| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
7. сзкияаган̣д̣ам̣
7. Sekhiyakaṇḍaṃ
1. бариман̣д̣алаваг̇г̇а-ад̇т̇аяож̇анаа
1. Parimaṇḍalavagga-atthayojanā
сигкид̇асигкзна д̇ийсу сигкаасу жад̇уухи маг̇г̇зхи сигкид̇асигкзна д̇аад̣̇инаа адтахи логад̇хаммзхи агамбияадтзна д̇аад̣̇инаа, идтаанидтзсу ваа авигаарадтзна д̇аад̣̇инаа бхаг̇авад̇аа яаани сигкаабад̣̇аани ‘‘сзкияааний’’д̇и бхаасид̇аани, д̣̇аани д̇зсамби сигкаабад̣̇аанам̣ аяамби ван̣н̣анааггамо бхавад̇ийд̇и яож̇анаа.
Sikkhitasikkhena tīsu sikkhāsu catūhi maggehi sikkhitasikkhena tādinā aṭṭhahi lokadhammehi akampiyaṭṭhena tādinā, iṭṭhāniṭṭhesu vā avikāraṭṭhena tādinā bhagavatā yāni sikkhāpadāni ‘‘sekhiyānī’’ti bhāsitāni, dāni tesampi sikkhāpadānaṃ ayampi vaṇṇanākkamo bhavatīti yojanā.
576. д̇ад̇т̇аад̇и сзкияасигкаабад̣̇зсу, ад̇т̇о звам̣ взд̣̇ид̇аб̣б̣од̇и яож̇анаа. ‘‘саманд̇ад̇о’’д̇ииминаа барид̇яуубасаг̇г̇ассад̇т̇ам̣ д̣̇ассзд̇и. ‘‘наабхиман̣д̣алам̣ ж̇аан̣уман̣д̣ала’’нд̇и зд̇т̇а уд̣̇д̇хам̣сад̣̇д̣̇о жа ад̇хосад̣̇д̣̇о жа аж̇жхаахарид̇аб̣б̣од̇и ааха ‘‘уд̣̇д̇ха’’нд̇иаад̣̇и. адтан̇г̇уламад̇д̇анд̇и бхааванабум̣сагам̣, ниваасзд̇аб̣б̣анд̇и самб̣анд̇хо. д̇ад̇од̇и адтан̇г̇уламад̇д̇ад̇о. яат̇аа бадижчаннам̣ ход̇и, звам̣ ниваасзнд̇ассаад̇и яож̇анаа. д̇ад̇рид̣̇ам̣ бамаан̣анд̇и д̇асса ниваасанасса ид̣̇ам̣ бамаан̣ам̣. д̇аад̣̇исассаад̇и д̣̇ийгхад̇о мудтибан̃жагасса д̇ирияам̣ ад̣дхад̇зяяахад̇т̇асса ниваасанасса. ж̇аан̣уман̣д̣алам̣ бадижчаад̣̇анад̇т̇ам̣ ваддад̇ийд̇и яож̇анаа. д̇ад̇т̇аад̇и жийварзсу. на д̇идтад̇ийд̇и вирал̣ад̇д̇аа на д̇идтад̇и. д̇идтад̇ийд̇и гханад̇д̇аа д̇идтад̇и.
576.Tatthāti sekhiyasikkhāpadesu, attho evaṃ veditabboti yojanā. ‘‘Samantato’’tiiminā parityūpasaggassatthaṃ dasseti. ‘‘Nābhimaṇḍalaṃ jāṇumaṇḍala’’nti ettha uddhaṃsaddo ca adhosaddo ca ajjhāharitabboti āha ‘‘uddha’’ntiādi. Aṭṭhaṅgulamattanti bhāvanapuṃsakaṃ, nivāsetabbanti sambandho. Tatoti aṭṭhaṅgulamattato. Yathā paṭicchannaṃ hoti, evaṃ nivāsentassāti yojanā. Tatridaṃ pamāṇanti tassa nivāsanassa idaṃ pamāṇaṃ. Tādisassāti dīghato muṭṭhipañcakassa tiriyaṃ aḍḍhateyyahatthassa nivāsanassa. Jāṇumaṇḍalaṃ paṭicchādanatthaṃ vaṭṭatīti yojanā. Tatthāti cīvaresu. Na tiṭṭhatīti viraḷattā na tiṭṭhati. Tiṭṭhatīti ghanattā tiṭṭhati.
ниваасзнд̇асса жаад̇изд̇т̇а жасад̣̇д̣̇о авад̇хааран̣ад̇т̇о, ниваасзнд̇ассзваад̇и ад̇т̇о. гзвалам̣ звам̣ ниваасзнд̇ассзва д̣̇уггадам̣ на ход̇и, ат̇а ко д̇ат̇аа ниваасзнд̇ассааби д̣̇уггадамзваад̇и яож̇анаа. яз бана ниваасанад̣̇осаад̇и самб̣анд̇хо. ан̃н̃зд̇и бурад̇о жа бажчад̇о жа оламб̣зд̇ваа нивасанад̇о ан̃н̃з . д̇з саб̣б̣зд̇и саб̣б̣з д̇з ниваасанад̣̇осаа. зд̇т̇аад̇и имасмим̣ вибхан̇г̇з. д̇ад̇т̇зваад̇и канд̇хагзязва.
Nivāsentassa cātiettha casaddo avadhāraṇattho, nivāsentassevāti attho. Kevalaṃ evaṃ nivāsentasseva dukkaṭaṃ na hoti, atha kho tathā nivāsentassāpi dukkaṭamevāti yojanā. Ye pana nivāsanadosāti sambandho. Aññeti purato ca pacchato ca olambetvā nivasanato aññe . Te sabbeti sabbe te nivāsanadosā. Etthāti imasmiṃ vibhaṅge. Tatthevāti khandhakeyeva.
асан̃жижжа ниваасзнд̇асса анаабад̇д̇ийд̇и самб̣анд̇хо. зсзва наяо ‘‘асад̇ияаа’’д̇и зд̇т̇ааби. аж̇аананд̇ассаад̇и зд̇т̇а аж̇аананам̣ д̣̇увид̇хам̣ ниваасанавад̇д̇асса аж̇аананам̣, ааруул̣хоруул̣хабхаавасса аж̇аанананд̇и. д̇ад̇т̇а ааруул̣хоруул̣хабхаавасса аж̇аананам̣ санд̇хааяа вуд̇д̇ам̣ ‘‘аж̇аананд̇ассаа’’д̇и д̣̇ассзнд̇о ааха ‘‘аж̇аананд̇ассаад̇и зд̇т̇аа’’д̇иаад̣̇и. хийд̇и сажжам̣. д̇ассаад̇и ниваасанавад̇д̇асса. ассаад̇и бхигкуно. д̇ам̣ банаад̇и аабад̇д̇ид̇о амогканам̣ бана. д̇асмаад̇и яасмаа яуж̇ж̇ад̇и, д̇асмаа. яод̇и бхигку. гурунд̣̇ияам̣ вуд̇д̇анд̇и самб̣анд̇хо. сугкаа ж̇ан̇гхаа имассаад̇и сугкаж̇ан̇гхо. маханд̇ам̣ бин̣д̣игамам̣сам̣ имассаад̇и махаабин̣д̣игамам̣со. д̇ассаад̇и бхигкусса.
Asañcicca nivāsentassa anāpattīti sambandho. Eseva nayo ‘‘asatiyā’’ti etthāpi. Ajānantassāti ettha ajānanaṃ duvidhaṃ nivāsanavattassa ajānanaṃ, ārūḷhorūḷhabhāvassa ajānananti. Tattha ārūḷhorūḷhabhāvassa ajānanaṃ sandhāya vuttaṃ ‘‘ajānantassā’’ti dassento āha ‘‘ajānantassāti etthā’’tiādi. Hīti saccaṃ. Tassāti nivāsanavattassa. Assāti bhikkhuno. Taṃ panāti āpattito amokkhanaṃ pana. Tasmāti yasmā yujjati, tasmā. Yoti bhikkhu. Kurundiyaṃ vuttanti sambandho. Sukkhā jaṅghā imassāti sukkhajaṅgho. Mahantaṃ piṇḍikamaṃsaṃ imassāti mahāpiṇḍikamaṃso. Tassāti bhikkhussa.
ван̣од̇и ару. д̇ан̃хи ван̣ад̇и г̇ад̇д̇авижун̣н̣анам̣ гарод̇ийд̇и ван̣од̇и вужжад̇и. ваал̣амиг̇аа ваа жораа ваад̇и зд̇т̇а ваасад̣̇д̣̇о авуд̇д̇асамбин̣д̣анад̇т̇о, д̇зна ан̃н̃ааби уд̣̇агажигкаллаад̣̇аяо аабад̣̇аа сан̇г̇аяханд̇и.
Vaṇoti aru. Tañhi vaṇati gattavicuṇṇanaṃ karotīti vaṇoti vuccati. Vāḷamigā vā corā vāti ettha vāsaddo avuttasampiṇḍanattho, tena aññāpi udakacikkhallādayo āpadā saṅgayhanti.
577. ид̇хаад̇и имасмим̣ вибхан̇г̇з, сигкаабад̣̇з ваа. убхо ган̣н̣зд̇и бурад̇о жа бажчад̇о жа ниг̇г̇ад̇з д̣̇вз ган̣н̣з. ависзсзнаад̇и ‘‘анд̇арагхарз’’д̇и жа ‘‘аараамз’’д̇и жа висзсам̣ агад̇ваа сааман̃н̃зна. вихаарзбийд̇и сан̇гхасаннибаад̇аб̣уд̣̇д̇хубадтаанат̇зрубадтаанаад̣̇игаалам̣ санд̇хааяа вуд̇д̇ам̣.
577.Idhāti imasmiṃ vibhaṅge, sikkhāpade vā. Ubho kaṇṇeti purato ca pacchato ca niggate dve kaṇṇe. Avisesenāti ‘‘antaraghare’’ti ca ‘‘ārāme’’ti ca visesaṃ akatvā sāmaññena. Vihārepīti saṅghasannipātabuddhupaṭṭhānatherupaṭṭhānādikālaṃ sandhāya vuttaṃ.
578. гааязгад̣̇зсз гааяасад̣̇д̣̇о вад̇д̇ад̇ийд̇и ааха ‘‘ж̇аан̣умби урамбий’’д̇и. ‘‘на сийсам̣ бааруд̇знаа’’д̇ииминаа ‘‘суббадижчаннзнаа’’д̇ибад̣̇асса ад̇иб̣яаабид̇ад̣̇осам̣ бадигкибад̇и. г̇ан̣тиганд̇и баасо. со хи г̇ант̇зд̇и б̣анд̇хад̇ийд̇и ваа, г̇ант̇зд̇и б̣анд̇хад̇и зд̇т̇аад̇и ваа гад̇ваа г̇ант̇игод̇и вужжад̇и. нт̇агаарасса ваан̣тагаарз гад̇з г̇ан̣тиго, д̇ам̣ г̇ан̣тигам̣ бадимун̃жид̇ваа. убхо ган̣н̣зд̇и жийварасса д̣̇вз гон̣з. г̇алаваадагад̇од̇и зд̇т̇а г̇алод̇и ган̣то. со хи каж̇ж̇абхож̇ж̇алзяяабзяяасан̇каад̇ам̣ жад̇уб̣б̣ид̇хам̣ асанам̣ г̇алад̇и банно худ̇ваа гужчияам̣ бад̇ад̇и ид̇од̇и г̇алод̇и вужжад̇и. ааваадоязва куд̣̇д̣̇агадтзна ааваадаго, куд̣̇д̣̇агад̇т̇з го. г̇алз тид̇о ааваадаго г̇алаваадаго. агаарад̇о хи аагаарасса лобо ‘‘баба’’нд̇иаад̣̇ийсу (ж̇аа. 1.1.2) вияа. зд̇т̇а хи бааабанд̇и бад̣̇ажчзд̣̇о, агаарад̇о аагаарасса жа лобо. бавад̣̇д̇хам̣ аабам̣ бабам̣, маханд̇ам̣ уд̣̇аганд̇и ад̇т̇о. сийсам̣ виварид̇ваад̇и самб̣анд̇хо.
578. Kāyekadese kāyasaddo vattatīti āha ‘‘jāṇumpi urampī’’ti. ‘‘Na sīsaṃ pārutenā’’tiiminā ‘‘suppaṭicchannenā’’tipadassa atibyāpitadosaṃ paṭikkhipati. Gaṇṭhikanti pāso. So hi gantheti bandhatīti vā, gantheti bandhati etthāti vā katvā ganthikoti vuccati. Nthakārassa vāṇṭhakāre kate gaṇṭhiko, taṃ gaṇṭhikaṃ paṭimuñcitvā. Ubho kaṇṇeti cīvarassa dve koṇe. Galavāṭakatoti ettha galoti kaṇṭho. So hi khajjabhojjaleyyapeyyasaṅkhātaṃ catubbidhaṃ asanaṃ galati panno hutvā kucchiyaṃ patati itoti galoti vuccati. Āvāṭoyeva khuddakaṭṭhena āvāṭako, khuddakatthe ko. Gale ṭhito āvāṭako galavāṭako. Akārato hi ākārassa lopo ‘‘papa’’ntiādīsu (jā. 1.1.2) viya. Ettha hi paāpanti padacchedo, akārato ākārassa ca lopo. Pavaddhaṃ āpaṃ papaṃ, mahantaṃ udakanti attho. Sīsaṃ vivaritvāti sambandho.
579. ваасам̣ убаг̇ад̇од̇и ваа ваасзна убаг̇ад̇од̇и ваа ад̇т̇ам̣ бадигкибанд̇о ааха ‘‘ваасад̇т̇ааяа убаг̇ад̇ассаа’’д̇и.
579. Vāsaṃ upagatoti vā vāsena upagatoti vā atthaṃ paṭikkhipanto āha ‘‘vāsatthāya upagatassā’’ti.
580. хад̇т̇абаад̣̇з агийл̣анд̇о сусам̣вуд̇о наамаад̇и д̣̇ассзнд̇о ааха ‘‘хад̇т̇ам̣ ваа баад̣̇ам̣ ваа агийл̣аабзнд̇о’’д̇и.
580. Hatthapāde akīḷanto susaṃvuto nāmāti dassento āha ‘‘hatthaṃ vā pādaṃ vā akīḷāpento’’ti.
582. огкид̇д̇ажагкууд̇и зд̇т̇а осад̣̇д̣̇о хздтаабарияааяод̇и ааха ‘‘хздтаа кид̇д̇ажагкуу’’д̇и. ‘‘худ̇ваа’’д̇ииминаа гирияаависзсанабхаавам̣ д̣̇ассзд̇и. яуг̇аяуд̇д̇агод̇и яуг̇з яуд̇д̇аго. д̣̇амияид̇т̇аад̇и д̣̇анд̇о. аабхусо ж̇аанаад̇и гааран̣аагааран̣анд̇и ааж̇аанзяяо. зд̇д̇аганд̇и жад̇ухад̇т̇абамаан̣ам̣. яо г̇ажчад̇и, асса бхигкуно д̣̇уггадаа аабад̇д̇и ход̇ийд̇и яож̇анаа. ‘‘бариссаяабхаава’’нд̇и жа ‘‘бариссаяаабхаава’’нд̇и жа д̣̇вз баатаа яуж̇ж̇анд̇иязва.
582.Okkhittacakkhūti ettha osaddo heṭṭhāpariyāyoti āha ‘‘heṭṭhā khittacakkhū’’ti. ‘‘Hutvā’’tiiminā kiriyāvisesanabhāvaṃ dasseti. Yugayuttakoti yuge yuttako. Damiyitthāti danto. Ābhuso jānāti kāraṇākāraṇanti ājāneyyo. Ettakanti catuhatthapamāṇaṃ. Yo gacchati, assa bhikkhuno dukkaṭā āpatti hotīti yojanā. ‘‘Parissayabhāva’’nti ca ‘‘parissayābhāva’’nti ca dve pāṭhā yujjantiyeva.
584. ид̇т̇амбхууд̇алагкан̣зд̇и имам̣ багаарам̣ ид̇т̇ам̣ жийваругкибанам̣, бхавад̇и г̇ажчад̇ийд̇и бхууд̇о, бхигку. лагкийяад̇и анзнаад̇и лагкан̣ам̣, жийварам̣. ид̇т̇ам̣ бхууд̇о ид̇т̇амбхууд̇о, д̇асса лагкан̣ам̣ ид̇т̇амбхууд̇алагкан̣ам̣, д̇асмим̣. гаран̣аважанам̣ д̣̇адтаб̣б̣анд̇и яож̇анаа. ид̇т̇амбхууд̇алагкан̣ам̣ наама гирияаависзсанасса сабхаавод̇и ааха ‘‘згад̇о ваа…бз… худ̇ваад̇и ад̇т̇о’’д̇и. анд̇оинд̣̇акийлад̇од̇и г̇аамасса анд̇оинд̣̇акийлад̇од̇и. батамо ваг̇г̇о.
584.Itthambhūtalakkhaṇeti imaṃ pakāraṃ itthaṃ cīvarukkhipanaṃ, bhavati gacchatīti bhūto, bhikkhu. Lakkhīyati anenāti lakkhaṇaṃ, cīvaraṃ. Itthaṃ bhūto itthambhūto, tassa lakkhaṇaṃ itthambhūtalakkhaṇaṃ, tasmiṃ. Karaṇavacanaṃ daṭṭhabbanti yojanā. Itthambhūtalakkhaṇaṃ nāma kiriyāvisesanassa sabhāvoti āha ‘‘ekato vā…pe… hutvāti attho’’ti. Antoindakhīlatoti gāmassa antoindakhīlatoti. Paṭhamo vaggo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. бариман̣д̣алаваг̇г̇о • 1. Parimaṇḍalavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
