| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૮. પરિહાનિસુત્તં
8. Parihānisuttaṃ
૧૫૮. તત્ર ખો આયસ્મા સારિપુત્તો ભિક્ખૂ આમન્તેસિ – ‘‘આવુસો ભિક્ખવે’’તિ . ‘‘આવુસો’’તિ ખો તે ભિક્ખૂ આયસ્મતો સારિપુત્તસ્સ પચ્ચસ્સોસું. આયસ્મા સારિપુત્તો એતદવોચ –
158. Tatra kho āyasmā sāriputto bhikkhū āmantesi – ‘‘āvuso bhikkhave’’ti . ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘યો હિ કોચિ, આવુસો, ભિક્ખુ વા ભિક્ખુની વા ચત્તારો ધમ્મે અત્તનિ સમનુપસ્સતિ, નિટ્ઠમેત્થ ગન્તબ્બં – ‘પરિહાયામિ કુસલેહિ ધમ્મેહિ’. પરિહાનમેતં વુત્તં ભગવતા. કતમે ચત્તારો? રાગવેપુલ્લત્તં 1, દોસવેપુલ્લત્તં, મોહવેપુલ્લત્તં, ગમ્ભીરેસુ ખો પનસ્સ ઠાનાઠાનેસુ પઞ્ઞાચક્ખુ ન કમતિ. યો હિ કોચિ, આવુસો, ભિક્ખુ વા ભિક્ખુની વા ઇમે ચત્તારો ધમ્મે અત્તનિ સમનુપસ્સતિ, નિટ્ઠમેત્થ ગન્તબ્બં – ‘પરિહાયામિ કુસલેહિ ધમ્મેહિ’. પરિહાનમેતં વુત્તં ભગવતા.
‘‘Yo hi koci, āvuso, bhikkhu vā bhikkhunī vā cattāro dhamme attani samanupassati, niṭṭhamettha gantabbaṃ – ‘parihāyāmi kusalehi dhammehi’. Parihānametaṃ vuttaṃ bhagavatā. Katame cattāro? Rāgavepullattaṃ 2, dosavepullattaṃ, mohavepullattaṃ, gambhīresu kho panassa ṭhānāṭhānesu paññācakkhu na kamati. Yo hi koci, āvuso, bhikkhu vā bhikkhunī vā ime cattāro dhamme attani samanupassati, niṭṭhamettha gantabbaṃ – ‘parihāyāmi kusalehi dhammehi’. Parihānametaṃ vuttaṃ bhagavatā.
‘‘યો હિ કોચિ, આવુસો, ભિક્ખુ વા ભિક્ખુની વા ચત્તારો ધમ્મે અત્તનિ સમનુપસ્સતિ, નિટ્ઠમેત્થ ગન્તબ્બં – ‘ન પરિહાયામિ કુસલેહિ ધમ્મેહિ’. અપરિહાનમેતં વુત્તં ભગવતા. કતમે ચત્તારો? રાગતનુત્તં 3, દોસતનુત્તં, મોહતનુત્તં, ગમ્ભીરેસુ ખો પનસ્સ ઠાનાઠાનેસુ પઞ્ઞાચક્ખુ કમતિ. યો હિ કોચિ, આવુસો, ભિક્ખુ વા ભિક્ખુની વા ઇમે ચત્તારો ધમ્મે અત્તનિ સમનુપસ્સતિ, નિટ્ઠમેત્થ ગન્તબ્બં – ‘ન પરિહાયામિ કુસલેહિ ધમ્મેહિ’. અપરિહાનમેતં વુત્તં ભગવતા’’તિ. અટ્ઠમં.
‘‘Yo hi koci, āvuso, bhikkhu vā bhikkhunī vā cattāro dhamme attani samanupassati, niṭṭhamettha gantabbaṃ – ‘na parihāyāmi kusalehi dhammehi’. Aparihānametaṃ vuttaṃ bhagavatā. Katame cattāro? Rāgatanuttaṃ 4, dosatanuttaṃ, mohatanuttaṃ, gambhīresu kho panassa ṭhānāṭhānesu paññācakkhu kamati. Yo hi koci, āvuso, bhikkhu vā bhikkhunī vā ime cattāro dhamme attani samanupassati, niṭṭhamettha gantabbaṃ – ‘na parihāyāmi kusalehi dhammehi’. Aparihānametaṃ vuttaṃ bhagavatā’’ti. Aṭṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૮. પરિહાનિસુત્તવણ્ણના • 8. Parihānisuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૬-૮. કપ્પસુત્તાદિવણ્ણના • 6-8. Kappasuttādivaṇṇanā
