| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
2. баригкааравинижчаяагат̇аа
2. Parikkhāravinicchayakathā
6. звам̣ д̣̇иваасзяяавинижчаяам̣ гат̇зд̇ваа ид̣̇аани баригкааравинижчаяам̣ гат̇зд̇ум̣ ‘‘баригкаарод̇и саман̣абаригкааро’’д̇иаад̣̇имааха. д̇ад̇т̇а д̣̇иваасзяяавинижчаяагат̇ааяа аад̣̇имхи вуд̇д̇ам̣ ‘‘д̇ад̇т̇аа’’д̇и бад̣̇ам̣ аанзд̇ваа д̇ад̇т̇а д̇зсу маад̇игаабад̣̇зсу самабхинивидтасса ‘‘баригкааро’’д̇и бад̣̇асса ‘‘саман̣абаригкааро’’д̇и ад̇т̇о д̣̇адтаб̣б̣од̇и яож̇анаа, зса наяо ид̇о барзби. саман̣абаригкааро вуд̇д̇о, на г̇ихибаригкаарод̇и ад̇хиббааяо. барисаманд̇ад̇о гарияад̇зд̇и баригкааро, чад̇д̇аад̣̇иго. д̇ад̇раад̇и саман̣абаригкаарз. габбад̇ийд̇и габбияо, на габбияо агаббияо, габбияо жа агаббияо жа габбияаагаббияо, самаахаарад̣̇ванд̣̇зби буллин̇г̇амижчанд̇и бан̣д̣ид̇аа. габбияаагаббияо жа со баригкааро жзд̇и д̇ат̇аа, д̇асса винижчаяо габбияаагаббияабаригкааравинижчаяо.
6. Evaṃ divāseyyavinicchayaṃ kathetvā idāni parikkhāravinicchayaṃ kathetuṃ ‘‘parikkhāroti samaṇaparikkhāro’’tiādimāha. Tattha divāseyyavinicchayakathāya ādimhi vuttaṃ ‘‘tatthā’’ti padaṃ ānetvā tattha tesu mātikāpadesu samabhiniviṭṭhassa ‘‘parikkhāro’’ti padassa ‘‘samaṇaparikkhāro’’ti attho daṭṭhabboti yojanā, esa nayo ito parepi. Samaṇaparikkhāro vutto, na gihiparikkhāroti adhippāyo. Parisamantato kariyateti parikkhāro, chattādiko. Tatrāti samaṇaparikkhāre. Kappatīti kappiyo, na kappiyo akappiyo, kappiyo ca akappiyo ca kappiyākappiyo, samāhāradvandepi pulliṅgamicchanti paṇḍitā. Kappiyākappiyo ca so parikkhāro ceti tathā, tassa vinicchayo kappiyākappiyaparikkhāravinicchayo.
гзжи д̇аалабан̣н̣ажчад̇д̇анд̇и ид̣̇ам̣ убалагкан̣амад̇д̇ам̣. саб̣б̣амби хи чад̇д̇ам̣ д̇ат̇аагарияамаанам̣ на ваддад̇и. д̇знзвааха важ̇ираб̣уд̣̇д̇хидийгааяам̣ (важ̇ира. дий. баарааж̇ига 85) ‘‘саб̣б̣абаригкаарзсу ван̣н̣амадтавигаарам̣ гаронд̇асса д̣̇уггаданд̇и д̣̇ийбзнд̇зна на ваддад̇ийд̇и вуд̇д̇анд̇и взд̣̇ид̇аб̣б̣а’’нд̇и. на ван̣н̣амадтад̇т̇ааяаад̇и иминаа т̇ирагаран̣ад̇т̇ам̣ згаван̣н̣асуд̇д̇зна винанд̇хияамаанам̣ яад̣̇и ван̣н̣амадтам̣ ход̇и, д̇ад̇т̇а на д̣̇осод̇и д̣̇ассзд̇и. аараг̇г̇знаад̇и никаад̣̇анамукзна. яад̣̇и на ваддад̇и, д̇аад̣̇исам̣ чад̇д̇ад̣̇ан̣д̣ам̣ лабхид̇ваа гим̣ гаад̇аб̣б̣анд̇и ааха ‘‘гхадагам̣ ваа’’д̇иаад̣̇и. суд̇д̇агзна ваа д̣̇ан̣д̣о взтзд̇аб̣б̣од̇и яат̇аа лзкаа на бан̃н̃ааяад̇и, д̇ат̇аа взтзд̇аб̣б̣о. д̣̇ан̣д̣аб̣унд̣̇зд̇и д̣̇ан̣д̣амуулз, чад̇д̇ад̣̇ан̣д̣асса хздтимагодияанд̇и ад̇т̇о. чад̇д̇аман̣д̣алиганд̇и чад̇д̇асса анд̇о куд̣̇д̣̇агаман̣д̣алам̣, чад̇д̇абан̃ж̇арз ман̣д̣алаагаарзна б̣ад̣̇д̇хад̣̇ан̣д̣авалаяам̣ ваа. уггирид̇ваад̇и ниннам̣, уннад̇ам̣ ваа гад̇ваа удтаабзд̇ваа. саа ваддад̇ийд̇и саа лзкаа раж̇ж̇угзхи б̣анд̇ханд̇у ваа маа ваа, б̣анд̇хид̇ум̣ яуд̇д̇адтаанад̇д̇аа ваддад̇и. д̇зна вуд̇д̇ам̣ аажарияаб̣уд̣̇д̇хад̣̇ад̇д̇амахаат̇зрзна –
Keci tālapaṇṇacchattanti idaṃ upalakkhaṇamattaṃ. Sabbampi hi chattaṃ tathākariyamānaṃ na vaṭṭati. Tenevāha vajirabuddhiṭīkāyaṃ (vajira. ṭī. pārājika 85) ‘‘sabbaparikkhāresu vaṇṇamaṭṭhavikāraṃ karontassa dukkaṭanti dīpentena na vaṭṭatīti vuttanti veditabba’’nti. Na vaṇṇamaṭṭhatthāyāti iminā thirakaraṇatthaṃ ekavaṇṇasuttena vinandhiyamānaṃ yadi vaṇṇamaṭṭhaṃ hoti, tattha na dosoti dasseti. Āraggenāti nikhādanamukhena. Yadi na vaṭṭati, tādisaṃ chattadaṇḍaṃ labhitvā kiṃ kātabbanti āha ‘‘ghaṭakaṃ vā’’tiādi. Suttakena vā daṇḍo veṭhetabboti yathā lekhā na paññāyati, tathā veṭhetabbo. Daṇḍabundeti daṇḍamūle, chattadaṇḍassa heṭṭhimakoṭiyanti attho. Chattamaṇḍalikanti chattassa anto khuddakamaṇḍalaṃ, chattapañjare maṇḍalākārena baddhadaṇḍavalayaṃ vā. Ukkiritvāti ninnaṃ, unnataṃ vā katvā uṭṭhāpetvā. Sā vaṭṭatīti sā lekhā rajjukehi bandhantu vā mā vā, bandhituṃ yuttaṭṭhānattā vaṭṭati. Tena vuttaṃ ācariyabuddhadattamahātherena –
‘‘чад̇д̇ам̣ бан̣н̣амаяам̣ гин̃жи, б̣ахи анд̇о жа саб̣б̣асо;
‘‘Chattaṃ paṇṇamayaṃ kiñci, bahi anto ca sabbaso;
бан̃жаван̣н̣зна суд̇д̇зна, сиб̣б̣ид̇ум̣ на жа ваддад̇и.
Pañcavaṇṇena suttena, sibbituṃ na ca vaṭṭati.
‘‘чинд̣̇ид̇ум̣ ад̣дхажанд̣̇ам̣ ваа, бан̣н̣з магарад̣̇анд̇агам̣;
‘‘Chindituṃ aḍḍhacandaṃ vā, paṇṇe makaradantakaṃ;
гхадагам̣ ваал̣аруубам̣ ваа, лзкаа д̣̇ан̣д̣з на ваддад̇и.
Ghaṭakaṃ vāḷarūpaṃ vā, lekhā daṇḍe na vaṭṭati.
‘‘сиб̣б̣ид̇ум̣ згаван̣н̣зна, чад̇д̇ам̣ суд̇д̇зна ваддад̇и;
‘‘Sibbituṃ ekavaṇṇena, chattaṃ suttena vaṭṭati;
т̇ирад̇т̇ам̣ бан̃жаван̣н̣зна, бан̃ж̇арам̣ ваа винанд̇хид̇ум̣.
Thiratthaṃ pañcavaṇṇena, pañjaraṃ vā vinandhituṃ.
‘‘гхадагам̣ ваал̣аруубам̣ ваа, лзкаа ваа бана гзвалаа;
‘‘Ghaṭakaṃ vāḷarūpaṃ vā, lekhā vā pana kevalā;
чинд̣̇ид̇ваа вааби гхам̣сид̇ваа, д̇хаарзд̇ум̣ бана ваддад̇и.
Chinditvā vāpi ghaṃsitvā, dhāretuṃ pana vaṭṭati.
‘‘ахижчад̇д̇агасан̣таанам̣ , д̣̇ан̣д̣аб̣унд̣̇амхи ваддад̇и;
‘‘Ahicchattakasaṇṭhānaṃ , daṇḍabundamhi vaṭṭati;
уггирид̇ваа гад̇аа лзкаа, б̣анд̇ханад̇т̇ааяа ваддад̇ий’’д̇и.
Ukkiritvā katā lekhā, bandhanatthāya vaṭṭatī’’ti.
д̇асса ван̣н̣анааяамби чад̇д̇ам̣ бан̣н̣амаяам̣ гин̃жийд̇и д̇аалабан̣н̣аад̣̇ибан̣н̣ажчад̣̇анам̣ яам̣ гин̃жи чад̇д̇ам̣. б̣ахийд̇и убари. анд̇од̇и хздтаа. сиб̣б̣ид̇унд̇и руубам̣ д̣̇ассзд̇ваа суужигаммам̣ гаад̇ум̣. бан̣н̣зд̇и чад̣̇анабан̣н̣з. ад̣дхажанд̣̇анд̇и ад̣дхажанд̣̇аагаарам̣. магарад̣̇анд̇аганд̇и магарад̣̇анд̇аагаарам̣, яам̣ ‘‘г̇иригууда’’нд̇и вужжад̇и. чинд̣̇ид̇ум̣ на ваддад̇ийд̇и самб̣анд̇хо. мукаваддияаа наамзд̇ваа б̣ад̣̇д̇хабан̣н̣агодияаа ваа мад̇т̇агаман̣д̣алагодияаа ваа г̇иригуудаад̣̇им̣ гаронд̇и, иминаа д̇ам̣ бадигкид̇д̇ам̣. д̣̇ан̣д̣зд̇и чад̇д̇ад̣̇ан̣д̣з. гхадаганд̇и гхадаагааро. ваал̣аруубам̣ ваад̇и б̣яаг̇гхаад̣̇иваал̣аанам̣ руубагам̣ ваа. лзкаад̇и уггирид̇ваа ваа чинд̣̇ид̇ваа ваа жид̇д̇агаммавасзна ваа гад̇арааж̇и. бан̃жаван̣н̣аанам̣ суд̇д̇аанам̣ анд̇арз нийлаад̣̇изгаван̣н̣зна суд̇д̇зна т̇ирад̇т̇ам̣ чад̇д̇ам̣ анд̇о жа б̣ахи жа сиб̣б̣ид̇ум̣ ваа чад̇д̇ад̣̇ан̣д̣аг̇г̇аахагасалаагабан̃ж̇арам̣ т̇ирад̇т̇ам̣ винанд̇хид̇ум̣ ваа ваддад̇ийд̇и яож̇анаа. бан̃жаван̣н̣аанам̣ згаван̣н̣зна т̇ирад̇т̇анд̇и иминаа анзгаван̣н̣зхи суд̇д̇зхи ван̣н̣амадтад̇т̇ааяа сиб̣б̣ид̇ун̃жа винанд̇хид̇ун̃жа на ваддад̇ийд̇и д̣̇ийбзд̇и. бод̇т̇агзсу бана ‘‘бан̃жаван̣н̣знаа’’д̇и баато д̣̇иссад̇и, д̇асса згаван̣н̣зна бан̃жаван̣н̣зна ваа суд̇д̇зна т̇ирад̇т̇ам̣ сиб̣б̣ид̇ум̣ винанд̇хид̇ум̣ ваа ваддад̇ийд̇и яож̇анаа гаад̇аб̣б̣аа ход̇и.
Tassa vaṇṇanāyampi chattaṃ paṇṇamayaṃ kiñcīti tālapaṇṇādipaṇṇacchadanaṃ yaṃ kiñci chattaṃ. Bahīti upari. Antoti heṭṭhā. Sibbitunti rūpaṃ dassetvā sūcikammaṃ kātuṃ. Paṇṇeti chadanapaṇṇe. Aḍḍhacandanti aḍḍhacandākāraṃ. Makaradantakanti makaradantākāraṃ, yaṃ ‘‘girikūṭa’’nti vuccati. Chindituṃ na vaṭṭatīti sambandho. Mukhavaṭṭiyā nāmetvā baddhapaṇṇakoṭiyā vā matthakamaṇḍalakoṭiyā vā girikūṭādiṃ karonti, iminā taṃ paṭikkhittaṃ. Daṇḍeti chattadaṇḍe. Ghaṭakanti ghaṭākāro. Vāḷarūpaṃ vāti byagghādivāḷānaṃ rūpakaṃ vā. Lekhāti ukkiritvā vā chinditvā vā cittakammavasena vā katarāji. Pañcavaṇṇānaṃ suttānaṃ antare nīlādiekavaṇṇena suttena thiratthaṃ chattaṃ anto ca bahi ca sibbituṃ vā chattadaṇḍaggāhakasalākapañjaraṃ thiratthaṃ vinandhituṃ vā vaṭṭatīti yojanā. Pañcavaṇṇānaṃ ekavaṇṇena thiratthanti iminā anekavaṇṇehi suttehi vaṇṇamaṭṭhatthāya sibbituñca vinandhituñca na vaṭṭatīti dīpeti. Potthakesu pana ‘‘pañcavaṇṇenā’’ti pāṭho dissati, tassa ekavaṇṇena pañcavaṇṇena vā suttena thiratthaṃ sibbituṃ vinandhituṃ vā vaṭṭatīti yojanā kātabbā hoti.
зд̇т̇а жа хздтаа вуд̇д̇зна ‘‘бан̃жаван̣н̣зна суд̇д̇зна сиб̣б̣ид̇ум̣ на жа ваддад̇ий’’д̇и баатзна жа ‘‘гзжи д̇аалабан̣н̣ажчад̇д̇ам̣ анд̇о ваа б̣ахи ваа бан̃жаван̣н̣зна суд̇д̇зна сиб̣б̣зд̇ваа ван̣н̣амадтам̣ гаронд̇и, д̇ам̣ на ваддад̇и, згаван̣н̣з бана нийлзна ваа бийд̇агзна ваа язна гзнажи суд̇д̇зна анд̇о ваа б̣ахи ваа сиб̣б̣ид̇ум̣, чад̇д̇ад̣̇ан̣д̣аг̇г̇аахагам̣ салаагабан̃ж̇арам̣ ваа винанд̇хид̇ум̣ ваддад̇и, д̇ан̃жа ко т̇ирагаран̣ад̇т̇ам̣, на ван̣н̣амадтад̇т̇ааяаа’’д̇и адтагат̇аабаатзна жа вируж̇жхад̇и, д̇асмаа со на г̇ахзд̇аб̣б̣о.
Ettha ca heṭṭhā vuttena ‘‘pañcavaṇṇena suttena sibbituṃ na ca vaṭṭatī’’ti pāṭhena ca ‘‘keci tālapaṇṇacchattaṃ anto vā bahi vā pañcavaṇṇena suttena sibbetvā vaṇṇamaṭṭhaṃ karonti, taṃ na vaṭṭati, ekavaṇṇe pana nīlena vā pītakena vā yena kenaci suttena anto vā bahi vā sibbituṃ, chattadaṇḍaggāhakaṃ salākapañjaraṃ vā vinandhituṃ vaṭṭati, tañca kho thirakaraṇatthaṃ, na vaṇṇamaṭṭhatthāyā’’ti aṭṭhakathāpāṭhena ca virujjhati, tasmā so na gahetabbo.
лзкаа ваа бана гзвалаад̇и яат̇аавуд̇д̇аббагаараа сагалаа лзкаа ваа. чинд̣̇ид̇ваад̇и уггирид̇ваа гад̇ам̣ чинд̣̇ид̇ваа. гхам̣сид̇ваад̇и жид̇д̇агаммаад̣̇ивасзна гад̇ам̣ гхам̣сид̇ваа. д̣̇ан̣д̣аб̣унд̣̇амхийд̇и чад̇д̇ад̣̇ан̣д̣асса бан̃ж̇арз г̇аахан̣ад̇т̇ааяа паалид̇аб̣унд̣̇амхи, муулзд̇и ад̇т̇о. аяамзд̇т̇а ниссанд̣̇зхз вуд̇д̇анаяо. куд̣̇д̣̇асигкааг̇ан̣тибад̣̇з бана ‘‘чад̇д̇абин̣д̣ияаа муулз’’д̇и вуд̇д̇ам̣. ахижчад̇д̇агасан̣таананд̇и пуллаахижчад̇д̇агаагаарам̣. раж̇ж̇угзхи г̇аахаабзд̇ваа д̣̇ан̣д̣з б̣анд̇ханд̇и, д̇асмим̣ б̣анд̇ханадтаанз валаяамива уггирид̇ваад̇и валаяам̣ вияа убадтаабзд̇ваа. б̣анд̇ханад̇т̇ааяаад̇и ваад̇зна яат̇аа на жалад̇и, звам̣ раж̇ж̇уухи д̣̇ан̣д̣з бан̃ж̇арасса б̣анд̇ханад̇т̇ааяа. уггирид̇ваа гад̇аа лзкаа ваддад̇ийд̇и яож̇анаа. яат̇аа ваад̇аббахаарзна ажаланад̇т̇ам̣ чад̇д̇аман̣д̣алигам̣ раж̇ж̇угзхи г̇аахаабзд̇ваа д̣̇ан̣д̣з б̣анд̇ханд̇и, д̇асмим̣ б̣анд̇ханадтаанз валаяамива уггирид̇ваа лзкам̣ табзнд̇и, саа ваддад̇ийд̇и. сажзби на б̣анд̇хад̇и, б̣анд̇ханаарахадтаанад̇д̇аа валаяам̣ уггирид̇ваа ваддад̇ийд̇и г̇ан̣тибад̣̇з вад̇д̇анд̇ийд̇и ааг̇ад̇ам̣, д̇асмаа багкаран̣зсу ааг̇ад̇анаязнзва чад̇д̇з бадибаж̇ж̇ид̇аб̣б̣анд̇и.
Lekhāvā pana kevalāti yathāvuttappakārā sakalā lekhā vā. Chinditvāti ukkiritvā kataṃ chinditvā. Ghaṃsitvāti cittakammādivasena kataṃ ghaṃsitvā. Daṇḍabundamhīti chattadaṇḍassa pañjare gāhaṇatthāya phālitabundamhi, mūleti attho. Ayamettha nissandehe vuttanayo. Khuddasikkhāgaṇṭhipade pana ‘‘chattapiṇḍiyā mūle’’ti vuttaṃ. Ahicchattakasaṇṭhānanti phullaahicchattakākāraṃ. Rajjukehi gāhāpetvā daṇḍe bandhanti, tasmiṃ bandhanaṭṭhāne valayamiva ukkiritvāti valayaṃ viya upaṭṭhāpetvā. Bandhanatthāyāti vātena yathā na calati, evaṃ rajjūhi daṇḍe pañjarassa bandhanatthāya. Ukkiritvā katā lekhā vaṭṭatīti yojanā. Yathā vātappahārena acalanatthaṃ chattamaṇḍalikaṃ rajjukehi gāhāpetvā daṇḍe bandhanti, tasmiṃ bandhanaṭṭhāne valayamiva ukkiritvā lekhaṃ ṭhapenti, sā vaṭṭatīti. Sacepi na bandhati, bandhanārahaṭṭhānattā valayaṃ ukkiritvā vaṭṭatīti gaṇṭhipade vattantīti āgataṃ, tasmā pakkharaṇesu āgatanayeneva chatte paṭipajjitabbanti.
7. жийварз бана наанаасуд̇д̇агзхийд̇и (саарад̇т̇а. дий. 2.85; ви. ви. дий. 1.85) наанааван̣н̣зхи суд̇д̇зхи. ид̣̇ан̃жа д̇ат̇аа гаронд̇аанам̣ васзна вуд̇д̇ам̣, згаван̣н̣асуд̇д̇агзнаби на ваддад̇иязва. ‘‘багад̇исуужигаммамзва ваддад̇ий’’д̇и хи вуд̇д̇ам̣. баддамукзд̇и д̣̇виннам̣ баддаанам̣ сан̇гхадид̇адтаанам̣ санд̇хааязд̇ам̣ вуд̇д̇ам̣. барияанд̇зд̇и жийварабарияанд̇з. ануваад̇ам̣ санд̇хааязд̇ам̣ вуд̇д̇ам̣. взн̣ийд̇и варагасийсаагаарзна сиб̣б̣анам̣. сан̇калиганд̇и д̣̇виг̇ун̣асан̇калигаагаарзна сиб̣б̣анам̣, б̣ил̣ааласан̇калигаагаарзна сиб̣б̣анам̣ ваа. взн̣им̣ ваа сан̇калигам̣ ваа гаронд̇ийд̇и гаран̣агирияааяа самб̣анд̇хо. аг̇гхияам̣ наама жзд̇ияасан̣таанам̣ , яам̣ ‘‘аг̇гхияад̇т̇амбхо’’д̇и вад̣̇анд̇и. г̇аяаа наама муулз д̇анугам̣ аг̇г̇з маханд̇ам̣ гад̇ваа г̇ад̣̇аагаарзна сиб̣б̣анам̣. муг̇г̇аро наама муулз жа аг̇г̇з жа згасад̣̇исам̣ гад̇ваа муг̇г̇араагаарзна сиб̣б̣анам̣. гаггадагкийни уггиранд̇ийд̇и г̇ан̣тигабаддабаасагабаддаанам̣ анд̇з баал̣иб̣ад̣̇д̇хам̣ гад̇ваа гаггадагаанам̣ агкисан̣таанам̣ бадтабзнд̇и, гаронд̇ийд̇и ад̇т̇о. ‘‘гон̣асуд̇д̇абил̣агаад̇и г̇ан̣тигабаасагабаддаанам̣ гон̣зхи нийхадасуд̇д̇аанам̣ годияо’’д̇и д̇ийсуби г̇ан̣тибад̣̇зсу вуд̇д̇ам̣. гат̇ам̣ бана д̇аа бил̣агаа д̣̇увин̃н̃зяяаруубаа гаад̇аб̣б̣аад̇и? гон̣зхи нийхадасуд̇д̇аанам̣ анд̇зсу згаваарам̣ г̇ан̣тигагаран̣зна ваа буна нивад̇д̇зд̇ваа сиб̣б̣анзна ваа д̣̇увин̃н̃зяяасабхаавам̣ гад̇ваа суд̇д̇агодияо рассам̣ гад̇ваа чинд̣̇ид̇аб̣б̣аа. д̇хаммасирид̇т̇зрзна бана ‘‘гон̣асуд̇д̇аа жа бил̣агаа, д̣̇увин̃н̃зяяаава габбарз’’д̇и вуд̇д̇ам̣, д̇ат̇аа аажарияаб̣уд̣̇д̇хад̣̇ад̇д̇ад̇т̇зрзнаби ‘‘суд̇д̇аа жа бил̣агаа д̇ад̇т̇а, д̣̇увин̃н̃зяяаава д̣̇ийбид̇аа’’д̇и вуд̇д̇ам̣, д̇асмаа д̇зсам̣ мад̇зна гон̣асуд̇д̇аа жа бил̣агаа жа гон̣асуд̇д̇абил̣агаад̇и звамзд̇т̇а ад̇т̇о д̣̇адтаб̣б̣о.
7. Cīvare pana nānāsuttakehīti (sārattha. ṭī. 2.85; vi. vi. ṭī. 1.85) nānāvaṇṇehi suttehi. Idañca tathā karontānaṃ vasena vuttaṃ, ekavaṇṇasuttakenapi na vaṭṭatiyeva. ‘‘Pakatisūcikammameva vaṭṭatī’’ti hi vuttaṃ. Paṭṭamukheti dvinnaṃ paṭṭānaṃ saṅghaṭitaṭṭhānaṃ sandhāyetaṃ vuttaṃ. Pariyanteti cīvarapariyante. Anuvātaṃ sandhāyetaṃ vuttaṃ. Veṇīti varakasīsākārena sibbanaṃ. Saṅkhalikanti dviguṇasaṅkhalikākārena sibbanaṃ, biḷālasaṅkhalikākārena sibbanaṃ vā. Veṇiṃ vā saṅkhalikaṃ vā karontīti karaṇakiriyāya sambandho. Agghiyaṃ nāma cetiyasaṇṭhānaṃ , yaṃ ‘‘agghiyatthambho’’ti vadanti. Gayā nāma mūle tanukaṃ agge mahantaṃ katvā gadākārena sibbanaṃ. Muggaro nāma mūle ca agge ca ekasadisaṃ katvā muggarākārena sibbanaṃ. Kakkaṭakkhīni ukkirantīti gaṇṭhikapaṭṭapāsakapaṭṭānaṃ ante pāḷibaddhaṃ katvā kakkaṭakānaṃ akkhisaṇṭhānaṃ paṭṭhapenti, karontīti attho. ‘‘Koṇasuttapiḷakāti gaṇṭhikapāsakapaṭṭānaṃ koṇehi nīhaṭasuttānaṃ koṭiyo’’ti tīsupi gaṇṭhipadesu vuttaṃ. Kathaṃ pana tā piḷakā duviññeyyarūpā kātabbāti? Koṇehi nīhaṭasuttānaṃ antesu ekavāraṃ gaṇṭhikakaraṇena vā puna nivattetvā sibbanena vā duviññeyyasabhāvaṃ katvā suttakoṭiyo rassaṃ katvā chinditabbā. Dhammasirittherena pana ‘‘koṇasuttā ca piḷakā, duviññeyyāva kappare’’ti vuttaṃ, tathā ācariyabuddhadattattherenapi ‘‘suttā ca piḷakā tattha, duviññeyyāva dīpitā’’ti vuttaṃ, tasmā tesaṃ matena koṇasuttā ca piḷakā ca koṇasuttapiḷakāti evamettha attho daṭṭhabbo.
вимад̇ивинод̣̇анияамби (ви. ви. дий. 1.85) гон̣асуд̇д̇абил̣агаад̇и г̇ан̣тигабаасагабаддаанам̣ гон̣зхи б̣ахи ниг̇г̇ад̇асуд̇д̇аанам̣ бил̣агаагаарзна табид̇агодияод̇и гзжи вад̣̇анд̇и, д̇з бил̣агз чинд̣̇ид̇ваа д̣̇увин̃н̃зяяаа гаад̇аб̣б̣аад̇и д̇зсам̣ ад̇хиббааяо. гзжи бана ‘‘гон̣асуд̇д̇аа жа бил̣агаа жаад̇и д̣̇взязваа’’д̇и вад̣̇анд̇и, д̇зсам̣ мад̇зна г̇ан̣тигабаасагабаддаанам̣ гон̣ад̇о гон̣ам̣ нийхадасуд̇д̇аа гон̣асуд̇д̇аа наама. саманд̇ад̇о бана барияанд̇зна г̇ад̇аа жад̇урассасуд̇д̇аа бил̣агаа наама. д̇ам̣ д̣̇увид̇хамби гзжи жийварад̇о висум̣ бан̃н̃аанад̇т̇ааяа вигаараяуд̇д̇ам̣ гаронд̇и, д̇ам̣ нисзд̇хааяа ‘‘д̣̇увин̃н̃зяяаруубаа ваддад̇ий’’д̇и вуд̇д̇ам̣, на бана саб̣б̣ат̇аа ажагкуг̇ожарабхаавзна сиб̣б̣анад̇т̇ааяа д̇ат̇аасиб̣б̣анасса асаггун̣зяяад̇д̇аа, яат̇аа багад̇ижийварад̇о вигааро на бан̃н̃ааяад̇и, звам̣ сиб̣б̣ид̇аб̣б̣анд̇и ад̇хиббааяо. раж̇анагаммад̇о буб̣б̣з бан̃н̃ааяамааноби висзсо жийварз рад̇д̇з згаван̣н̣ад̇о на бан̃н̃ааяад̇ийд̇и ааха ‘‘жийварз рад̇д̇з’’д̇и.
Vimativinodaniyampi (vi. vi. ṭī. 1.85) koṇasuttapiḷakāti gaṇṭhikapāsakapaṭṭānaṃ koṇehi bahi niggatasuttānaṃ piḷakākārena ṭhapitakoṭiyoti keci vadanti, te piḷake chinditvā duviññeyyā kātabbāti tesaṃ adhippāyo. Keci pana ‘‘koṇasuttā ca piḷakā cāti dveyevā’’ti vadanti, tesaṃ matena gaṇṭhikapāsakapaṭṭānaṃ koṇato koṇaṃ nīhaṭasuttā koṇasuttā nāma. Samantato pana pariyantena gatā caturassasuttā piḷakā nāma. Taṃ duvidhampi keci cīvarato visuṃ paññānatthāya vikārayuttaṃ karonti, taṃ nisedhāya ‘‘duviññeyyarūpā vaṭṭatī’’ti vuttaṃ, na pana sabbathā acakkhugocarabhāvena sibbanatthāya tathāsibbanassa asakkuṇeyyattā, yathā pakaticīvarato vikāro na paññāyati, evaṃ sibbitabbanti adhippāyo. Rajanakammato pubbe paññāyamānopi viseso cīvare ratte ekavaṇṇato na paññāyatīti āha ‘‘cīvare ratte’’ti.
8. ман̣инаад̇и нийламан̣иаад̣̇ибаасаан̣зна, ам̣саб̣ад̣̇д̇хагагааяаб̣анд̇ханаад̣̇игам̣ ажийварад̇д̇аа сан̇каад̣̇ийхи гхам̣сид̇ум̣ ваддад̇ийд̇и вад̣̇анд̇и. ган̣н̣асуд̇д̇аганд̇и жийварасса д̣̇ийгхад̇о д̇ирияан̃жа сиб̣б̣ид̇аанам̣ жад̇уусу ган̣н̣зсу гон̣зсу жа нигканд̇аанам̣ суд̇д̇асийсаанамзд̇ам̣ наамам̣, д̇ам̣ чинд̣̇ид̇ваава баарубид̇аб̣б̣ам̣. д̇знааха ‘‘раж̇ид̇агаалз чинд̣̇ид̇аб̣б̣а’’нд̇и. бхаг̇авад̇аа анун̃н̃аад̇ам̣ згам̣ ган̣н̣асуд̇д̇амби ад̇т̇и, д̇ам̣ бана наамзна сад̣̇исамби ид̇о ан̃н̃амзваад̇и д̣̇ассзд̇ум̣ ‘‘яам̣ банаа’’д̇иаад̣̇и вуд̇д̇ам̣. лаг̇г̇анад̇т̇ааяаад̇и жийварараж̇ж̇уяам̣ жийвараб̣анд̇ханад̇т̇ааяа. вимад̇ивинод̣̇анияам̣ (ви. ви. дий. 1.85) зд̇д̇агамзва вуд̇д̇ам̣.
8.Maṇināti nīlamaṇiādipāsāṇena, aṃsabaddhakakāyabandhanādikaṃ acīvarattā saṅkhādīhi ghaṃsituṃ vaṭṭatīti vadanti. Kaṇṇasuttakanti cīvarassa dīghato tiriyañca sibbitānaṃ catūsu kaṇṇesu koṇesu ca nikkhantānaṃ suttasīsānametaṃ nāmaṃ, taṃ chinditvāva pārupitabbaṃ. Tenāha ‘‘rajitakāle chinditabba’’nti. Bhagavatā anuññātaṃ ekaṃ kaṇṇasuttampi atthi, taṃ pana nāmena sadisampi ito aññamevāti dassetuṃ ‘‘yaṃ panā’’tiādi vuttaṃ. Lagganatthāyāti cīvararajjuyaṃ cīvarabandhanatthāya. Vimativinodaniyaṃ (vi. vi. ṭī. 1.85) ettakameva vuttaṃ.
саарад̇т̇ад̣̇ийбанияам̣ (саарад̇т̇а. дий. 2.85) бана ‘‘баасагам̣ гад̇ваа б̣анд̇хид̇аб̣б̣анд̇и раж̇анагаалз б̣анд̇хид̇аб̣б̣ам̣, сзсагаалз можзд̇ваа табзд̇аб̣б̣а’’нд̇и вуд̇д̇ам̣. винаяасан̇г̇ахаббагаран̣асса бораан̣адийгааяамби ид̣̇амзва г̇ахзд̇ваа вуд̇д̇ам̣, д̇ам̣ бана жийварагканд̇хагз (махаава. 344) ‘‘маж̇жхзна лаг̇г̇знд̇и, убхад̇о г̇алад̇и, бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ган̣н̣з б̣анд̇хид̇унд̇и. ган̣н̣о ж̇ийрад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ган̣н̣асуд̇д̇ага’’нд̇и звам̣ анун̃н̃аад̇ажийварараж̇ж̇уяам̣ раж̇ид̇ваа басаарид̇ажийварасса оламб̣агасуд̇д̇ам̣ санд̇хааяа вуд̇д̇анд̇и д̣̇адтаб̣б̣ам̣.
Sāratthadīpaniyaṃ (sārattha. ṭī. 2.85) pana ‘‘pāsakaṃ katvā bandhitabbanti rajanakāle bandhitabbaṃ, sesakāle mocetvā ṭhapetabba’’nti vuttaṃ. Vinayasaṅgahappakaraṇassa porāṇaṭīkāyampi idameva gahetvā vuttaṃ, taṃ pana cīvarakkhandhake (mahāva. 344) ‘‘majjhena laggenti, ubhato galati, bhagavato etamatthaṃ ārocesuṃ. Anujānāmi, bhikkhave, kaṇṇe bandhitunti. Kaṇṇo jīrati. Bhagavato etamatthaṃ ārocesuṃ. Anujānāmi, bhikkhave, kaṇṇasuttaka’’nti evaṃ anuññātacīvararajjuyaṃ rajitvā pasāritacīvarassa olambakasuttaṃ sandhāya vuttanti daṭṭhabbaṃ.
г̇ан̣тигзд̇и жийварабаарубанагаалз баасагз лаг̇г̇аабанад̇т̇ам̣ гад̇з д̣̇анд̇аад̣̇имаяз г̇ан̣тигз. бил̣агаад̇и б̣инд̣̇ум̣ б̣инд̣̇ум̣ гад̇ваа удтаабзд̇аб̣б̣абил̣агаа. вуд̇д̇ан̃хзд̇ам̣ винаяавинижчаяаббагаран̣з –
Gaṇṭhiketi cīvarapārupanakāle pāsake laggāpanatthaṃ kate dantādimaye gaṇṭhike. Piḷakāti binduṃ binduṃ katvā uṭṭhāpetabbapiḷakā. Vuttañhetaṃ vinayavinicchayappakaraṇe –
‘‘наанааван̣н̣зхи суд̇д̇зхи, ман̣д̣анад̇т̇ааяа жийварам̣;
‘‘Nānāvaṇṇehi suttehi, maṇḍanatthāya cīvaraṃ;
самам̣ сад̇абад̣̇аад̣̇ийнам̣, сиб̣б̣ид̇ум̣ на жа ваддад̇и.
Samaṃ satapadādīnaṃ, sibbituṃ na ca vaṭṭati.
‘‘бад̇д̇асса барияанд̇з ваа, д̇ат̇аа бад̇д̇амукзби жа;
‘‘Pattassa pariyante vā, tathā pattamukhepi ca;
взн̣им̣ сан̇калигам̣ вааби, гарод̇о ход̇и д̣̇уггадам̣.
Veṇiṃ saṅkhalikaṃ vāpi, karoto hoti dukkaṭaṃ.
‘‘баддамби г̇ан̣тибаасаанам̣, адтагон̣аад̣̇игам̣ вид̇хим̣;
‘‘Paṭṭampi gaṇṭhipāsānaṃ, aṭṭhakoṇādikaṃ vidhiṃ;
д̇ад̇т̇аг̇гхияаг̇ад̣̇ааруубам̣, муг̇г̇араад̣̇им̣ гаронд̇и жа.
Tatthagghiyagadārūpaṃ, muggarādiṃ karonti ca.
‘‘д̇ад̇т̇а гаггадагагкийни, удтаабзнд̇и на ваддад̇и;
‘‘Tattha kakkaṭakakkhīni, uṭṭhāpenti na vaṭṭati;
суд̇д̇аа жа бил̣агаа д̇ад̇т̇а, д̣̇увин̃н̃зяяаава д̣̇ийбид̇аа.
Suttā ca piḷakā tattha, duviññeyyāva dīpitā.
‘‘жад̇угон̣аава вадданд̇и, г̇ан̣тибаасагабаддагаа;
‘‘Catukoṇāva vaṭṭanti, gaṇṭhipāsakapaṭṭakā;
ган̣н̣агон̣зсу суд̇д̇аани, рад̇д̇з чинд̣̇зяяа жийварз.
Kaṇṇakoṇesu suttāni, ratte chindeyya cīvare.
‘‘суужигаммавигаарам̣ ваа, ан̃н̃ам̣ ваа бана гин̃жиби;
‘‘Sūcikammavikāraṃ vā, aññaṃ vā pana kiñcipi;
жийварз бхигкунаа гаад̇ум̣, гаараабзд̇ум̣ на ваддад̇и.
Cīvare bhikkhunā kātuṃ, kārāpetuṃ na vaṭṭati.
‘‘яо жа багкибад̇и бхигку жийварам̣,
‘‘Yo ca pakkhipati bhikkhu cīvaraṃ,
ган̃ж̇ибидтакалиаллигаад̣̇ису;
Kañjipiṭṭhakhaliallikādisu;
ван̣н̣амадтамабхибад̇т̇аяам̣ барам̣;
Vaṇṇamaṭṭhamabhipatthayaṃ paraṃ;
д̇асса над̇т̇и бана муд̇д̇и д̣̇уггадаа.
Tassa natthi pana mutti dukkaṭā.
‘‘суужихад̇т̇амалаад̣̇ийнам̣, гаран̣з жийварасса жа;
‘‘Sūcihatthamalādīnaṃ, karaṇe cīvarassa ca;
д̇ат̇аа гилидтагаалз жа, д̇хованад̇т̇ам̣ д̇у ваддад̇и.
Tathā kiliṭṭhakāle ca, dhovanatthaṃ tu vaṭṭati.
‘‘раж̇анз бана г̇анд̇хам̣ ваа, д̇злам̣ ваа лаакамзва ваа;
‘‘Rajane pana gandhaṃ vā, telaṃ vā lākhameva vā;
гин̃жи багкибид̇ум̣ д̇ад̇т̇а, бхигкуно на жа ваддад̇и.
Kiñci pakkhipituṃ tattha, bhikkhuno na ca vaṭṭati.
‘‘сан̇кзна ман̣инаа вааби, ан̃н̃знаби жа гзнажи;
‘‘Saṅkhena maṇinā vāpi, aññenapi ca kenaci;
жийварам̣ на жа гхаддзяяа, гхам̣сид̇аб̣б̣ам̣ на д̣̇он̣ияаа.
Cīvaraṃ na ca ghaṭṭeyya, ghaṃsitabbaṃ na doṇiyā.
‘‘жийварам̣ д̣̇он̣ияам̣ гад̇ваа, наад̇игхаддзяяа мудтинаа;
‘‘Cīvaraṃ doṇiyaṃ katvā, nātighaṭṭeyya muṭṭhinā;
рад̇д̇ам̣ бахарид̇ум̣ гин̃жи, хад̇т̇зхзва жа ваддад̇и.
Rattaṃ paharituṃ kiñci, hattheheva ca vaṭṭati.
‘‘г̇ан̣тигз бана лзкаа ваа, бил̣агаа ваа на ваддад̇и;
‘‘Gaṇṭhike pana lekhā vā, piḷakā vā na vaṭṭati;
габбаб̣инд̣̇увигааро ваа, баал̣иган̣н̣игабхзд̣̇ад̇о’’д̇и.
Kappabinduvikāro vā, pāḷikaṇṇikabhedato’’ti.
винаяасаарад̇т̇асанд̣̇ийбанияамби самам̣ сад̇абад̣̇аад̣̇ийнанд̇и сад̇абад̣̇аад̣̇ийхи сад̣̇исам̣. д̇уляад̇т̇з гаран̣аважанаббасан̇г̇з саамиважанам̣. баддасса барияанд̇з ваад̇и ануваад̇асса убхаяабарияанд̇з ваа. баддамукзби ваад̇и д̣̇виннам̣ ааяаамавид̇т̇аарабаддаанам̣ сан̇гхадид̇адтаанз, ган̣н̣зби ваа згассзва ваа баддасса уунабууран̣ад̇т̇ам̣ гхадид̇адтаанзби ваа . взн̣ийд̇и гуд̣̇руусасийсаагаарзна сиб̣б̣анам̣. гзжи ‘‘варагасийсаагаарзнаа’’д̇и вад̣̇анд̇и. сан̇калиганд̇и б̣ил̣аалад̣̇аамасад̣̇исасиб̣б̣анам̣. гзжи ‘‘сад̇абад̣̇исад̣̇иса’’нд̇и вад̣̇анд̇и.
Vinayasāratthasandīpaniyampi samaṃ satapadādīnanti satapadādīhi sadisaṃ. Tulyatthe karaṇavacanappasaṅge sāmivacanaṃ. Paṭṭassa pariyante vāti anuvātassa ubhayapariyante vā. Paṭṭamukhepi vāti dvinnaṃ āyāmavitthārapaṭṭānaṃ saṅghaṭitaṭṭhāne, kaṇṇepi vā ekasseva vā paṭṭassa ūnapūraṇatthaṃ ghaṭitaṭṭhānepi vā . Veṇīti kudrūsasīsākārena sibbanaṃ. Keci ‘‘varakasīsākārenā’’ti vadanti. Saṅkhalikanti biḷāladāmasadisasibbanaṃ. Keci ‘‘satapadisadisa’’nti vadanti.
баддамбийд̇и бад̇д̇амби. адтагон̣аад̣̇иго вид̇хи багааро зд̇ассаад̇и адтагон̣аад̣̇игавид̇хи, д̇ам̣. адтагон̣аад̣̇иганд̇и ваа г̇аат̇ааб̣анд̇хавасзна ниг̇г̇ахид̇ааг̇амо. ‘‘адтагон̣аад̣̇игам̣ вид̇хи’’нд̇и зд̇ам̣ ‘‘бадда’’нд̇и зд̇асса самаанаад̇хигаран̣ависзсанам̣, гирияаависзсанам̣ ваа. ‘‘гаронд̇ий’’д̇и иминаа самб̣анд̇хо. ат̇а ваа бадданд̇и зд̇т̇а бхуммад̇т̇з убаяог̇аважанам̣, баддзд̇и ад̇т̇о. имасмим̣ багкз адтагон̣аад̣̇иганд̇и убаяог̇аважанам̣. вид̇хинд̇и зд̇асса висзсанам̣. ид̇ха вагкамаанажад̇угон̣асан̣таанад̇о ан̃н̃ам̣ адтагон̣аад̣̇игам̣ наама. д̇ад̇т̇аад̇и д̇асмим̣ баддад̣̇ваяз. аг̇гхияаг̇ад̣̇ааруубанд̇и аг̇гхияасан̣таанан̃жзва г̇ад̣̇аасан̣таанан̃жа сиб̣б̣анам̣. муг̇г̇аранд̇и лаг̇ул̣асан̣таанасиб̣б̣анам̣. аад̣̇и-сад̣̇д̣̇зна жзд̇ияаад̣̇исан̣таанаанам̣ г̇ахан̣ам̣.
Paṭṭampīti pattampi. Aṭṭhakoṇādiko vidhi pakāro etassāti aṭṭhakoṇādikavidhi, taṃ. Aṭṭhakoṇādikanti vā gāthābandhavasena niggahitāgamo. ‘‘Aṭṭhakoṇādikaṃ vidhi’’nti etaṃ ‘‘paṭṭa’’nti etassa samānādhikaraṇavisesanaṃ, kiriyāvisesanaṃ vā. ‘‘Karontī’’ti iminā sambandho. Atha vā paṭṭanti ettha bhummatthe upayogavacanaṃ, paṭṭeti attho. Imasmiṃ pakkhe aṭṭhakoṇādikanti upayogavacanaṃ. Vidhinti etassa visesanaṃ. Idha vakkhamānacatukoṇasaṇṭhānato aññaṃ aṭṭhakoṇādikaṃ nāma. Tatthāti tasmiṃ paṭṭadvaye. Agghiyagadārūpanti agghiyasaṇṭhānañceva gadāsaṇṭhānañca sibbanaṃ. Muggaranti laguḷasaṇṭhānasibbanaṃ. Ādi-saddena cetiyādisaṇṭhānānaṃ gahaṇaṃ.
д̇ад̇т̇аад̇и баддад̣̇ваяз д̇асмим̣ таанз. гаггадагагкийнийд̇и гул̣ийрагажчисад̣̇исаани сиб̣б̣анавигаараани. удтаабзнд̇ийд̇и гаронд̇и. д̇ад̇т̇аад̇и д̇асмим̣ г̇ан̣тигабаасагабаддагз. суд̇д̇аад̇и гон̣ад̇о гон̣ам̣ сиб̣б̣ид̇асуд̇д̇аа жзва жад̇урассз сиб̣б̣ид̇асуд̇д̇аа жа. бил̣агаад̇и д̇зсамзва суд̇д̇аанам̣ нивад̇д̇зд̇ваа сиб̣б̣ид̇агодияо жа. д̣̇увин̃н̃зяяааваад̇и раж̇анагаалз д̣̇увин̃н̃зяяаруубаа анол̣ааригаа д̣̇ийбид̇аа вадданд̇ийд̇и. яат̇ааха ‘‘гон̣асуд̇д̇абил̣агаа жа жийварз рад̇д̇з д̣̇увин̃н̃зяяаруубаа вадданд̇ий’’д̇и (баараа. адта. 1.85).
Tatthāti paṭṭadvaye tasmiṃ ṭhāne. Kakkaṭakakkhīnīti kuḷīrakacchisadisāni sibbanavikārāni. Uṭṭhāpentīti karonti. Tatthāti tasmiṃ gaṇṭhikapāsakapaṭṭake. Suttāti koṇato koṇaṃ sibbitasuttā ceva caturasse sibbitasuttā ca. Piḷakāti tesameva suttānaṃ nivattetvā sibbitakoṭiyo ca. Duviññeyyāvāti rajanakāle duviññeyyarūpā anoḷārikā dīpitā vaṭṭantīti. Yathāha ‘‘koṇasuttapiḷakā ca cīvare ratte duviññeyyarūpā vaṭṭantī’’ti (pārā. aṭṭha. 1.85).
г̇ан̣тигабаддигаа баасабаддигаад̇и яож̇анаа. ган̣н̣агон̣зсу суд̇д̇аанийд̇и жийвараган̣н̣з суд̇д̇аа жзва баасагабаддаанам̣ гон̣зсу суд̇д̇аани жа ажчинд̣̇ад̇и. зд̇т̇а жа жийварз ааяаамад̇о вид̇т̇аарад̇о жа сиб̣б̣ид̇ваа ануваад̇ад̇о б̣ахи нигкамид̇асуд̇д̇ам̣ жийварам̣ раж̇ид̇ваа сугкаабанагаалз раж̇ж̇уяаа ваа жийваравам̣сз ваа б̣анд̇хид̇ваа оламб̣ид̇ум̣ ануваад̇з б̣анд̇хасуд̇д̇аани жа ган̣н̣асуд̇д̇аани наама. яат̇ааха ‘‘жийварасса ган̣н̣асуд̇д̇агам̣ на жа ваддад̇и, раж̇ид̇агаалз чинд̣̇ид̇аб̣б̣ам̣, яам̣ бана ‘ануж̇аанаами бхигкавз ган̣н̣асуд̇д̇ага’нд̇и звам̣ анун̃н̃аад̇ам̣, д̇ам̣ ануваад̇з баасагам̣ гад̇ваа б̣анд̇хид̇аб̣б̣ам̣ раж̇анагаалз лаг̇г̇анад̇т̇ааяаа’’д̇и (баараа. адта. 1.85).
Gaṇṭhikapaṭṭikā pāsapaṭṭikāti yojanā. Kaṇṇakoṇesu suttānīti cīvarakaṇṇe suttā ceva pāsakapaṭṭānaṃ koṇesu suttāni ca acchindati. Ettha ca cīvare āyāmato vitthārato ca sibbitvā anuvātato bahi nikkhamitasuttaṃ cīvaraṃ rajitvā sukkhāpanakāle rajjuyā vā cīvaravaṃse vā bandhitvā olambituṃ anuvāte bandhasuttāni ca kaṇṇasuttāni nāma. Yathāha ‘‘cīvarassa kaṇṇasuttakaṃ na ca vaṭṭati, rajitakāle chinditabbaṃ, yaṃ pana ‘anujānāmi bhikkhave kaṇṇasuttaka’nti evaṃ anuññātaṃ, taṃ anuvāte pāsakaṃ katvā bandhitabbaṃ rajanakāle lagganatthāyā’’ti (pārā. aṭṭha. 1.85).
суужигаммавигаарам̣ ваад̇и жийвараман̣д̣анад̇т̇ааяа наанаасуд̇д̇агзхи сад̇абад̣̇исад̣̇исам̣ сиб̣б̣анд̇аа ааг̇анд̇угабаддам̣ табзнд̇и, зваруубам̣ суужигаммавигаарам̣ ваа. ан̃н̃ам̣ ваа бана гин̃жибийд̇и ан̃н̃амби яам̣ гин̃жи маалаагаммамиг̇абагкибад̣̇аад̣̇игам̣ сиб̣б̣анавигаарам̣. гаад̇унд̇и саяам̣ гаад̇ум̣. гаараабзд̇унд̇и ан̃н̃зна ваа гаараабзд̇ум̣.
Sūcikammavikāraṃ vāti cīvaramaṇḍanatthāya nānāsuttakehi satapadisadisaṃ sibbantā āgantukapaṭṭaṃ ṭhapenti, evarūpaṃ sūcikammavikāraṃ vā. Aññaṃ vā pana kiñcipīti aññampi yaṃ kiñci mālākammamigapakkhipadādikaṃ sibbanavikāraṃ. Kātunti sayaṃ kātuṃ. Kārāpetunti aññena vā kārāpetuṃ.
яо бхигку барам̣ уд̇д̇амам̣ ван̣н̣амадтамабхибад̇т̇аяанд̇о ган̃ж̇игабидтакалиаллигаад̣̇ийсу жийварам̣ багкибад̇и, д̇асса бана бхигкуно д̣̇уггадаа могко на виж̇ж̇ад̇ийд̇и яож̇анаа. ган̃ж̇иганд̇и вааяанад̇анд̇амагканам̣ ган̃ж̇игасад̣̇исаа сулааган̃ж̇игам̣. бидтанд̇и д̇ан̣д̣улабидтам̣. д̇ан̣д̣улабидтзхи баггаа кали. аллигаад̇и нияяаасо. аад̣̇и-сад̣̇д̣̇зна лаакаад̣̇ийнам̣ г̇ахан̣ам̣. жийварасса гаран̣з гаран̣агаалз самудтид̇аанам̣ суужихад̇т̇амалаад̣̇ийнам̣ гилидтагаалз д̇хованад̇т̇ан̃жа ган̃ж̇игабидтакалиаллигаад̣̇ийсу багкибад̇и, ваддад̇ийд̇и яож̇анаа.
Yo bhikkhu paraṃ uttamaṃ vaṇṇamaṭṭhamabhipatthayanto kañjikapiṭṭhakhaliallikādīsu cīvaraṃ pakkhipati, tassa pana bhikkhuno dukkaṭā mokkho na vijjatīti yojanā. Kañjikanti vāyanatantamakkhanaṃ kañjikasadisā sulākañjikaṃ. Piṭṭhanti taṇḍulapiṭṭhaṃ. Taṇḍulapiṭṭhehi pakkā khali. Allikāti niyyāso. Ādi-saddena lākhādīnaṃ gahaṇaṃ. Cīvarassa karaṇe karaṇakāle samuṭṭhitānaṃ sūcihatthamalādīnaṃ kiliṭṭhakāle dhovanatthañca kañjikapiṭṭhakhaliallikādīsu pakkhipati, vaṭṭatīti yojanā.
д̇ад̇т̇аад̇и язна гасаавзна жийварам̣ раж̇ад̇и, д̇асмим̣ раж̇анз жийварасса суг̇анд̇хабхаавад̇т̇ааяа г̇анд̇хам̣ ваа уж̇ж̇алабхаавад̇т̇ааяа д̇злам̣ ваа ван̣н̣ад̇т̇ааяа лаакам̣ ваа. гин̃жийд̇и зваруубам̣ яам̣ гин̃жи. ман̣инаад̇и баасаан̣зна. ан̃н̃знаби жа гзнажийд̇и язна уж̇ж̇алам̣ ход̇и, зваруубзна муг̇г̇араад̣̇инаа ан̃н̃знаби гзнажи вад̇т̇унаа. д̣̇он̣ияаад̇и раж̇анамб̣ан̣з на гхам̣сид̇аб̣б̣ам̣ хад̇т̇зна г̇аахаабзд̇ваа на г̇ахзд̇аб̣б̣ам̣. рад̇д̇ам̣ жийварам̣ хад̇т̇зхи гин̃жи т̇огам̣ бахарид̇ум̣ ваддад̇ийд̇и яож̇анаа. яад̇т̇а баггараж̇анам̣ багкибанд̇и, саа раж̇анад̣̇он̣ий. д̇ад̇т̇а ам̣саб̣ад̣̇д̇хагагааяаб̣анд̇ханаад̣̇им̣ гхаддзд̇ум̣ ваддад̇ийд̇и г̇ан̣тибад̣̇з вуд̇д̇ам̣.
Tatthāti yena kasāvena cīvaraṃ rajati, tasmiṃ rajane cīvarassa sugandhabhāvatthāya gandhaṃ vā ujjalabhāvatthāya telaṃ vā vaṇṇatthāya lākhaṃ vā. Kiñcīti evarūpaṃ yaṃ kiñci. Maṇināti pāsāṇena. Aññenapi ca kenacīti yena ujjalaṃ hoti, evarūpena muggarādinā aññenapi kenaci vatthunā. Doṇiyāti rajanambaṇe na ghaṃsitabbaṃ hatthena gāhāpetvā na gahetabbaṃ. Rattaṃ cīvaraṃ hatthehi kiñci thokaṃ paharituṃ vaṭṭatīti yojanā. Yattha pakkarajanaṃ pakkhipanti, sā rajanadoṇī. Tattha aṃsabaddhakakāyabandhanādiṃ ghaṭṭetuṃ vaṭṭatīti gaṇṭhipade vuttaṃ.
г̇ан̣тигзд̇и взл̣уд̣̇анд̇ависаан̣аад̣̇имаяаг̇ан̣тигз. лзкаа ваад̇и ваддаад̣̇ибхзд̣̇аа лзкаа ваа. бил̣агаад̇и саасабаб̣ийж̇асад̣̇исаа куд̣̇д̣̇агаб̣уб̣б̣ул̣аа. баал̣иган̣н̣игабхзд̣̇ад̇од̇и ман̣игаавал̣ируубабубпаган̣н̣игаруубабхзд̣̇ад̇о. ‘‘габбаб̣инд̣̇увигааро ваа на ваддад̇ийд̇и яож̇анаа’’д̇и вуд̇д̇ам̣, д̇асмаа д̇ат̇зва жийварз бадибаж̇ж̇ид̇аб̣б̣ам̣.
Gaṇṭhiketi veḷudantavisāṇādimayagaṇṭhike. Lekhā vāti vaṭṭādibhedā lekhā vā. Piḷakāti sāsapabījasadisā khuddakabubbuḷā. Pāḷikaṇṇikabhedatoti maṇikāvaḷirūpapupphakaṇṇikarūpabhedato. ‘‘Kappabinduvikāro vā na vaṭṭatīti yojanā’’ti vuttaṃ, tasmā tatheva cīvare paṭipajjitabbaṃ.
9. бад̇д̇з ваа т̇аалагз ваад̇иаад̣̇ийсу т̇аалагзд̇и д̇амб̣аад̣̇имаяз буг̇г̇алигз д̇ивид̇хзби габбияат̇аалагз. на ваддад̇ийд̇и ман̣иван̣н̣агаран̣абаяог̇о на ваддад̇и, д̇злаван̣н̣абаяог̇о бана ваддад̇и. д̇злаван̣н̣од̇и саман̣асааруббаван̣н̣ам̣ санд̇хааяа вуд̇д̇ам̣, ман̣иван̣н̣ам̣ бана бад̇д̇ам̣ ан̃н̃зна гад̇ам̣ лабхид̇ваа барибхун̃ж̇ид̇ум̣ ваддад̇ийд̇и вад̣̇анд̇и. бад̇д̇аман̣д̣алзд̇и д̇ибусийсаад̣̇имаяз бад̇д̇адтабанагаман̣д̣алз. ‘‘на бхигкавз вижид̇раани бад̇д̇аман̣д̣алаани д̇хаарзд̇аб̣б̣аани руубагаагин̣н̣аани бхид̇д̇игаммагад̇ааний’’д̇и (жуул̣ава. 253) вуд̇д̇ад̇д̇аа ‘‘бхид̇д̇игаммам̣ на ваддад̇ий’’д̇и вуд̇д̇ам̣. ‘‘ануж̇аанаами, бхигкавз, магарад̣̇анд̇агам̣ чинд̣̇ид̇у’’нд̇и (жуул̣ава. 253) вуд̇д̇ад̇д̇аа ‘‘магарад̣̇анд̇агам̣ бана ваддад̇ий’’д̇и вуд̇д̇ам̣. д̇знааху бораан̣аа –
9.Patte vā thālake vātiādīsu thālaketi tambādimaye puggalike tividhepi kappiyathālake. Na vaṭṭatīti maṇivaṇṇakaraṇapayogo na vaṭṭati, telavaṇṇapayogo pana vaṭṭati. Telavaṇṇoti samaṇasāruppavaṇṇaṃ sandhāya vuttaṃ, maṇivaṇṇaṃ pana pattaṃ aññena kataṃ labhitvā paribhuñjituṃ vaṭṭatīti vadanti. Pattamaṇḍaleti tipusīsādimaye pattaṭṭhapanakamaṇḍale. ‘‘Na bhikkhave vicitrāni pattamaṇḍalāni dhāretabbāni rūpakākiṇṇāni bhittikammakatānī’’ti (cūḷava. 253) vuttattā ‘‘bhittikammaṃ na vaṭṭatī’’ti vuttaṃ. ‘‘Anujānāmi, bhikkhave, makaradantakaṃ chinditu’’nti (cūḷava. 253) vuttattā ‘‘makaradantakaṃ pana vaṭṭatī’’ti vuttaṃ. Tenāhu porāṇā –
‘‘т̇аалагасса жа бад̇д̇асса, б̣ахи анд̇оби ваа бана;
‘‘Thālakassa ca pattassa, bahi antopi vā pana;
аараг̇г̇зна гад̇аа лзкаа, на жа ваддад̇и гаажиби.
Āraggena katā lekhā, na ca vaṭṭati kācipi.
‘‘ааробзд̇ваа бхамам̣ бад̇д̇ам̣, маж̇ж̇ид̇ваа жз бажанд̇и жа;
‘‘Āropetvā bhamaṃ pattaṃ, majjitvā ce pacanti ca;
‘ман̣иван̣н̣ам̣ гариссаама’, ид̇и гаад̇ум̣ на ваддад̇и.
‘Maṇivaṇṇaṃ karissāma’, iti kātuṃ na vaṭṭati.
‘‘бад̇д̇аман̣д̣алагз гин̃жи;
‘‘Pattamaṇḍalake kiñci;
бхид̇д̇игаммам̣ на ваддад̇и;
Bhittikammaṃ na vaṭṭati;
на д̣̇осо гожи д̇ад̇т̇асса;
Na doso koci tatthassa;
гаад̇ум̣ магарад̣̇анд̇ага’’нд̇и.
Kātuṃ makaradantaka’’nti.
винаяасаарад̇т̇асанд̣̇ийбанияамби аараг̇г̇знаад̇и аараган̣дагаг̇г̇зна, суужимукзна ваа. гаажиби лзкаад̇и ваддагаг̇омуд̇д̇аад̣̇исан̣таанаа яаа гаажиби рааж̇и. бхамам̣ ааробзд̇ваад̇и бхамз аллийяаабзд̇ваа. бад̇д̇аман̣д̣алагзд̇и бад̇д̇з чавирагкан̣ад̇т̇ааяа д̇ибусийсаад̣̇ийхи гад̇з бад̇д̇асса хздтаа аад̇хаараад̣̇ийнам̣ убари гаад̇аб̣б̣з бад̇д̇аман̣д̣алагз. бхид̇д̇игамманд̇и наанаагаараруубагагаммавижид̇д̇ам̣. яат̇ааха ‘‘на, бхигкавз, вижид̇раани бад̇д̇аман̣д̣алаани д̇хаарзд̇аб̣б̣аани руубагаагин̣н̣аани бхид̇д̇игаммагад̇ааний’’д̇и. д̇ад̇т̇аад̇и д̇асмим̣ бад̇д̇аман̣д̣алз. ассаад̇и бхигкусса. магарад̣̇анд̇аганд̇и г̇иригууданд̇и вуд̇д̇ам̣, д̇асмаа звам̣ бад̇д̇ат̇аалагаад̣̇ийсу бадибаж̇ж̇ид̇аб̣б̣ам̣.
Vinayasāratthasandīpaniyampi āraggenāti ārakaṇṭakaggena, sūcimukhena vā. Kācipi lekhāti vaṭṭakagomuttādisaṇṭhānā yā kācipi rāji. Bhamaṃ āropetvāti bhame allīyāpetvā. Pattamaṇḍalaketi patte chavirakkhaṇatthāya tipusīsādīhi kate pattassa heṭṭhā ādhārādīnaṃ upari kātabbe pattamaṇḍalake. Bhittikammanti nānākārarūpakakammavicittaṃ. Yathāha ‘‘na, bhikkhave, vicitrāni pattamaṇḍalāni dhāretabbāni rūpakākiṇṇāni bhittikammakatānī’’ti. Tatthāti tasmiṃ pattamaṇḍale. Assāti bhikkhussa. Makaradantakanti girikūṭanti vuttaṃ, tasmā evaṃ pattathālakādīsu paṭipajjitabbaṃ.
д̇хамагаран̣а…бз… лзкаа на ваддад̇ийд̇и аараг̇г̇зна д̣̇инналзкаа на ваддад̇и, ж̇аад̇ихин̇г̇улигаад̣̇иван̣н̣зхи гад̇алзкаа бана ваддад̇и. чад̇д̇амукаваддияанд̇и д̇хамагаран̣асса хад̇т̇зна г̇ахан̣ад̇т̇ам̣ гад̇асса чад̇д̇аагаарасса мукаваддияам̣. ‘‘бариссааванаб̣анд̇хадтаанз’’д̇и гзжи. винаяавинижчаязби –
Dhamakaraṇa…pe… lekhā na vaṭṭatīti āraggena dinnalekhā na vaṭṭati, jātihiṅgulikādivaṇṇehi katalekhā pana vaṭṭati. Chattamukhavaṭṭiyanti dhamakaraṇassa hatthena gahaṇatthaṃ katassa chattākārassa mukhavaṭṭiyaṃ. ‘‘Parissāvanabandhaṭṭhāne’’ti keci. Vinayavinicchayepi –
‘‘на д̇хаммагаран̣ажчад̇д̇з, лзкаа гаажиби ваддад̇и;
‘‘Na dhammakaraṇacchatte, lekhā kācipi vaṭṭati;
гужчияам̣ ваа табзд̇ваа д̇ам̣, лзкам̣ д̇у мукаваддияа’’нд̇и. –
Kucchiyaṃ vā ṭhapetvā taṃ, lekhaṃ tu mukhavaṭṭiya’’nti. –
вуд̇д̇ам̣. д̇аддийгааяам̣ бана ‘‘мукаваддияаа яаа лзкаа бариссааванаб̣анд̇ханад̇т̇ааяа анун̃н̃аад̇аа, д̇ам̣ лзкам̣ табзд̇ваа д̇хамагаран̣ажчад̇д̇з ваа гужчияам̣ ваа гаажи лзкаа на ваддад̇ийд̇и яож̇анаа’’д̇и вуд̇д̇ам̣, д̇асмаа д̇ад̇т̇а вуд̇д̇анаязнзва д̇хамагаран̣з бадибаж̇ж̇ид̇аб̣б̣ам̣.
Vuttaṃ. Taṭṭīkāyaṃ pana ‘‘mukhavaṭṭiyā yā lekhā parissāvanabandhanatthāya anuññātā, taṃ lekhaṃ ṭhapetvā dhamakaraṇacchatte vā kucchiyaṃ vā kāci lekhā na vaṭṭatīti yojanā’’ti vuttaṃ, tasmā tattha vuttanayeneva dhamakaraṇe paṭipajjitabbaṃ.
10. гааяаб̣анд̇ханз бана гаггадагкийнийд̇и гаггадагасса агкисад̣̇исаани. магарамуканд̇и магарамукасан̣таанам̣. д̣̇зд̣д̣убхасийсанд̇и уд̣̇агасаббасийсасад̣̇исасан̣таанаани. ажчийнийд̇и гун̃ж̇аражчисан̣таанаани. згамзва ваддад̇ийд̇и зд̇т̇а згараж̇ж̇угам̣ д̣̇виг̇ун̣ад̇иг̇ун̣ам̣ гад̇ваа б̣анд̇хид̇ум̣ на ваддад̇и, згамзва бана сад̇аваарамби сарийрам̣ баригкибид̇ваа б̣анд̇хид̇ум̣ ваддад̇и. ‘‘б̣ахураж̇ж̇угз згад̇о гад̇ваа згзна ниранд̇арам̣ взтзд̇ваа гад̇ам̣ б̣ахураж̇ж̇уганд̇и на вад̇д̇аб̣б̣ам̣, д̇ам̣ ваддад̇ий’’д̇и вуд̇д̇ад̇д̇аа д̇ам̣ мураж̇асан̇кам̣ на г̇ажчад̇ийд̇и взд̣̇ид̇аб̣б̣ам̣. мураж̇ан̃хи наанааван̣н̣зхи суд̇д̇зхи мураж̇аваддисан̣таанам̣ взтзд̇ваа гаронд̇и. ид̣̇ам̣ бана мураж̇ам̣ мад̣̇д̣̇авийн̣асан̇каад̇ам̣ бааман̇г̇асан̣таанан̃жа д̣̇асаасу ваддад̇и ‘‘гааяаб̣анд̇ханасса д̣̇асаа ж̇ийранд̇и. ануж̇аанаами, бхигкавз, мураж̇ам̣ мад̣̇д̣̇авийн̣а’’нд̇и (жуул̣ава. 278) вуд̇д̇ад̇д̇аа.
10. Kāyabandhane pana kakkaṭakkhīnīti kakkaṭakassa akkhisadisāni. Makaramukhanti makaramukhasaṇṭhānaṃ. Deḍḍubhasīsanti udakasappasīsasadisasaṇṭhānāni. Acchīnīti kuñjaracchisaṇṭhānāni. Ekameva vaṭṭatīti ettha ekarajjukaṃ dviguṇatiguṇaṃ katvā bandhituṃ na vaṭṭati, ekameva pana satavārampi sarīraṃ parikkhipitvā bandhituṃ vaṭṭati. ‘‘Bahurajjuke ekato katvā ekena nirantaraṃ veṭhetvā kataṃ bahurajjukanti na vattabbaṃ, taṃ vaṭṭatī’’ti vuttattā taṃ murajasaṅkhaṃ na gacchatīti veditabbaṃ. Murajañhi nānāvaṇṇehi suttehi murajavaṭṭisaṇṭhānaṃ veṭhetvā karonti. Idaṃ pana murajaṃ maddavīṇasaṅkhātaṃ pāmaṅgasaṇṭhānañca dasāsu vaṭṭati ‘‘kāyabandhanassa dasā jīranti. Anujānāmi, bhikkhave, murajaṃ maddavīṇa’’nti (cūḷava. 278) vuttattā.
вид̇хзд̇и д̣̇асаабарияосаанз т̇ирабхаавааяа д̣̇анд̇ависаан̣асуд̇д̇аад̣̇ийхи гад̇з вид̇хз. саарад̇т̇ад̣̇ийбанияам̣ (саарад̇т̇а. дий. 2.85) бана ‘‘гааяаб̣анд̇ханасса баасанд̇з д̣̇асаамуулз д̇асса т̇ирабхаавад̇т̇ам̣ гад̇д̇аб̣б̣з д̣̇анд̇ависаан̣аад̣̇имаяз вид̇хз’’д̇и вуд̇д̇ам̣. адтаман̇г̇алаани наама сан̇ко, жаггам̣, бун̣н̣агумбхо, г̇аяаа, сирийважчо, ан̇гусо, д̇хаж̇ам̣, совад̇т̇иганд̇и. мажчаяуг̇ал̣ачад̇д̇ананд̣̇ияааваддаад̣̇ивасзнаби вад̣̇анд̇и. барижчзд̣̇алзкаамад̇д̇анд̇и д̣̇анд̇аад̣̇ийхи гад̇асса вид̇хасса убхосу годийсу гаад̇аб̣б̣абарижчзд̣̇арааж̇имад̇д̇ам̣. винаяавинижчаяаббагаран̣зби –
Vidheti dasāpariyosāne thirabhāvāya dantavisāṇasuttādīhi kate vidhe. Sāratthadīpaniyaṃ (sārattha. ṭī. 2.85) pana ‘‘kāyabandhanassa pāsante dasāmūle tassa thirabhāvatthaṃ kattabbe dantavisāṇādimaye vidhe’’ti vuttaṃ. Aṭṭhamaṅgalāni nāma saṅkho, cakkaṃ, puṇṇakumbho, gayā, sirīvaccho, aṅkuso, dhajaṃ, sovatthikanti. Macchayugaḷachattanandiyāvaṭṭādivasenapi vadanti. Paricchedalekhāmattanti dantādīhi katassa vidhassa ubhosu koṭīsu kātabbaparicchedarājimattaṃ. Vinayavinicchayappakaraṇepi –
‘‘суд̇д̇ам̣ ваа д̣̇иг̇ун̣ам̣ гад̇ваа, годдзнд̇и жа д̇ахим̣ д̇ахим̣;
‘‘Suttaṃ vā diguṇaṃ katvā, koṭṭenti ca tahiṃ tahiṃ;
гааяаб̣анд̇ханасобхад̇т̇ам̣, д̇ам̣ на ваддад̇и бхигкуно.
Kāyabandhanasobhatthaṃ, taṃ na vaṭṭati bhikkhuno.
‘‘д̣̇асаамукз д̣̇ал̣хад̇т̇ааяа, д̣̇вийсу анд̇зсу ваддад̇и;
‘‘Dasāmukhe daḷhatthāya, dvīsu antesu vaṭṭati;
маалаагаммалад̇аагамма-жид̇д̇игамби на ваддад̇и.
Mālākammalatākamma-cittikampi na vaṭṭati.
‘‘агкийни д̇ад̇т̇а д̣̇ассзд̇ваа;
‘‘Akkhīni tattha dassetvā;
годдид̇з бана гаа гат̇аа.
Koṭṭite pana kā kathā.
гаггадагкийни ваа д̇ад̇т̇а;
Kakkaṭakkhīni vā tattha;
удтаабзд̇ум̣ на ваддад̇и.
Uṭṭhāpetuṃ na vaṭṭati.
‘‘гхадам̣ д̣̇зд̣д̣убхасийсам̣ ваа, магарасса мукамби ваа;
‘‘Ghaṭaṃ deḍḍubhasīsaṃ vā, makarassa mukhampi vā;
вигаараруубам̣ яам̣ гин̃жи, на ваддад̇и д̣̇асаамукз.
Vikārarūpaṃ yaṃ kiñci, na vaṭṭati dasāmukhe.
‘‘уж̇угам̣ мажчаган̣дам̣ ваа, мадтам̣ ваа бана баддигам̣;
‘‘Ujukaṃ macchakaṇṭaṃ vā, maṭṭhaṃ vā pana paṭṭikaṃ;
каж̇ж̇уурибад̇д̇агаагаарам̣, гад̇ваа ваддад̇и годдид̇ам̣.
Khajjūripattakākāraṃ, katvā vaṭṭati koṭṭitaṃ.
‘‘баддигаа суугаранд̇анд̇и, д̣̇увид̇хам̣ гааяаб̣анд̇ханам̣;
‘‘Paṭṭikā sūkarantanti, duvidhaṃ kāyabandhanaṃ;
раж̇ж̇угаа д̣̇уссабаддаад̣̇и, саб̣б̣ам̣ д̇ассаануломигам̣.
Rajjukā dussapaṭṭādi, sabbaṃ tassānulomikaṃ.
‘‘мураж̇ам̣ мад̣̇д̣̇авийн̣ан̃жа, д̣̇зд̣д̣убхан̃жа галааб̣угам̣;
‘‘Murajaṃ maddavīṇañca, deḍḍubhañca kalābukaṃ;
раж̇ж̇уяо жа на вадданд̇и, буримаа д̣̇взд̣̇асаа сияум̣.
Rajjuyo ca na vaṭṭanti, purimā dvedasā siyuṃ.
‘‘д̣̇асаа бааман̇г̇асан̣таанаа, нид̣̇д̣̇идтаа гааяаб̣анд̇ханз;
‘‘Dasā pāmaṅgasaṇṭhānā, niddiṭṭhā kāyabandhane;
згаа д̣̇вид̇ижад̇ассо ваа, вадданд̇и на д̇ад̇о барам̣.
Ekā dviticatasso vā, vaṭṭanti na tato paraṃ.
‘‘згараж̇ж̇умаяам̣ вуд̇д̇ам̣, мунинаа гааяаб̣анд̇ханам̣;
‘‘Ekarajjumayaṃ vuttaṃ, muninā kāyabandhanaṃ;
д̇ан̃жа бааман̇г̇асан̣таанам̣, згамби жа на ваддад̇и.
Tañca pāmaṅgasaṇṭhānaṃ, ekampi ca na vaṭṭati.
‘‘раж̇ж̇угз згад̇о гад̇ваа, б̣ахуу згааяа раж̇ж̇уяаа;
‘‘Rajjuke ekato katvā, bahū ekāya rajjuyā;
ниранд̇аран̃хи взтзд̇ваа, гад̇ам̣ ваддад̇и б̣анд̇хид̇ум̣.
Nirantarañhi veṭhetvā, kataṃ vaṭṭati bandhituṃ.
‘‘д̣̇анд̇агадтависаан̣адти-лохавзл̣унал̣аб̣бхаваа;
‘‘Dantakaṭṭhavisāṇaṭṭhi-lohaveḷunaḷabbhavā;
ж̇ад̇усан̇камаяаа суд̇д̇а-палаж̇аа вид̇хагаа мад̇аа.
Jatusaṅkhamayā sutta-phalajā vidhakā matā.
‘‘гааяаб̣анд̇ханавид̇хзби , вигааро на жа ваддад̇и;
‘‘Kāyabandhanavidhepi , vikāro na ca vaṭṭati;
д̇ад̇т̇а д̇ад̇т̇а барижчзд̣̇а-лзкаамад̇д̇ам̣ д̇у ваддад̇ий’’д̇и. –
Tattha tattha pariccheda-lekhāmattaṃ tu vaṭṭatī’’ti. –
вуд̇д̇ам̣.
Vuttaṃ.
винаяасаарад̇т̇асанд̣̇ийбанияамби д̇ахим̣ д̇ахинд̇и баддигааяа д̇ад̇т̇а д̇ад̇т̇а. д̇анд̇и д̇ат̇аагоддид̇ад̣̇иг̇ун̣асуд̇д̇агааяаб̣анд̇ханам̣. анд̇зсу д̣̇ал̣хад̇т̇ааяа д̣̇асаамукз д̣̇иг̇ун̣ам̣ гад̇ваа годдзнд̇и, ваддад̇ийд̇и яож̇анаа. жид̇д̇агамбийд̇и маалаагаммалад̇аагаммажид̇д̇аяуд̇д̇амби гааяаб̣анд̇ханам̣. агкийнийд̇и гун̃ж̇арагкийни. д̇ад̇т̇аад̇и гааяаб̣анд̇ханз на ваддад̇ийд̇и гаа гат̇аа. удтаабзд̇унд̇и уггирид̇ум̣.
Vinayasāratthasandīpaniyampi tahiṃ tahinti paṭṭikāya tattha tattha. Tanti tathākoṭṭitadiguṇasuttakāyabandhanaṃ. Antesu daḷhatthāya dasāmukhe diguṇaṃ katvā koṭṭenti, vaṭṭatīti yojanā. Cittakampīti mālākammalatākammacittayuttampi kāyabandhanaṃ. Akkhīnīti kuñjarakkhīni. Tatthāti kāyabandhane na vaṭṭatīti kā kathā. Uṭṭhāpetunti ukkirituṃ.
гхаданд̇и гхадасан̣таанам̣. д̣̇зд̣д̣убхасийсам̣ ваад̇и уд̣̇агасаббасийсам̣ мукасан̣таанам̣ ваа. яам̣ гин̃жи вигаараруубам̣ д̣̇асаамукз на ваддад̇ийд̇и яож̇анаа. зд̇т̇а жа убхаяабассзсу мажчаган̣дагаяуд̇д̇ам̣ мажчасса бидтиган̣дагам̣ вияа яассаа баддигааяа вааяанам̣ ход̇и, ид̣̇ам̣ гааяаб̣анд̇ханам̣ мажчаган̣дагам̣ наама. яасса каж̇ж̇уурибад̇д̇асан̣таанамива вааяанам̣ ход̇и, д̇ам̣ каж̇ж̇уурибад̇д̇агаагаарам̣ наама.
Ghaṭanti ghaṭasaṇṭhānaṃ. Deḍḍubhasīsaṃ vāti udakasappasīsaṃ mukhasaṇṭhānaṃ vā. Yaṃ kiñci vikārarūpaṃ dasāmukhe na vaṭṭatīti yojanā. Ettha ca ubhayapassesu macchakaṇṭakayuttaṃ macchassa piṭṭhikaṇṭakaṃ viya yassā paṭṭikāya vāyanaṃ hoti, idaṃ kāyabandhanaṃ macchakaṇṭakaṃ nāma. Yassa khajjūripattasaṇṭhānamiva vāyanaṃ hoti, taṃ khajjūripattakākāraṃ nāma.
багад̇ивигаараа баддигаа суугаранд̇ам̣ наама гун̃жигаагосасан̣таанам̣. д̇асса д̣̇увид̇хасса гааяаб̣анд̇ханасса. д̇ад̇т̇а раж̇ж̇угаа суугаранд̇аануломигаа, д̣̇уссабаддам̣ баддигаануломигам̣. аад̣̇и-сад̣̇д̣̇зна муд̣̇д̣̇игагааяаб̣анд̇ханам̣ г̇ахид̇ам̣, д̇ан̃жа суугаранд̇аануломигам̣. яат̇ааха ‘‘згараж̇ж̇угам̣ бана муд̣̇д̣̇игагааяаб̣анд̇ханан̃жа суугаранд̇ам̣ ануломзд̇ий’’д̇и (жуул̣ава. адта. 278). д̇ад̇т̇а раж̇ж̇угаа наама згааваддаа, б̣ахураж̇ж̇угасса агаббияабхаавам̣ вагкад̇и. муд̣̇д̣̇игагааяаб̣анд̇ханам̣ наама жад̇урассам̣ агад̇ваа саж̇ж̇ид̇анд̇и г̇ан̣тибад̣̇з вуд̇д̇ам̣.
Pakativikārā paṭṭikā sūkarantaṃ nāma kuñcikākosasaṇṭhānaṃ. Tassa duvidhassa kāyabandhanassa. Tattha rajjukā sūkarantānulomikā, dussapaṭṭaṃ paṭṭikānulomikaṃ. Ādi-saddena muddikakāyabandhanaṃ gahitaṃ, tañca sūkarantānulomikaṃ. Yathāha ‘‘ekarajjukaṃ pana muddikakāyabandhanañca sūkarantaṃ anulometī’’ti (cūḷava. aṭṭha. 278). Tattha rajjukā nāma ekāvaṭṭā, bahurajjukassa akappiyabhāvaṃ vakkhati. Muddikakāyabandhanaṃ nāma caturassaṃ akatvā sajjitanti gaṇṭhipade vuttaṃ.
мураж̇ам̣ наама мураж̇аваддисан̣таанам̣ взтзд̇ваа гад̇ам̣. взтзд̇ваад̇и наанаасуд̇д̇зхи взтзд̇ваа. сигкаабхааж̇анавинижчаяз бана ‘‘б̣ахугаа раж̇ж̇уяо згад̇о гад̇ваа згааяа раж̇ж̇уяаа взтид̇а’’нд̇и вуд̇д̇ам̣. мад̣̇д̣̇авийн̣ам̣ наама бааман̇г̇асан̣таанам̣. д̣̇зд̣д̣убхагам̣ наама уд̣̇агасаббасад̣̇исам̣. галааб̣угам̣ наама б̣ахураж̇ж̇угам̣. раж̇ж̇уяод̇и убхаяагодияам̣ згад̇о аб̣анд̇хаа б̣ахураж̇ж̇уяо, д̇ат̇ааб̣анд̇хаа галааб̣угам̣ наама ход̇и. на вадданд̇ийд̇и мураж̇аад̣̇ийни имаани саб̣б̣аани гааяаб̣анд̇ханаани на вадданд̇и. буримаа д̣̇взд̇и мураж̇ам̣ мад̣̇д̣̇авийн̣анааман̃жаад̇и д̣̇вз. ‘‘д̣̇асаасу сияу’’нд̇и вад̇д̇аб̣б̣з г̇аат̇ааб̣анд̇хавасзна ван̣н̣алобзна ‘‘д̣̇асаа сияу’’нд̇и вуд̇д̇ам̣. яат̇ааха ‘‘мураж̇ам̣ мад̣̇д̣̇авийн̣анд̇и ид̣̇ам̣ д̣̇асаасуязва анун̃н̃аад̇а’’нд̇и.
Murajaṃ nāma murajavaṭṭisaṇṭhānaṃ veṭhetvā kataṃ. Veṭhetvāti nānāsuttehi veṭhetvā. Sikkhābhājanavinicchaye pana ‘‘bahukā rajjuyo ekato katvā ekāya rajjuyā veṭhita’’nti vuttaṃ. Maddavīṇaṃ nāma pāmaṅgasaṇṭhānaṃ. Deḍḍubhakaṃ nāma udakasappasadisaṃ. Kalābukaṃ nāma bahurajjukaṃ. Rajjuyoti ubhayakoṭiyaṃ ekato abandhā bahurajjuyo, tathābandhā kalābukaṃ nāma hoti. Na vaṭṭantīti murajādīni imāni sabbāni kāyabandhanāni na vaṭṭanti. Purimā dveti murajaṃ maddavīṇanāmañcāti dve. ‘‘Dasāsu siyu’’nti vattabbe gāthābandhavasena vaṇṇalopena ‘‘dasā siyu’’nti vuttaṃ. Yathāha ‘‘murajaṃ maddavīṇanti idaṃ dasāsuyeva anuññāta’’nti.
бааман̇г̇асан̣таанаад̇и бааман̇г̇ад̣̇аамам̣ вияа жад̇урассасан̣таанаа. згараж̇ж̇умаяанд̇и наанааваддз згад̇о ваддзд̇ваа гад̇ам̣ раж̇ж̇умаяам̣ гааяаб̣анд̇ханам̣ вад̇д̇ум̣ ваддад̇ийд̇и ‘‘раж̇ж̇угаа д̣̇уссабаддаад̣̇ий’’д̇и зд̇т̇а згаваддараж̇ж̇угаа г̇ахид̇аа. ид̇ха бана наанааваддз згад̇о ваддзд̇ваа гад̇аа згаава раж̇ж̇у г̇ахид̇аа. д̇ан̃жаад̇и д̇ам̣ ваа наяамби згараж̇ж̇угагааяаб̣анд̇ханам̣ бааман̇г̇асан̣таанзна г̇ант̇ид̇ам̣. згамби жа на ваддад̇ийд̇и гзваламби на ваддад̇и.
Pāmaṅgasaṇṭhānāti pāmaṅgadāmaṃ viya caturassasaṇṭhānā. Ekarajjumayanti nānāvaṭṭe ekato vaṭṭetvā kataṃ rajjumayaṃ kāyabandhanaṃ vattuṃ vaṭṭatīti ‘‘rajjukā dussapaṭṭādī’’ti ettha ekavaṭṭarajjukā gahitā. Idha pana nānāvaṭṭe ekato vaṭṭetvā katā ekāva rajju gahitā. Tañcāti taṃ vā nayampi ekarajjukakāyabandhanaṃ pāmaṅgasaṇṭhānena ganthitaṃ. Ekampi ca na vaṭṭatīti kevalampi na vaṭṭati.
б̣ахуу раж̇ж̇угз згад̇о гад̇ваад̇и яож̇анаа. ваддад̇и б̣анд̇хид̇унд̇и мураж̇ам̣ галааб̣уган̃жа на ход̇и, раж̇ж̇угагааяаб̣анд̇ханамзва ход̇ийд̇и ад̇хиббааяо. аяам̣ бана винижчаяо ‘‘б̣ахураж̇ж̇угз згад̇о гад̇ваа згзна ниранд̇арам̣ взтзд̇ваа гад̇ам̣ б̣ахураж̇ж̇уганд̇и на вад̇д̇аб̣б̣ам̣, д̇ам̣ ваддад̇ий’’д̇и адтагат̇ааг̇ад̇о ид̇ха вуд̇д̇о. сигкаабхааж̇анавинижчаяз ‘‘б̣ахураж̇ж̇уяо згад̇о гад̇ваа згааяа взтид̇ам̣ мураж̇ам̣ наамаа’’д̇и яам̣ вуд̇д̇ам̣, д̇ам̣ иминаа вируж̇жханад̇о на г̇ахзд̇аб̣б̣ам̣.
Bahū rajjuke ekato katvāti yojanā. Vaṭṭati bandhitunti murajaṃ kalābukañca na hoti, rajjukakāyabandhanameva hotīti adhippāyo. Ayaṃ pana vinicchayo ‘‘bahurajjuke ekato katvā ekena nirantaraṃ veṭhetvā kataṃ bahurajjukanti na vattabbaṃ, taṃ vaṭṭatī’’ti aṭṭhakathāgato idha vutto. Sikkhābhājanavinicchaye ‘‘bahurajjuyo ekato katvā ekāya veṭhitaṃ murajaṃ nāmā’’ti yaṃ vuttaṃ, taṃ iminā virujjhanato na gahetabbaṃ.
д̣̇анд̇а-сад̣̇д̣̇зна хад̇т̇ид̣̇анд̇аа вуд̇д̇аа. ж̇ад̇ууд̇и лаакаа. сан̇камаяанд̇и сан̇канаабхимаяам̣. вид̇хагаа мад̇аад̇и зд̇т̇а взд̇хигаад̇иби баато, вид̇хабарияааяо. гааяаб̣анд̇ханавид̇хзд̇и гааяаб̣анд̇ханасса д̣̇асааяа т̇ирабхаавад̇т̇ам̣ гадтад̣̇анд̇аад̣̇ийхи гад̇з вид̇хз. вигааро адтаман̇г̇алаад̣̇иго. д̇ад̇т̇а д̇ад̇т̇аад̇и д̇асмим̣ д̇асмим̣ таанз. д̇у-сад̣̇д̣̇зна гхадаагаароби ваддад̇ийд̇и д̣̇ийбзд̇ийд̇и ад̇т̇о багаасид̇о, д̇асмаа д̇зна наязна гааяаб̣анд̇ханавижааро гаад̇аб̣б̣од̇и.
Danta-saddena hatthidantā vuttā. Jatūti lākhā. Saṅkhamayanti saṅkhanābhimayaṃ. Vidhakā matāti ettha vedhikātipi pāṭho, vidhapariyāyo. Kāyabandhanavidheti kāyabandhanassa dasāya thirabhāvatthaṃ kaṭṭhadantādīhi kate vidhe. Vikāro aṭṭhamaṅgalādiko. Tattha tatthāti tasmiṃ tasmiṃ ṭhāne. Tu-saddena ghaṭākāropi vaṭṭatīti dīpetīti attho pakāsito, tasmā tena nayena kāyabandhanavicāro kātabboti.
11. ан̃ж̇анияам̣ ‘‘уж̇угамзваа’’д̇и вуд̇д̇ад̇д̇аа жад̇урассаад̣̇исан̣таанааби ван̇гаг̇ад̇игаа на ваддад̇и. сибаадигааяаад̇и ваасиаад̣̇ибхан̣д̣абагкибанз. винаяавинижчаяаббагаран̣з бана –
11.Añjaniyaṃ ‘‘ujukamevā’’ti vuttattā caturassādisaṇṭhānāpi vaṅkagatikā na vaṭṭati. Sipāṭikāyāti vāsiādibhaṇḍapakkhipane. Vinayavinicchayappakaraṇe pana –
‘‘маалаагаммалад̇аагамма-наанааруубавижид̇д̇ид̇аа;
‘‘Mālākammalatākamma-nānārūpavicittitā;
на жа ваддад̇и бхигкуунам̣, ан̃ж̇аний ж̇анаран̃ж̇аний.
Na ca vaṭṭati bhikkhūnaṃ, añjanī janarañjanī.
‘‘д̇аад̣̇исам̣ бана гхам̣сид̇ваа, взтзд̇ваа суд̇д̇агзна ваа;
‘‘Tādisaṃ pana ghaṃsitvā, veṭhetvā suttakena vā;
вал̣ан̃ж̇анд̇асса бхигкусса, на д̣̇осо гожи виж̇ж̇ад̇и.
Vaḷañjantassa bhikkhussa, na doso koci vijjati.
‘‘ваддаа ваа жад̇урассаа ваа, адтам̣саа вааби ан̃ж̇аний;
‘‘Vaṭṭā vā caturassā vā, aṭṭhaṃsā vāpi añjanī;
ваддад̇зваад̇и нид̣̇д̣̇идтаа, ван̣н̣амадтаа на ваддад̇и.
Vaṭṭatevāti niddiṭṭhā, vaṇṇamaṭṭhā na vaṭṭati.
‘‘д̇ат̇аан̃ж̇анисалаагааби, ан̃ж̇анит̇авигааяа жа;
‘‘Tathāñjanisalākāpi, añjanithavikāya ca;
наанааван̣н̣зхи суд̇д̇зхи, жид̇д̇агаммам̣ на ваддад̇и.
Nānāvaṇṇehi suttehi, cittakammaṃ na vaṭṭati.
‘‘згаван̣н̣зна суд̇д̇зна, сибаадим̣ язна гзнажи;
‘‘Ekavaṇṇena suttena, sipāṭiṃ yena kenaci;
яам̣ гин̃жи бана сиб̣б̣зд̇ваа, вал̣ан̃ж̇анд̇асса ваддад̇ий’’д̇и. –
Yaṃ kiñci pana sibbetvā, vaḷañjantassa vaṭṭatī’’ti. –
ааг̇ад̇ам̣.
Āgataṃ.
д̇аддийгааяамби маалаа…бз… жид̇д̇ид̇аад̇и маалаагаммалад̇аагаммзхи жа миг̇абагкируубаад̣̇инаанааруубзхи жа вижид̇д̇ид̇аа. ж̇анаран̃ж̇анийд̇и б̣аалаж̇анабалобхиний. адтам̣саа ваабийд̇и зд̇т̇а аби-сад̣̇д̣̇зна сол̣асам̣саад̣̇ийнам̣ г̇ахан̣ам̣. ван̣н̣амадтаад̇и маалаагаммаад̣̇иван̣н̣амадтаа. ан̃ж̇анийсалаагааби д̇ат̇аа ван̣н̣амадтаа на ваддад̇ийд̇и яож̇анаа. ан̃ж̇анийт̇авигааяа жа наанааван̣н̣зхи суд̇д̇зхи жид̇д̇агаммам̣ на ваддад̇ийд̇и баато яуж̇ж̇ад̇и, ‘‘т̇авигааби ваа’’д̇и баато д̣̇иссад̇и, со на г̇ахзд̇аб̣б̣о. ‘‘бийд̇аад̣̇инаа язна гзнажи згаван̣н̣зна суд̇д̇зна билод̇игаад̣̇имаяам̣ гин̃жиби сибаадигам̣ сиб̣б̣зд̇ваа вал̣ан̃ж̇анд̇асса ваддад̇ийд̇и яож̇анаа’’д̇и ааг̇ад̇ам̣.
Taṭṭīkāyampi mālā…pe… cittitāti mālākammalatākammehi ca migapakkhirūpādinānārūpehi ca vicittitā. Janarañjanīti bālajanapalobhinī. Aṭṭhaṃsā vāpīti ettha api-saddena soḷasaṃsādīnaṃ gahaṇaṃ. Vaṇṇamaṭṭhāti mālākammādivaṇṇamaṭṭhā. Añjanīsalākāpi tathā vaṇṇamaṭṭhā na vaṭṭatīti yojanā. Añjanīthavikāya ca nānāvaṇṇehi suttehi cittakammaṃ na vaṭṭatīti pāṭho yujjati, ‘‘thavikāpi vā’’ti pāṭho dissati, so na gahetabbo. ‘‘Pītādinā yena kenaci ekavaṇṇena suttena pilotikādimayaṃ kiñcipi sipāṭikaṃ sibbetvā vaḷañjantassa vaṭṭatīti yojanā’’ti āgataṃ.
12. аараган̣дагаад̣̇ийсу аараган̣дагзд̇и бод̇т̇агаад̣̇иабхисан̇каран̣ад̇т̇ам̣ гад̇з д̣̇ийгхамукасад̇т̇агз. бхамагаараанам̣ д̣̇ааруаад̣̇иликанасад̇т̇аганд̇и гзжи. ваддаман̣иганд̇и ваддам̣ гад̇ваа удтаабзд̇аб̣б̣аб̣уб̣б̣ул̣агам̣. ан̃н̃анд̇и иминаа бил̣агаад̣̇им̣ сан̇г̇ан̣хаад̇и. бибпалигзд̇и яам̣ гин̃жи чзд̣̇анагз куд̣̇д̣̇агасад̇т̇з. ман̣иганд̇и згаваддаман̣и. бил̣аганд̇и саасабамад̇д̇игаамуд̇д̇арааж̇исад̣̇исаа б̣ахуваддалзкаа. имасмим̣ ад̇хигаарз авуд̇д̇ад̇д̇аа лзканияам̣ яам̣ гин̃жи ван̣н̣амадтам̣ ваддад̇ийд̇и вад̣̇анд̇и. важ̇ираб̣уд̣̇д̇хидийгааяам̣ бана ‘‘гун̃жигааяа сзнаасанабаригкаарад̇д̇аа суван̣н̣аруубияамаяааби ваддад̇ийд̇и чааяаа д̣̇иссад̇и. ‘гун̃жигааяа ван̣н̣амадтагаммам̣ на ваддад̇ий’д̇и (баараа. адта. 1.85) важанад̇о ан̃н̃з габбияалохаад̣̇имаяаава гун̃жигаа габбанд̇и барихаран̣ийяабаригкаарад̇д̇аа’’д̇и вуд̇д̇ам̣. аараган̣даго бод̇т̇агаад̣̇игаран̣асад̇т̇агаж̇аад̇и, ааман̣д̣асаараго аамалагапаламаяод̇и вад̣̇анд̇и.
12.Ārakaṇṭakādīsu ārakaṇṭaketi potthakādiabhisaṅkharaṇatthaṃ kate dīghamukhasatthake. Bhamakārānaṃ dāruādilikhanasatthakanti keci. Vaṭṭamaṇikanti vaṭṭaṃ katvā uṭṭhāpetabbabubbuḷakaṃ. Aññanti iminā piḷakādiṃ saṅgaṇhāti. Pipphaliketi yaṃ kiñci chedanake khuddakasatthe. Maṇikanti ekavaṭṭamaṇi. Piḷakanti sāsapamattikāmuttarājisadisā bahuvaṭṭalekhā. Imasmiṃ adhikāre avuttattā lekhaniyaṃ yaṃ kiñci vaṇṇamaṭṭhaṃ vaṭṭatīti vadanti. Vajirabuddhiṭīkāyaṃ pana ‘‘kuñcikāya senāsanaparikkhārattā suvaṇṇarūpiyamayāpi vaṭṭatīti chāyā dissati. ‘Kuñcikāya vaṇṇamaṭṭhakammaṃ na vaṭṭatī’ti (pārā. aṭṭha. 1.85) vacanato aññe kappiyalohādimayāva kuñcikā kappanti pariharaṇīyaparikkhārattā’’ti vuttaṃ. Ārakaṇṭako potthakādikaraṇasatthakajāti, āmaṇḍasārako āmalakaphalamayoti vadanti.
валид̇аганд̇и накажчзд̣̇анагаалз д̣̇ал̣хаг̇г̇ахан̣ад̇т̇ам̣ валияуд̇д̇амзва гаронд̇и. д̇асмаа д̇ам̣ ваддад̇ийд̇и иминаа ан̃н̃амби вигаарам̣ д̣̇ал̣хийгаммаад̣̇иад̇т̇ааяа гаронд̇и, на ван̣н̣амадтад̇т̇ааяа, д̇ам̣ ваддад̇ийд̇и д̣̇ийбид̇ам̣, д̇зна жа гад̇д̇арад̣̇ан̣д̣агодияам̣ ан̃н̃аман̃н̃ам̣ сан̇гхадданзна сад̣̇д̣̇анижчаран̣ад̇т̇ааяа гад̇авалаяаад̣̇игам̣ авуд̇д̇амби яад̇о убабаннам̣ ход̇и. зд̇т̇а жа д̣̇ал̣хийгаммаад̣̇ийд̇и аад̣̇и-сад̣̇д̣̇зна бариссаяавинод̣̇анаад̣̇им̣ сан̇г̇ан̣хаад̇и, д̇зна гад̇д̇араяадтигодияам̣ гад̇авалаяаанам̣ ан̃н̃аман̃н̃асан̇гхадданзна сад̣̇д̣̇анижчаран̣ам̣ д̣̇ийгхаж̇аад̇игаад̣̇ибариссаяавинод̣̇анад̇т̇ам̣ ход̇и, д̇асмаа ваддад̇ийд̇и д̣̇ийбзд̇и. д̇знааха аажарияаваро –
Valitakanti nakhacchedanakāle daḷhaggahaṇatthaṃ valiyuttameva karonti. Tasmā taṃ vaṭṭatīti iminā aññampi vikāraṃ daḷhīkammādiatthāya karonti, na vaṇṇamaṭṭhatthāya, taṃ vaṭṭatīti dīpitaṃ, tena ca kattaradaṇḍakoṭiyaṃ aññamaññaṃ saṅghaṭṭanena saddaniccharaṇatthāya katavalayādikaṃ avuttampi yato upapannaṃ hoti. Ettha ca daḷhīkammādīti ādi-saddena parissayavinodanādiṃ saṅgaṇhāti, tena kattarayaṭṭhikoṭiyaṃ katavalayānaṃ aññamaññasaṅghaṭṭanena saddaniccharaṇaṃ dīghajātikādiparissayavinodanatthaṃ hoti, tasmā vaṭṭatīti dīpeti. Tenāha ācariyavaro –
‘‘ман̣игам̣ бил̣агам̣ вааби, бибпалз аараган̣дагз;
‘‘Maṇikaṃ piḷakaṃ vāpi, pipphale ārakaṇṭake;
табзд̇ум̣ бана яам̣ гин̃жи, на жа ваддад̇и бхигкуно.
Ṭhapetuṃ pana yaṃ kiñci, na ca vaṭṭati bhikkhuno.
‘‘д̣̇ан̣д̣агзби барижчзд̣̇а-лзкаамад̇д̇ам̣ д̇у ваддад̇и;
‘‘Daṇḍakepi pariccheda-lekhāmattaṃ tu vaṭṭati;
валид̇ваа жа накажчзд̣̇ам̣, гаронд̇ийд̇и хи ваддад̇ий’’д̇и.
Valitvā ca nakhacchedaṃ, karontīti hi vaṭṭatī’’ti.
д̇асса ван̣н̣анааяамби ман̣иганд̇и т̇уулаб̣уб̣б̣ул̣ам̣. бийл̣аганд̇и сукумаб̣уб̣б̣ул̣ам̣. бибпалзд̇и вад̇т̇ажчзд̣̇анасад̇т̇з. аараган̣дагзд̇и бад̇д̇ад̇хааравалаяаанам̣ виж̇жханаган̣дагз. табзд̇унд̇и удтаабзд̇ум̣. яам̣ гин̃жийд̇и сзсаван̣н̣амадтамби жа. д̣̇ан̣д̣агзд̇и бибпалид̣̇ан̣д̣агз. яат̇ааха ‘‘бибпалигзби ман̣игам̣ ваа бил̣агам̣ ваа яам̣ гин̃жи табзд̇ум̣ на ваддад̇и, д̣̇ан̣д̣агз бана барижчзд̣̇алзкаа ваддад̇ий’’д̇и. барижчзд̣̇алзкаамад̇д̇анд̇и аан̣иб̣анд̇ханадтаанам̣ бад̇ваа барижчинд̣̇анад̇т̇ам̣ згаава лзкаа ваддад̇ийд̇и. валид̇ваад̇и убхаяагодимукам̣ гад̇ваа маж̇жхз валияо г̇аахзд̇ваа накажчзд̣̇ам̣ яасмаа гаронд̇и, д̇асмаа ваддад̇ийд̇и яож̇анаад̇и ааг̇ад̇аа.
Tassa vaṇṇanāyampi maṇikanti thūlabubbuḷaṃ. Pīḷakanti sukhumabubbuḷaṃ. Pipphaleti vatthacchedanasatthe. Ārakaṇṭaketi pattadhāravalayānaṃ vijjhanakaṇṭake. Ṭhapetunti uṭṭhāpetuṃ. Yaṃ kiñcīti sesavaṇṇamaṭṭhampi ca. Daṇḍaketi pipphalidaṇḍake. Yathāha ‘‘pipphalikepi maṇikaṃ vā piḷakaṃ vā yaṃ kiñci ṭhapetuṃ na vaṭṭati, daṇḍake pana paricchedalekhā vaṭṭatī’’ti. Paricchedalekhāmattanti āṇibandhanaṭṭhānaṃ patvā paricchindanatthaṃ ekāva lekhā vaṭṭatīti. Valitvāti ubhayakoṭimukhaṃ katvā majjhe valiyo gāhetvā nakhacchedaṃ yasmā karonti, tasmā vaṭṭatīti yojanāti āgatā.
уд̇д̇арааран̣ияам̣ ман̣д̣аланд̇и уд̇д̇арааран̣ияаа бавзсанад̇т̇ам̣ ааваадаман̣д̣алам̣ ход̇и. д̣̇анд̇агадтажчзд̣̇анаваасияам̣ уж̇угамзва б̣анд̇хид̇унд̇и самб̣анд̇хо. зд̇т̇а жа уж̇угамзваад̇и иминаа ван̇гам̣ гад̇ваа б̣анд̇хид̇ум̣ на ваддад̇ийд̇и д̣̇ассзд̇и, д̇знзва ан̃ж̇анияамби д̇ат̇аа д̣̇ассид̇ам̣. убхосу бассзсу згабассз ваад̇и важанасзсо, ваасид̣̇ан̣д̣асса убхосу бассзсу д̣̇ан̣д̣агодийнам̣ ажаланад̇т̇ам̣ б̣анд̇хид̇унд̇и ад̇т̇о. габбияалохзна жад̇урассам̣ ваа адтам̣сам̣ ваа гаад̇ум̣ ваддад̇ийд̇и яож̇анаа.
Uttarāraṇiyaṃ maṇḍalanti uttarāraṇiyā pavesanatthaṃ āvāṭamaṇḍalaṃ hoti. Dantakaṭṭhacchedanavāsiyaṃ ujukameva bandhitunti sambandho. Ettha ca ujukamevāti iminā vaṅkaṃ katvā bandhituṃ na vaṭṭatīti dasseti, teneva añjaniyampi tathā dassitaṃ. Ubhosu passesu ekapasse vāti vacanaseso, vāsidaṇḍassa ubhosu passesu daṇḍakoṭīnaṃ acalanatthaṃ bandhitunti attho. Kappiyalohena caturassaṃ vā aṭṭhaṃsaṃ vā kātuṃ vaṭṭatīti yojanā.
13. ааман̣д̣асаарагзд̇и аамалагапалаани бисид̇ваа д̇зна гаггзна гад̇ад̇злабхааж̇анз. д̇ад̇т̇а гира багкид̇д̇ам̣ д̇злам̣ сийд̇ам̣ ход̇и. д̇ат̇аа хи вуд̇д̇ам̣ аажариязна –
13.Āmaṇḍasāraketi āmalakaphalāni pisitvā tena kakkena katatelabhājane. Tattha kira pakkhittaṃ telaṃ sītaṃ hoti. Tathā hi vuttaṃ ācariyena –
‘‘уд̇д̇арааран̣ияам̣ вааби, д̇ханугз бзллад̣̇ан̣д̣агз;
‘‘Uttarāraṇiyaṃ vāpi, dhanuke pelladaṇḍake;
маалаагаммаад̣̇и яам̣ гин̃жи, ван̣н̣амадтам̣ на ваддад̇и.
Mālākammādi yaṃ kiñci, vaṇṇamaṭṭhaṃ na vaṭṭati.
‘‘сан̣д̣аасз д̣̇анд̇агадтаанам̣, д̇ат̇аа чзд̣̇анаваасияаа;
‘‘Saṇḍāse dantakaṭṭhānaṃ, tathā chedanavāsiyā;
д̣̇вийсу бассзсу лохзна, б̣анд̇хид̇ум̣ бана ваддад̇и.
Dvīsu passesu lohena, bandhituṃ pana vaṭṭati.
‘‘д̇ат̇аа гад̇д̇арад̣̇ан̣д̣зби, жид̇д̇агаммам̣ на ваддад̇и;
‘‘Tathā kattaradaṇḍepi, cittakammaṃ na vaṭṭati;
ваддалзкаава вадданд̇и, згаа ваа д̣̇взби хздтад̇о.
Vaṭṭalekhāva vaṭṭanti, ekā vā dvepi heṭṭhato.
‘‘висаан̣з наал̣ияам̣ вааби, д̇ат̇звааман̣д̣асаарагз;
‘‘Visāṇe nāḷiyaṃ vāpi, tathevāmaṇḍasārake;
д̇злабхааж̇анагз саб̣б̣ам̣, ван̣н̣амадтам̣ д̇у ваддад̇ий’’д̇и.
Telabhājanake sabbaṃ, vaṇṇamaṭṭhaṃ tu vaṭṭatī’’ti.
дийгааяамби аран̣исахид̇з бханд̇агижжагаро д̣̇ан̣д̣о уд̇д̇арааран̣ий наама. ваабийд̇и би-сад̣̇д̣̇зна ад̇харааран̣им̣ сан̇г̇ан̣хаад̇и. уд̣̇угкалад̣̇ан̣д̣ассзд̇ам̣ ад̇хиважанам̣. ан̃чанагаяанд̇ад̇хану д̇ханугам̣ наама. мусаламад̇т̇агабийл̣анад̣̇ан̣д̣аго бзллад̣̇ан̣д̣аго наама. сан̣д̣аасзд̇и аг̇г̇исан̣д̣аасз. д̣̇анд̇агадтаанам̣ чзд̣̇анаваасияаа д̇ат̇аа яам̣ гин̃жи ван̣н̣амадтам̣ на ваддад̇ийд̇и самб̣анд̇хо. д̣̇вийсу бассзсууд̇и ваасияаа убхосу бассзсу. лохзнаад̇и габбияалохзна. б̣анд̇хид̇ум̣ ваддад̇ийд̇и уж̇угамзва ваа жад̇урассам̣ ваа адтам̣сам̣ ваа б̣анд̇хид̇ум̣ ваддад̇и. сан̣д̣аасзд̇и аг̇г̇исан̣д̣аасзд̇и ниссанд̣̇зхз вуд̇д̇ам̣. адтагат̇ааяам̣ банзд̇т̇а суужисан̣д̣аасо д̣̇ассид̇о . хздтаад̇и хздтаа аяобаддавалаяз. ‘‘убари ахижчад̇д̇агамагул̣амад̇д̇а’’нд̇и адтагат̇ааяам̣ вуд̇д̇ам̣. висаан̣зд̇и д̇злаасин̃жанагаг̇аваяамахим̣саад̣̇исин̇г̇з. наал̣ияам̣ ваабийд̇и взл̣унаал̣игаад̣̇инаал̣ияам̣. аби-сад̣̇д̣̇зна алааб̣ум̣ сан̇г̇ан̣хаад̇и. ааман̣д̣асаарагзд̇и аамалагажун̣н̣амаяад̇злагхадз . д̇злабхааж̇анагзд̇и вуд̇д̇аббагаарзязва д̇злабхааж̇анз. саб̣б̣ам̣ ван̣н̣амадтам̣ ваддад̇ийд̇и бумид̇т̇ируубарахид̇ам̣ маалаагаммаад̣̇и саб̣б̣ам̣ ван̣н̣амадтам̣ ваддад̇ийд̇и ааг̇ад̇ам̣.
Ṭīkāyampi araṇisahite bhantakiccakaro daṇḍo uttarāraṇī nāma. Vāpīti pi-saddena adharāraṇiṃ saṅgaṇhāti. Udukkhaladaṇḍassetaṃ adhivacanaṃ. Añchanakayantadhanu dhanukaṃ nāma. Musalamatthakapīḷanadaṇḍako pelladaṇḍako nāma. Saṇḍāseti aggisaṇḍāse. Dantakaṭṭhānaṃ chedanavāsiyā tathā yaṃ kiñci vaṇṇamaṭṭhaṃ na vaṭṭatīti sambandho. Dvīsu passesūti vāsiyā ubhosu passesu. Lohenāti kappiyalohena. Bandhituṃ vaṭṭatīti ujukameva vā caturassaṃ vā aṭṭhaṃsaṃ vā bandhituṃ vaṭṭati. Saṇḍāseti aggisaṇḍāseti nissandehe vuttaṃ. Aṭṭhakathāyaṃ panettha sūcisaṇḍāso dassito . Heṭṭhāti heṭṭhā ayopaṭṭavalaye. ‘‘Upari ahicchattakamakuḷamatta’’nti aṭṭhakathāyaṃ vuttaṃ. Visāṇeti telāsiñcanakagavayamahiṃsādisiṅge. Nāḷiyaṃ vāpīti veḷunāḷikādināḷiyaṃ. Api-saddena alābuṃ saṅgaṇhāti. Āmaṇḍasāraketi āmalakacuṇṇamayatelaghaṭe . Telabhājanaketi vuttappakāreyeva telabhājane. Sabbaṃ vaṇṇamaṭṭhaṃ vaṭṭatīti pumitthirūparahitaṃ mālākammādi sabbaṃ vaṇṇamaṭṭhaṃ vaṭṭatīti āgataṃ.
бхуумад̇т̇аран̣зд̇и гадасаараад̣̇имаяз баригаммагад̇ааяа бхуумияаа ад̇т̇арид̇аб̣б̣аад̇т̇аран̣з. баанийяагхадзд̇и иминаа саб̣б̣абхааж̇анз сан̇г̇ан̣хаад̇и. саб̣б̣ам̣…бз… ваддад̇ийд̇и яат̇аавуд̇д̇зсу ман̃жаад̣̇ийсу ид̇т̇ибурисаруубамби ваддад̇и. д̇злабхааж̇анзсуязва ид̇т̇ибурисаруубаанам̣ бадигкибид̇ад̇д̇аа д̇злабхааж̇анзна саха аг̇ан̣зд̇ваа висум̣ ман̃жаад̣̇ийнам̣ г̇ахид̇ад̇д̇аа жаад̇и вад̣̇анд̇и. гин̃жааби вад̣̇анд̇и, зд̇зсам̣ бана ман̃жаад̣̇ийнам̣ хад̇т̇зна аамасид̇аб̣б̣абхан̣д̣ад̇д̇аа ид̇т̇ируубамзд̇т̇а на ваддад̇ийд̇и г̇ахзд̇аб̣б̣ам̣. важ̇ираб̣уд̣̇д̇хидийгааяам̣ (важ̇ира. дий. баарааж̇ига 85) бана ‘‘д̇аалаван̣даб̣ийж̇аниаад̣̇ийсу ван̣н̣амадтагаммам̣ ваддад̇ий’’д̇и вуд̇д̇ам̣. гин̃жааби д̇аани гун̃жигаа вияа барихаран̣ийяаани, ат̇а ко ужжааважаани на д̇хаарзд̇аб̣б̣аанийд̇и бадигкзбаабхаавад̇о вуд̇д̇ам̣. гзвалан̃хи д̇аани ‘‘ануж̇аанаами бхигкавз вид̇хуубанан̃жа д̇аалаван̣дан̃жаа’’д̇иаад̣̇инаа вуд̇д̇аани. г̇ан̣тибад̣̇з бана ‘‘д̇злабхааж̇анзсу ван̣н̣амадтагаммам̣ ваддад̇и, сзнаасанабаригкаарад̇д̇аа вуд̇д̇а’’нд̇и вуд̇д̇ам̣. аажарияаб̣уд̣̇д̇хад̣̇ад̇д̇ад̇т̇зрзнаби вуд̇д̇амзва –
Bhūmattharaṇeti kaṭasārādimaye parikammakatāya bhūmiyā attharitabbaattharaṇe. Pānīyaghaṭeti iminā sabbabhājane saṅgaṇhāti. Sabbaṃ…pe… vaṭṭatīti yathāvuttesu mañcādīsu itthipurisarūpampi vaṭṭati. Telabhājanesuyeva itthipurisarūpānaṃ paṭikkhipitattā telabhājanena saha agaṇetvā visuṃ mañcādīnaṃ gahitattā cāti vadanti. Kiñcāpi vadanti, etesaṃ pana mañcādīnaṃ hatthena āmasitabbabhaṇḍattā itthirūpamettha na vaṭṭatīti gahetabbaṃ. Vajirabuddhiṭīkāyaṃ (vajira. ṭī. pārājika 85) pana ‘‘tālavaṇṭabījaniādīsu vaṇṇamaṭṭhakammaṃ vaṭṭatī’’ti vuttaṃ. Kiñcāpi tāni kuñcikā viya pariharaṇīyāni, atha kho uccāvacāni na dhāretabbānīti paṭikkhepābhāvato vuttaṃ. Kevalañhi tāni ‘‘anujānāmi bhikkhave vidhūpanañca tālavaṇṭañcā’’tiādinā vuttāni. Gaṇṭhipade pana ‘‘telabhājanesu vaṇṇamaṭṭhakammaṃ vaṭṭati, senāsanaparikkhārattā vutta’’nti vuttaṃ. Ācariyabuddhadattattherenapi vuttameva –
‘‘баанийяасса ул̣ун̇гзби, д̣̇он̣ияам̣ раж̇анассаби;
‘‘Pānīyassa uḷuṅkepi, doṇiyaṃ rajanassapi;
гхадз палагабийтзби, валаяаад̇хаарагаад̣̇игз.
Ghaṭe phalakapīṭhepi, valayādhārakādike.
‘‘д̇ат̇аа бад̇д̇абид̇хаанз жа, д̇аалаван̣дз жа б̣ийж̇анз;
‘‘Tathā pattapidhāne ca, tālavaṇṭe ca bījane;
баад̣̇абун̃чанияам̣ вааби, саммун̃ж̇анияамзва жа.
Pādapuñchaniyaṃ vāpi, sammuñjaniyameva ca.
‘‘ман̃жз бхуумад̇т̇арз бийтз, бхисиб̣имб̣оханзсу жа;
‘‘Mañce bhūmatthare pīṭhe, bhisibimbohanesu ca;
маалаагаммаад̣̇игам̣ жид̇д̇ам̣, саб̣б̣амзва жа ваддад̇ий’’д̇и.
Mālākammādikaṃ cittaṃ, sabbameva ca vaṭṭatī’’ti.
14. звам̣ саман̣абаригкаарзсу габбияаагаббияам̣ гат̇зд̇ваа ид̣̇аани сзнаасанз гат̇зд̇ум̣ ‘‘сзнаасанз банаа’’д̇яаад̣̇имааха. зд̇т̇а бана-сад̣̇д̣̇о висзсаж̇од̇аго. д̇зна саб̣б̣арад̇анамаяамби ван̣н̣амадтагаммам̣ ваддад̇и, гиман̇г̇ам̣ бана ан̃н̃аван̣н̣амадтагамманд̇и ад̇т̇ам̣ ж̇од̇зд̇и. яад̣̇и звам̣ гисмин̃жи бадисзд̇хзд̇аб̣б̣з санд̇зби д̇ат̇аа вад̇д̇аб̣б̣ам̣ сияаад̇и ааха ‘‘сзнаасанз гин̃жи бадисзд̇хзд̇аб̣б̣ам̣ над̇т̇ий’’д̇и. вуд̇д̇амби жзд̇ам̣ аажарияаб̣уд̣̇д̇хад̣̇ад̇д̇ад̇т̇зрзна –
14. Evaṃ samaṇaparikkhāresu kappiyākappiyaṃ kathetvā idāni senāsane kathetuṃ ‘‘senāsane panā’’tyādimāha. Ettha pana-saddo visesajotako. Tena sabbaratanamayampi vaṇṇamaṭṭhakammaṃ vaṭṭati, kimaṅgaṃ pana aññavaṇṇamaṭṭhakammanti atthaṃ joteti. Yadi evaṃ kismiñci paṭisedhetabbe santepi tathā vattabbaṃ siyāti āha ‘‘senāsane kiñci paṭisedhetabbaṃ natthī’’ti. Vuttampi cetaṃ ācariyabuddhadattattherena –
‘‘наанааман̣имаяад̇т̇амбха-гаваадад̣̇ваарабхид̇д̇игам̣ ;
‘‘Nānāmaṇimayatthambha-kavāṭadvārabhittikaṃ ;
сзнаасанаманун̃н̃аад̇ам̣, гаа гат̇аа ван̣н̣амадтагз.
Senāsanamanuññātaṃ, kā kathā vaṇṇamaṭṭhake.
‘‘сован̣н̣ияам̣ д̣̇ваарагаваадаб̣ад̣̇д̇хам̣;
‘‘Sovaṇṇiyaṃ dvārakavāṭabaddhaṃ;
суван̣н̣анаанааман̣ибхид̇д̇ибхуумим̣;
Suvaṇṇanānāmaṇibhittibhūmiṃ;
на гин̃жи згамби нисзд̇ханийяам̣;
Na kiñci ekampi nisedhanīyaṃ;
сзнаасанам̣ ваддад̇и саб̣б̣амзваа’’д̇и.
Senāsanaṃ vaṭṭati sabbamevā’’ti.
саманд̇абаасаад̣̇игааяамби батамасан̇гхаад̣̇исзсаван̣н̣анааяам̣ (баараа. адта. 2.281) ‘‘сзнаасанабарибхог̇о бана саб̣б̣агаббияо, д̇асмаа ж̇аад̇аруубараж̇ад̇амаяаа саб̣б̣зби сзнаасанабаригкаараа аамаасаа. бхигкуунам̣ д̇хаммавинаяаван̣н̣анадтаанз рад̇анаман̣д̣абз гаронд̇и палигад̇т̇амбхз рад̇анад̣̇аамабадиман̣д̣ид̇з. д̇ад̇т̇а саб̣б̣убагаран̣аани бхигкуунам̣ бадиж̇аг̇г̇ид̇ум̣ вадданд̇ий’’д̇и ааг̇ад̇ам̣. д̇ассаа ван̣н̣анааяам̣ бана вимад̇ивинод̣̇анияам̣ (ви. ви. дий. 1.281) ‘‘саб̣б̣агаббияод̇и яат̇аавуд̇д̇асуван̣н̣аад̣̇имаяаанам̣ сзнаасанабаригкаараанам̣ аамасанаг̇обанаад̣̇ивасзна барибхог̇о саб̣б̣ат̇аа габбияод̇и ад̇хиббааяо. д̇знааха ‘д̇асмаа’д̇иаад̣̇и. ‘бхигкуунам̣ д̇хаммавинаяаван̣н̣анадтаанз’д̇и вуд̇д̇ад̇д̇аа сан̇гхигамзва суван̣н̣амаяам̣ сзнаасанам̣ сзнаасанабаригкаараа жа вадданд̇и, на буг̇г̇алигаанийд̇и взд̣̇ид̇аб̣б̣а’’нд̇и ван̣н̣ид̇ам̣.
Samantapāsādikāyampi paṭhamasaṅghādisesavaṇṇanāyaṃ (pārā. aṭṭha. 2.281) ‘‘senāsanaparibhogo pana sabbakappiyo, tasmā jātarūparajatamayā sabbepi senāsanaparikkhārā āmāsā. Bhikkhūnaṃ dhammavinayavaṇṇanaṭṭhāne ratanamaṇḍape karonti phalikatthambhe ratanadāmapaṭimaṇḍite. Tattha sabbupakaraṇāni bhikkhūnaṃ paṭijaggituṃ vaṭṭantī’’ti āgataṃ. Tassā vaṇṇanāyaṃ pana vimativinodaniyaṃ (vi. vi. ṭī. 1.281) ‘‘sabbakappiyoti yathāvuttasuvaṇṇādimayānaṃ senāsanaparikkhārānaṃ āmasanagopanādivasena paribhogo sabbathā kappiyoti adhippāyo. Tenāha ‘tasmā’tiādi. ‘Bhikkhūnaṃ dhammavinayavaṇṇanaṭṭhāne’ti vuttattā saṅghikameva suvaṇṇamayaṃ senāsanaṃ senāsanaparikkhārā ca vaṭṭanti, na puggalikānīti veditabba’’nti vaṇṇitaṃ.
сзнаасанагканд̇хагаван̣н̣анааяамби саманд̇абаасаад̣̇игааяам̣ (жуул̣ава. адта. 320) ‘саб̣б̣ам̣ баасаад̣̇абарибхог̇анд̇и суван̣н̣араж̇ад̇аад̣̇ивижид̇раани гаваадаани ман̃жабийтаани д̇аалаван̣даани суван̣н̣араж̇ад̇амаяабаанийяагхадабаанийяасарааваани яам̣ гин̃жи жид̇д̇агаммагад̇ам̣, саб̣б̣ам̣ ваддад̇и. баасаад̣̇асса д̣̇аасид̣̇аасам̣ кзд̇д̇ам̣ вад̇т̇ум̣ г̇омахим̣сам̣ д̣̇змаад̇и вад̣̇анд̇и, баадзггам̣ г̇ахан̣агижжам̣ над̇т̇и, баасаад̣̇з бадиг̇г̇ахид̇з бадиг̇г̇ахид̇амзва ход̇и. г̇онагаад̣̇ийни сан̇гхигавихаарз ваа буг̇г̇алигавихаарз ваа ман̃жабийтзсу ад̇т̇арид̇ваа барибхун̃ж̇ид̇ум̣ на вадданд̇и, д̇хаммаасанз бана г̇ихивигад̇анийхаарзна лаб̣бханд̇и, д̇ад̇рааби нибаж̇ж̇ид̇ум̣ на ваддад̇ий’’д̇и ааг̇ад̇ам̣. д̇ассаа ван̣н̣анааяам̣ бана вимад̇ивинод̣̇анияам̣ (ви. ви. дий. жуул̣аваг̇г̇а 2.320) ‘‘суван̣н̣араж̇ад̇аад̣̇ивижид̇раанийд̇и сан̇гхигасзнаасанам̣ санд̇хааяа вуд̇д̇ам̣, буг̇г̇алигам̣ бана суван̣н̣аад̣̇ивижид̇рам̣ бхигкусса самбадижчид̇умзва на ваддад̇и ‘на д̇взваахам̣ бхигкавз гзнажи барияааязна ж̇аад̇аруубараж̇ад̇ам̣ саад̣̇ид̇аб̣б̣а’нд̇и (махаава. 299) вуд̇д̇ад̇д̇аа, д̇знзвзд̇т̇а адтагат̇ааяам̣ ‘сан̇гхигавихаарз ваа буг̇г̇алигавихаарз ваа’д̇и на вуд̇д̇ам̣, г̇онагаад̣̇иагаббияабхан̣д̣ависаязва звам̣ вуд̇д̇ам̣, згабхигкуссаби д̇зсам̣ г̇ахан̣з д̣̇осаабхааваа’’д̇и ван̣н̣ид̇ам̣.
Senāsanakkhandhakavaṇṇanāyampi samantapāsādikāyaṃ (cūḷava. aṭṭha. 320) ‘sabbaṃ pāsādaparibhoganti suvaṇṇarajatādivicitrāni kavāṭāni mañcapīṭhāni tālavaṇṭāni suvaṇṇarajatamayapānīyaghaṭapānīyasarāvāni yaṃ kiñci cittakammakataṃ, sabbaṃ vaṭṭati. Pāsādassa dāsidāsaṃ khettaṃ vatthuṃ gomahiṃsaṃ demāti vadanti, pāṭekkaṃ gahaṇakiccaṃ natthi, pāsāde paṭiggahite paṭiggahitameva hoti. Gonakādīni saṅghikavihāre vā puggalikavihāre vā mañcapīṭhesu attharitvā paribhuñjituṃ na vaṭṭanti, dhammāsane pana gihivikatanīhārena labbhanti, tatrāpi nipajjituṃ na vaṭṭatī’’ti āgataṃ. Tassā vaṇṇanāyaṃ pana vimativinodaniyaṃ (vi. vi. ṭī. cūḷavagga 2.320) ‘‘suvaṇṇarajatādivicitrānīti saṅghikasenāsanaṃ sandhāya vuttaṃ, puggalikaṃ pana suvaṇṇādivicitraṃ bhikkhussa sampaṭicchitumeva na vaṭṭati ‘na tvevāhaṃ bhikkhave kenaci pariyāyena jātarūparajataṃ sāditabba’nti (mahāva. 299) vuttattā, tenevettha aṭṭhakathāyaṃ ‘saṅghikavihāre vā puggalikavihāre vā’ti na vuttaṃ, gonakādiakappiyabhaṇḍavisayeva evaṃ vuttaṃ, ekabhikkhussapi tesaṃ gahaṇe dosābhāvā’’ti vaṇṇitaṃ.
д̇асмим̣язва канд̇хагз адтагат̇ааяам̣ (жуул̣ава. адта. 321) ‘‘сажзби рааж̇арааж̇амахаамад̇д̇аад̣̇аяо згаббахаарзнзва ман̃жасад̇ам̣ ваа ман̃жасахассам̣ ваа д̣̇знд̇и, саб̣б̣з габбияаман̃жаа самбадижчид̇аб̣б̣аа, самбадижчид̇ваа вуд̣дхабадибаадияаа сан̇гхигабарибхог̇зна барибхун̃ж̇ат̇аад̇и д̣̇аад̇аб̣б̣аа, буг̇г̇алигавасзна на д̣̇аад̇аб̣б̣аа’’д̇и ааг̇ад̇ам̣. д̇ассаа ван̣н̣анааяам̣язва вимад̇ивинод̣̇анияам̣ ‘‘габбияаман̃жаа самбадижчид̇аб̣б̣аад̇и иминаа суван̣н̣аад̣̇ивижид̇д̇ам̣ агаббияаман̃жам̣ ‘сан̇гхассаа’д̇и вуд̇д̇зби самбадижчид̇ум̣ на ваддад̇ийд̇и д̣̇ассзд̇и, ‘вихаарасса д̣̇змаа’д̇и вуд̇д̇з сан̇гхассзва ваддад̇и, на буг̇г̇аласса кзд̇д̇аад̣̇и вияаад̇и д̣̇адтаб̣б̣а’’нд̇и ван̣н̣ид̇ам̣, д̇асмаа бхаг̇авад̇о аан̣ам̣ самбадижчанд̇зхи лаж̇ж̇ибзсалаб̣ахуссуд̇асигкаагаамабхууд̇зхи бхигкуухи судту манасигаад̇аб̣б̣амид̣̇ам̣ таанам̣.
Tasmiṃyeva khandhake aṭṭhakathāyaṃ (cūḷava. aṭṭha. 321) ‘‘sacepi rājarājamahāmattādayo ekappahāreneva mañcasataṃ vā mañcasahassaṃ vā denti, sabbe kappiyamañcā sampaṭicchitabbā, sampaṭicchitvā vuḍḍhapaṭipāṭiyā saṅghikaparibhogena paribhuñjathāti dātabbā, puggalikavasena na dātabbā’’ti āgataṃ. Tassā vaṇṇanāyaṃyeva vimativinodaniyaṃ ‘‘kappiyamañcā sampaṭicchitabbāti iminā suvaṇṇādivicittaṃ akappiyamañcaṃ ‘saṅghassā’ti vuttepi sampaṭicchituṃ na vaṭṭatīti dasseti, ‘vihārassa demā’ti vutte saṅghasseva vaṭṭati, na puggalassa khettādi viyāti daṭṭhabba’’nti vaṇṇitaṃ, tasmā bhagavato āṇaṃ sampaṭicchantehi lajjipesalabahussutasikkhākāmabhūtehi bhikkhūhi suṭṭhu manasikātabbamidaṃ ṭhānaṃ.
нану жа сзнаасанз вируд̣̇д̇хасзнаасанам̣ наама бадисзд̇хзд̇аб̣б̣ам̣ ад̇т̇и, ат̇а гасмаа ‘‘сзнаасанз гин̃жи бадисзд̇хзд̇аб̣б̣ам̣ над̇т̇ий’’д̇и вуд̇д̇анд̇и жод̣̇анам̣ санд̇хааяааха ‘‘ан̃н̃ад̇ра вируд̣̇д̇хасзнаасанаа’’д̇и. д̇ассад̇т̇о – вируд̣̇д̇хасзнаасанаа вируд̣̇д̇хасзнаасанам̣ ан̃н̃ад̇ра табзд̇ваа ан̃н̃ам̣ ван̣н̣амадтагаммаад̣̇игаммам̣ санд̇хааяа сзнаасанз гин̃жи бадисзд̇хзд̇аб̣б̣ам̣ над̇т̇ийд̇и вуд̇д̇ам̣, на д̇ад̣̇абхаавод̇и. яад̣̇и звам̣ д̇ам̣ вируд̣̇д̇хасзнаасанам̣ аажариязна вад̇д̇аб̣б̣ам̣, гад̇амам̣ вируд̣̇д̇хасзнаасанам̣ наамаад̇и бужчааяамааха ‘‘вируд̣̇д̇ха…бз… вужжад̇ий’’д̇и. д̇ад̇т̇а ан̃н̃зсанд̇и сиймассаамигаанам̣. рааж̇аваллабхзхийд̇и лаж̇ж̇ибзсалаанам̣ убосат̇аад̣̇ианд̇арааяагараа алаж̇ж̇ино бхинналад̣̇д̇хигаа жа бхигкуу ад̇хиббзд̇аа д̇зхи саха убосат̇аад̣̇игаран̣ааяог̇ад̇о. д̇зна жа ‘‘сиймааяаа’’д̇и вуд̇д̇ам̣. д̇зсам̣ лаж̇ж̇ибарисаад̇и д̇зсам̣ сиймассаамигаанам̣ ануб̣алам̣ д̣̇аад̇ум̣ самад̇т̇аа лаж̇ж̇ибарисаа. бхигкуухи гад̇анд̇и яам̣ алаж̇ж̇ийнам̣ сзнаасанабхзд̣̇анаад̣̇игам̣ лаж̇ж̇ибхигкуухи гад̇ам̣, д̇ам̣ саб̣б̣ам̣ сугад̇амзва алаж̇ж̇иниг̇г̇ахад̇т̇ааяа бавад̇д̇зд̇аб̣б̣ад̇о.
Nanu ca senāsane viruddhasenāsanaṃ nāma paṭisedhetabbaṃ atthi, atha kasmā ‘‘senāsane kiñci paṭisedhetabbaṃ natthī’’ti vuttanti codanaṃ sandhāyāha ‘‘aññatra viruddhasenāsanā’’ti. Tassattho – viruddhasenāsanā viruddhasenāsanaṃ aññatra ṭhapetvā aññaṃ vaṇṇamaṭṭhakammādikammaṃ sandhāya senāsane kiñci paṭisedhetabbaṃ natthīti vuttaṃ, na tadabhāvoti. Yadi evaṃ taṃ viruddhasenāsanaṃ ācariyena vattabbaṃ, katamaṃ viruddhasenāsanaṃ nāmāti pucchāyamāha ‘‘viruddha…pe… vuccatī’’ti. Tattha aññesanti sīmassāmikānaṃ. Rājavallabhehīti lajjipesalānaṃ uposathādiantarāyakarā alajjino bhinnaladdhikā ca bhikkhū adhippetā tehi saha uposathādikaraṇāyogato. Tena ca ‘‘sīmāyā’’ti vuttaṃ. Tesaṃ lajjiparisāti tesaṃ sīmassāmikānaṃ anubalaṃ dātuṃ samatthā lajjiparisā. Bhikkhūhi katanti yaṃ alajjīnaṃ senāsanabhedanādikaṃ lajjibhikkhūhi kataṃ, taṃ sabbaṃ sukatameva alajjiniggahatthāya pavattetabbato.
зд̇т̇а жа сияаа – ‘‘ан̃н̃зсам̣ сиймааяаа’’д̇и адтагат̇ааяам̣ вуд̇д̇ам̣, сиймаа наама б̣ахувид̇хаа, гад̇арасиймам̣ санд̇хааяаад̇и? б̣ад̣̇д̇хасиймам̣ санд̇хааяаад̇и д̣̇адтаб̣б̣ам̣. гат̇ам̣ вин̃н̃ааяад̇ийд̇и жз? ‘‘маа амхаагам̣ убосат̇абавааран̣аанам̣ анд̇арааяамагад̇т̇аа’’д̇и адтагат̇ааяамзва вуд̇д̇ад̇д̇аа, саарад̇т̇ад̣̇ийбанияамби (саарад̇т̇а.дий. 2.85) ‘‘убосат̇абавааран̣аанам̣ анд̇арааяагараа алаж̇ж̇ино рааж̇агулуубагаа вужжанд̇ий’’д̇и вуд̇д̇ад̇д̇аа, убосат̇аад̣̇ивинаяагаммакзд̇д̇абхууд̇ааяа зва сиймааяа ид̇ха ад̇хиббзд̇ад̇д̇аа . яад̣̇и звам̣ г̇аамасиймасад̇д̇аб̣бханд̇арасиймауд̣̇агугкзбасиймааяоби д̇ам̣кзд̇д̇абхууд̇аа зва, д̇асмаа д̇ааби санд̇хааяаад̇и вад̇д̇аб̣б̣анд̇и? на вад̇д̇аб̣б̣ам̣ д̇аасам̣ аб̣ад̣̇д̇хасиймад̇д̇аа, на д̇з д̇аасам̣ саамигаа, б̣ад̣̇д̇хасиймааязва бхигкуунам̣ гирияааяа сид̣̇д̇хад̇д̇аа д̇аасам̣язва д̇з саамигаа. д̇зна вуд̇д̇ам̣ ‘‘яам̣ бана сиймассаамигзхи бхигкуухий’’д̇и. яам̣ бана вад̣̇анд̇и ‘‘убажаарасиймааби д̇ам̣кзд̇д̇абхууд̇аа’’д̇и, д̇ам̣ на г̇ахзд̇аб̣б̣ам̣, д̇ассаа д̇ад̣̇агкзд̇д̇абхаавам̣ убари сиймаавинижчаяагат̇аад̣̇ийсу (ви. сан̇г̇а. адта. 156 аад̣̇аяо) гат̇аяиссаама. абижа г̇аамасиймааяа ан̃н̃зсам̣ сзнаасанагаран̣асса бадисзд̇хид̇умаяуд̇д̇ад̇д̇аа сад̇д̇аб̣бханд̇арауд̣̇агугкзбасиймаанан̃жа саб̣б̣ад̣̇аа ад̇идтанад̇о б̣ад̣̇д̇хасиймааязва ад̇хиббзд̇аад̇и вин̃н̃ааяад̇ийд̇и.
Ettha ca siyā – ‘‘aññesaṃ sīmāyā’’ti aṭṭhakathāyaṃ vuttaṃ, sīmā nāma bahuvidhā, katarasīmaṃ sandhāyāti? Baddhasīmaṃ sandhāyāti daṭṭhabbaṃ. Kathaṃ viññāyatīti ce? ‘‘Mā amhākaṃ uposathapavāraṇānaṃ antarāyamakatthā’’ti aṭṭhakathāyameva vuttattā, sāratthadīpaniyampi (sārattha.ṭī. 2.85) ‘‘uposathapavāraṇānaṃ antarāyakarā alajjino rājakulūpakā vuccantī’’ti vuttattā, uposathādivinayakammakhettabhūtāya eva sīmāya idha adhippetattā . Yadi evaṃ gāmasīmasattabbhantarasīmaudakukkhepasīmāyopi taṃkhettabhūtā eva, tasmā tāpi sandhāyāti vattabbanti? Na vattabbaṃ tāsaṃ abaddhasīmattā, na te tāsaṃ sāmikā, baddhasīmāyeva bhikkhūnaṃ kiriyāya siddhattā tāsaṃyeva te sāmikā. Tena vuttaṃ ‘‘yaṃ pana sīmassāmikehi bhikkhūhī’’ti. Yaṃ pana vadanti ‘‘upacārasīmāpi taṃkhettabhūtā’’ti, taṃ na gahetabbaṃ, tassā tadakkhettabhāvaṃ upari sīmāvinicchayakathādīsu (vi. saṅga. aṭṭha. 156 ādayo) kathayissāma. Apica gāmasīmāya aññesaṃ senāsanakaraṇassa paṭisedhitumayuttattā sattabbhantaraudakukkhepasīmānañca sabbadā atiṭṭhanato baddhasīmāyeva adhippetāti viññāyatīti.
чинд̣̇аабзяяа ваа бхинд̣̇аабзяяа ваа, анубаваж̇ж̇од̇и ид̣̇ам̣ саб̣б̣амад̇д̇игаамаяагудий вияа саб̣б̣ат̇аа анубаяог̇аарахам̣ санд̇хааяа вуд̇д̇ам̣. яам̣ бана бан̃жаван̣н̣асуд̇д̇зхи винад̣̇д̇хачад̇д̇аад̣̇игам̣, д̇ад̇т̇а агаббияабхааг̇ова чинд̣̇ид̇аб̣б̣о, на д̇ад̣̇авасзсо, д̇асса габбияад̇д̇аад̇и чинд̣̇анд̇о убаваж̇ж̇ова ход̇и. д̇знзва вуд̇д̇ам̣ ‘‘гхадагамби ваал̣аруубамби чинд̣̇ид̇ваа д̇хаарзд̇аб̣б̣а’’нд̇иаад̣̇и.
Chindāpeyya vā bhindāpeyya vā, anupavajjoti idaṃ sabbamattikāmayakuṭī viya sabbathā anupayogārahaṃ sandhāya vuttaṃ. Yaṃ pana pañcavaṇṇasuttehi vinaddhachattādikaṃ, tattha akappiyabhāgova chinditabbo, na tadavaseso, tassa kappiyattāti chindanto upavajjova hoti. Teneva vuttaṃ ‘‘ghaṭakampi vāḷarūpampi chinditvā dhāretabba’’ntiādi.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
баригкааравинижчаяагат̇аалан̇гааро наама
Parikkhāravinicchayakathālaṅkāro nāma
д̣̇уд̇ияо барижчзд̣̇о.
Dutiyo paricchedo.
