| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
2. барихаанигат̇аа
2. Parihānikathā
1. ваад̣̇аяуд̇д̇ибарихаанигат̇ааван̣н̣анаа
1. Vādayuttiparihānikathāvaṇṇanā
239. ид̣̇ам̣ суд̇д̇анд̇и ид̣̇ам̣ лагкан̣амад̇д̇ам̣ д̣̇адтаб̣б̣ам̣. ‘‘бан̃жимз, бхигкавз, д̇хаммаа самаяавимуд̇д̇асса бхигкуно барихаанааяа сам̣вад̇д̇анд̇ий’’д̇и (а. ни. 5.149-150) ид̣̇амби хи суд̇д̇ам̣ анааг̇аамиаад̣̇ийнам̣язва барихааниниссаяо, на арахад̇о. самаяавимуд̇д̇од̇и адтасамаабад̇д̇илаабхино сзгкассзд̇ам̣ наамам̣. яат̇ааха –
239. Idaṃsuttanti idaṃ lakkhaṇamattaṃ daṭṭhabbaṃ. ‘‘Pañcime, bhikkhave, dhammā samayavimuttassa bhikkhuno parihānāya saṃvattantī’’ti (a. ni. 5.149-150) idampi hi suttaṃ anāgāmiādīnaṃyeva parihāninissayo, na arahato. Samayavimuttoti aṭṭhasamāpattilābhino sekkhassetaṃ nāmaṃ. Yathāha –
‘‘гад̇амо жа буг̇г̇ало самаяавимуд̇д̇о? ид̇хзгажжо буг̇г̇ало гаалзна гаалам̣ самаязна самаяам̣ адта вимогкз гааязна пусид̇ваа вихарад̇и, бан̃н̃ааяа жасса д̣̇исваа згажжз аасаваа баригкийн̣аа хонд̇и. аяам̣ вужжад̇и буг̇г̇ало самаяавимуд̇д̇о’’д̇и (бу. ба. 1).
‘‘Katamo ca puggalo samayavimutto? Idhekacco puggalo kālena kālaṃ samayena samayaṃ aṭṭha vimokkhe kāyena phusitvā viharati, paññāya cassa disvā ekacce āsavā parikkhīṇā honti. Ayaṃ vuccati puggalo samayavimutto’’ti (pu. pa. 1).
‘‘барихаанид̇хаммо’’д̇и жа бут̇уж̇ж̇ано жа згажжо жа сзгко ад̇хиббзд̇о, на арахаад̇и. д̇асмаад̇и яасмаа яат̇аад̣̇ассид̇аани суд̇д̇аани анааг̇аамиаад̣̇ийнам̣ барихаанилад̣̇д̇хияаа ниссаяо, на арахад̇о, д̇асмаа. д̇ам̣ ниссааяа д̇ам̣ абзгкид̇ваа яасмаа ‘‘арахад̇обий’’д̇и зд̇т̇а арахад̇оби барихаани, го бана ваад̣̇о анааг̇аамиаад̣̇ийнанд̇и аяамад̇т̇о лаб̣бхад̇и, д̇асмаа би-сад̣̇д̣̇асамбин̣д̣ид̇амад̇т̇ам̣ д̣̇ассзнд̇о ‘‘арахад̇оби…бз… яож̇зд̇аб̣б̣а’’нд̇и ааха. яасмаа ваа гааман̃жзд̇т̇а д̣̇уд̇ияасуд̇д̇ам̣ сзгкавасзна ааг̇ад̇ам̣, батамад̇ад̇ияасуд̇д̇аани бана асзгкавасзнаби ааг̇ад̇аанийд̇и д̇зсам̣ лад̣̇д̇хи, д̇асмаа ‘‘арахад̇обий’’д̇и адтагат̇ааяам̣ вуд̇д̇ам̣. д̇знааха ‘‘ид̣̇ам̣ суд̇д̇ам̣ арахад̇о’’д̇иаад̣̇и.
‘‘Parihānidhammo’’ti ca puthujjano ca ekacco ca sekkho adhippeto, na arahāti. Tasmāti yasmā yathādassitāni suttāni anāgāmiādīnaṃ parihāniladdhiyā nissayo, na arahato, tasmā. Taṃ nissāya taṃ apekkhitvā yasmā ‘‘arahatopī’’ti ettha arahatopi parihāni, ko pana vādo anāgāmiādīnanti ayamattho labbhati, tasmā pi-saddasampiṇḍitamatthaṃ dassento ‘‘arahatopi…pe… yojetabba’’nti āha. Yasmā vā kāmañcettha dutiyasuttaṃ sekkhavasena āgataṃ, paṭhamatatiyasuttāni pana asekkhavasenapi āgatānīti tesaṃ laddhi, tasmā ‘‘arahatopī’’ti aṭṭhakathāyaṃ vuttaṃ. Tenāha ‘‘idaṃ suttaṃ arahato’’tiādi.
д̇ад̇ияасминд̇и ‘‘саб̣б̣зсан̃н̃зва араханд̇аанам̣ барихааний’’д̇и зд̇асмим̣ бан̃хз. со хи ‘‘саб̣б̣зва араханд̇о’’д̇иаад̣̇инаа ааг̇ад̇зсу д̇ад̇ияо бан̃хо. д̇зсанд̇и муд̣̇инд̣̇рияаанам̣. д̇ад̇ияасмимбийд̇и би-сад̣̇д̣̇о вуд̇д̇ад̇т̇асамужжаяо. д̇зна батамабан̃хам̣ самужжинод̇и ‘‘д̇ад̇т̇аби д̇игкинд̣̇рияаа ад̇хиббзд̇аа’’д̇и.
Tatiyasminti ‘‘sabbesaññeva arahantānaṃ parihānī’’ti etasmiṃ pañhe. So hi ‘‘sabbeva arahanto’’tiādinā āgatesu tatiyo pañho. Tesanti mudindriyānaṃ. Tatiyasmimpīti pi-saddo vuttatthasamuccayo. Tena paṭhamapañhaṃ samuccinoti ‘‘tatthapi tikkhindriyā adhippetā’’ti.
соязва на барихааяад̇ийд̇и сод̇аабанноязва сод̇аабаннабхаавад̇о на барихааяад̇ийд̇и ад̇т̇о. на жзд̇т̇а сагад̣̇ааг̇аамибхааваабад̇д̇ияаа сод̇аабаннабхааваабаг̇амо барихаани ход̇и висзсаад̇хиг̇амабхаавад̇о. бад̇д̇ависзсад̇о хи барихаанийд̇и. ид̇арзд̇и сагад̣̇ааг̇аамиаад̣̇игаа. убаримаг̇г̇ад̇т̇ааяаад̇и убаримаг̇г̇ад̇д̇аяабадилаабхад̇т̇ааяа ‘‘нияад̇о’’д̇и вуд̇д̇амад̇т̇ам̣ аг̇г̇ахзд̇ваа.
Soyeva na parihāyatīti sotāpannoyeva sotāpannabhāvato na parihāyatīti attho. Na cettha sakadāgāmibhāvāpattiyā sotāpannabhāvāpagamo parihāni hoti visesādhigamabhāvato. Pattavisesato hi parihānīti. Itareti sakadāgāmiādikā. Uparimaggatthāyāti uparimaggattayapaṭilābhatthāya ‘‘niyato’’ti vuttamatthaṃ aggahetvā.
ваад̣̇аяуд̇д̇ибарихаанигат̇ааван̣н̣анаа нидтид̇аа.
Vādayuttiparihānikathāvaṇṇanā niṭṭhitā.
2. арияабуг̇г̇аласам̣санд̣̇анабарихаанигат̇ааван̣н̣анаа
2. Ariyapuggalasaṃsandanaparihānikathāvaṇṇanā
241. д̇ад̇од̇и арахад̇д̇ад̇о. д̇ад̇т̇аад̇и д̣̇ассанамаг̇г̇апалз. вааяаамзнаад̇и вибассануссааханзна. д̇ад̣̇ананд̇аранд̇и сод̇аабад̇д̇ипалаананд̇арам̣. батамам̣ д̣̇ассанамаг̇г̇апалаананд̇арам̣ арахад̇д̇ам̣ баабун̣аад̇и, д̇ад̇о барихийно буна вааяаманд̇о д̇ад̣̇ананд̇арам̣ на арахад̇д̇ам̣ баабун̣аад̇ийд̇и гаа зд̇т̇а яуд̇д̇ийд̇и ад̇хиббааяо. бараваад̣̇ий наама яуд̇д̇амби вад̣̇ад̇и аяуд̇д̇амбийд̇и гим̣ д̇асса ваад̣̇з яуд̇д̇иг̇авзсанааяаад̇и бана д̣̇адтаб̣б̣ам̣. абарихаанасабхааво бхааванаамаг̇г̇о арияамаг̇г̇ад̇д̇аа д̣̇ассанаад̣̇ассанамаг̇г̇о вияа. на жзд̇т̇а асид̣̇д̇хад̇аасан̇гаа логуд̇д̇арамаг̇г̇асса барассаби арияамаг̇г̇абхаавасса сид̣̇д̇хад̇д̇аа, нааби логияамаг̇г̇зна анзганд̇игад̇аа арияасад̣̇д̣̇зна висзсид̇ад̇д̇аа. д̇ат̇аа на вируд̣̇д̇хад̇аа д̣̇уд̇ияамаг̇г̇аад̣̇ийнам̣ бхааванаамаг̇г̇абхаавасса ол̣ааригагилзсаббахаанаад̣̇ийнан̃жа барассаби ааг̇амад̇о сид̣̇д̇хад̇д̇аа.
241. Tatoti arahattato. Tatthāti dassanamaggaphale. Vāyāmenāti vipassanussāhanena. Tadanantaranti sotāpattiphalānantaraṃ. Paṭhamaṃ dassanamaggaphalānantaraṃ arahattaṃ pāpuṇāti, tato parihīno puna vāyamanto tadanantaraṃ na arahattaṃ pāpuṇātīti kā ettha yuttīti adhippāyo. Paravādī nāma yuttampi vadati ayuttampīti kiṃ tassa vāde yuttigavesanāyāti pana daṭṭhabbaṃ. Aparihānasabhāvo bhāvanāmaggo ariyamaggattā dassanādassanamaggo viya. Na cettha asiddhatāsaṅkā lokuttaramaggassa parassapi ariyamaggabhāvassa siddhattā, nāpi lokiyamaggena anekantikatā ariyasaddena visesitattā. Tathā na viruddhatā dutiyamaggādīnaṃ bhāvanāmaggabhāvassa oḷārikakilesappahānādīnañca parassapi āgamato siddhattā.
арияабуг̇г̇аласам̣санд̣̇анабарихаанигат̇ааван̣н̣анаа нидтид̇аа.
Ariyapuggalasaṃsandanaparihānikathāvaṇṇanā niṭṭhitā.
3. суд̇д̇асаад̇ханабарихаанигат̇ааван̣н̣анаа
3. Suttasādhanaparihānikathāvaṇṇanā
265. буг̇г̇алабан̃н̃ад̇д̇иадтагат̇ааяам̣ ‘‘бад̇д̇и, пусанаа’’д̇и жа бажжагкад̇о ад̇хиг̇амо ад̇хиббзд̇од̇и вуд̇д̇ам̣ ‘‘бад̇д̇аб̣б̣ам̣ вад̣̇ад̇ийд̇и ааха пусанаараха’’нд̇и.
265. Puggalapaññattiaṭṭhakathāyaṃ ‘‘patti, phusanā’’ti ca paccakkhato adhigamo adhippetoti vuttaṃ ‘‘pattabbaṃ vadatīti āha phusanāraha’’nti.
267. гад̇асаннидтаанассаад̇и имасмим̣ сад̇д̇аахз маасз уд̇умхи анд̇овассз ваа ан̃н̃ам̣ аараад̇хзссаамийд̇и гад̇анижчаяасса.
267. Katasanniṭṭhānassāti imasmiṃ sattāhe māse utumhi antovasse vā aññaṃ ārādhessāmīti katanicchayassa.
суд̇д̇асаад̇ханабарихаанигат̇ааван̣н̣анаа нидтид̇аа.
Suttasādhanaparihānikathāvaṇṇanā niṭṭhitā.
барихаанигат̇ааван̣н̣анаа нидтид̇аа.
Parihānikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 2. барихаанигат̇аа • 2. Parihānikathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. барихаанигат̇аа • 2. Parihānikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. барихаанигат̇аа • 2. Parihānikathā
