| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૯. પરિક્કમનસુત્તં
9. Parikkamanasuttaṃ
૧૭૫. ‘‘સપરિક્કમનો અયં, ભિક્ખવે, ધમ્મો, નાયં ધમ્મો અપરિક્કમનો. કથઞ્ચ, ભિક્ખવે, સપરિક્કમનો અયં ધમ્મો, નાયં ધમ્મો અપરિક્કમનો? પાણાતિપાતિસ્સ, ભિક્ખવે, પાણાતિપાતા વેરમણી પરિક્કમનં હોતિ. અદિન્નાદાયિસ્સ, ભિક્ખવે, અદિન્નાદાના વેરમણી પરિક્કમનં હોતિ. કામેસુમિચ્છાચારિસ્સ, ભિક્ખવે, કામેસુમિચ્છાચારા વેરમણી પરિક્કમનં હોતિ. મુસાવાદિસ્સ, ભિક્ખવે, મુસાવાદા વેરમણી પરિક્કમનં હોતિ. પિસુણવાચસ્સ , ભિક્ખવે, પિસુણાય વાચાય વેરમણી પરિક્કમનં હોતિ. ફરુસવાચસ્સ, ભિક્ખવે, ફરુસાય વાચાય વેરમણી પરિક્કમનં હોતિ. સમ્ફપ્પલાપિસ્સ, ભિક્ખવે, સમ્ફપ્પલાપા વેરમણી પરિક્કમનં હોતિ. અભિજ્ઝાલુસ્સ, ભિક્ખવે, અનભિજ્ઝા પરિક્કમનં હોતિ. બ્યાપન્નચિત્તસ્સ 1, ભિક્ખવે, અબ્યાપાદો પરિક્કમનં હોતિ. મિચ્છાદિટ્ઠિસ્સ, ભિક્ખવે, સમ્માદિટ્ઠિ પરિક્કમનં હોતિ. એવં ખો, ભિક્ખવે, સપરિક્કમનો અયં ધમ્મો, નાયં ધમ્મો અપરિક્કમનો’’તિ. નવમં.
175. ‘‘Saparikkamano ayaṃ, bhikkhave, dhammo, nāyaṃ dhammo aparikkamano. Kathañca, bhikkhave, saparikkamano ayaṃ dhammo, nāyaṃ dhammo aparikkamano? Pāṇātipātissa, bhikkhave, pāṇātipātā veramaṇī parikkamanaṃ hoti. Adinnādāyissa, bhikkhave, adinnādānā veramaṇī parikkamanaṃ hoti. Kāmesumicchācārissa, bhikkhave, kāmesumicchācārā veramaṇī parikkamanaṃ hoti. Musāvādissa, bhikkhave, musāvādā veramaṇī parikkamanaṃ hoti. Pisuṇavācassa , bhikkhave, pisuṇāya vācāya veramaṇī parikkamanaṃ hoti. Pharusavācassa, bhikkhave, pharusāya vācāya veramaṇī parikkamanaṃ hoti. Samphappalāpissa, bhikkhave, samphappalāpā veramaṇī parikkamanaṃ hoti. Abhijjhālussa, bhikkhave, anabhijjhā parikkamanaṃ hoti. Byāpannacittassa 2, bhikkhave, abyāpādo parikkamanaṃ hoti. Micchādiṭṭhissa, bhikkhave, sammādiṭṭhi parikkamanaṃ hoti. Evaṃ kho, bhikkhave, saparikkamano ayaṃ dhammo, nāyaṃ dhammo aparikkamano’’ti. Navamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૯. પરિક્કમનસુત્તવણ્ણના • 9. Parikkamanasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૪૪. બ્રાહ્મણપચ્ચોરોહણીસુત્તાદિવણ્ણના • 1-44. Brāhmaṇapaccorohaṇīsuttādivaṇṇanā
