ca vata re vattabbe – ‘‘parihāyati arahā arahattā’’ti.
நனு அரஹா நேவ பஜஹதி ந உபாதி³யதி பஜஹித்வா டி²தோதி? ஆமந்தா. ஹஞ்சி அரஹா நேவ பஜஹதி ந உபாதி³யதி பஜஹித்வா டி²தோ, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
Nanu arahā neva pajahati na upādiyati pajahitvā ṭhitoti? Āmantā. Hañci arahā neva pajahati na upādiyati pajahitvā ṭhito, no ca vata re vattabbe – ‘‘parihāyati arahā arahattā’’ti.
நனு அரஹா நேவ விஸினேதி ந உஸ்ஸினேதி விஸினித்வா டி²தோதி? ஆமந்தா. ஹஞ்சி அரஹா நேவ விஸினேதி ந உஸ்ஸினேதி விஸினித்வா டி²தோ, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
Nanu arahā neva visineti na ussineti visinitvā ṭhitoti? Āmantā. Hañci arahā neva visineti na ussineti visinitvā ṭhito, no ca vata re vattabbe – ‘‘parihāyati arahā arahattā’’ti.
நனு அரஹா நேவ விதூ⁴பேதி ந ஸந்தூ⁴பேதி விதூ⁴பெத்வா டி²தோதி? ஆமந்தா. ஹஞ்சி அரஹா நேவ விதூ⁴பேதி ந ஸந்தூ⁴பேதி விதூ⁴பெத்வா டி²தோ, நோ ச வத ரே வத்தப்³பே³ – ‘‘பரிஹாயதி அரஹா அரஹத்தா’’தி.
Nanu arahā neva vidhūpeti na sandhūpeti vidhūpetvā ṭhitoti? Āmantā. Hañci arahā neva vidhūpeti na sandhūpeti vidhūpetvā ṭhito, no ca vata re vattabbe – ‘‘parihāyati arahā arahattā’’ti.
பரிஹானிகதா² நிட்டி²தா.
Parihānikathā niṭṭhitā.
Footnotes:
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 2. பரிஹானிகதா² • 2. Parihānikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 2. பரிஹானிகதா² • 2. Parihānikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 2. பரிஹானிகதா² • 2. Parihānikathā
